ماذا ستطبخين سيدتي ...انستي جزء'''31''''

[yasmine mimina]

ياسمين اختي على سلامتك واش راكي واقيل راكي جايبتها مرو لي تارت ههههههه هادا رابط شوفي إذا لي راكي تحوسي عليه
https://www.4algeria.com/forum/t/361892/

ربي يخليك حنونة دوك نشوف الوصفة
ربي يعطيك ما تتمناي
ايه و الله راني داخلتها غير تارتات انا نمووووت عليهم و زيد باردين في الصيف:up:

 

[مطبخ الأحلام]

ميس سوسو
هداك صحن من نوع السيراميك
في صحن التقديم نسقي الروز بالمرق
تاني عندي البنات احبوه وحدو بلا مايسقيوه
​

روعة وفن يعطيك الصحة يآ أنيقة أنتي :$

أيوة كيمآ فهمت وكن عارفة راح تسقيه علابيهآ قتلك هاتي طبسي هاكك كيمآ لبنآت :d

بالصحة والهنى حبيبة :$


​

 

[yasmine mimina]

نروحو الى ياسمين عروستنا على قريب :$
تفاح اختي قطعيه براج براج رقاق وتبليه في السكر والقرفةملعقة صغيرة عصير ليمون مع لدخالو للفرن يذبال وحدو
راكي تهدري على apple pie

ههههههههه ان شاء الله حنونة صح ما بقاش بزاف
ايه راني نهدر عيها هي بالدات
يعطيك الصحة حنونة انا اصلا كنت حاصلة فالتفاح كيفاش نديرلو خاطر ماما مالفة طيبو فالسيرو بصح ما عجبنيش علابيها حوست على طريقة اخرى
ربي يخليلك بنوتاتك و تشوفيهم عرائس عاجلا غير اجل :p

 

[yasmine mimina]

سومو اختي ماشي هادي هي الوصفة اللي نحوس عليها بصح مام هادي رووووووووووعة:up: عجبتني بزااااف واقيلا نسييهم في زوج غدوة هههه:d
المهم يعطيك الف عافية انت و ميس سوسو صاحبة الوصفة ربي يجازيها كل خير:regards01:

 

[ام منصف]

ياسمين بسبوسة وعليها الكلام
امالا جات في وقتها مع كاس التاي ههههه
بالصحة والهناء وما تنايناش بصور الكيكة اللي راح ديريها امبعد :$
​

 

[ام شيماء]

مصحتكم كامل كانت قهوتي بالكعك ياسمين من فضلك وصفة البسبوسة راها تشهي

 

[yasmine mimina]

ياسمين بسبوسة وعليها الكلام
امالا جات في وقتها مع كاس التاي ههههه
بالصحة والهناء وما تنايناش بصور الكيكة اللي راح ديريها امبعد :$
​

ههههههه شفتي كيفاش
ما يكون غير خاطرك ان شاء الله غدوة راني نحطها و ادا ما حطيتهاش اعرفي بلي خرجتلي كاارثة هههههههه:p

 

[yasmine mimina]

مصحتكم كامل كانت قهوتي بالكعك ياسمين من فضلك وصفة البسبوسة راها تشهي

الله يسلمك حبيبتي و بصحتك الكعك نحبو بزاااف
المهم الوصفة كاتالي/
4 حبات بيض
3 كيسان سميد
فانيلا او قشور الليمو بصح ديري شوية بالزياد
كاس زيت
1 و نص خميرة الحلويات
كاس و نص سكر
نصف كاس حليب
اما الشاربات/ درت 3 كيسان سكر و 4 كيسان ماء و خليهم فوق النار حتى يتقالو شوية
و بالصحة و العافية

 

[ibtesem]

سومو اختي ماشي هادي هي الوصفة اللي نحوس عليها بصح مام هادي رووووووووووعة:up: عجبتني بزااااف واقيلا نسييهم في زوج غدوة هههه:d
المهم يعطيك الف عافية انت و ميس سوسو صاحبة الوصفة ربي يجازيها كل خير:regards01:

مسابقة الشف الصغير**سلوى**

تفضلي ياسمين الوصفة وقيل تقصدي هدي
لي انا شرحتهالك
​

 

[yasmine mimina]

مسابقة الشف الصغير**سلوى**

تفضلي ياسمين الوصفة وقيل تقصدي هدي
لي انا شرحتهالك
​

يعطيك الصحة حنونة ربي يخليك
ان شاء الله نتوفق فيها برك
مرسيييييييييييييي

 

[ندى الورود]

