la vitesse

[فتاة حساسة]

السلام عليكم ورحمة الله تعالى وبركاته


واش راكم ...تواحشكم بزززاف...ختيوتكم في حالة...وحد لاGريب حكمتني خليها لربي



المهم ياك نتوما لاباس

نجوزو لموضوعنا01

اللي هوا لافيثاس


تلقى لي جون كاااااامل يقفل الطابلو والا مايمشيش...

ولامود تاع النسا اللي ولاو يسوقو..والبارح راحت فيها طفلة عمرها 2 عامين دهمتها مرا قاعدة تتعلم..ربي يرحمها...

وعندنا في ميلة جاز وحد العام بلاك2011 كل 15 يوم نسمعو بكليكا تاع لي جون دارو اكسيدون


ونتوما ياليجون تاع اللمة ...ديرو لافيثاسس

واش معنتها كي تقفلو الطابلو


ونتوما يالبنات معولين ديرو البيرمي؟


اتهلااااو​

 

[بنت الـ25]

السلام عليكم
أولا ربي يشفيك نجلا ويبعد عليك كل بأس
وثانيا حوادث المرور هادي ولات هاجس يرعب الجميع والإحصائيات تع كل عام مكلاه نهدرو عليها
وياما دارو حملات توعية وهديك البلاكات تع لا تسرع عائلتك في انتظارك ...الخ ملاو بيها الطرق بدون فايدة
تهور لحظة يفقدك أو يفقد غيرك حياته
وديفوا تلقاي الراجلين هوما المتسببين فالحادث
شفيت فالـ2010 درت روبورتاج على حوادث المرور هزينا الكاميرا ورحنا نصورو
تعرفي وحد الـ pont فوق لوتوغوت الغاشي يحبسهم البيس تحت الـpont باش يطلعو فوقو ويقطعو
هوما لالا ما يتعبوش يقطعو لوتوغوت نوغمال ايماجيني وحدة فيهم تدز فلاpوسات تع بنتها وقاطعة نورمال خلاص
انا قعدت نجبد فيها بالزووووم خخخخخخخ حكمتها فـla grande ختك ما تراطيش

اما ليزيرجونص فلوpبيطال فحدث ولا حرج هدا مبليسي من يدو ولاخر مكسرة رجلو ... قلبك يولي يصطر

قلتي

ونتوما يالبنات معولين ديرو البيرمي؟

ايه وعلاش لالا البيرمي تلقايه تلقايه ومش معناها انو حوادث المرور كثرت وناس اللي دير لافيتاس هبلت انا نحرم روحي مالبيرمي :p
وينو الوقت برك ههههههههههههههههه

صحيتي نجلا وبربي ترجعي لينا في صحة وعافية

​

 

[ماكانش]

أهلا بيك نجلاء
يعطيك الصحة على موضوعك الباهي
درك يديرو لافيتاس لاخاطر ماشراوش الطوموبيلات من جيوبهم ...
---
ماعجبنيش الستيل تاع المنتدى كي بدلوه درك
​

 

[serinee]

اولا ربي يشافييك ان شاء الله
صح لافيتاس ولا بزززاف انا وليت كي نطلع مع خاوتي حتى نخاف مرة غير ربي لي ستر
اي ربي يرحمها مسكينة يا خاه تغيض
انا دايرة البيرمي كنت نسوووق مي دركا كيفاش ولاو يسوقو وليت اعتزلت السياقة
شكرا لموضوعك المهم
​

 

[nanoche]

ربي يشفيك يا أختي و ان شاء الله زكاة نفس
و ربي يحفظك على الموضوع راهو مليح خصوصا ان الجو ربيع و الناس عادت تخرج بزاف تحوس و ربي يرحم البنية اللي توفاة
و ربي يهديهم ان شاء الله على لاvيتاس اللي رغم الحوادث المميتة اللي راها تصرا مي ما حبوش يتوبو لوكان برك نهار يزورو أي مستشفى و يروحو لقسم الحوادث و الله يبكيو الدم
مي احنا عندنا حتى تطفر يبداو في كلام لوكان و لوكان....
و على الpارمي أنا الحمد لله عندي من 12سنة و راني نسوق من 8 سنين ما عملت حتى حادث و كي نهبل نمشي 100 و هاذي نادرا جدا
ربي يهدي les jeunes العمر غالي بالاك نقولو اللي مات ريح بصح و اللي بقى معوق واش يدير لوكان يرجع الزمان باللور قبل الحادث بساعة
يا درى يدير لافيتاس؟؟؟؟
ما شكيتش
​

 

[رضوة الجزائرية]

صح صار مشكل عويص ربي يهديهم برك​

 

[SETIF étudiant]

السلام عليكم موضووووووعك مليح وعليه نرد
عقليتنا دركا الجان يقولك قد السيارة وكأنك تملك الطريق ههههههههه
في سطيف سوقة السطايفية تطيح عينك غير على عفايس تاع نيد فور سبيد خخخخ تقولهم بكل طالعين للسباق ههههههههه زيدي تاني يفناو على الحشير يعفسو على لافيتاس ......ديجا حنا هنا في سطيف يقولك سمانة في سبيطار ولا ساعة روطار ههههههههههههههههههه....... خخخخ الشعب يحب يتباهى برك في الطرقات الشعب حاير كان يكملو هكدا بكل يموتو بالحديد والله يستر

سوق بعقلك يا جان فإن الشيخ ابن باز رحمه الله يرى أن تجاوز السرعة القاء النفس الى التهلكة ما تخافش على حياتك خاف على حياتنا عادي

