نصيحة يا اخواتي

[hopeful girl]

انا حامل في الشهر التامن ولم يبقي علي ولادتي الا ايام معدودة بصح يا خياتي مرانيش نفرح في الرقاد نبات نتقلب حبيت تقولولي كاش وضعية تساعدني في النوم.
و ارجو منكم ان تقدموا لي نصايح ليوم الولادة بالاضافة الي الاشياا اللي لازم نديها معايا في الحقيبة ولاتنسوني بالدعاا لانو هذا حملي الاول وراني خايفة بزاف .

 

[*Sarah Dz*]

تم نقل الموضوع الى ركن الاستشارات الطبية
ربي يجيبلك ولادة سهلة اختي .. لي عودة ان شاء الله
​

 

[نبض الحياة]

السلآم عليكم
اولا ربي يقومك بالسلآمة ان شآء الله
وبرزقك الذرية الصآلحة يآ رب
بالنسبة لطريقة النوم الصحيحة في حالتك تكون على الجنب مع تجنب وضعية الظهر لانها مآشي مليحة سيرتو على الجنين
قآدر تمنع وصول التغذية ليه والعكس النوم على الجنب يحسن من التغذية بالطبع لانه يزيد من وصول الدم للمشيمة
التقلب اثناء النوم وانعدام النوم المريح امر عادي خصوصا مع تطور البطن
بالنسبة للولادة ان شاء الله تكون سهلة عليك
هي مجرد ساعات ألم لكن كي تحملي وليدك ولا بنيتك تنسي كل شيء
اكل التمر في الايام الاخيرة من الحمل مليح بزاف كذلك المشي
بالنسبة لحوايج الولادة ممكن سيدآت اللمة يسآعدو بحكم مرت عليهم
فقط لازم تحملي حوايج البيبي كامل وحتى حوايجك انت الشخصية وتعمليهم في حقيبة خاصة وتوجديهم قبل موعد الولادة طبعا
ربي يرزقك ساعة خير ان شاء الله
​

 

[*Sarah Dz*]

اليك اختي بعض النصائح اضافة لنصائح الاخت رقية:

• حاولي ان تختاري نوعية فراشِك لان لدلك أهمية كبيرة في راحتك أثناء النوم
لذا حاولي أن تختاري نوعاً صلباً لدعم انحناءات جسمك

• يمكنك وضع الوسادة ما بين قدميك هدا سيساعدك على الشعور براحة أكبر اثناء النوم

• استعيني بوسادة و ضعيها تحت البطن من الجنب اثناء نومك سيريحك اكثر
و عندما تشعرين بآلام الظهر يمكن وضع وسادة خلف الظهر للشعور بالراحة
وفي حال الشعور بالحموضة فيفضل رفع الجزء العلوي من الجسم باستخدام أكثر من وسادة

هده بعض الصور التوضيحية

• ان النوم على الظهر خاصة في الاشهر الاخيرة مع كبر حجم الجنين يسبب ضغطاً
على الظهر وعلى الوريد الذي ينقل الدم من الجزء السفلي من الجسم إلى القلب
كما يسبب ضغطاً على الأمعاء الأمر الذي يبطئ عملية الهضم

• عليكي ان تنتبهي عند الاستيقاظ من القفز فجأة من الفراش فقد يسبب لك الدوار
الأفضل أن تأخذي وقتك في النهوض وذلك بأن تجلسي بضعة دقائق قبل مغادرة الفراش
​

 

[anissa 13]

اولا مبروك عليك حبيبتي وربي يفرحك بدريتك
مشكلة النوم حتى انا عندي ملي دخلت الشهر الرابع وانا نسوفري
ماترقديش على ضهرك يقولو الجنين مايوصلوش الاوكسجين مليح رقدي على جنبك والاحسن على جنبك الايسر باش ماتظغطيش على الكبد لانه على اليمين (سمعتها من عند طبيب)
نتي انشاءالله تولدي فماي يعني مازال الحال بارد على البيبي ماتلبسيلوش قش الصيف واهم شي تبداي بيه هو صاك السبيطار خاطرش الزيادة تجي على غفلة
انا تاني راني كيفك بصح عندي عاد 6 اشهر نستنى ندخل للسابع انشاءالله ونشري
شريلو
التقاشر

بوديهات يديهم طوال وبعضهم يديهم قصار

البوني طبعا

براسيار مهم ايضا

تيشرتات ايديهم قصيرة وطويلة

اونسومبل كاين بزاف موديلات نتي اللي تحبي

بيجامات

بافوارات

هادي الملابس وكاين الفرش drap couverture coussin ......
والاكسسوارات بيبرون سوسات طالك مشط ....
وماتنسايش لاباراي فوطو باه تصوريه لحظة ولادته
ربي يفرحك ختي ودعيلي معاك
​