نرجعو مرة اخري الى كندا في ضيافة فيفي برنساس

[somo_81]

ام ندوش و لويزة حرام عليكم الحمد الله مانيش نتوحم هههههههههههههه
سهام على حساب الحطة راح تخليلي انا حقك راني اكثر من ابتسام خفت نطلع فوق الميزان لا نكسرو :$

 

[نور الرحمان]

راكي تسناي فينا حتى نرقدو باش تحطي عشاك ايا تبقاي على خير

 

[imane27]

سلام لبنات علبالى بلى بطيت عليكم معليش كل تاخيرة فيها خيرة ههههههه
المهم بارك الله فيكم على الورطة وزهينا فيها كى العادة
رانى مكسيت بين الجزائرى وامريكى واطالى طل انواع
نسبق بلى ورطتنى نحطلها هاد تبسي تموت عليه

وهاد سلمون

وثالت طبق هوا طبيخة تاع لفول وقرنون وجلبانة

وهاد ستاك يستاهل فمكم تكلوه بالصحة

وبلا ما نسيت اولادكم درلتهم طبق ملى يحب خاطرهم

وخاصة سلاطة منقدرش منحطلكومش بروكلى باش ضقوه وتشوفو لبنة ديالو وعلاش خلاص فالمارشى

بعد اكل حبسو بكاس اتاي

وشوية مكسرات

وهاد كيك

ومقروط معسل الله الله

نشاء الله اطباقى البسيطة تعجبكم
وكلو متحشموش راه لخير ربي كاين

​

 

[samah06]

صباح الخير عليكم كاملات يا لالاتي
يعطيك الصحة لويزة حنونة صبرت ونلت تعيلي انا الاولى اللي على راس الطاولة خلي ندير رايي قبل ما ينوضو الجيعانات وخاصة اللي في بالي راهي معاك فالمركان
اطباقك يهبلو كل طبق يقول للثاني بعد انا راني رجيم صح صح والله العظيم لكن منقولش لالا على السلاطو وخاصة البروكلي
ربي يهنيك ويدوم نعمو عليك حبيبتي :p:p:p
وهاذو مكرا فيهم اليوم ما سبقونيش

 

[somo_81]

صباح الخيرات فتحت عينيا على الطابلة لويزة الغالية مممممم معرفتش على واش نعلق على المرقا و بيقيتي ولا على السلمون بالشونبينيو ولاا على الطبيخة و اه على الستاك و لا طبق زعما تاع الاولاد وشمن اولاد هاداك ليا :p:p الجاج المحمر و الفريت و زيدتيلي فنقر فيش اه ه ه ه قلبي الضعيف قصدي معدتي الضعيقة لا تتحمل و لا سلطة و زدتيلها البرولي لي منعرفش طعمو بصح ممممم
امبعد ندخل على الكيك و المكسرات و تاي و اختمتيها بالمقروط المعسل يعطيك الف عافية تسلم الايادي لويزة واسمحيلنا شقيناك معانا بصح راكو غير ترفعو في المعايير ما شاء الله عليكم
يا لويزة راكي لويزة حرة ( قولي لعميمر يتهلا فيك راه خلاص لويز الحر ههههههه )

 

[nassima 87]

يعطيك الصحة ياالشاطرة بصح كلختيلنا خليتينا حتى رقدنا باش حطيتيه :d
ماعليه رانا كلينا او شيعنا يسلم هادوك اليدين الحلوين

 

[نور الرحمان]

الله يبارك كي عادتك ديما طيابك هايل يعطيك الصحة

 

[shahrazad]

صبااح الانوار
الله الله صبحت على الطابلة تع لويزة واااااااي راني مع لولين نبروفيتي ناكل شوية قبل ما جي ابتسام ههههه
وش نقولك ختي لويزة طابلة مقيومة من مجاميعو وكلشييي يمييي ويشهي
ماخليتي لا كبار لا صغار الله يحفظك
هادوك لي بات بالمرقاز امممم حتى انا ناكل مع ندودة ولا طبق تع السلمون متحوف امممم ولا الطبيخة ياحسراه
عدنا بزاف مادرناهاش يعطيك الصحة
والكيك خفيف ويهبل ومقروط لعسل تع فحلات ماشاء الله
يعطيك الصحة على كلشي لويزة قيمتينا ان شاء الله ربي يعلي مقدارك

ويعطيكم الصحة يالبنات زهيتونا تع الصح بالتعليقات والصور ربي يهنيكم

​

 

[nada242008]

صباح الخيرات والخميرات
اااه يا لويزة حطيتينا وقت الفجر كون دريت راني نضت نسحر ههههههههههههه
كلش هايل امممم مرقاز مبطبط ولون يفتح النفس واه كي لي عندنا نصو توابل وشحمة خخخخخخخخخ
وطبق السلمون اممممممممم ريوقي سالو على الصباح حرام عليك والطبيخة مانعرفهاش راني سامحة فيها هههه والسلاطة تاعك سبيسيال والله تسلم ايدك وزدتي قلشتينا بالتاي والمكسرات الملحين مع حبة مقروط معسلة امممممممممممممم كروشنا خرجت :d
يعطيك الصحة وربي يديم النعمة ان شاء الله
هيا لي تخرج تصب طاس ما وتعقب ههههه

​

 

[ام ريهام]

السلام عليكم جمعة مباركة للجميع وجعل الله هذا اليوم يوم سعيد لكل من هو حزين ويوم فرج لكل من هو مهموم ويوم صحة لكل من هو سقيم امين يارب العالمين.

