ماذا ستطبخين سيدتي ...انستي جزء'''31''''

[shahrazad]

ياااشريفة ياشريفة ماشي غير كسرتي القاعدة كسرتي كلشي ههههه بصحتكم والله كلشي هايل من يديك
ولا منصف الرويجل تاعنا ربي يحفظو ويصونو بصحتو اللوبيا
عفاف وفوفة واش خلاص طمعتو فيا نجي نكملكم التيق تاعكم
اذا عندكم جيران شابين مقابلين التيق راني نجي ماكاش مشكل هههههه
//
لبنااات شكون تشفى على هاد الخبز وهل مازالكم ديروه؟؟
مانعرف كيفاه تفكرتو اليوم هههه

صحا قهيوتكم
​

 

[oumsif]

مساكم بالخير لبنات صح غذاكم وقهوتكم وشايكم راني جاميتكم الكل اطباقكم كلها ما شاء الله تسلم ايديكم يالفحلات

 

[ام منصف]

شهرورة نورينا انا مانعرفوش هذاك الخبز اللي راكي تحكي عليه بصح باين خفيف وبنين بالصحة
**
سمورة هذي مدة ماكيش تشاركينا طيابك والا حتى انت فاشيتي الصوارة ههههه :p
​

 

[shahrazad]

شريفة هداا بكري كانت ديرهونا يما
pain perdu
هو خبز اليابس تقطعيه دوائر تفوتيه على الحليب ممبعد البيض وتقليه فشوية زيت ولا زبدة حتى يتحمر ممبعد تفوتيه على السكر
هايل خفيف و+ باه مانقيسوش الخبز
​

 

[ام منصف]

ايه عليك نور شهرورة الزينة
حنا ماكناش نديروه بصح كاين اللي يديرو
بصحتكم وفكرة مليحة باش نقصوا شوية من الخبز البايت واليابس
​

 

[oumsif]

هههههههههه شريفة مفاشيتها بثلاث هدا ليمات راني نكعبر لهم ونمد الهم معنديش نفس لطبخ

 

[ibtesem]

اممممممممممم تاي منعنع ومفحفح بالورود ههه تضحكو عليا توحشت نوار بلادي
هداك لبراج الله الله مسطر بالمسطرة
ايه شهرورة بنتو في بلادي
كانت امي كي يبقى الخبز تاع يومين تعملهونا
بصحتك يالالة
بصح نعملو انا للبنات سعات يفطرو بيه
اسمو فرانش توست اممممممممم نعملو بالتوست نقصهم صبيعات ونقليهم او نخليهم مربعات

 

[hadda0425]

زائرة ربي يخليك انت لي حلوة سكر يا سكر
بصح وش معنى الشحابة ههههه ما فهمتهاش ويا ويلك تطلع كلمة مش مليحة هههههههه:p
الله الله يا شريفة على التاي المنعنع والمكشكش ولبراج ما نستهمش
وزيد براجك ما شرفنيش في موضوعي ديري مزية وحركيهم يلحقو لهيه
شهورة اناتاني مرات نديرو هداك الخبز
سارة مرسي ليك وهزي وش عجبك
سمورة على سلامتك طليتي علينا بيديك مرفوض ههههه
​

 

[ibtesem]

ايا بنت بسكرة فهميها واش هي الشحابة هههههههههههههه:d

 

[زائــــــــرة حلوة]

بصح وش معنى الشحابة ههههه ما فهمتهاش ويا ويلك تطلع كلمة مش مليحة :p
​

ههههههههههه عااااقلة حدودة:$ \\ the opposite ههههههههه:p\\
==
اممممممممممم تاي منعنع ومفحفح بالورود ههه تضحكو عليا توحشت نوار بلادي
ياعمريييييييي على الحنينة
ابتيسو ونوار بلادك يبادلك الوحش ههههههههه
​

 

[كوثر الوهرانية]

مساء الخير خوتاتي
ان شاء الله تكونوا بخير و الف صحة و عافية
بصحتكم كامل واش طيبتوا

 

[ام منصف]

كيما قالتلك زائرة حلوة حتى نوار بلادنا توحشك بسومتي
ربي يخليك وتجي تشميه في اقرب فرصة وعلى المباشر
**
حدة ضرك نكركرو لهيه غالي والطلب رخيص
​

 

[hadda0425]

ههههههههههه عااااقلة حدودة:$ \\ the opposite ههههههههه:p\\
يسمى انا قبيحة ومنيش عاقلة
نسالك طريحة :p لازم نسلكها
​

 

[imane27]

زيزو بصحتك تشيشة لميمة راكى كليتى بلا تعب ليوم كمكاش بحالك انا هادى جامى تكون عندى ههههههههههه:d
ام مصف اطباق رائعة بصحتكم اممممممممممم شهتينا
حدة فطورك يمي يمي بصحتكم خاصة الخبز
شهرا هدا الخبز كونا مدمنينو مني جيت هنا عمرى ما درتو بصحتكم
بسومة بصحتكم سباقيتى انا نحبها هاداك
روعة سايسى روحك كلو يهون فى خاطر نصيرة
فريدة واش طيبتى ليوم مقلتلناش
لى نسيتها تسمحلى مخى مراهش عندى طار هههههههههههه

 

[زائــــــــرة حلوة]

زيزو بصحتك تشيشة لميمة راكى كليتى بلا تعب ليوم كمكاش بحالك انا هادى جامى تكون عندى ههههههههههه:d
لى نسيتها تسمحلى مخى مراهش عندى طار هههههههههههه

ربي يخليك إيمانو .... وعلاه جامي ههههههههه عليك وعلى عمي اللبناني:d
سلامة مخك جارتي ههههههههههههه:-o:p
==
ههههههههههه حدودة كلو من عندك زبيب:$
​

 

[كوثر الوهرانية]

لويزة اختي راني مع المرض راني غير نسلكلهم
الغداء درت تشكشوكة و العشاء اوملات جلبانة و حريرة
زوزو بصحتك الحسوة من عند لميمة

 

[ندى الورود]

مساء الخير عليكم
يعطيكم الصحة على كل أطباقكم كل شي هايل
و بصحتكم واش طيبتو كامل
سامحوني ما نقدرش نرد عليكم صايمة والحق غلبني اليوم الصيام ب وجماتي لحقوكم كامل
​

 

[زائــــــــرة حلوة]

كوصر حبيبتي طهور إن شاء الله وربي يشفيك ويعافيك .......وبصحتك نتي زادة واش طيبتي وواش راح تطيبي يالحبيبة
==
ندودة صيامك في الجنة أختي........ههههههه راني هنا نرد في بلاصتك يا gميل:$
​

 

[ibtesem]

ندودة صيامك في الجنة أختي........ههههههه راني هنا نرد في بلاصتك يا gميل:$
عجبتني زيزو حق الحرية والمساوات
ميمي كملت عليك ندود جوعاتك

 

[بنت الجسور المعلقة]

مسائكم منور بأنوار النبي
أطباقهم كلها تشهي يا وجوه النور ربي يدومها نعمة ويحفظها من الزوال كلشي بنين من يديكم
هدا كان غدانا
شوربة الفطر

ميني بيتزا

طماطم محشية بلاماسيدوان

وهادي مسكوتة نتاع ندوش طبقتها جات خفيفة وبنينة ممم

وهدا مخبز جديد فيه لبيبين هههههههههه ناكول فيه ونتربج بيهم تقولي عباد صح دراتو بنت خالتي لسينية القهوة نتاع نفاس خيتها

​