ربي يهدينا يا رب

[سمسم السمسومة]

اليوم كان في بالي كي نخرج من الخدمة نروح نشري شويا حوايج.....رحت درت شويا كل مرة ندخل لحانوت اذا لقيت حاجة عجبتني نجيبها اذا مكانش نجي خارجة....فرحة كبيرة كي تدخل لاباي و تروح تشري حاجة حاجة لناس لي تحبهم...المهم جيت ندخل لطاكسيفون باه نفليكسي صونالي الموبيل و على حساب الرنة عرفتها حبيبة قلبي أختي كشما راح تقولي جيبيلي معك....مدخلتش حكيت معاها برا...أنا نحكي معاها لقيت واحد العجوز تعيطلي يا بنتي يا بنتي....شفت ليها و الله لقيت حالتها حالة....عكاز تاع الحديد...قلت لختي حاوزي روحك راني مشغولة.....رحت ليها قاتلي عاوننيني نطلع الدروج عاونتها...و على حساب حالتها و الله غاضتني حوايجها ماشي نضاف و معندهاش السنين و رجلها مريضة.....كي طلعتها قتلها نخليك كشما تحتاجي قاتلي والله يا بنتي رايحة نقولك حاجة و وجهي مبهدل....قتلها خير برك قاتلي كنت عند الطبيب ذركا و قالي راكي مريضة بالسكر و معنديش الدراه ساخفة في شويا تفاح اذا عنك تعطيني قلتلها معليش....جبدت بورت موني تاعي عطيتها....قتلها ما ادعيلي دعوة خير....بدات تدعي و انا رجعت لطاكسيفون جاتني وحدة قاتلي اختي حابة نسقسيك...حرت قتلها تفضلي قاتلي هذيك العجوز قاتلي اعطيني دراهم قتلها ايه قاتلي عطيتيها قلتلها ايه...تبسمت و راحت عيطتلها قتلها علاه سقسيتيني تعرفيها....قاتلي هذيك عجوزتي...راها كذبت عليك هي صح مريضة مي عندها الدراهم و لاباس بيها مي قاتلي ناضتلها هاذ الفكرة في راسها رجعت تطلب الدراهم من الناس...قتلها انا قصدتني مقدرتش ردها و صح غاضتني حالتها بزاف....كملت ندور ....شويا دخلت لواحد الحانوت مع الدخلة تاع الباب تلاقيت مع هذيك العجوز...شاريا حوايج و خارجة بيهم و كي شافتني عرفتني قاتلي بنتي هاذوا و الله ماهم تاعي تاع الناس ورايحة تزيد تحكيلي كشما حكاية...الصح تبسمت في وجها و بدلت الطريق....ربي يهدينا يا رب

 

[بنت الـ25]

تم الاعتماد
لي عودة

 

[أم راضية ~_]

السلام عليكم
هاوليك وعلاش الناس ما ولاوش يأمنو الصادقين من الكدب تاع الكدابين الي فسدوها على المحتاجين تاع الصح
ربي يهدينا ويحسن عاقبتنا​

 

[سمسم السمسومة]

السلام عليكم
هاوليك وعلاش الناس ما ولاوش يأمنو الصادقين من الكدب تاع الكدابين الي فسدوها على المحتاجين تاع الصح
ربي يهدينا ويحسن عاقبتنا​

عندك الحق أختي و لاو يفسدوا على المحتاجين تاع الصح...أرواحي نتي ذركا و فرقي بينهم....ربي يهدينا

 

[crazy of mydz]

السلام عليكم سمسومتي الغالية

مشكورة على الطرح وربي يهدي ما خلق
راح المسلم في جرة المجرم كيما يقولو
عدنا ما نعرفوش المحتاجين تاع الصح
من النصابين غير من وراء ناس كيما هاذو
ربي يستر هدا ما كان
تحياتي لك ​

 

[سمسم السمسومة]

اقتباس

السلام عليكم سمسومتي الغالية

مشكورة على الطرح وربي يهدي ما خلق
راح المسلم في جرة المجرم كيما يقولو
عدنا ما نعرفوش المحتاجين تاع الصح
من النصابين غير من وراء ناس كيما هاذو
ربي يستر هدا ما كان
تحياتي لك ​

راسك يحبس في بلادنا...........ربي يهدينا برك....تحياتي ليك

 

[منايا الجنة]

لحقنا منديروش لامان ف الزنقة اختي حتى الطلاب تع الصح مافيهش لامان انا لوكان نصيب نمد لكاش مهبول هو اللي يحتاج باش يشري ماكلة ماشي لهادوك اللي وجوههم صحيح يمدو في يدهم قالك المحتاج تع الصح مايمدش يدو

 

[سمسم السمسومة]

اقتباس

لحقنا منديروش لامان ف الزنقة اختي حتى الطلاب تع الصح مافيهش لامان انا لوكان نصيب نمد لكاش مهبول هو اللي يحتاج باش يشري ماكلة ماشي لهادوك اللي وجوههم صحيح يمدو في يدهم قالك المحتاج تع الصح مايمدش يدو

مي صراحة حاج تحبسلك راسك....واحد عايش فالعز و يطلب من الناس....نقولك الصح انا بيني و بين روحي قاعدة نقول وين راهم ولادها

 

[نقطة حبر]

ربي يهدي ما خلق

 

[سمسم السمسومة]

اقتباس

ربي يهدي ما خلق

أمين يا رب............

