ماذا ستطبخين سيدتي ...انستي جزء'''31''''

[ibtesem]

بصحتكم picnic بنت قسنطينة
امممم والله تشهي مع المحلويات على راسهم المقروض
:::::
ام ريهام بصحتك اختي اللهم اديمها نعمة
​

 

[mimi53]

صومو انا لله وانا اليه راجعون
ربي يصبر والديه

 

[A_abir]

بصحتكم لقهوى
كان لي يشربها ديراكت وراى لغدى او كاين لمزال مشربهاش
يعني من بعد ماينوض من تقييلة خخخخ
الغدا
هنا ماقدرتش نصبر نستنى فوفتي صبرت روحي خخخخ
فول وحمص :d

بتزا رولي جربتها في مول شيرته داله زمان

هدي بتاتة تاع ميميتا خخخخ

ايا تفضلو علابالي راكم شبعانين من عند فوفتي
بصح معليش نعقب عليكم العزومة
بصحت الجميع

​

مممممممم جوعتيني والله جعت هههههه
جاء خويا وقف شافها ولا يعاير
او قوليلي الوصفة كيفاه ربي يسترك نجرب البيزا رولي ومرسي حنونتي
​

 

[ام منصف]

بصحتكم بنت قسنطينة الخرجة
كثر خيرك اختي عبير على الاقتباس مع اني مانحبش الاقتباسات بصح شفت الموني نتاع بسومة
ياي يا بسومة كل حلو من الفول والحمص للبيتزا وللغراتان وبصحتك المول الجديد
​

 

[*Sarah Dz*]

مممممممم بصحتكم .. الله الله عليكم
كلش يشهي حباباتي //
جبتلكم صور غداء البارح

اليوم فطرنا بالشوربة و اوملات الجلبانة و بيانسير السلاطة


​

 

[كوثر الوهرانية]

بسومة و شريفة بصحتكم خوتاتي واش طيبتوا
رقية بصحتك الخرجة و التحويسة و الريسطوا امممم
روعة بالشفى عليك اختي طهور ان شاء الله الله يكون معاك و يقدرك
خيرتي انا اللي رسلتلك و نسيت مكتبتش اسمي غلطة سامحيني اختي سخفتيني في قلب اللوز درك نجربها
سهام ان لله و ان اليه راجعون الله يصبركم على فقيدكم و يصبر ميمته عليه
تحياتي الحار للباقيين

 

[*Sarah Dz*]

حبيبتي روعة ماعلاباليش كنتي مريضة
بالشفا عليك خيتي
​

 

[serinee]

صباح الانوار
مساء الورود
صحا قهيوتكم
صحا غداكم
صحا عشاكم
طاطا ام كوثر بصحتك القرنطيطا في المدينة الجديدة اوووه هديك البلاصة شحال تعجبني كل مانجي لوهران نروح نقضي من تم
امنياتي بصحتك واش عملتي و القلب اللوز جاك يهبل يسلم اديكي خلتيلي باش ندوق
روعة بشفاء عليك عزيزتي طهور ان شاء الله
ندى بصحتك واش عملتي و بوسيلي الاولاد
ابتسام حدة بصحتكم حبيباتي
بنت الجسور المعلقة بصحتكم واش فطرتو و بصجتكم التحويسة
حبيبتي صامو ربي يرحمو و يجعل مثواه الجنة و يصبر امو
البنات لي نسيتها تسمحلي و كامل بصحتكم يا شاطرات واش درتو
​

 

[ام ريهام]

ربي يشافيك ختي روعة طهور ان شاء الله

الاخت سماح راهي في شحال ما بانتش ان شاء الله تكون بخير وعلى خير

تحياتي للحاضرات والغايبات بدون استثناء( الي مريض ربي يشافيه والمهموم ربي يفرج عليه والحزين ربي يبدلو الدقيقة الحزينة بيوم سعيد ......................امين يارب العالمين)

 

[sheherazed]

ربي يشافيك ختي روعة طهور ان شاء الله

الاخت سماح راهي في شحال ما بانتش ان شاء الله تكون بخير وعلى خير

تحياتي للحاضرات والغايبات بدون استثناء( الي مريض ربي يشافيه والمهموم ربي يفرج عليه والحزين ربي يبدلو الدقيقة الحزينة بيوم سعيد ......................امين يارب العالمين)

amine ya rab


merci chere soeur:regards01:

 

[بنت الجسور المعلقة]

ميمي حبيبتي هاكي كيفاه درت المقروط

درت 3كيسان سميد خشين + كاس فرينة
كاس سمن ممزوج بالزيت
ملح و حبة بيض
ولمي بشوية ماء زهر وماء
وغرس للحشو مداوي بلقرفة والقرنفل والشاربات باش تشحري
نحط في قصعة السميد والملح ونفرغ عليه كاس السمن ونرملو بين يديا ونحطو ليلة كاملة
غدوا جيبي السميد تاعك نضيفلو البيضة والفرينة ونلم بالماء والماء زهر
نكون حربوش وندير في وسطو الغرس المداوي بلقرفة والقرنل والمعجون مليح بين اليدين
نلمو مليح ونضغط عليه حتى تجي الحبة صحيحة
نطبعو بواسطة طابعة المقروط
نقطعو ونقليه في الزيت الساخن حتى يحمر وهو ساخن ندرلو العسل وهوا سخون بعد باه يجيك شارب
جا مبسس وحاكم روحو وبنين
​