يعطيك الصحة اختي الويزة قلتلك بنات بومرداس شاطرات الله الله على ذيك الاطباق الرائعة ربي يديم النعمة علينا ويسلم ذوك اليدين.

 

[s_luna]

جمعتكم مباركة
يم يمي يمي روطار مي الحمد لله لحقت على حقّي قبل ابتيسووو مي سهامو يا بن عمّي قريب ما مسحت كلشي كلات هي و حبّت تدّي حق راجلها تاني با با با هيهيهي :p

إيمانو الله يبارك كلشي يشهي ربّي يجعلها عامرة إن شاء الله
و اسمحيلنا شقّيناك

سلملم
​

 

[ibtesem]

الله اسلمك ايمانو ربي يحفزك اختي
اه يالونا انا لي لمركان ملحقتش على الماكلة ههههه بخلتني حتى بالبيباج معليهش
المهم لحقت على لفتيتة لي طاحتلك يالونتي
اسمحيلنا لويزة تعبناك معانا
الى ورطة اخرى ان شاء الله
​

 

[حاملـة المسك]

صباحكم سلمون :d


اممممم يا ايمان كم اعشق اطباقك البحرية و لا الطبيخة نمووووت عليها اكلة الله اعلم تشتهر فقط في العاصمة
و لا الستاك يمي يمي وين راه الخبز نعمل سنويتش
و لا البروكلي يابنتي شكون لقال منكلوهش رانا نشوفو فيه غير في فتافيت
و حلاوة السهرة المقروط المعسل طايب دهبي سواسوا
ربي يجازيك كل خير واسمحيلنا على تعبك.

كان حبيتي و حبيتي مدام رانا في الماريكان ورطي بسومة الزينونة :p
صعيب علينا الفا اي فيا .... و أجرك على الله​

 

[حاملـة المسك]

بسم الله بديت وعلى النبي صليت وليك هادي البوقالة نويت

somo_81

العدو الي طغى الله يخيب مكره والتواب الي عطش الله يسقيه بمطره الليل مشى والفجر لاح عسكره كل غريب الله يرده لأهله وكل طير لوكره.



​

 

[imane27]

بارك الله فيكم لبنات نورتونى وشكرا على ردودكم الحلوة كيما نتوما

 

[زائــــــــرة حلوة]

سلاااام لموياااااات
الله الله على هذيك الورطة قصدي العرضة اللي تفتح النفس اممممممممممممم ربي يبااااارك..
كي العادة أطباقك ديما تححححفة ولمستك عذااااااب ولونهم إكستراااااااا \\ ههههه نزيد ولا نحبس:$
السباقيتي والمرقاز يشهوووو امممممم .. السلمون ندخل علاجالو الحبس هههههه ..الطبيخة كيما قالو جماعة البساكرة ههههه مانعرفوهاش بصح تبان هاااايلة.. والستاك يمي يمي ..وطبق الاولاد زعمة امممم سخسرتو فيهم ههههه ..والسلاطة تاعك وحّدهاااا وزيد بالبروكلي يا سلاااام \مانحكوش:p
وختمتيها بالتاي والمكسرات.. والكيك شكلو تححححفة والمقروض تاع حراير..
اسمحيلنا في تعبك جارتي ويعطيك الصحة كي تهليتي فينا:regards01:
ربي يسلم هذوك اليدين اللويز \ مشتق من اسمك جارتي:-r \ ويردّك من غربتك نتي وكااااامل حباباتي..
==
بلا ماننساو أم ندوش وخدماتها هههه والقلاصيار تاعها هههههه... ترواي من ماء زمزم إن شاء الله
وجمعة مباركة على الجميييييييييييييييع
​

 

[somo_81]

تعيشي رغود حنونتي جات في وقتها وهادي ليك يا المسك

 

[somo_81]

و هادي للويزة على الاطباق الروعة

 

[prncess fifi]

يعطيك الصحة لويزة على العرضة المتحوفة والاطياق الشهية

انا زاحمت لولاد كليت معاهم مانحبش الحوت وما نحبش اللحم بصح التبيخة مسحت التبسي خخخ

سمحينا تعبناك وكسرنالك راسك بالهدرة هههه​

 

[أم علاء الدين]

السلام عليكم يعطيك الصحة أختي لويزة عرضة متولة ربي يهنيك تاع الصح كل تأخيرة فيها خيرة والحمد لله جبتينا الخير معاك ربي يهنيك أنا ندي المقروض نحب بزاف خسارة أنا ما ينجحليش