ماذا ستطبخين سيدتي ...انستي جزء'''31''''

[serinee]

مساء الانوار حبيباتي يعطيكم الصحة كامل واش عملتو لي بيتزا الخفاف التحليات
و صحا عشاكم
انا اليوم رحت حضرت عرس اووووه فوور صورتلك الحلويات غدوة ان شاء الله نحطلكم تشوفو
ليلة سعييدة
​

 

[faloussa]

فلوستي سامحيني اختي العتب على العقل اللي راه مفورماطي حتى حاجة مراهي تركب في عقلي نيشان ههههههههههه
الكيكة تهبل و المدلوك جاك فورررررر و الله غير نستعرف بيكم يا بنات الغربة راكم متركتوش التقاليد و ديما تطيبوا و تحطوا الله يبارك على بنات بلادي

صحا عشاكم لبنات كامل

اسماح حبوبة كوثر ماكان حتى مشكل اختى انا ثانى والله ما نقعد رانى غير نجامى :p

 

[mimi53]

ميمي حنونة يطيب غبر البيزا هوت هههه

هههههههههههه
لا لا ويطيب الخبز العربي هات
هههههههه

 

[ام اية الرحمان]

السلام عليكم

 

[mimi53]

وعليكم السلام ام اية الرحمان واش احوالك حبيبتي

شهرا واش بيك اليوم تجامي وتهربي غير الخير انشاء الله تكوني بخير
توحشنا صوتك
ههههه

 

[نور الرحمان]

السلام عليكم يالبنات صح عشاكم

 

[ام اية الرحمان]

لاباس الحمد لله
سقسي عليك الخير

 

[ام اية الرحمان]

رحتو رقدتو تصبحو على خير

 

[حاملـة المسك]

السلام عليكم

دخلت نحوس كشما حاجة نفطر بيها صبت خير كبير اللهم و بارك
يحفظ حباباتي و يبقي الستر عليهم ديت خفاف ديال كوكو

يعطيكم الصحة لبنات

////////

و يبدأ يوم آاااااخر

نهاركم مربوح

​

 

[كوثر الوهرانية]

صباحكم سعيد
يوم موفق
رغودة صباح الخير اختي بصحتك السفنج

 

[عفاف الجزائرية]

صباحكم بالخير والحب والامان والطمأنينة
ننهاركم مبروك ورب يطرحلكم فيه الخير
ربي يهنيكم خياتي كامل
​

 

[somo_81]

صباح الخيرات على الفحلات اللمويات الزينات
نهاركم مربوح ان شاء الله

 

[hadda0425]

صباح الخير على الناس لملاح
نبداو من البارح

رغودةلغرايف مثقوبين كي السيار يعطيك الصحة ولا لفطيرة الجاردينيار تسخف بصحتكم
ام ندى وشريفة بصحتكم الفول بيبتو لبعضاكم وبالنسبة لانفي البارح من كثرة الدوسيات عليه دفع استقالتو ههههههههه
​

اه يا لويزة على القرنطيطة ما دريش مزية تفليكسيلي كل ما نشوفها نقول نديرها ننسى نشري الحمص المرحي بصحتكم
سهام بصحتك العيش راه باين يهبل بصح معاه البن كيفاه يا بنتي درتي قنبلة في لي ستومة تاعك ههههه
ميمي بصحتك الاعادة تع لامونة شهتيني فيها
ابتسام طابلة تشهي من الشكشوكة للمرقاز للخبيزات الصغيرات
ملينا مرحبا بيك في المطبخ والكيكة مم تهبل ما شاء الله يعطيك الصحة
فريد بصحتك الغدا لخفيف والسفنج يسخف رغم اني درتو شهتيني فيه
شهرة السباقيتي مممم والكرمب راني نتخيل فيه وهو سخون يمي يمي
نورالرحمان سمحيلي ما نتبهتش عشاك يفتح النفس يعطيك الصحة
​

 

[hadda0425]

يا سيدي البارح جيت نخرج انا سع جاوني الضياف وليت قعد ودرتلهم لعشا هاو عشانا تع البارح





سلاطة كعبر ومد لعورجيت نحط السلاطة حسبت الزيتون كاين ضربت لقيت 3 زيتونات لا فوقهم لا تحتهم هههه حطيتهم ما علبليش شكون كلاهم




​

 

[ibtesem]

رغودةلغرايف مثقوبين كي السيار يعطيك الصحة ولا لفطيرة الجاردينيار تسخف بصحتكم
وشريفة بصحتكم الفول بيبتو لبعضاكم وبالنسبة لانفي البارح من كثرة الدوسيات عليه دفع استقالتو ههههههههه
​

اه يا لويزة على القرنطيطة ما دريش مزية تفليكسيلي كل ما نشوفها نقول نديرها ننسى نشري الحمص المرحي بصحتكم
سهام بصحتك العيش راه باين يهبل بصح معاه البن كيفاه يا بنتي درتي قنبلة في لي ستومة تاعك ههههه
ميمي بصحتك الاعادة تع لامونة شهتيني فيها
حدودة كسكسي بالفول اممممممممممم نموت عليه تسلم اديك بصحت الضياف اممم الفلفل اشهي
ملينا مرحبا بيك في المطبخ والكيكة مم تهبل ما شاء الله يعطيك الصحة
فريد بصحتك الغدا لخفيف والسفنج يسخف رغم اني درتو شهتيني فيه
شهرة السباقيتي مممم والكرمب راني نتخيل فيه وهو سخون يمي يمي
نورالرحمان سمحيلي ما نتبهتش عشاك يفتح النفس يعطيك الصحة
شكر خاص الى حدودة وفرتي عليا كتابة التقرير
:d

​

 

[ibtesem]

غدانا كان خفوفي خاضة للبنات
انا كي رجعت رجليا تكسرو من المشي ايمالا عملت خبر وطماطم ههه صبرت بيهم روحي
البنات سندويتشات
حوت بطاطة طبعا مشرين انا غير طيبتهم ههه الطياب فيها فيها منهربوش منو

بصحت الجميع
​

 

[imane27]

مساء الخير على وجوه الخير واش راكم ليوم
نبدا بانور الرحمان ديما طيابك يشهى يعطيك الصحة
اممممممممممممم رغود على لخفاف راكم شاطرين فيه بصحتكم
ابتيسو بصحتكم لخيفيف كون غير نقدر نطيبو
لبارح عشايا لوبية وفريت اوملات وبروكولى كادو لندى راه قريب يخلاص فالمرشي هههههههه:d

 

[ام ريهام]

السلام عليكم يومكم مبارك سعيد وبصحتكم كامل واش تغديتو

انا اليوم درت دوارة وسلاطة..

 

[shahrazad]

مساء الانوار عليكم
ابتسام بصحتك الخرجة ولعشا كل شي واجد زيين
حدة يعطيك الصحة راكي قمتي بالضياف تسلم الايادي
لويزة بصحتكم لعشا لخفيف

البارح عشانا خفيف فالمقلة كسلو يديكم باه مانخسروش الطباسا
واليوم لابيري بالجاج
ومسكوته

​

 

[ام شيماء]

مصحتكم يا لبنات الله يبارك وكلش شباب ربي يقوي الخير