ماذا ستطبخين سيدتي ...انستي جزء'''31''''

[somo_81]

يعطيك الصحةام بسومة راكي :up: ما شاء الله عليك
صباح الانوار كرابع مجوبتينيش البارح وين تكربعتي البارح حتى العشية باش بنتي واش حتى انتي عرستي

 

[nada242008]

صباح الخيراااااااااات يالزيناااااااااااات
المطبخ راهو يخدم h 24ههههههه
كاين جماعة تحط طيابها على 12 تاع ليل وكاين على 7 :p
نور الرحمان طاجين الزيتون هااايل كيما قالت رغود نموت عليه احمر والفلان والعصير راكي قايمة بيهم ربي يعطيك صحيحتك
رغودة التارتولات حاااااااااااامضة صح لسانك يا بت :d
والمسفوف والله فوطوكوبي على تاع روعة .. اتقان في التطبيق :up: مالا خلاو التميرات يحوتو هههههههههههه // صبحتي تعصري في مخك مع التعليقات :p
ام بسومة خيرااات كبيرة ربي يبارك ويديم النعمة وتقولي مش قد المقام ؟ والله كلش هايل سيرتو الطارطة اممممممممممممم ولوملات بالسنارية فكرة جديدة ونص الدجاجة لي متربعة فوق الروز هايلة وكلو كلو خمس نجوم ربي يحفظك اختي
صومو الغالية طابلة هايلة صح ماغديتهمش بصح درتيلهم عشا هااااااااااااااايل وتحية للجنود لي واقفين على ريسانهم هههه نشتيهم كل :d
انا الغدا عولت على بيتزا .. لاصوص طايبة والعجينة نديرها في رمشة عين .. قلت نبروفيتي نغسل الفريجيدار مادامني قاعدة
نهاركم موفق :regards01:

بدلت الستيلو .. واش رايكم مليح ولا :down:
​

 

[mimi53]

روعتي وهاديك الدجاجة اممممممممممم يعطيك الصحة ويعطيك الصحة على الوصفة اللي اعطيتيهالنا راها ترجع الوجه يلمع وحرير الف شكر

ندوش وديك تارتات امممممم يعطيك الصحة ولا هاادك الخبز امممممممم
والستيلو ديالك شباب كي مولاتو

ام كوثر شهيتيني في المسفوف روعة تسلم ايدك

السلفية الصغير مبروك مازاد عندم يتربى في عزكم وبصحتك الخرجة

صومو واش هادا الخير الله يبارك وبصحتك حنونة انا مديلي كاتشوب والمايوناز امممممممممم

نونو الله يبارك يعطيك الصحة واش هادا العصير نورينا فيه عجبني



حاملة المسلك بصحت اختي المسفوف

معتز بصحتك خويا واش كليت

ام بسوم واش هادا الخير تبارك اله الله يحفظك اطباق تشهي

 

[رآج ـية العفو]

السلـآآآآآآآآآآم عليكم ورحمة الله

يسعــد صبآآآحكم :regards01:

الله يعطيكم الصحة كآآمل كآآمل الله غآلب مآ قدرتش نتصفح وآش فآتني
بسبب الوقت وزآدت النت

المهم بصحتكم شآ طيبتوا وربي يدومهآ نعمة بغيت نطل عليكم طلة صبآحية
وترقبوا سيربريز في هآذ اليومين :p

عييت نتيليشآرجي في لي فوتو ودومآآج النت مآ بغآتش تخليهم يطلعو هههه مآلغري غي 2 فوتو ههههه إلى الحلقة القآدمة :d




​

 

[hadda0425]

صباح الخير عليكم
نحطلكم غدايا ومن بعد نولي نشوف وش دارو لحراير
جبتلكم ريحة رمضان
كسرة وبنتها هههه




جاري بلحم البقر ممممم حوحو ههههه
حطيتلكم زوج صحونة باه تكفيكم لبلاصة





فلفل حار طبعا خو الجاري ههههه



بوراك



كرواصون تع البارح شريتو



وهادي مرقة تع بطاطا مع كسرة معجونة تع واحد النهار سخفني ليها واحد هههههه



ندوش بدلتي القندورة بصحتك :p

​

 

[كوثر الوهرانية]

