مغترب تحت المجهر

[رنيم الغربه]

وسيلة لكان مانيش غالطة درتي مرة صورة خبز الطاجين والله غير نسيت انتي ولا أم ندى ؟

إدا انتي قليلي كيف تديريه وف الطاجين تع الطين ولا فه ؟

لالا حبيبتي ما شي انا
مي انا نديرو كيله سميد و كيله فرينه نخلطهم مليح و ندير نص مغرف ملح و مغرف خميرة و نجمع بالما سخون
و نخليها تخمر مليييح و من بعد نعملهم قرصات و نزيد نخلهم يخمروا ومن بعد نرمدهم مليييييح بالسميد و نخبزهم نخليهم واحد 15 د ة نطيبهم في الطاجين ديال الطين
​

 

[رنيم الغربه]

سلام رنيم كي راكي
الحمد لله حبيبتي و انتيا توحشتك
- رنيم في بلجيكا ممنوع تخدمي بالحجاب ؟؟؟؟؟؟؟ و انتي دايرة حجاب
ايه ان شاء الله رايحه ندير ستاج ديال الاطفال و عادي ادا نحيتو و كي يجوا والديهم ادا راجل نديرو على خاطر تشوفي كلش بالكام
- اللغة قلتي انها اجبارية اي لغة بالضبط هل الفلامون و لا الهولندية و لا الفرنسية و لا الانجليزية ؟
الفلامون هي نفسها الهولنديه حبيبتي و ادا كنتي في الوالوني تقراي الفرنسي و ادا الفلاندر لازم لفلامو
او كلهم ؟ و لا تقراو اللغة على حساب المنطقة اللي تسكنو فيها ؟
هي باذات حبيبتي
- و هل تعلم اللغة مجاني ام لا ؟ اذا كان بالدراهم شحال ؟
كاين بالدراهم و كاين باطل مي باطل يطولولك انا قريت فيه النيفو الاول و خرجت قريت بالدراهم 100 اورو للنيفو
- و هل تقراي بالحجاب عادي ؟ حتى اصحاب الجلباب او ممنوع ؟
ايه عادي ممنوع المنقبات برك
- اولادك واش من لغة يقراو فالمدرسة ؟
يقراو لفلامو
سلامي ليك حنونة
شكرا حبيبتي
​

 

[SAMIRA25]

صباح الخير رنيم راكي مبكرة الله يبارك ربي يهنيك اختي و يسعدلك ايامك
راني جيت نفطر معاك شوي ميلفاي و انت عليك القهوة

و ما تقوليليش ريجيم و ما لا ريجيم :d​

 

[رنيم الغربه]

المقادير

3 بيضات
كوب و نص فرينه
نص الكوب زبده و لا سمن
كوب ونص حليب
2 ملعقة شاى بيكنج بودر
1 ملعقة شاى بيكنج صودا
1 ملعقة شاى سكر
ربع ملعقة شاى ملح



الطريقة

يضرب البيض جيدا تم تضاف كل المقادير السابقة و تخلط في الخلاط الكهربائي



تم يصب ملعقة كبيرة من العجينة في ماشينة الوافل و تترك 5 دقائق

لازم تكون مشينى الوافل ساخنة لما نصب العجينة فيها وندهن قالب الوافل بالزيت



و حاولى ان تخرجيها بلعقل و ضعى عليها الشراب (العسل )و ترش بالسكر قلاص مي لازم الماشينه ديالهم .
​

 

[رنيم الغربه]

 

[رنيم الغربه]

ههههههههههههه صباح الانوار و الفل عليك حبيبتي شفتي راني دايما مبكرة كي ما نصيب حتى واحد نخرج هههه
ميرسييييييييييييي على الميلفاي نمووووووووت عليه خلاص اليوم نكسر الرجيم با ختي راني جبتلك الوافل هههه دوك نوجد القهووة :d
​

 

[روعة انثى]

- اللغة قلتي انها اجبارية اي لغة بالضبط هل الفلامون و لا الهولندية و لا الفرنسية و لا الانجليزية ؟
الفلامون هي نفسها الهولنديه حبيبتي و ادا كنتي في الوالوني تقراي الفرنسي و ادا الفلاندر لازم لفلامو
او كلهم ؟ و لا تقراو اللغة على حساب المنطقة اللي تسكنو فيها ؟
هي باذات حبيبتي
​