 

[hasna23]

مســـــــــــاء الخير

اليوم واحد الحرة من الحراير عجنت كسرة ياتقولو قاطو تالمون معجونة ولات تقرمش هياا ام ندى بلاكي تخيري للسي رائد>>>اخطب لبنتك وماتخطبش لولدك :d





هاي الحرة المخفية مولات الحسن والدلال

 

[rafiness]

rakoum jayebinha les filles rabi ye3wnkoum mai alh yebarek fooooooooooor teyabatkoum
​

 

[زائــــــــرة حلوة]

سلااااام يا حراير
يعطيكم الصحة غالياتي كاااامل ... ما شاء الله عليكم وعلى أطباقكم وعلى تحواسكم هههه:up:
ربي يدومها نعمة على الجميييييع ويحفظها من الزوال

==
جارتي إيمانو يسقسي عليك الخير والخمير إن شاء الله...امممممم لا روبو لا سيدي زكري هههه رانا نطيبوا وناكلوا مش مبطلين خلاااص :-oخخخخ
راهو التفنيين برك مداير حاالة ..إن شاء الله نرجع نههههرف كيما قبل:$

==
لونتي الزينة ربّ لا يحرمني منك ..ههههه مازالت مااعتزلتش بقالي عام ونخرج تقاعد :p
مووحاااال مش حتنازل عنك أبدااااا مهما يكووووون:love01:
==
شريكتي إنا لله وإنا إليه راجعون ..وربي يصبر أهلو يا رب
==

روعتي ربي يشافيك ويعافيك أختي..طهور إن شاء الله
==
والباقيات الصالحات الغااااااااليات راني جاميتكم وحبايتكم ونحبببببببكم:$
​

 

[oumniati]

ربي يشفيك ويعافيك فوفة وترجعي لينا كي زمان
صومو ربي يرحم الفقيد ويصبر والديه عليه
فريدة معليش اختي، بصح جربيه بالرايب كيما قالت ماديريش كيفي
سيرين ذوقي وعاودي واسمحيلي نورمالمون انا اللي نعرض عليك، ونقولك يعطيك الصحة على لاروسات
حسناء عنابة توحشنا طيابك وهذوك اليدين لمبطبطين:d
شريفة، ام رهام، لونة، ندى الورود ، بتسام.....نقولكم كامل بصحتكم واش طيبتو

 

[oumniati]

سبحان الله حسناء والله بعثت الرد لقيت لغزالة مقابلتني ربي يحفظها ويباركلكم فيها يارب

 

[بنت الجسور المعلقة]

يا ميمتي على هاديك ليديوا لي راهي تعجن وزيد الخاتم والمقايس يآ خآه مشاء الله موآآآآح
يا لوخية مطيحيش صحيحتك اكي مزالتي صغويرة ^_^ ولا راكي تنحي في الشقا على مامي :$ معليش ريْحيها ^_^
وأنا نحكي على الجيل جديد ونقول جيل فنْيان يحوسو غير على الساجي أتراي مزالو بنيات حراير رام جايين في الطريق ربي يكثر من مثالها ههههه
ويحفظهالك ويفرحك بيها أختي حسنة ​

 

[hasna23]

سبحان الله حسناء والله بعثت الرد لقيت لغزالة مقابلتني ربي يحفظها ويباركلكم فيها يارب

ربي يبارك فيك حبيبتي ويخليلك وليداتك ويفرحك بيهم

ان شاءالله مبعد نحطلكم العشا بصح ماتضحكيش راهو اللي بقا من الغداء ومعاه سيد المائدة عمي الفول ربي يكثر منو نستنى فيه غير وقتاه يفض ونتهنا

 

[oumniati]

بنت قسنطينة قتلتيني بالخرجة تاع المقروط ممممم ترد الروح، بربي نعاندك في اقرب فرصة، ونسميها خرجة قسنطينية:-r، يعطيك الصحة على الوصفة

 

[ibtesem]

مســـــــــــاء الخير

اليوم واحد الحرة من الحراير عجنت كسرة ياتقولو قاطو تالمون معجونة ولات تقرمش هياا ام ندى بلاكي تخيري للسي رائد>>>اخطب لبنتك وماتخطبش ابنك

الله ابارك على بنت عنابة البنة وطيابة هههه
ربي يحفضها ان شاء الله
مولتهلناش هي تقلب في الكسرة :-r
::::::::::::
سارة ديزي بصحتكم اختي لغرتان المقرون والسلطة
بحتكم جيميعا
زيزو والكم باك