نرجعو مرة اخري الى كندا في ضيافة فيفي برنساس

[بوح المشاعر]

لبنآآت رااهي رغووود خرجت تقضي هي وشهرا وخيرة
و راهم تعبوا شوي من الدوران والقضيان ايمالا
حبوا يريحوا شوي وزيد راهي رغود باطابلية خارجة تقضي
من لكوزينة ديرااكت لسوووق هاهو الدليل

هوما خرجوا منا وابتسآآم وام ندى وزائرة حلوة و ايمان
قعدوا ياكلوا تعرفوا كيفاه كي جاعوا بسومة قالتلهم
هيا نروحوا نشووفوا واش نطيبوا وناكسيو لاكرورت قبل
مايجوا ويفيقوا بينا نزربوا ناكلوا و نمسحوا فامنا ونخملوا
كل شيء بصح انا فقتلهم كنت متكية وسمعت كل شيء
هاكوا شوفوا باه ديري احتياطاتك رغوود نحيهم من القائمة
راهم شبعووووا صاييي هههههههههههه

​

 

[زائــــــــرة حلوة]

بحبوحتي هههههه أم ندوش هي البوقوصة فينا ...وكيفاه قاعدة وحاشمة ههههههههههههه نستعرف بيك :up:
وإيمانو الذهوبات الله الله والvارني لا تي تي جارتي:p
==
هيا رغوووودة كاش زردة ول
​

 

[ام ريهام]

والله راكم مزهيين الحالة حظ موفق حبيبتي

 

[بوح المشاعر]

بحبوحتي هههههه أم ندوش هي البوقوصة فينا ...وكيفاه قاعدة وحاشمة ههههههههههههه نستعرف بيك :up:
وإيمانو الذهوبات الله الله والvارني لا تي تي جارتي:p
==
هيا رغوووودة كاش زردة ول
​

ههههههههههه حلوتي راكي تشوفي في ام ندوش
دايما بوقوصة ونتوما واش خصكم وزيد نتي ضاربة
لحمر من بعيييييد تباني بعدا وايمانو جايية ضاربة لحطة
على الاخر بعدا جاية على سينgـــة عشرة ههههههههه
وبسوومة الله الله راهي تسربيلكم وتضرب اخماس في اسدااس
راهي تخمم تاكل وحدها ههههههههه :p
​

 

[ام انس الحبيب]

ههههههههههههههههه
نستعرف بيك رغودة هك تهنى الفرطاس من حكان الراس
هههههههههههههههههههه
بلا ورطة بلا حرقان دم واعصاب
​

 

[ام انس الحبيب]

دخخخخخختتتتتتتت
أم أنس ألحقيني بالـgـطران ​

بعيد الشر عليك حبيبتي اني جبتلك الورد
باش تبداي من جديد

​

هيا هيا يا رغود ....هيا هيا يا رغود
ربي يعاونك
​

 

[حاملـة المسك]

ههههههه يا جبل ما يهزك ريح يا حدة ميتة بالتعب من السفر بصح نقاوم علجالكم هههه والله يا حجابي نصلتو تنصال وقعدت ههههههههههههههه
​

مفرشة الطبق بالمنديل و مشعلة العافية ثقتي في ربي كبيرة ينوب عليا​

 

[حاملـة المسك]

بن عمي راهي جات الادارة يا محاينك يا رغودة هههههههه


​

:-o هدي فيها بيعـــــة​

 

[ibtesem]

رغود راح ناكلو ولا نستناو شوية
عصافير بطني راهي تصفر خخخخ

​

 

[حاملـة المسك]

​

 

[حاملـة المسك]

السلام عليكم و رحمة الله و بركاته

بسم الله

بالورد فرشت الزربية و بالدمع رحبت بلي ليا
عسلامتكم جوزو الدار داركم
ووو
محلى القعدة و السهرات بين الورد و الزهرات.

من نهار بشروني حباباتي من48 ولاية بلي جاييني و نا نفكر باش نقابلهم
فكرت و قررت نعملهم أكلة تقليدية حلوة تحلى بيها قعدتنا
و جا على بالي الرفيس البسكري
بالزبدة الحرة و الزبيب و حليب البقر المكشكش
جاب ربي الرفيس عندي ميبس غير فورت
وزدت حاجة خفيفة ومعاه خبيزات حبيبتي ندى الورود .

بعد ما تعشاو ناضو صبيات اللمة للكوزينة و حلفولي على الماعن ما نمسهم
الله يعطيكم ما تتمناو و يجيبلكم نفس مومنة
مي يا عمارك ملي بداو يغسلو و هما كه كه كه :s متفهميلهم على واش راهم يدحكو ههه

تلتيت بلتاي و السهرة.

