القلق القلق كيفاش انحيه

[ahlam02]

السلام عليكم اخواني اخواتي في اللمة الغالية

الموضوع باين من عنوانه القلق والعصبية مشكلة في حياتي وماحبتش تروح نكون نهدر وواحد يقلقني نتنارفى في وجهه...نستنى الباص ومايجيش نتنارفى...ومانهدرش على حياتي مع زوجي دايما مقلقة من تصرفاته ماعرفتش كيفاش ندير والله مين داك نكره من روحي ونحلف مانزيدش نعاود بصح دايما تتعاود...وشحال من مرة يعطوني الناس نصائح باش نتكالمى ومانتقلقش بصح لا حياة لمن تنادي..قولولي كيفاش نتخطى وانحي هدي العادة.

 

[sahiko hamza]

يا اختي الكريمة ربي يهديك
مي واش ديري فالدار كي تكوني وحدك ؟
آسكو تسمعي لغنا بزاف ؟
تشربي القهوة ؟
تسمعي القرآن بكل صراحة
هادو اسئلة جاوبي عليهم ومن بعد نقلك وش ديري ..
​

 

[::أبرار::]

و عليكم السلام و رحمة الله تعالى و بركاته

مساء الخير اختي

انا منيش عارفة واش هي الاسباب للي تخليك تتقلقي, لكن حطي في بالك عدة أمور في الدنيا هاذي لازم تتقلقي خاصة انتي متزوجة و مسؤولة و إحساسك بالمسؤولية تجاه زوجك و بيتك يزيدلك التوتر هاذي نقطة ما تخافيش و ما تتقلقيش منها لانك مكيش وحدك عندك زوجك تتحاوري معاه و تعيشي معاه لحياة بالنص, اذا تتقلقي من الوحدة في البيت عليك بالذكر و الإستغفار و الصلاة على سيد الخلق سيدنا محمد عليه أفضل الصلوات و أزكى السلام, تعلمي الصبر و حاولي في كل مرة تتقلقي فيها تلتلازمي الصمت و فكري قبل ما تحكي حتى لا تكون العواقب غير محمودة, حاولي تواجهي المخاوف تاعك لأننا نحن بطبيعتنا البشر نتقلقو من حدث صرا و للا من مستقبل مجهول هاذو اكثر الحاجات للي يقلقو الإنسان, و فكر ايضاً في صحتك و في اثار القلق على صحتك شوفي شحال من الناس ماتت و تعوقت من القلق و أحمدي ربي, تعلمي الرضا بما قسمه الله لكي فلا شيء في هاذي الدنيا يستحق القلق, و الإبتســـــامة هي مفتاح المشكل للي راكي فيه عن تجربة راني نقوللك و الله الإبتسامة تخللي القلق يطير في لحظة, و عيشي أوقاتك لحظة بلحظة ما تفكريش في للي فات على خاطر فات و ما تفكريش بالمستقبل على خاطر للي كاتبها ربي تلحق شئت أم ابيتي, و كثري من الدعاء و الإستغفار و اقراي القرآن دائما و ابداً و لا تتهاوني لانو يزيل التوتر و القلق, و توكلي على الله و عيشي حياتك بإبتسامة و بساطة . و إن شاء الله ربي يفرحك و يهنيك و يبعد عليك هاذ القلق و التوتر يا رب

آسفة على الإطالة و تحياتي
​

 

[nanoche]

السلام عليكم و رحمة الله
و يا اختي على حساب ظني ان الجزايريين كلهم معروفين بالتقلاق و الدم السخون .... و هاذي عادة ماشي مليحة فينا كلنا لأننا نوصلو روحنا للتهلكة بيدينا
انا ننصحك يا اختي بكثرة الإستغفار لأنه القلق من الشيطان لما نزعفو تم تم و نتقلقو و نبداو ننتقدو في الأشخاص خصوصا المقربين هذا أكيد راح يهد العلاقة الحلوة اللي بينا و بينهم و هنا يبدا دور اللعين (الشيطان) هو اللي يكبرلنا الأمور و يوريلنا لي ديفو ديال اللي دايرين بينا باش يخسرنا الطعم البنين اللي في الحياة و يخلينا دايما قانطين من رحمة ربي و بالتالي نخسرو احبابنا و نزيدو نخسرو حتى نفوسنا
انا نقلك يا الحبيبة بعدي قد ما تقدري على الضغوط النفسية اللي تسببلك القلق و حاولي تاخذي الأمور دايما ببساطة و لما تجي تتقلقي قولي بينك و بين روحك لالا مالازمش نتقلق لأن هاذي السبة ما تستاهلش يعني بسطي الأمور و حاولي تكوني ايجابية و صدقيني النفس لازملها دايما الترويض وتبقى دايما على السيرة اللي نربوها عليها
و ربي معاك أختي
​