السلام عليكم
صحا غدواتكم كامل
ماعليهش كنت مشغولة بالورطة ووليت مانطلش بزاف هنا
يعطيكم الصحة على كل اطباقكم كل شي هايل إن شاء نرجع نجاميكم كامل
غدانا بطاطا فريت مع فلفل مقلي وكسرة وسلاطة
وأنا درت ليا مقرونة سريعة سخفت عليها

​

 

[ibtesem]

ندنودة بصحتك المقارون اممم جاتك مع تبريشة تاع الفرماج
ولحشيشة في النص
تسلمي
​

 

[oumniati]

وهذا كاس تاي باش تصحصحوا من التGيال

هزوا طرف مبسس من عند سوسو وسموا بسم الله​

​

وهذيك الكشكوشة والا الرغوة في خاطر حبيبتي خيرورة
اللي عصبت لكاس التاي نتاعها في الورطة
:p​

hhhhh hram jabtihli salakt bih rassi hhhhhhhh, hada thé wella khalini, nji 3la jalou l batna hhhhhhhh

 

[ام منصف]

بصحتك ندى المقرونة باينة بنينة امممممممم مع رشة الفرماج
وبصحتهم الفريت والفلفل
​

 

[ام منصف]

اهلين خيرة
كان فيها تجيني للدار كل اليوم نحطلك كاس كيما هذا
يوم المنى
نديرلك الاغراءات باش تزوريني
​

 

[اسيرة]

السلام عليكم أخواتي
بصحتكم كامل واش طيبتو كل شي يشهي الله يبارك
حبيت نشارككم ببعض أطباقي السابقة ان شاء الله يعجبوكم

 

[اسيرة]

بصحتكم كامل واش طيبتوا

 

[كوثر الوهرانية]

مساء الخير
واش الاحوال عندكم
هنا راه المطر دايرة حالة تقولي الشتاء رجعت من جديد
بصحتك اختي اسيرة راكي ساجية الله يبارك
بصحت عشاكم كامل
انا درت لوبيا خضرة و بقاتلي الحشوة من الهمبرغر نتاع البارح ايا عاودت عجنت و زدتهلهم
ام الحلوين و خيرورتي اليكم وصفة الهمبرغر
العجينة
واحد كلغرام فرينة زوج ملاعق كبار لحضة زوج ملاعق كبار خمارة زوج ملاعق كبار سكر ملح اربعة ملاعق كبار زيت و ملعقة كبيرة زبدة غير مدابة نبسسهم مليح نضيف بيضة و نلم العجينة بالماء الدافي ندلكها مليح (لازم العجينة تكون طرية) ندهنها بالزيت و نغطيها بساشي و نتركها تخمر
الحشوة
اربعة حبات بيض فايضين نرابيهم و نضيف عليهم تلات قطع فرماج شاف و ملح و قليل من الفلفل الاسود نمرسهم مليح
ناخد تلات بصلات نقطعهم صغار و ندبلهم فالزيت تم نضعهم على الكفتة تكون نية مشي طايبة نزيد ربطة معدنوس مقطع صغير و طرف شاف و ملعقة صغيرة فلفلة حمرة ملح و فلفل اسود و نخلطهم مليح
ناخد طماطم و نقطعها دوائر رقاق
طريقة التحضير
كي تخمر العجينة نقطعها كويرات صغيرة و نمرر كل كرة في الفرينة و نغطيها بسربيتة و نبدا نخدم بالوحدة
نحل الكورة مليح من الجوانب و نخلي الوسط غليض شويا و نحط دائرة طماطم و نزيد فوقها ملعقة من خليط البيض و فوقها ملعقة من خليط الكفتة ثم شرائح من الزيتون و ادا تحبي الفلفل اضيفي و غلقي عليها يعني هزي من الجوانب و بقي تلمي فيهم غلقي مليح و حطي فوق سني كرري نفس العملية مع باقي الكويرات غطيها و خليها تخمر في هدي الاثناء سخني الفرن كي يخمر طليهم بالبيض و رشي جلجلان و دخليها الفرن يكون ساخن جدا
ان شاء الله شرحي يكون واضح
دعواتكم يا اخواتي لصاحبت هده الوصفة اللي هي معلمتي ربي يفرج عليها و يفك غبينتها و يعطيها صحتها

 

[oumniati]

الله يجازيك خير يافريدة، وربي يفرج على مولات الوصفة ان شاء الله ويفك كربها يارب


ربي يخليك شريفة، كي تجيبي إياد نجيك هههههه ، (تحبي تخلي إياد لندوش عليك على ناصر، نصيرة طارو بيها ههههههه:p


عشانا روز بالكلمار، وحنيت على هذاااااك الفول درتو بلاصوص


بصحتكم كااااامل

 

[ام شيماء]

السلام عليكم يا لبنات اليوم راها عندنا شتا تقولو جانفي املا درت الفطور العدس والبطبوط صح فطوركم