​

صباح الخير رنيم ديما مبكرة ربي يعينك​

رنيم لياج واش من منطقة الوالوني و لا الفلاندر ؟
واش هي اللغة المعتمدة عندهم ؟
كي قلتي تعليم اللغة اجباري شحال وقت و تدخلي تقراي ؟ يعني لازم في عامك الاول ؟ و لا الاشهر الاوائل اللي تجي فيهم ؟
شحال عندك ساعات قراية فالاسبوع ؟
لازم تكملي كامل لي نيفو و لا تكتفي بواحد و لا زوج قيس ما تحكي و تتعاملي ؟

 

[أم أمين23]

ايه نعرفو هاد احنا بصج اسمو هنا الغوفر وانا ولا مرة جربتو شفت الطابع تاعو يتباعو بصح هو جامي كليتو نشوفو يتباع بصح ما نشريهش
يا ختي ما نعرف علاش احنا للجزائر ديما البيي غالي التوانسة ثاني رخيص هوما والمغاربة واحنا اختي كارثة
قلتي بلي راكي مغيارة صح؟
الا ايه تتعاركي ديما مع المخلوق بسبب الغيرة؟
اتبعي التيفي والا لا؟؟
واش تشوفي الا ايه؟
المخلوق تاعك كيف كيف يحب التيفي والا لا؟
الاولاد يتفرجو القنوات العربية تاع الاطفال والا يتفرجو تاع بلجيكا؟

 

[روعة انثى]

رنيم راكي مع الفطور باينة
- راجلك على شحال الساعة يدخل الصباح للخدمة ؟ و على شحال الساعة يخرج الصباح من الدار ؟
و العشية على قداش يخرج من الخدمة ؟ و على قداش يوصل ؟
- كي تنوضي الصباح على الربعة تنوضي قبل راجلك ؟ و لا ينوض معاك ؟
- توجديلو القهوة الصباح ؟ و تفطري معاه ؟
- توجديلو ماكلة يدي معاه و لا حتى يجي يتغدى عادي ؟
- شحال من ساعة عندو خدمة فالاسبوع ؟
- الويكند يريح من الخدمة يوم و لا يومين ؟ واش من نهار؟

 

[رنيم الغربه]

صباح الخير رنيم ديما مبكرة ربي يعينك
امين يا رب

رنيم لياج واش من منطقة الوالوني و لا الفلاندر ؟
في الوالوني
واش هي اللغة المعتمدة عندهم ؟
الفرنسيه
كي قلتي تعليم اللغة اجباري شحال وقت و تدخلي تقراي ؟ يعني لازم في عامك الاول ؟ و لا الاشهر الاوائل اللي تجي فيهم ؟
شوفي حنا في الفلاندر كيما تحبي تدخلي المهم تقرايها
شحال عندك ساعات قراية فالاسبوع ؟
نقرا 4 مرات في السمانه من 8.00 ل 12.00
لازم تكملي كامل لي نيفو و لا تكتفي بواحد و لا زوج قيس ما تحكي و تتعاملي ؟
لالا كيما تحبي اذا شفتي روحك تهدريها خلاص حبسي مي باش تديري ستاج يحتاجو 3 نيفو
​

 

[رنيم الغربه]

ايه نعرفو هاد احنا بصج اسمو هنا الغوفر وانا ولا مرة جربتو شفت الطابع تاعو يتباعو بصح هو جامي كليتو نشوفو يتباع بصح ما نشريهش
ايه هو ليغوفر بالفرنسي و بالفلامو وافل
يا ختي ما نعرف علاش احنا للجزائر ديما البيي غالي التوانسة ثاني رخيص هوما والمغاربة واحنا اختي كارثة
يا اختي ربي وكيلهم و الله بزاف علينا تخدمي العام كااامل باش تروحي لهديك لبلاد لوكان غير جات مسقمه لوكان الواحد ما عندوش اهلو يروحلها مرة في 10 سنين ههههههه دوك تحاوزوني
قلتي بلي راكي مغيارة صح؟
ايه بزااااااااف و كرهت هكدا
الا ايه تتعاركي ديما مع المخلوق بسبب الغيرة؟
لالا مي ادا شفت حاجه ما تعجبش نولي كي القط المتشرد هههههه
اتبعي التيفي والا لا؟؟
ايه نتبع
واش تشوفي الا ايه؟
نشوف مسلسلات و محاضرات دينيه و افلام و فتافيت
المخلوق تاعك كيف كيف يحب التيفي والا لا؟
ايه يحبو
الاولاد يتفرجو القنوات العربية تاع الاطفال والا يتفرجو تاع بلجيكا؟
ايه يتفرجووه مي يحبوا اكثر البلجيكيه

