مغترب تحت المجهر

[ام الحلوين]

رد: مغترب تحت المجهر

ياسمين
ــ كي بقيتي بعد الزواج في البلاد قعدتي في داركم و لا في دار اهل زوجك ؟
ــ كم فارق السن بينك و بين زوجك؟ الله يخليكم لبعض
ــ كيفاش تعرفتي على زوجك ؟
ــ ما هو مستواك الدراسي ؟
ــ زوجك كيفاش يعيط لوالديك ؟
ــ نتي كيفاش تعيطي لوالدين زوجك ؟
ــ شحال هبطتي من مرة للبلاد بعد ماطلعتي لفرنسا ؟

 

[ام سحر و لؤي]

رد: مغترب تحت المجهر

السلام عليكم انا كنت قاعدة في بيت زوجي و نروح لدارنا نزورهم مرات فارق السن 3 سنوات عندي ليسانس في علم النفس زوجي جارنا بين دارنا و دارهم غي دار وحدة خطبني اول مرة كان عندو 19 عام و دارنا رفضو علاخاطر صغير و منبعد ب 3 سنين رجع و دارنا رفضو في الاول و كي حشمو قالت ما ليماه خليها للمكتوب و هوما رجعو و جابو الخاتم و كتب ربي حنا الشي اللي كان مخوفنا انو صغير و ممكن يبدل رايو بصح الحمد الله قعدنا 3 سنين مخطوبين عاود تزوجنا زواج مدني فقط علئ الاوراق و زدنا عام و تزوجنا نيشان و زدت 6 شهر و رحت زوجي يقول ليما خالتي و لبا عمي و انا نعيط لوالديه با و ما زيدي

 

[ام سحر و لؤي]

رد: مغترب تحت المجهر

اه نسيت جيت للبلاد 2 موات و كل مرة نجي ف رمضان و نروح مور العيد الكبير رفجلي ما يقدرش يعيد تما

 

[ام سحر و لؤي]

رد: مغترب تحت المجهر

واش مالكم راقدين بعده كملو الاسئلة واللا كرهتو مني

 

[SAMIRA25]

رد: مغترب تحت المجهر

السلام عليكم
ياسمين مرحبا بيك تحت المجهر
ما شاء الله راكي متحمسة ربي يهنيك اختي و يفرحك
والفتي شوي في الغربة ؟؟؟؟
عندك شوي صحابات و الا اهل؟؟؟
تعملو لمات و تجتامعو ؟؟؟
تفضلي صديقاتك جزائريات و الا عادي من جنسيات اخرى؟؟؟
واش عجبك في فرنسا و واش لي ما عجبكش ؟؟؟

 

[ام سحر و لؤي]

رد: مغترب تحت المجهر

واش راكي ختي سميرة نتمنئ تكونس لاباس المهم والفت شوية الحمد الله خاصة لما درت داري وحدي عندي فاميلية راجلي و دار عمي و عندي صديقتي المقربة مغربية و مرت اخ زوجي تاني انا وياها قراب بزاف خاصة بنتعا عندها عام نموت عليها و نحسها بنتي علاخاطر انا ربيتها و بنت عمي اللي عاونتني بزاف في الغربة انا نفضل صديقات جزائريات و لكن ما عنديش مشكل تكون من جنسية اخزئ و تاني عندي صديقة باكستانية ما تعرفش فرنسية تعرف انجليزية و انا نعاونها باش تتعلم بصح راجلي ما يخلينيش نخالط بزاف و يحب اللي تكون متحجبة و اللي تغيضني انا كي جيت كنت نفرح كي نشوف وحدة عربية نفرح و نبتسم في وجها بصح هي دور وجها و تحبش تقيمك و هاذ الشي صدمني علئ الاقل ابتسامة في وجه اخيك صدة اللي عجبني في فرنسا الحقوق خاصة ظروف العلاج انا نداوي باطل علئ الحمل و اللي معجبنيش انو العرب يعطيو صورة ماشي مليحة علئ الاسلام و حنا مدام رانا هنا نتحاسبو علئ الصورة اللي نمتلو بيها دينا و كأ ننا نعطيو رسالة غير مباشرة

 

[أم أمين23]

رد: مغترب تحت المجهر

اهلا ياسمين اعèطين الصحة حركتي الموضوع يعجبوني الناس الي هكا متشرفين بمعريفتك
ايا خليني نصقصيك على الحمل واش مداير فيك؟؟؟
واش عندك طفل والا طفلة؟
واش من شهر راكي ؟
راكي راح تعيدي مالا في البلاد بصحتك واش تعرفي تعملي في الكبش ههه؟؟؟
راجلك عندو الجنسية قلتي وانت عندك والا مازال ما عطاوهالكش؟
حابة تعيشي في فرانسا والا معولة ترجعي للبلاد ان شاء الله عن قريب والا مش في مشاريعك حاليا؟
وين جات القنصلية تاع فرانسا في البلاد ؟
وين جات تاع دزاير في فرانسا؟
كيفاش الاوراق في الاول كي تروحي في فرانسا باش تمشي ومن بعد بواش تولي تمشي؟
الفيزا فيسع عطاوهالك والا طولت؟
شوفي ياسمين عندك التحت كلمة اقتباس وين راني كاتبة هنا اعملي اقتباس إقتباس وردي مباشرة باش ما تتعبيش في معاودة الكتيبة