صباح الخيرات
رغودة بصحتك السفة جاتك هايلة و التمر فيها سخفني ايا نتبادلوا
ام بسومة مشاء الله و تبارك الرحمن الله يبارك كل شيء حطيتيه راه يسخف و الكيكات ما عندي ما نقول راكي ساجية الله يبارك
حدة يا حدة علاش علاش ديريلي هاك ماخليتي فيا والوا سيرتوا بهديك الكسرة اللي سخفوك بيها امممم بعتيلي انا ختك
بصحتكم لبانت و اش تغديتوا
انا درت روز ابيض و سقيته بصوص طومات مع الدجاج
سلامي الحال لتولموند

 

[رآج ـية العفو]

يعطيك الصحة حدة بصحتكم

يهآآآآآآآآآآآآآو فوفة المسيلية وين رآكيييييييييي نتي والقملة لخرى
هآآآ تحركوا لهيييييييييه
​

 

[ibtesem]

مساء الخيرات والفل والياسامين عليكم
مشاء الله عملتو دردشة لي هي نستعرف بيكم
نور الرحمان تسلمي ياختي الله على كل شئ خاصة طاجين الزيتون امممم تحفة
كوكو امممممممممم المسفوف مزوق مايليق الواحد ياكلو غير يتفرج فيه
فوفو بصحتكم اه واش نحب دجاج تاع البرا امممممم
سلفية الصغيرة بصحتكم الخرجة اختي ربي يحفضلك انس ياب
صومو يا صومو تسلمي كل شي هايل من خفيف الى تقيل
حدود الله على البوراك والخميرة والجاري امممم بصحتكم تسلمي
فوفتي كي نشوف طيابك نجوع امم بوراك والطماطم المقلية وين الفلفل نستيه
راني متوحشة حاجة قريب وقتها وتحطهانا اممممممممممم
ندودة اممم على لي تارتولات جاوك هايلين مع الخبيزات تسلم ادين ندى لي طيبتهم
اوو رائد لي كلاهم انتم غير زيادة ههههههه
رغود بصحتكم المسفوف
وتميرات لخلاوهملك كون رحتيهم وعملتي هملهم يامقروض يارفيس
اعاودو ياكلوهم خخخخخخخخخ
الان نروحو الى
ام بسومة الله الله عليك اختي كل شئ هايل والله يسلملك هدوك لديات لي ابدعت وحطتنا
والله كل اعجبني سيرتو لي تارت امممممممممم تمنيتهم حدايا صح صح
تسلمي من كل شئ
البارح خرجت حوست ونشنشت هههههههه باللهجة البسكرية الحرة
في الاخير جبت بيتزا في طريقي الحق تعبت من المشي
وقيل نقصت النص عاودت عوضتو بالبتزا
كانك يابوزيد ماغزيت هههه
بصحتكم جميع اه تعبت اووو قهوتي بردت من اجل كتابة التقرير ونتمى اني مانسيت حتى واحد يارب
اسومة مرحبا واش راكي اختي توحشنا نشوفو خيالك
سلام للاعضاء لي راهم تحت
انا زرقا ندود عاند ولا تحسد هههههههه
​

 

[ibtesem]

 

[ibtesem]

هههههههههه زيزو لحقتي قريتي جاميتي ولا جاميتي اولا هههه نعرفك تحبي ريحة تاع الحبايب
:::::::::::::::::
راني ديت فلفل تاع حدود باش نكملو الى القايمة تاع فوفتي

 

[نور الرحمان]

روعتي وهاديك الدجاجة اممممممممممم يعطيك الصحة ويعطيك الصحة على الوصفة اللي اعطيتيهالنا راها ترجع الوجه يلمع وحرير الف شكر

ندوش وديك تارتات امممممم يعطيك الصحة ولا هاادك الخبز امممممممم
والستيلو ديالك شباب كي مولاتو

ام كوثر شهيتيني في المسفوف روعة تسلم ايدك

السلفية الصغير مبروك مازاد عندم يتربى في عزكم وبصحتك الخرجة

صومو واش هادا الخير الله يبارك وبصحتك حنونة انا مديلي كاتشوب والمايوناز امممممممممم

نونو الله يبارك يعطيك الصحة واش هادا العصير نورينا فيه عجبني



حاملة المسلك بصحت اختي المسفوف

معتز بصحتك خويا واش كليت

ام بسوم واش هادا الخير تبارك اله الله يحفظك اطباق تشهي

ميمي اليكي رابط اختي
https://www.4algeria.com/forum/t/369614/#post4719613

 

