نرجعو مرة اخري الى كندا في ضيافة فيفي برنساس

[imane27]

اممممممممممممممم ياسهام راكى شهيتينا او مكليت والو قامو بيه بيه ابتسام وحسينة
كلش هايل ويشهى يعطيك الصحة ودورك رانى متكية على الفتاي ونستنا تلكموند يتلقوها
الله يعطيك صحيحتك وقفة ساهلة انشاء الله

 

[أم ندى]

انا راهم يقطرولي في لما قريب نروح فيها

بصح كي لقيت الطوابل الله الله عليها حليت عين وبقات عين مسكرة مي كي ذقت الماكلة والبنة فتحت وصحصحت وكل الغدد التي كانت نائمة ومتعبة ومرهقة بسسب التقشف والجوع الي صابنا هنا في المطبخ انتفضت وصحيت واطلقت العنان للهجوم على المائدة بصح ابتسام راهي حنينة خلاتلي بابور نتاع بطاطا خباتولي بيستون

يعطيك الصحة ختي لعزيزة سومو ربي يباركلك في رزقك والنعمة ويحفظها من الزوال يا رب

كلشي رائع وتحفة من الصالون الي يشرح النفس


للعصير والقاطو

للسلطات سواءا الخضراء او الماسيدوان

للشربة لمحرحرة

الة لبابر نتاع الباطاطا الى الفيلي

الى الخد بخد الله عليك حتا الديسير وفن

صومو وينو الخبز راني منشبعش بلا بيه ههههههه


يعطيك الصحة يا لحرة
رغم مرضك وتعبك الا انك كنتي قدها وقدود ومخليتيناش للشر

​

 

[ندى الورود]

صومو حبيبتي لي عودة للرد الكونيكسيون هبلتني وما خلاتنيش تكتب براحتي

​

 

[ام ريهام]

يعطيك الصحة حبيبتي سهام راكي قمت بالعرضة كيما يلزم ربي يقوي عليك الخير

 

[ندى الورود]

السلام عليكم

صومو يا صومو الله الله عليه كل شي هايل
للجاري فريك المحرحر امممممممم يبان يشهي
للقوارب للكويس تاع الداند الفارسي للسلطات للفاكهة هزيت الباكور نموت عليه
طلعتي حامل وأنا آخر من يعلم حتى شفت حدة حطت الصورة باش فهمت
ايا مبروووووووووووك عليك وربي يجعلك وقفة ساهلة إن شاء الله
وسامحينا تعبناك

​

 

[samah06]

سهام الله الله عليك كل شيء يشهي ربي يحفضك ويخليلك هادوك اليدين باه تبدعي اكثر
ومبروك الحمل والله يقومك بخير وعلى خير ويكبر في طاعة ربي وطاعة والديه
امالا انا وانت نزيدو مع بعض
انا راني من كثر ما عجبني اسم رائد وصورتو اللي مع الدخلة للورطة نلقاها تمنيت نجيب طفل ونسميه رائد
انا حملي مشكوك فيه اذا يكمل
ربي يحفضلك انت حملك
واسمحيلنا تعبناك وربي معاك جايك رمضان
شوفي نخمم عليك ونسيت روحي
الحاج معلبلوش بالحمل نستنا فيه حتى يروح ونقولو راه قريب يجي يصوم رمضان

 

[hadda0425]

صباح الخيرات البنات
ابتسام تيليكومند راهي على يدك ليمنة و تعيشي حنونة
برنساس اللمة اهلين و سهلين بيك حتى انا ما عندي حاجة في لاتاي ههههههه على هاديك منعرفش نديرو تعيشي حنونة
سميرة مام لا ماخلاتش ابتسام نزيد نطيب لحنونتي ماشي خسارة فيها
و انتم لي اسمحولي طولت عليكم بصح جابلي ربي راكم عرفتو علاه فضحتني حدة و زادت كملت عليها ابتسام
راني حامل و الوحم بهدلني الله لا يشوفكم