 

[ام الحلوين]

رد: مغترب تحت المجهر

صباح النور ياسمين
ــ واش هي الاكلة لي تحبيها و زوجك مايحبهاش ؟
ــ واش هي الاكلة لي زوجك يحبها و نتي ماتحبيهاش ؟
ــ واش تفضلي طيبي الحلو او المالح ؟
ــ تعلمتي الطبخ قبل الزواج و لا بعد ؟
ــ واش راي عجوزتك في طيابك ؟
ــ تعرضو ناس للفطور او العشا في فرنسا ؟
ــ واش تفضلو الاكل التقليدي و لا العصري ؟

 

[ام سحر و لؤي]

رد: مغترب تحت المجهر

ربي ينورك ختي ام امين ربي يعطيك ما تتمناي و يخليلك ولادك حتي انا تشرفت بيكم انا نكتب ب اببورطابل علئ خاطر مارعنديش العربية ف ميكرو انا ما عنديش دراري يعطيك الصحة فولتيلي يا رب يرزقني نشاالله تكونو قال خير عليا راني نعالج باش نحمل و درت عملية في فرنسا و ما نجحتش ايه رايحة نعيد فالبلاد فالكبش انا ندير الزليف و لوستي دوارة. رانا حابين نكملو حياتنا فالبلاد بصح حتئ تكون عندنا دار علاخاطر راكي ساكنة في دار اهل زوجي و كرهت دزاير بسبتهم كي نجي للبلاد نجي برك نخدمهم القنصلية تاع فرنسا في وهوان و تاع الجزائر في نانت وين نسكن 10 دقايق علئ داري انا مزال معنديش الجنسية لازم خمس سنين زواج واللا تلت سنين اقامة في فرنسا عندي بطاقة الاقامة 10 سنوات المرة الاولئ رحت بالفيزا 21 يوم مدوهالي بالدفتر العائلي الفرنسي و دروك رني نمشي ببطاقة الاقامة ختي ام الحلوين صصباح النور و الياسمين انا نحب السفة و هو ما يحبهاش و انا ما نحبش الخرشف و هو يحبو نفضل الاكل المالح علاخاطر انا و راجلي ما نحبوش الحلو و نفضل التقليدي باش نحس بلي انا عربية و راجلي لوكاكان ما تصفرش الكوكو كليوم ما يكونش مليح

 

[ام سحر و لؤي]

رد: مغترب تحت المجهر

تعلمت الطياب قبل الزواج و زدت تعلمت بعد الزواج كيما المطلوع يوميا نديرو عجوزتي ما يعجبهاش العجب عييت نرضي فيها و فهمتش اية نعرضو ناس مثثلا صديقتي المغربية و زوجها و اللا اهل زوجي مرات صحابو و مؤخرا تعشا عنا و بات عنا الشيخ جلول اللي هو الشاب جلول سابقا يار حفل ديني في فرنسا و عرضناه للدار

 

[أم أمين23]

رد: مغترب تحت المجهر

سامحيني ياسمين بصح راني اعتقدت انك حامل كي قلتي لسميرة في الحمل تعقبي بلاش ربي يرزقك حنونة وسامحيني مرة اخرى حبوبة
المهم قوليلي شريتو الكبش والا مازال؟ بالقرون وراح تعملي بيه كومبا والا لا ؟؟؟ههههههههه
اكثر حاجة تحبيها في راجلك؟
حاجة كرهاتك في الزواج؟
حاجة عجباتك في الزواج؟
لو ترجع بيك الايام للور تتغرب والا تفضلي انك لو ما تغربتيش ؟؟؟

 

[ام سحر و لؤي]

رد: مغترب تحت المجهر

معليش ختي السماح بالعكس و الله قرحت كي جاني الفال من عندك اليوم شرينا الكبش بصح مزال مشفتش يلا بالقرون علاخاطر مزال ما جبناهش ما فهمتش واش هيا كومبا الحاجة اللي نحبها ف راجلي انو حنين بزاف و الحاجة اللي ما نحبهاش انو حنانتو خلات الناس تستغل الطيبة تاعو اللي كرهني في الزواج عايلتو خاصة امو متحبنيش نكون مليحة معاه و تعطيني لمعاني علئ اللي معنديش دراري اللي عجبني فالزواج اني صبت اللي يسمعني ؤ يدافع عليا وليت نحس بالاملن اكترلو ترجع بيا الايام نروح حتئ لالصومال معا راجلي خاصة اني منيش غاية هنل علاخاطر ملي نجي و انا ف الميناج و هوما يحوسو