 

[فتاة حساسة]

صاحيتو خاوتي على المرور...ان شاء الله كي نرتاح نرد عليكم واحد واحد ..​

 

[ملكًة الاحسآس]

وعليكم السلآآم
أهلآآ بميس سونسيبل الي رآهي في حآلة
ربي يشفيك حبوبة
بالنسبة لموضوعكـ الي هو لافيثاس
رجعت كآرثة تآع الصح ، ولآبلوبآغ لي جآن الي يجريو
بويسك كمآ يقول بآبآ هديكـ الطموبيل مآتعبش عليهآ كي جآبهآ
يآمآ نآس رآحو في سبتهآ ، الأيآمآت الي فاتو خرجنآ فالطريق شفنآ اكسيدون
حبس بابا سقسى وآش كآين قآلوله ضربو عجوزة وهي قآطعة الطريق
والي ضربهآ كآآن كي الطيآرة ، دركـ لآفوث منعرف منين بويسكـ مرآت تلقآهم يقطعو
فلوثوغوث كي شغل رآهم قآطعين فالصونثخ

ونتوما يالبنات معولين ديرو البيرمي؟

رآني نوجد فالدوسي وآقيلآ نبطل :p

يعطيكـ الصحة ميس سونسيبل على الموضوع السونسيبل :-h


​

 

[أم أمين23]

انا نحب الناس تسوق بياو ما نحبش نسوق
اما الناس الي راهي قالبة الشوارع والصدامات الي حاصلة فالامر طبيعي مادام البيرمي يتمد بالمعريفة ومادام الناس تسوق بلا احترام لاي قانون من قوانين المرور وماكانش اي عقاب لاي مخالفات فالامر عادي وفي بلادي كل شيء عادي غير الي من المفروض يكون عادي ما هوش عادي الا فهمتو فهمتو والا ما فهمتوش ما عندي ما نشرح هههههه

 

[־●ـ‗غمــــوض ــالــورد_ـ●־]

اهلا بيك حنونة ربي يشافيك انشاء الله
نرجعوا للموضوع تاعك وشبيك هدا تحكي على la vitesse
مخفتيش درك على روحك نقتلك قاعدة تحكي عصحايبي ههههههههه
قاعدة نقصر برك انا بصراحة نحب لافيتاس بزاف كان نكون راكبة مع واحد يسوق بشوية نهبل
ايماجيني كي نركب مع بابا ونكونوا مسافرين بلاصة بعيدة par exemple نروحوا لعنابة بش نجيبوا ساعتين ونص فالطريق نديروا 8 سوايع والله حاجة تعيي يمشي 60 تقول خايف عالطريق لايوجعوا lauto route خالية هو يمشيلك ايدا خلاها خلاه يمشي 100 منبغيش خلاه نمشي معاه يديرلي لقلقة هههههههه علابالي حرتي زيماه نحب لافيتاس مي انا هكدا طبيعتي هههههههههه كان ميسوقش واحد 160 متحلاليش ههههههههه
نرجعوا للرسمي هو صح les accident كتاروا خلاو الدنيا مي ماتقوليش حنونة probleme 2 vitesse هاد لبروبلام في واحد زيماه يسوق باسكوا كاين لي ميعرفش يسوق مشني عارفة زيماه اداو la conduite وزيماه فوتوا lcrino وداوه بلا مانحكي على lcode راهوا نص الناس ميحترموش la code de la route et la circulation مام لي يسوق بالشوية وميحترمهمش ديفوا ...الناس ماراهاش واعية فالطريق تلقاي واحد بالوا منيش عارفة وين ويسوق ولا تلقاي قلقان وتعبان ويمشي فالزهر يلقى واحد قداموا يفوت عليه وميفيقش يكون في عالم واحد خلاف هدا هو لبروبلام تاع الناس لي راها تسوق انا نعرف وحايد يسوقوا 500km/h يعني يحرقوا لوتوروت وجامي في حياتهم داروا غلطة ولا accident باسكوا يعرفوا زيماه يسوقوا psk la manque 2concentration هي لي تخلي لواحد يدير هاد لكوارت فالطريق والناس هدوما لي قلتي راهم يموتوا فالطريق ويتبليساو بالاك لمشكل يكون منهم ديفوا لواحد يلقى واحد راهوا جاي رابيد هو يقطعلك الطريق هاو ديجا هو مش عاطي قيمة لحياتوا وهداك بالاك لي يكون يسوق ديفوا كي يلقى واحد خارج عليه soudain حاجة باينة la conduite تتلفلوا يتشوكا منين خرجلوا هاد لمخلوق يروحلوا التركيز تاعوا بلا مايفيق يلقى روحوا صايي سلم على هداك لمخلوق هههههههههههههههه
donc il faut pas نردوا كلش على صحايبي لافيتاس منيش عارفة اسكوا مبعد كي نجيب لبرمي تاعي يوقف معايا ولالا باسكوا من قبيل وانا نحز عليه ونقول بلي متظلموهش راهوا خاطي هههههههههههه نقصر برك
نرجعوا لاكيستيون تاعك:
ونتوما يالبنات معولين ديرو البيرمي؟
هههههههههه راني مدايرة الدوسي وحاطاتوا فالدار يرتاح شوية
معنديش دركا الوقت باش نروح نديروا :d الظاهرة لبرمي خاف مني لا نشوكيه بلافيتاس لي راح نديرها ههه
​