هههه سهام شتينا نحكمو حاجة :d
بصح راك قمتي بينا الله يبارك
حوايج خفاف وبنان ومستكيين ربي يبارك عليك و يعطيك الصحة
وربي يكملك على خير وتفرحي بمولودك

​

 

[somo_81]

تعيشو البنات و الله اخجلتو تواضعنا حاجة خفيفة برك تمنيت نتورط و انا فارغة ههههههههه باش تقوم بيكم خير من هكدا عاودوها بعد ما نولد
ندى الورود حبيبتي راه عندي شهر برك ملي عرفت روحي حامل ماشي انتي اخر من يعلم حبيبتي تعرفيني نشيتك
سماح اختي ان شاء الله يثبت حملك و يرزقك بلي تتمنايه
هيا نروط ولا مازال كشما تزيدو تعليقات حلوين :$:p:p

 

[samah06]

هيا سهام حنونة ورطيلنا كاش فحلة
وبالاك تورطيني انا
راني وحدي في ورطة
اليوم برك نحيت يديا من القاطوات ذرك راني مع الميناج راني تعبت جبت غير فنجال قهوة حفيان وحبيت نشربو مع حباباتي

 

[ام رحاب]

السلام عليكم ورحمة الله تعالى وبركاته

أنار الله يومكم بنور الايمان وحفكم بعين لاتنام

وانعم عليكم بحبه ورضاه وزادكم تقوى ورفع قدركم

أسعد أيامكم ورضي عنكم وتقبل منكم ...آمين


يالله سومو رانا جبنا السمانة غي هنا يالله حصلينا وحدة اخرى المطبخ راه ني ني ني​

 

[somo_81]

صباح الخيرات البنات
اليوم ان شاء الله نورط وحدة و انتم قع تعرفوها بخفة دمها و حلاوتها و شطارتها و نعيطولها برنساس اللمة راكو قع عرفتوها

برنساس فيفي

 

[mimi53]

اوووووووووووووووووه شحال حالة البرانسيسة ديالنا على العام برانساس اليوم تدخل للكوزينة تشمر على يديها توريلنا الزينة واش ادير
هي مرا و 1/2 و 25 واليوم مع دخلتها للكوزينة واش رايحة تولي
نخليكم مع المفاجعة ديالها هههههههههه
صومو تعرفي تنقي مع الحمل وجايبة خبر الله يبارك ربي يكملك بخير وعلى خير يارب
برانسيسة قود لاك حنونة ونعرفك قدها وقدود

 

[samah06]

يا عمري على فيفي ورطوها
علبالي بلي فحلة ونص و25امالا نقولك بون كوراج حنونة

 

[ندى الورود]

ايا يا برانسيس اتحفينا بأطباقك البنينة
الشعب يريد الأكل
​

 

[serinee]

اوووووووووووووووه لوين راني معروضيين عند البرنسيسة
يا البرنسيسة وجدي روحك راهم جاينك البرانسيسات
​

 

[prncess fifi]

بباقة من ورود المحبة
استقبل موكب قدومكم الميمون
اليا في بيتي المتواضع
:love01::love01::love01:​

مرسي كتير لبنات والله غير حشمتوني بالكلمات الحلوى تاعكم
ان شاء الله ربي يوفقني واكون عند حسن ظنكم
لي عودة ان شاء الله​

 

[samah06]

صباح الخيي لبنات
برانساس شكرا ليك لترحيبك بينا حنونة وقوليلنا حنونة واش احوال الطقس عندكم باه ندير حسابي

 

[نور الرحمان]

ايا فيفي بالتوفيق انشاء الله

 

[روعة2005]

الله يبارك سهام واش هذه الخيرات والمسرات ربي يزيدك من نعيمو ويعطيك ماتتمناي ويسرلك حملك ياااارب
====
ونرحب بالغالية الفحلولة فيفي هلت الانوار فيفي الغالية

 

[imane27]

مرحبا بينا عندك فيفى رانا نستناو ما تبطايش علينا