سهرتنا بدات .. لتاي منعنع خفيف مع التشاراك العريان و دونات
و كبقالي بياض البيض من الدونات قلت و الله لا نعملهم مورانغ و منها نسيي وصفة جديدة هههه

كملو البنات الماعن ..دخلو لصالون و حامو على التيلي على المسلسل التركي أليخندرو ههه
عجبك طاحو معاه سواسوا
تعكزت على ركابيا و نضت جبت مشيورة و قلت يا لتحب الفال الزين تقدم ليا

وعلى بسم الله بديت و على النية الصافية نويت

خمسة و خموس و جبريل على بنات اللمة زعما زعما ههه

باسم الله بديت ..و على النبي صليت ...و عليكم يا العواتق هد البوقالات نويت

ساندريلا زماني

النور يا النور و النور عينيا طبطبوا على الباب و جابو لي اللّي عزيز عليا راني نتمنّى من ربي يجي يطلب يدي من ماليا.

றĭṩṤ❤Ṡoşσ

لبست قفطان جديد على قدها وتاها يا نقلت الياسمين في دار باباها لا حب و لا قلب ينساها.

عفاف الجزائرية

–اطلعت للسطح و فرشت زربية حرقت حر قوس الذهب و حرقت عينيا أفرحي يا يما سعدي ولا ليا نستشفي فالعدو كما استشفى فيا .

ندى الورود

غرست ياسمينة في وسط الدار، عروقها سكنجبير و أطرافها نوّار، يما يا يما محلى عشق الجار العين تخز في العين و القلب شاعلة فيه النار .

بوح المشاعر

الزينة يا الزينة والزين ربي عطاك، طبيعتك حنينة وكحل العين واتاك، وردة حنينة في يد اللي خذاك، الله يحفظك من العين ويخليك للي بغاك.

شهرزاد

قريب الرفيقة يا قريب الرفيقة بيني وبينك تويقة يا المخلي في قلبي شقيقة تروح وين تروح بصح تعيا وترجع ليا ونرد لقلبك الحريقة

ميمي

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.

شجون الروح

دخل غزالي في الصف و الشمع في يدوا و اللي يدخل بيناتنا واش من حاجة تفيدوا .

MĺŹǾ žĕĥÔŖ

يا ناس يا ناس علاش تقولولي راني لاباس و انا قلبي مقطع بالمواس لكان بالفدا نعطي عليه مية سلطاني .

تسنيم الهناء

عندي مخدة خوخية ما يوسدها غير اللي عزيز عليا.

بنت الجسور المعلقة

زينة يا زينة يا ساكنة قسنطينة كلامك كي يعجبني نفكر فيك صباح و عشية وفيك يا مموا عينيا.

s_luna

عسل يا عسل في باقة خضرا .يا شميسة العاشقين يا قمرا. حلف سيد الملاح ما يراس امر غير ادا جات غزالته باش تكمل الحضرة.

نور الرحمن

جايز على باب دارنا غريب عطشان، قالي أعيني قطرة ماء، أعطيتو كاس فيه وردة و سيسانة ، أعطاني تبق فيه خاتم و رمانة.

تمت السهرة ..وقبل ما يخرجو حباباتي عطرتهم بعطري الخاص
ههه :d :$

و هديتهم دفتر مذكراتي ( متنساوش تفكروني نمدلكم الكود خخخخ

وصلت مع حباباتي للباب و بقيتهم على خير و عافية و تمنيتلهم أحلام هانية

و حباباتي تع الخارج باتوووو هههه
ووو
اروااااحي خيرتي دندني على ودني واش قالو ناس زمان ههه

​

 

[hadda0425]

حسبتك نتحرتي سع راك وجدتي كل شي :p
الله يبارك عليك رغودة ماشاء الله
جبتيها من اطباق المتنوعة للبوقلات ما خليتي والو
خمس وخموس عليك
والله شهتيني في الرفيس يسخف ربي يبارك
الله يدوم عليك النعمة
شكرا على السهرة الممتعة
​

 

[ibtesem]

بسم الله نبدا

الله ابارك رغود تسلمي من كل شر
اممم حسيت روحي في ليالي المسك تاع رمضان والبوقالات تدي وتجيب
والجلسة العاصمية الاصيلة
تسلمي وتسلم الايادي لي طبخت وابدعت الفكرة
كل شئ اشهي من اكل وحلويات
راني قفزت بطبسي زيتون تحشت زيتون بلادي هههه
اليكم الخط لتعليق ياحراير
​

 

[nada242008]