 

[أم راضية ~_]

السلام عليكم
عن تجربة سابقة و امور صراتلي شخصيا
القلق اكتر حاجة فاسدة فالانسان
الي يتقلق يقدر يهدر برك , ما قدرش يتحكم في روحو , يبعد عليه الناس من تصرفاتو , دايما تلقايه متأهب , ويتعاملو معاه بحذر وخايفين منو كاش ما يدير ولا يقول يعني يبقاو يترقبو وقتاش يتقلق..
وهادي حاجة عيانة بزاااف بزااااف
الانسان المقلق مايرتاحولوش , يضطربو معاه وساعات بزاااف ما يقدروش يفهموه ولا حتى يفهمهم
وفالاخير المقلق ما يجيبها غير في صحتو هادا كولون , هادي لاطونسيون و.... غيرها ربي يعافينا و يعافيك
ديري في بالك بلي تتنحالك هاد الطبيعة تتنحى وكلما تحسي روحك بديتي تتقلقي استغفري واذكري ربي
"ألا بذكر الله تطمئن القلوب "
وخليك دايما هكدا :-r
تحياتي
السلام عليكم​

 

[M3TaZ eLLMa]

لي عودة أخت والرد عليك يا طيبة ​

 

[أم عبد الله]

خويا حمزة يخي ماعليش انجاوب انا وتفيدني بالحل :dمي واش ديري فالدار كي تكوني وحدك نخدم خدمتي ولا نقرى والوقت الضائع ع النت ولا التلفزيونآسكو تسمعي لغنا بزاف ؟8 سنين ملي حبستو تشربي القهوة ؟ لالاتسمعي القرآن بكل صراحة احيانا مي نحفظو ونقراه يومياراني نستنى في الحل والدوا التقلاق ولا كي المرض كل يوم يزيد

 

[سما25]

السلام عليكم
والله نصيحتي ليك اكثري من الاستغفار خاطر القلقة من الشيطان هكا ولا راني غالطة
على حكاية الحافلة والله ديما نوض بكري زعما نقرا على ال7 وكي نخرج وين يقاريو نلقاهم راحو مرة خرجت غير ربع وهكاك لقيتهم راحو اديت قرايتي كامل غير بالحافلة هاده بصح مش مشكل ومش حاجة تقلق تعاملي مع الامر بكل بساطة وزني خير تصيبيه ماتدري بالاك هكدا خير
اما مع زوجك يا اختي نقولك انعلي الشيطان والله المسكين حتى هو يجي مملي من الخدمة ومن الصباح وهو يتعب على جالك باش في الاخير يدخل للدار يصيبك قلقانة كيفاش اه شوفي لاشتة ماتقدريش تنحي القلقة هادي كل ماتشوفي وجه زوجك لازم تنساي ماتحسسيهش بلي راكي قلقانة ونزيد نعودلك كثري من الاستغفار والقران خاطر القلقة من الشيطان واذا تطلب الامر روحي ارقي احسن
سامحيني طولت عليك
سلاموربي يوفقك

 

[miss A]

لا اله الا انت سبحانك أني كنت من الظالمين
دعاء سيدنا يونس عندما كان في بطن الحوت تذكرين ها سبع مرات
وسترين سبحان الله يذهب القلق والتوتر
مفيدة جدا وكذلك الوضوء يذهب القلق والاستغفار كذلك
ارجو ان اكون قد بلغت وأرجو ان تستفيدي منها
تقبلي مروري

​

 

[ahlam02]

