السلام عليكم ورحمة الله تعالى وبركاته
راكم لاباس ؟مهنيين الحمد لله يارب الكفاف والعفاف
اليوم حبيت نحكيو على الناس لي متعرفش تهدر ، لي تجي على اللسان تقولها ، وميهمش تضر ولا متضرش يعني جمونفو معلابالهمش بمشاعر العرب ، ربي يسهل
بصح كاين هدرة من هدرة ، انسان لازم يوزن في الكلام ماشي يتيري وخلاص ، كاين امور تضر وتضر بزاف ، منقدروش نقولو زلة لسان .
وكاين لي ياعيني اغلط برك تتآفيشا من نهارك تلقى روحك في الجريدة الرسمية يعني خدمتو نشرة اخبار الدشرة تلقاه دايما
واخبار الناس كامل عندو ولوكان غير جات في هذا الشئ ، يتناقلها ويزيدلها شواوط كيما نقولو ، علاش هذا كل ، علاش منعاملوش الناس كيما نحبو نتعاملو ، شكون يقبل يتمس في سمعتو ، شكون يقبل يتمس في شرفو ، علابالي منقصدوش ديفوا بصح مالازمش الانسان ينقل واش سمع بلا دليل بلا ماشافت عينو ، استر ماستر الله وقول ربي يهدينا ماشي تضحك
اذا راك اخ او اخت خاوتك في حجرك ، واذا راك اب او ام ولادك في حجرك .
في كثير من الاحيان نظلمو ناس بلسانا ونسينا بلي كما تدين تدان والجزاء من جنس العمل .
لازم نديرو سطوب لهاذا التصرف
في انتظار تفاعلاتكم .
راكم لاباس ؟مهنيين الحمد لله يارب الكفاف والعفاف
اليوم حبيت نحكيو على الناس لي متعرفش تهدر ، لي تجي على اللسان تقولها ، وميهمش تضر ولا متضرش يعني جمونفو معلابالهمش بمشاعر العرب ، ربي يسهل
بصح كاين هدرة من هدرة ، انسان لازم يوزن في الكلام ماشي يتيري وخلاص ، كاين امور تضر وتضر بزاف ، منقدروش نقولو زلة لسان .
وكاين لي ياعيني اغلط برك تتآفيشا من نهارك تلقى روحك في الجريدة الرسمية يعني خدمتو نشرة اخبار الدشرة تلقاه دايما
في كثير من الاحيان نظلمو ناس بلسانا ونسينا بلي كما تدين تدان والجزاء من جنس العمل .
لازم نديرو سطوب لهاذا التصرف
في انتظار تفاعلاتكم .