السلام عليكم
يا رغود عندي الزهر معاك والله
ليوم صبحت نشعل في لميكرو ساع لقيت الكوناكسيون بح
بعد الغدا راح سلكها ,,, جيت نشعل لميكرو لقيت رائد قطعلي الخيط تاع الشارجور
سرقت لميكرو تاع بعو وسبحان الله لقيتك حطيتي الخير
رفيس يشهي اممممممممممممممممممم تحفففة تحفة مع الدراجي والله ماخلاش
والسلاطة هايلة اما طبسي الطماطم والفلفل يدي العقل كيما ديتيلنا قلوبنا
مع كاس تاي منعنعه ةحبيبة شاراك والله مانقول ربي يزيدني
والدونااااااااااات مانحكيش والمريانق تحفة تحفة ماشاء الله
وغيرتيني بالبوقلات ,,, نحن المدامات نطالب ببوقلات :d
والله حسيت روحي ضيفة عندك وعقبت امسية هادئة مملوؤة بالاحاسيس والعواطف هههه واه كيما حدة ثقلتنا المعادي وتقولنا ماتردوش ماتردوش هههه فكرتني بالشاوية الكرما لي يحكموك ويضيفوك ويقعدو غير يعرضو فيك كول كول ههه
شكراا رغود على الضيافة الممتعة ربي يبارك فيك وفي اصلك يا اصيلة :up:​

 

[زائــــــــرة حلوة]

بسم الله ما شاء الله عليك رغوووودة عرضة من الكباااار والله
نبدا بسيد المائدة الرفيس البسكري المتوّل حطططططة..للفلافل اللي مدايرين لي زونgلاز ..للسلايط المنظمة ..لي كويس المحمرين امممم..للخبيزات اللي جاوك تحححفة ومام طاي ..كلشي معدووول الله يبارك
والحلويات اممممم ماعندي مانقول ..من البراج ..للشاراك العريان ..للدونات اللي هبلوني ..والميرانق المزوقة اللي ماسخصرتيهاش فينا :pهههه
وختمتيها بالبوقالات الله الله ماصابني غير عويتقة ههههه:$
إييييييييييه ومانسيتيش عطرتينا وفحفحتينا... يطيّب ريحتك إن شاء الله
اسمحيلنا في تعبك رغووودة ويعطيك الصحة على حسن الضيافة والاستقبال:regards01:
وربي يحفظ ويسلّم هذوك اليدين اللويز:thumb_up02:
​

 

[أم علاء الدين]

ربي يعطيك ويزيدك من خيرات وربي يكملك بكرمك يا أختي عرضة وعليها لكلام متولة من كل صنف ولون وحليتها بدوك البوقالات اللي كتبتهم بيديك لعزاز ربي يحلي أيامك ويعلي مقامك وشكرا على العرضة يا أختي العزيزة

 

[imane27]

الله الله رغود راكى زهتينا وقلشتينا من كلش
وحسيت روحى رانى فى القصبة بالبوقلات
بارك الله فيك كفيتى وفيتى نردوهالك فافراح انشاء الله

 

[السلطانة]

وعليكم السلام
يمّا يمّا على الأطباق الزينة
ضربت طلة البارح وبقيت نستنى
ايا جيت ندووووق
من كل صحن وسيرتو تاع الرفيس راني مكبدة عليه لي جور هادو
ويما على داك لكلام لحلو والبوقالات لي من القلب
الله يزين سعودكم يالبنات
يعطيك الصحة يالعزيزة
على العرضة الزينة

​

 

[نور الرحمان]

واش هاد الخير يارغدة كلش هايل ومنضم
يعطيك الف صحة يالغالية

 

[بوح المشاعر]

الله الله عليك يالزينة
ربي يبارك فيك ويسلملك ذوك اليدين
اطبآآق تشهي بداية من الرفيس تحفة تحفة مزين بالدراجي
و الزبيب مقيووم من كل شيء صراحة عقلي فيه
شهاني للخر و السلاطة هايلة و الفلفل محرحر واش نقول
و لتاي منعنع الريحة تفتح النفس و ماعندي
مانقول في التشآرآآك و الدونآت
يسحرو من الشكل والذوق يذوبوا في الفم والبراج مبسس
كيما يلزم
ماشاء الله عليك حبوبة والسهرة بالبوقلات ياعيني
حسيت روحي رانا مجمعين كلنآ على سنية لتاي والله فكرتينا
بقعدات زمان الزينة و جنان داير بينآ
بوقلات رووعة ربي يسعد ايامكم وايامنا كلنا يارب
وماننساش كي جينا مروحين فحفحتينا بريحتك الزينة
اللي تسكر النفس وتبقى عالقة
الله يعطر ايامك بالمسك و العنبر و الريحان يارب
كل شيء كان في القمة يسلم دياتك يالحنينة
وربي يعلي شآنك و يعطيك ويمنيك يا اصيلة يا حٌرة

​