يا اختي الكريمة ربي يهديك
مي واش ديري فالدار كي تكوني وحدك ؟
آسكو تسمعي لغنا بزاف ؟
تشربي القهوة ؟
تسمعي القرآن بكل صراحة
هادو اسئلة جاوبي عليهم ومن بعد نقلك وش ديري ..
​

كي نكون وحدي نتفرج تلفزيون ولا نخدم الشغل
أنا مانسمعش لغنا ماندورش كامل بيه مرة في الغرة نسمع غنية ولا زوج مانزيدش
مانشربش القهوة
مانسمعش القران بصح نقراه ماش بزاف
يعطيك الصحة وربي يحفظك راني نستنى في ردك

 

[ahlam02]

و عليكم السلام و رحمة الله تعالى و بركاته

مساء الخير اختي

انا منيش عارفة واش هي الاسباب للي تخليك تتقلقي, لكن حطي في بالك عدة أمور في الدنيا هاذي لازم تتقلقي خاصة انتي متزوجة و مسؤولة و إحساسك بالمسؤولية تجاه زوجك و بيتك يزيدلك التوتر هاذي نقطة ما تخافيش و ما تتقلقيش منها لانك مكيش وحدك عندك زوجك تتحاوري معاه و تعيشي معاه لحياة بالنص, اذا تتقلقي من الوحدة في البيت عليك بالذكر و الإستغفار و الصلاة على سيد الخلق سيدنا محمد عليه أفضل الصلوات و أزكى السلام, تعلمي الصبر و حاولي في كل مرة تتقلقي فيها تلتلازمي الصمت و فكري قبل ما تحكي حتى لا تكون العواقب غير محمودة, حاولي تواجهي المخاوف تاعك لأننا نحن بطبيعتنا البشر نتقلقو من حدث صرا و للا من مستقبل مجهول هاذو اكثر الحاجات للي يقلقو الإنسان, و فكر ايضاً في صحتك و في اثار القلق على صحتك شوفي شحال من الناس ماتت و تعوقت من القلق و أحمدي ربي, تعلمي الرضا بما قسمه الله لكي فلا شيء في هاذي الدنيا يستحق القلق, و الإبتســـــامة هي مفتاح المشكل للي راكي فيه عن تجربة راني نقوللك و الله الإبتسامة تخللي القلق يطير في لحظة, و عيشي أوقاتك لحظة بلحظة ما تفكريش في للي فات على خاطر فات و ما تفكريش بالمستقبل على خاطر للي كاتبها ربي تلحق شئت أم ابيتي, و كثري من الدعاء و الإستغفار و اقراي القرآن دائما و ابداً و لا تتهاوني لانو يزيل التوتر و القلق, و توكلي على الله و عيشي حياتك بإبتسامة و بساطة . و إن شاء الله ربي يفرحك و يهنيك و يبعد عليك هاذ القلق و التوتر يا رب

آسفة على الإطالة و تحياتي
​

بارك الله فيك اختي ربي يخليك ..كاينة منها نتقلق على كل شي وربي الي كاتبه ونعرف هدا الشي بصح نعاود نتقلق.

 

[ahlam02]

السلام عليكم و رحمة الله
و يا اختي على حساب ظني ان الجزايريين كلهم معروفين بالتقلاق و الدم السخون .... و هاذي عادة ماشي مليحة فينا كلنا لأننا نوصلو روحنا للتهلكة بيدينا
انا ننصحك يا اختي بكثرة الإستغفار لأنه القلق من الشيطان لما نزعفو تم تم و نتقلقو و نبداو ننتقدو في الأشخاص خصوصا المقربين هذا أكيد راح يهد العلاقة الحلوة اللي بينا و بينهم و هنا يبدا دور اللعين (الشيطان) هو اللي يكبرلنا الأمور و يوريلنا لي ديفو ديال اللي دايرين بينا باش يخسرنا الطعم البنين اللي في الحياة و يخلينا دايما قانطين من رحمة ربي و بالتالي نخسرو احبابنا و نزيدو نخسرو حتى نفوسنا
انا نقلك يا الحبيبة بعدي قد ما تقدري على الضغوط النفسية اللي تسببلك القلق و حاولي تاخذي الأمور دايما ببساطة و لما تجي تتقلقي قولي بينك و بين روحك لالا مالازمش نتقلق لأن هاذي السبة ما تستاهلش يعني بسطي الأمور و حاولي تكوني ايجابية و صدقيني النفس لازملها دايما الترويض وتبقى دايما على السيرة اللي نربوها عليها
و ربي معاك أختي
​

بارك الله فيك كلامك منطقي ومقنع راني حابة نعرف كيفاش انحي القلق اسكو كاين حلول ...