 

[EL General]

كاين برشا منهم اذوما الناس ، و خاصة منهم نسبة كبيرة من لعجايز

آفة كبيرة يجب ان تزول في اقرب الآجآآل

سلآلآمي
​

 

[amira94]

السلام عليكم

ربي يهدي ما خلق الانسان كرمه الله وهو يروح يطيح بروحو والله حرااام

وكون تروحي ليهم أختي سمسومة ياو تلقايهم عايشين خير عليك وعليا

وكيما يقولو المحتاج مايمد يدو للناس

شكرااا على الموضوع
​

 

[أم أمين23]

هو صح كاين كيما هاد العباد وبصح المهم في الامر انو الواحد ياخذ الاجر ضرك سوا هي صادقة والا كاذبة ما يهمش الاصل في نيتك معاونتها وربي يهديهم هوما بالاك راهي ماشي نورمال مادامها لاباس عليها وتطلب اكيد ماشي نورمال

 

[amira94]

هو صح كاين كيما هاد العباد وبصح المهم في الامر انو الواحد ياخذ الاجر ضرك سوا هي صادقة والا كاذبة ما يهمش الاصل في نيتك معاونتها وربي يهديهم هوما بالاك راهي ماشي نورمال مادامها لاباس عليها وتطلب اكيد ماشي نورمال

ما بيهم والو يا أم أمين عادو مدايرين التسول حرفة ولا خدمة والله تلقايهم بعقولهم مابيهم والو ويطلبو ومايقنعوش بالقليل تلقايهم بنات صغار لاباس عليهم قادرين يروحو يخدمو خدمة شريفة تقدر تدير شخشوخة وتفتل الكسكسي وتبيعهم وهي جابت قوت يومها والله يا أم امين عادو مدايرين التسول حرفة هذا ماكان

ربي يهديهم ويهدينا يا رب
​

 

[سمسم السمسومة]

اقتباس

كاين برشا منهم اذوما الناس ، و خاصة منهم نسبة كبيرة من لعجايز

آفة كبيرة يجب ان تزول في اقرب الآجآآل

سلآلآمي
​

كيفاه رايحين نحيوهم.......هذا هو المشكل.....ربي يهدينا....تحياتي ليك جينيرال

 

[سمسم السمسومة]

اقتباس

السلام عليكم

ربي يهدي ما خلق الانسان كرمه الله وهو يروح يطيح بروحو والله حرااام

وكون تروحي ليهم أختي سمسومة ياو تلقايهم عايشين خير عليك وعليا

وكيما يقولو المحتاج مايمد يدو للناس

شكرااا على الموضوع
​

بصح أختي علاه هذا التفكير كامل....لوكان عطا ربي مرا كبيرة راها في دارها و لا دار وليداتها معززة ماشي تخدم خدمة كيما هاذي و بزيادة مدام عروستها عارفة لحكاية اكييد ولادها يكونوا يعرفوا مي علاه شايفين امهم مايرة حاجة كيما هاذي و ساكتين...تحياتي ليك

 

[سمسم السمسومة]

hrjfhs

هو صح كاين كيما هاد العباد وبصح المهم في الامر انو الواحد ياخذ الاجر ضرك سوا هي صادقة والا كاذبة ما يهمش الاصل في نيتك معاونتها وربي يهديهم هوما بالاك راهي ماشي نورمال مادامها لاباس عليها وتطلب اكيد ماشي نورمال

كثرو الناس لي ماشي نورمال...ذركا تعدلي الكبير و لا تنصحي الصغير....صراحة حاجة تحير...تحياتي لي أختي

 

[malak mayar]

ربي يهدي وربي قال غير عند الضرورة القسوة روح تسول مشي وقت الي تحب
وربي يجازيك خير اختي على مساعدتك لها :regards01:

 

[سيموني]

انا منمدش دراهم نشري كاش حاجة ونمدها ,,,,

​

ربي يهدينا

 

[رتيبة عبدو]

السلام عليكم اختي المهم انه الاجر تسجل وهي حسابها عند مولاها