 

[رنيم الغربه]

رنيم راكي مع الفطور باينة
ههههه لالا رحت نجيب ولادي من ليكول
-
- كي تنوضي الصباح على الربعة تنوضي قبل راجلك ؟ و لا ينوض معاك ؟
لالا انوضو كيف كيف
- توجديلو القهوة الصباح ؟ و تفطري معاه ؟
نوجدلو القهوة مي ما نفطرش معاه بزاف على 4 هههههه
- توجديلو ماكلة يدي معاه و لا حتى يجي يتغدى عادي ؟
ايه نوجدلو اكيد بزاااااااااف من 4 حتى 14.00

- الويكند يريح من الخدمة يوم و لا يومين ؟ واش من نهار؟
يريح الويك اند برك السبت و الاحد


- شحال من ساعة عندو خدمة فالاسبوع ؟
راجلك على شحال الساعة يدخل الصباح للخدمة ؟ و على شحال الساعة يخرج الصباح من الدار ؟

و العشية على قداش يخرج من الخدمة ؟ و على قداش يوصل ؟

هدو يلزم تجيبي راجلي تحت المجهر و يجاااااوبك ههههههههههههه
​

 

[روعة انثى]

- شحال من ساعة عندو خدمة فالاسبوع ؟
راجلك على شحال الساعة يدخل الصباح للخدمة ؟ و على شحال الساعة يخرج الصباح من الدار ؟​

و العشية على قداش يخرج من الخدمة ؟ و على قداش يوصل ؟​

هدو يلزم تجيبي راجلي تحت المجهر و يجاااااوبك ههههههههههههه​

ههههههههههههههههه خسارة ما نقدرش نديرو تحت المجهر :p :p :p
عادي حنونة اي سؤال ما تبغيش تجاوبي عليه ما تجاوبيش انتي حرة :up:
قريت بلي بلجيكا قلصت ساعات العمل يوميا :s حبيت نقارن مع هنا و نتأكد
شكرا ليك على سعة صدرك و ربي يوفقك حنونة

 

[رنيم الغربه]

ههههههههههههههههه خسارة ما نقدرش نديرو تحت المجهر :p :p :p
عادي حنونة اي سؤال ما تبغيش تجاوبي عليه ما تجاوبيش انتي حرة :up:
قريت بلي بلجيكا قلصت ساعات العمل يوميا :s حبيت نقارن مع هنا و نتأكد
شكرا ليك على سعة صدرك و ربي يوفقك حنونة

هههههههههه حبيبتي ماشي ما حبيتش نجاوب مي عجزت نحسب شوفي هو يخدم من 4 صباااح حتى 13.30 اسبوع و اسبوع اخر 13.30 حتى 21.30 شفتي احسبي وحدك:p:p:p:p:p
عادي حبيبتي و الله خدي رااااحتك راكي كي اختي:love01::love01::love01:

 

[روعة انثى]

هههههههههه حبيبتي ماشي ما حبيتش نجاوب مي عجزت نحسب شوفي هو يخدم من 4 صباااح حتى 13.30 اسبوع و اسبوع اخر 13.30 حتى 21.30 شفتي احسبي وحدك:p:p:p:p:p
عادي حبيبتي و الله خدي رااااحتك راكي كي اختي:love01::love01::love01:

الله يسلمك يا رنومة حسبتك غرتي على راجلك :p :p :p
صحيتي راني حسبت وحدي و لقيت بلي انا تاني مخلوقي قالي نوض على الربعة تاع الصباح و نخرج نخدم قلت ناس بلجيكا واش بيهم مهابل على البكرة هادو كيفاش توقيتهم ههههه و انا نبغي نرقد مع الصباح
راكي فدتيني يعطيك الف صحة سقسيتك انتي خاطر راكم في بلاد وحدة وعلى بالك هو كي نسقسيه الرجال ما يبغوش يهدرو على التفاصيل

 

[رنيم الغربه]

الله يسلمك يا رنومة حسبتك غرتي على راجلك :p :p :p
صحيتي راني حسبت وحدي و لقيت بلي انا تاني مخلوقي قالي نوض على الربعة تاع الصباح و نخرج نخدم قلت ناس بلجيكا واش بيهم مهابل على البكرة هادو كيفاش توقيتهم ههههه و انا نبغي نرقد مع الصباح
راكي فدتيني يعطيك الف صحة سقسيتك انتي خاطر راكم في بلاد وحدة وعلى بالك هو كي نسقسيه الرجال ما يبغوش يهدرو على التفاصيل

بوووووووووه على غرتي ههههههه و الله والو عجزت برك شفتي شحال يبكرووو و كي تجي تهبلي سوغ تو ادا ولفتيلو تنوضي معاه كيما انا الله يعين
العفو يا عمري و الله خدي راحتك على اللخر هههههه

 

[أم أمين23]

لا لا حد ما يحاوزك رانا كامل كيف كون ماشي المالي واحد ما يخمم يروح ويخسر الفواياج على حتى شيء هههه
اكبر مبلغ صرفتوه في توريحة شحال بالتقريب؟
عندكم تخفيظات على الاولد في السفر والا لا؟؟
تروحو في الخطوط الجزائرية والا تاع بلجيكا؟
فرنسا قريبة ليكم والا واش من بلاد قريبة ليكم ؟

 

[رنيم الغربه]

لا لا حد ما يحاوزك رانا كامل كيف كون ماشي المالي واحد ما يخمم يروح ويخسر الفواياج على حتى شيء هههه
هههههه وي والله صح
اكبر مبلغ صرفتوه في توريحة شحال بالتقريب؟
ترويحه معناتها تحويسه ههههه صح ادا صح رحنا الديزني لاند و خلصنا 800 اورو ههههه جامي نولووووولها راجلي قالي لوكان تموتوووو عليها خلاص هههههههه
عندكم تخفيظات على الاولد في السفر والا لا؟؟
ايه اكيييد مي ماشي في الصيف
تروحو في الخطوط الجزائرية والا تاع بلجيكا؟
ايه في الجزائريه ولا ديال فرنسا كي نركبوا من ليل
فرنسا قريبة ليكم والا واش من بلاد قريبة ليكم ؟
ايه فرنسا و المانيا

 

[أم أمين23]

رنيم انا كان قصدي ترويحة للبلاد ماشي تحوسة هههههه
ماشي مشكل
نظن اليوم لهر ليك صح؟
رايك في المنتدى؟
في بنات البيت ؟
وفي الموضوع؟
ومن بعد اختاري الي بعدك الا مازادوش البنات اسئلة اخرى

 

[رنيم الغربه]

رنيم انا كان قصدي ترويحة للبلاد ماشي تحوسة هههههه
ماشي مشكل
هههههههه اسمحيلي ما فهمتش
نظن اليوم لهر ليك صح؟
لهر واقيل الحر هاهاهاهاهاهاه ادا هو بزاف سخانه ههههه ان شاء الله يكون صح
رايك في المنتدى؟
رائع يقرب بزاف الاحباب و ينسينا هموم الغربه
في بنات البيت ؟
ماشاء الله عليكم تعلقت بيهم بزااااف ربي يحفظهم و يسترهم من كل شي يا رب
وفي الموضوع؟
موضوع ممتاز هكدا نقدروا نتعرفوا على بعض اكثر و اكثر بارك الله فيك حبيبتي ام امين
ومن بعد اختاري الي بعدك الا مازادوش البنات اسئلة اخرى
ام ندى ان شاء الله تعطينا شوي من وقت المطبخ ههههه