نرجعو مرة اخري الى كندا في ضيافة فيفي برنساس

[hadda0425]

وبديتو تزردو طبيعتكم ههههههههههههه
هذا الجاج محمر لي درتو وحشيتو بالروز

هادو شوية برم ومقلات ههههه
وهادي سفيرية الكفتة والبطاطا

ماتردوش
​

 

[hadda0425]

علبالي جعتو الله غالب يد وحدة ما تسفق
خلاص الصابر ينال هههه
ايا بسم الله

وهذا الحار للاحباب ههههه حبهم حار :p

سفيرية بالكفتة والبطاطا

طاجين لحلو مدام رانا في عرس :p

الجاج محمر

ماتردوش كولول سع :p


​

 

[hadda0425]

ندوش صبرت صبرت وروحت بلا عشا رجعوها تتعشى هههههههه
​

 

[imane27]

حدة رانا فطرنا متعشيناش معليش المهم طيبتيلنا يعكيك الصحة
شفتى تقطاع فى مولات لعرس كاين كاين هههههههههههه
خيرة وبسومة يالاه نرجعو لديارنا رانا روطار كثر خير حدة قامت بالواجب

 

[hadda0425]

يا سيدي كليتو شبعتو
دك نجيبلكم تحليو هههه ديرو الطاقة لي ودرتوها البارح على الباب ههههههههه على الحكايات والتمنشير

كاوكاو محلي وفوندو وحلوة الترك وحلوة لولادكم

تارتولات شريتهم مخدومين وحشيتم انا بالكريم باتسيير وزينتهم بالفراولة والموز وسقيتهم بشاربات الفراولة وما زهر وليمون

ومن بعد جبتلكم الموكا وقاطو ومكسرات تخدمو اسنانكم وتحبسو لسانكم ههههه:p

ماتردوش اصبرو
​

 

[ام انس الحبيب]

ينساك الهم ان شاء الله

​

ههههههههههههههه
الله ايجازيك ندوش وعلاه ياختي حرام عليك
ما نجي نكمل التروسو غير العمر فنى
ههههههههههههههههههههههه
والله نحبك
​

 

[hadda0425]

وهذا الرفيس سبيسيال للعروسة ممنوع عليها الفلفل الحار ههههههه
حنا في سيرتنا نديرة الرفيس نهار الصباح تع العروسة

ما تردوش ههههههههه
​

 

[ام انس الحبيب]

الله ايحلي ايامك يا حدة
ربي يجعل الخير دايم
​

 

[hadda0425]

شوفو شكون هادي لي ما قاومتش وخرجت تشطح هههههه
هيا تقطعت البنديرة وتفرقو المداحة هههههههه
احكمو طريق التل ههههه
شكون هادي لي نسات سبادري اون طالون تاعها في الطارة هههههه

​

 

[imane27]

ههههههههههههه حدة قتلتينى بالضحك ديجا صبحتيها عفاف
يعطيك الصحة ياسيدى راكى فووووووووور

 

[nada242008]

وضرك نردو ؟ قصدي نبداو هههه

يا حدة واشي هاذا الله يبارك ويزيد عرس متول والله قد ما صبرنا قد ما تهليتي فينا
تحية كبيرة للراجل الصغير لي حاكم بلاصة باباه وراح يقضيلكم وقضا على الميزانية بالكيندر ههههههه
دجاجة تشهي امممممممم طايبة على البخار والكفتة ولا الفلافل مكسلين اممممممممممم
والتارتولات والمكسرات والحلاوي يعطيك الف صحة
والرفيس كور وديكور ربي يبارك
يعطيك الصحة حدة على العرضة الحااااارة ربي يكبر بيك ويديم النعمة

​

 

[ام انس الحبيب]

بوح المشاعر .. و لو بحبوووحتي ♥ ربي يخليك ليا و للمة يا الغالية

ام انس الحبيب وانا نمووت عليك حبيبتي .. ♥
شكرااا لتشجيعك محبوووبة قلبي ..

// درك نروح نقول لماما سايي غادي نحمرلك وجهك عد نسابك
بسكو راهي خايفة ههههههه

عفووووفة

ام ندوش هههههههههههه و الله قتلتيني بالضحك سيرتو خاتم عفاف

خاتم شبيب و عليه الكلااام بالباراكة عليك هههههههه
​

ربي يخليك حبوبة بيانسuر تحمري الوجه
ونص راكي سرسورة الغالية ربي يزين سعدك
و يبعثلك السعد الباهي ان شاء الله
​

 

[ام ريهام]

يعطيك الصحة ياحدود والله راك قمت بيها خمسة وخموس عليك حتى واني مانيش معروضة بصح ماعليش بلاك كاش نهار تتفكرني واحدة وتعرضني
راكي قمت بالعرس من كلشي من اللاطباق الملحة الى الحلوة بصح شد انتباهي في الحلويات هذيك الحلوة الصغيرة لي جي محببة وعلى الوان تعرفي شحال عندي ما شفتها والله ملي كانت بدينار واحد نشري 5 حبات فكرتيني بايام زمان.......... ربي يعطيك ما تتمناي ويعطيك صحتك

 

[hadda0425]

طبعا العروسة عفاف والعريس ميييييييييييين
ويبقى السؤال مطروح والقصة مفتوحة هههههه

دك نروح نكمل التنظيف ونصلي

ونروح ونتفرج المسلسل ومن بعد نرجع نرد عليكم حباباتي ونشوف وين نعرسو هههههههه

​

 

[ام انس الحبيب]

الله ايجازيك بالخير يا نوارة اللمة
والله غير ضحكتيني ......الله يسترنا
​

 

[shahrazad]

ياااا حدة قالك الي يصبر يناال تع الصح ههههه
اممممممم واش نقولك ماخليتي والوو يعطيك الف صحة وعافية كلشي بالطبع والله عرس تع الصح
ديك السفرية شحال عندي ماكليتهاش يعطيك الصحة راني رايحة ندير حالة فيها اليوم
ولا الجاجة المحشية راهم زدمو عليها الله يستر ههههه
ولا الموكا وتارتولات امممممم
والرفيس راه تع عفاف مانمسوهش بصح متول الله الله
الله يكثر خييركم حدودتي
​

 

[somo_81]

الله الله عليك يا حدة عرس تاع الصح و ربي يحفظلك الرويجل لي قظالك و منساش الكيندر تاعو ههههههه
كلش شهاني يعطيك الصحة بصح وينها العروسة مدخلت شافت قفطانها و ماشفت عرسها لي فض

 

[نور الرحمان]

ايا ابدا لعرس

 

[نور الرحمان]

هههههههههههههههه
بديت عرس بلا مانشوف واش درتي
اللله عليك ياحدة نعرفك شاطرة اماخليتي مادرتي يعني قمتي بينا ربي يحفضك
عمرت كرشي ونسيت صباطي ههههههه

 

[s_luna]

مساء الخيييير عليكم
بما أنّي شفت صورتي مع أهل العريس راني زدمت ( فضحتيني يا أمّ ندى هيهيهي :d )

أختي حدة عرضة من لكبار الله يبارك متولة من كلّش اممممم ريوgي سالو :d ،، ما شاء الله
يعطيك الصحّة و الله يدوّمها نعمة
هههههه راني مية بالضحك ،، ربّي يهنّيك أختي عفاف تتهنّاي إن شاء الله شبعتي قفاطن و خواتم :p
​