 

[ام الحلوين]

رد: مغترب تحت المجهر

صباح النور
ياسمين ان شاء الله نكونو فال خير عليك في هاد العواشير و تفرحينا بالحمل
ــ هل انتي متحجبة ؟
ــ ادا ايه ؟ شحال كان في عمرك كي تحجبتي ؟
ــ شحال كان المهر تاعك ؟
ــ هل زوجك يهديك هدايا في المناسبات ؟
ــ نتي تهديه هدايا في المناسبات ؟
ــ هل تهبطي كادوات لاهلك و اهل زوجك ؟
ــ هل تخدمي في فرنسا ؟
ــ حاجيات البيت شكون يقضي نتي و لا زوجك ؟
ــ هل زوجك يعاونك في شغل البيت ؟

 

[ام سحر و لؤي]

رد: مغترب تحت المجهر

ربي ينورك ختي ام الحلوين انا متحجبة في الاول كي جيت لفرنسا كنت نلبس ليكات طويلة مع سروال و عندي 4 شهر ملي وليت ندير حجاب شرعي يعني عباية مع خمار طويا
كي تحجبت كان في عمري 15 سنة بارادتي الشخصية مع ان اهلي رفضو لاني كنت قليلة
المهر تاعي كان 6 ملاين و بارور ر مسيبعة و الخاتم تاع الكلمو و تاع الملاك و قرفطان تلمساني
راجلي يجيبلي كادوات بصح حتى نفكرو هههههه يلعبها ناسي و انا نفكرو يومين قبل
انا نجيبلو كادوات
ايييييه يا ختي كي نجي هابطة للبلاد ندي لوطو شارجي ب الكادوات و نزيد نسمع الهدرة مالفوق
انا ما نخدمش بالك مستقبلا يلا صبت خدمة في مجال علم النفس
انا و راجلب نروحو نسوقو مع بعض و كي لازمة حاجة خفيفة برك نروح وحدي
نطيب انا بصح الكذب حرام حتى هو يعاوني كي يشوفني مشطونة و اللا منكونش ف الدار و خاصة هو يحب يدير بيتزا دايما يديرها وحدو حتى العجينة يخدمها

 

[Mima Anoussi]

رد: مغترب تحت المجهر

برافو موضوع هايل
هكدا نعاود نقرا ان شاءالله ليباج كاملين ونتعرف عليكم وحدة بوحدة
وراني نستنا دالتي كي توصل قولولي​

 

[ام سحر و لؤي]

رد: مغترب تحت المجهر

ما تخميش ختي ميما دالتك مورايا

 

[أم أمين23]

رد: مغترب تحت المجهر

yass chhal el 3omr binik w bin rajlik

 

[ام سحر و لؤي]

رد: مغترب تحت المجهر

binatna 3 snin

 

[أم أمين23]

رد: مغترب تحت المجهر

ياسمين البارح انا راقدة وجاني شحال من سؤال وضرك راحو كامل ههه
المهم زوجتي صغيرة وكون ترجع بيك الايام تعملي نفس الشيء والا تستني شوي؟
واش الي ما تحبيهش في ياسمين؟
اكثر حاجة تقلقك؟
الماكلة الي تحبيها وتعرفي اطيبيها والي تحبيها وما تعرفيش اطيبيها ؟
الحوايج المشتركة بينك بين المخلوق اهم حاجة يعني ماشي كل شيء هههههه

 

[ام سحر و لؤي]

رد: مغترب تحت المجهر

ايهيه راني نسوى راكم تخمو فيا حتى كي تجو ماشيين ترقدو هههه ربي يعيشك ختي
ايه زوجت صغيرة و الحمد الله ما ندمت بصح نحس روحي ما شبعتش دارنا علاخاطر كي تخرجت مالجامعة تزوجت بلاك لو كان يرجع الوقت نخمم بصح نتزوج غي راجلي ما نبدلوش هههه
اللي ما نحبوش في ياسمين انها عقونة و نية غير اللي تضحكلها خبيبتها و فالتالي نلقاهم يطعنوني فالظهر و المشكلة ما تعلما م التجارب اللي فاتت عليا عليها بقيت دايما فالتالي
انا نخب النملخات بزاف و نعرف نطيبهم و نحب بركوكس و ما تعرفش نطيبو
الاجة المشتركة بيناتنا اننا حنان و ما نقدروش نقعدو مدابزين بزاف و بلهف نرجعو مهما تنارفينا و تاني ناس يستغلونا و حنا ما نفيقوش نحسبوهم يحبونا لدرجة نوليو اغبياء