 

[ahlam02]

السلام عليكم
عن تجربة سابقة و امور صراتلي شخصيا
القلق اكتر حاجة فاسدة فالانسان
الي يتقلق يقدر يهدر برك , ما قدرش يتحكم في روحو , يبعد عليه الناس من تصرفاتو , دايما تلقايه متأهب , ويتعاملو معاه بحذر وخايفين منو كاش ما يدير ولا يقول يعني يبقاو يترقبو وقتاش يتقلق..
وهادي حاجة عيانة بزاااف بزااااف
الانسان المقلق مايرتاحولوش , يضطربو معاه وساعات بزاااف ما يقدروش يفهموه ولا حتى يفهمهم
وفالاخير المقلق ما يجيبها غير في صحتو هادا كولون , هادي لاطونسيون و.... غيرها ربي يعافينا و يعافيك
ديري في بالك بلي تتنحالك هاد الطبيعة تتنحى وكلما تحسي روحك بديتي تتقلقي استغفري واذكري ربي
"ألا بذكر الله تطمئن القلوب "
وخليك دايما هكدا :-r
تحياتي
السلام عليكم​

بارك الله فيك على الكلام الحلو

 

[ahlam02]

السلام عليكم
والله نصيحتي ليك اكثري من الاستغفار خاطر القلقة من الشيطان هكا ولا راني غالطة
على حكاية الحافلة والله ديما نوض بكري زعما نقرا على ال7 وكي نخرج وين يقاريو نلقاهم راحو مرة خرجت غير ربع وهكاك لقيتهم راحو اديت قرايتي كامل غير بالحافلة هاده بصح مش مشكل ومش حاجة تقلق تعاملي مع الامر بكل بساطة وزني خير تصيبيه ماتدري بالاك هكدا خير
اما مع زوجك يا اختي نقولك انعلي الشيطان والله المسكين حتى هو يجي مملي من الخدمة ومن الصباح وهو يتعب على جالك باش في الاخير يدخل للدار يصيبك قلقانة كيفاش اه شوفي لاشتة ماتقدريش تنحي القلقة هادي كل ماتشوفي وجه زوجك لازم تنساي ماتحسسيهش بلي راكي قلقانة ونزيد نعودلك كثري من الاستغفار والقران خاطر القلقة من الشيطان واذا تطلب الامر روحي ارقي احسن
سامحيني طولت عليك
سلاموربي يوفقك

ربي يخليك اختي بارك الله فيك والله الشيطان كرهلنا حياتنا.والرقية دايما نقول لزوجي اديني بصح ماجاتش فرصة

 

[ahlam02]

لا اله الا انت سبحانك أني كنت من الظالمين
دعاء سيدنا يونس عندما كان في بطن الحوت تذكرين ها سبع مرات
وسترين سبحان الله يذهب القلق والتوتر
مفيدة جدا وكذلك الوضوء يذهب القلق والاستغفار كذلك
ارجو ان اكون قد بلغت وأرجو ان تستفيدي منها
تقبلي مروري

​

ربي يحفظك اختي راني كتبت الدعاء قدامي باش نقولو كل يوم.

 

[إلياس]

عليك بالذكر الله

 

[fleur du jour]

استغفر الله واتوب اليه
هذه الكلمة تريح القلب قوليها كل يوم
​

 

[yac94]

أقراي القرآن بزاف أختي وربي يكون معاك
​

 

[ahlam02]

أقراي القرآن بزاف أختي وربي يكون معاك
​

ربي ينجحك ...امييييييين يارب

 

[هبة نور]

انصحك بالضوء والصلاة
وقراءة القران وادعية
اظن انو هذا
هو الحل الامثل
وشكر