[mimi53]

حدود بصحتك حبيبتي والبوراك اااااااااااااممممممممممم

 

[shahrazad]

بونجووور صباح الخيرات عليكم
وش راكم
يا ام بسوومة واش هاد الخير كاامل شهيتيني يا لختي تع الصح راكي مرا ونص و75 يعطيك الصحة
نور الرحمان ربي يبارك فيك ياالفحلة كلشي يشهي
حدودة يمي يمييي ريحة رمضااان تع الصح يا لحبيبة من الاخير قتلتينيييي مرسي
رغوودة مسفوف كيما يحب الخاااطر اممممم بصحتكم
​

 

[mimi53]

جبتلكم جخليظة نتاع الخضرة بالجلبانة والبيض في الفور

 

[nada242008]

صحا غداكم
اسومة اهلا وسهلا بيك .. طلتك علينا تسوى الدنيا :$
شهرا وهام دارو العراس وما صوروشي هههه :-o
ميمي لاموني لي غارو مني نسيتها والله جاتك فووووووووووووور يالقافزة
والخالوطة تاع ليوم باينة بنينة نتي خلطي برك وعينيك مغمضين كلش من عندك عسل
حدة الله عليك وعلى طياباتك يالفحلة والله جبتي رمضان يجري ما خليتي جاري فريك ولا بوراك ولا خميرة اممممممممممم هااايلة طايبة سوا سوا جيتك بالحسب والنسب اعطيني بنتها :d
والفلفل مع الزيتون اممممم عين كولومبو ولا عين البقري لي نصبتي بيه الشربة ههههههههههه
والرخساس هااايل نموت على الرخساس تاع الشاوية سيرتو تاع كاروبار :up:
بتيسو ستيلو ازرق bik ههههههههههههههههه:up: يحايد العين
انا كيما قتلكم قلت نغسل لفريجيدار وكي توصل 12 غير ربع نعجن البيتزا زعما حقرتها
عاوتني واحدة الحرة صورتهالكم وهي تمسح هههههههههههه

ضربت على الساعة لقيتها ال 12 رحت كالفحلة للكوزينة لقيت الفرينة بحححححححححححح
يخي الخبز تاع فريدة قضالي عليها ههههههههه
لبست حجابي ولبستهم ورحت نكركر في لبوسات
شريت الفرينة وجيت نطيب هذي رمشة العين زعما لي جيت نفوخ بيها :d
طيبتها في ربع ساعة جات امممممممممممممممممممم نخليكم مع الصور

وتوتة توتة خلصت الحدوتة
​

 

[imane27]

سلام لبنات صح فطوركم وعشاكم تاع لبارح ولا قدرت رانى ندير تقرير ديالى مخى مراهش عندى تبحر
عشايا

 

[ibtesem]

هههه ندود ابعتيلي هديك الحرة تعاوني فريجداري راني نمسح غير وين اسوف سي حمد هههههه
بصحتكم البيتزا لاباس كليناها البارح خخخخ
لويزة بصحتك الحوت ولي فريت هدو الطباسة لوخربن ملحقتش عيني ليهم خخخخ
ام ابتسام مرحبا واش راكي اختي

 

[ibtesem]

ميمتا بصحتكم الخلوطة في الفور
خلاص شوفت لويزة سلايط بصحتها خالتي ههه
شهرورة ازوفلاون

 

[shahrazad]

هدا فطورنا تع اليوم غراتان بطاطا وبصل ولعشا تع البارح طعام

والقاطو تع العرس دارو حاجة سامبل وبنينة
والله يالبنات انا نحب هكدا خير من الالوان والشكيل الي راهم يديروه دوكا فالحلويات
ولوكان غير بنان ماعليش خسارة تع الدراهم
المهم حاجة سامبل وباللوز بنينة ياكلوها الناس ومايرموهاش

و هاد لي باركات حطوهم مع jus اممم شحال بنان
لي تعرف الوصفة تنورنا

والبارح عيد ميلاد ختي ايا كي كملو كلشي تفكرتكم:scared01: ااااااااااه مزية بقا مورصو نصورو ههههه

​

 

[ibtesem]

شهرورة بصحتكم لغرتان والكسكسي يم يم
زيزو واش طيبتي خخخخه راني رومبلاصيت لويزة