مغترب تحت المجهر

[أم أمين23]

ام امين
انعم اجهاد
واش هي الحاجة اللي بكاتك من الفرحة في حياتك
نهار اديتي الباك
واش هو البلد اللي تتمناي تزوريه كل البلدان واكثر شيء العربية منها مصر والسعودية وسوريا
واش هم البلدان اللي زرتيهم وواش هو اللي عجبك و تمنيتي تعيشي فيه يا حصرة ما زرت حتى بلاد من ذزاير للطليان والعكس المخلوق تاعي ما يحبش التحواس فرانسا وما حبش بديني ليها فينيس راهي هنا خطوة عندي خمس سنين والو ما حبش يديني كي نقولو يقلي انا رحتلها منطق غريب ههههه
ركبتي la moto ولا جامي :d

جامي حتى بيسكلات لا هههه انا طفلة عاقلة وخوافة من بكري ما عنديش بزاف مغامرات وطوايش

 

[ام الحلوين]

ام امين
ــ هل امين مازال يدير لاكوش في الليل ؟
ــ هل رضعتي ولادك رضاعة طبيعية ؟
ــ كيف كان وحمك في ولادك ربي يحفظهم متشابه او مختلف ؟
ــ في حملك هدا هل نتي حبيتي او زوجك لي حبك زيدي ؟
ــ ادا كتبلك ربي الحمل في الجزائر هل تولدي تما او تطلعي تولدي في الطاليان ؟ ربي يسهل ولادتك .
ــ هل معاد و امين راهم غايرين كي راكي بالحمل ؟
ــ في حملك الاول نتي خبرتي اهلك و اهل زوجك او زوجك لي خبرهم ؟
ــ ما هي الحاجة لي كي تروحي للزاير لازم تشريها و طلعيها معاك ؟

 

[SAMIRA25]

ام امين راني في المتابعة جهاد و ام الحلوين قايمين بالحالة على اكمل وجه
ربي يهنيك حنونة و يسعدك​

 

[أم أمين23]

ام امين
ــ هل امين مازال يدير لاكوش في الليل ؟
لا لا الحمد الله نحاهو بكري عامين ونص لا ماشي اقل نحاهم
ــ هل رضعتي ولادك رضاعة طبيعية ؟
ايه الاول رضعت حتى 8 اشهر وكي حملت حبست والثاني كمل عامين بالتمام والكمال
ــ كيف كان وحمك في ولادك ربي يحفظهم متشابه او مختلف ؟
في معاذ جاني بالرقاد في امين كنت في البلاد ما حسيتلوش خلاص
ــ في حملك هدا هل نتي حبيتي او زوجك لي حبك زيدي ؟
لا انا ولا هو جات من عند ربي احنا كنا مقرين معاذ وامين وخلاص على الاقل حاليا مادامهم صغار
ــ ادا كتبلك ربي الحمل في الجزائر هل تولدي تما او تطلعي تولدي في الطاليان ؟ ربي يسهل ولادتك .
اكيد على جالتك الورق كيما خوتو يكون هنا ولو اني ناوية هنا وخلاص ولكن الله اعلم
ــ هل معاد و امين راهم غايرين كي راكي بالحمل ؟
امين شوي اما معاذ فرحان راه يستنى فيها يحب البنات امين كي نقولو ما تشربنيش على بطني بيبي ينن يزيد يزيد عليا بالضرب
ــ في حملك الاول نتي خبرتي اهلك و اهل زوجك او زوجك لي خبرهم ؟
دارنا انا الي خبرتهم ودارهم اما دارهم هو عيط وعقبلي اختو خبرتها يحشم هو :$
ــ ما هي الحاجة لي كي تروحي للزاير لازم تشريها و طلعيها معاك ؟

ما عندي حاجة معينة بصح المرة الاخرة ديت الغريسين والدوا تاع السخانة وتاع التهرية للدراري على بالي ما نلقاهمش في البلاد اما باقيها كلو موجود في بلادنا تقريبا

 

[أم أمين23]

سميرة وام الحلوين هنا ماشي موضوع للحكايات يلا روحو لبيتنا واحكو سميرة انقلي الردود للموضوع لازم نبقاو الموضوع في اطارو ههههه قاوية انا :sport01::sport01::sport01:

 

[ام الحلوين]

ام امين
ــ هل تاخذي هدايا لنسا لوساك اي (مرت اخو زوجك) ؟
ــ ما هي نوع الشكلاطة لي هبطيها لداركم ولا دار راجلك و عجبتهم بزاف ؟
ــ ما هي الاشياء الضرورية لي جيبيها معاك من الجزائر ؟

 

[أم أمين23]

ام امين
ــ هل تاخذي هدايا لنسا لوساك اي (مرت اخو زوجك) ؟ انا عندي زوج واحدة راهي هنا متهنية منها في الروحة بصح كي نجي من البلاد نجيبلها حاجة والي في البلاد ايه ديتلها يعني جات عليها
ــ ما هي نوع الشكلاطة لي هبطيها لداركم ولا دار راجلك و عجبتهم بزاف ؟
ما هبطتش الشكلاطة لخاطر نهبط في الصيف المخلوق تاعي يقولي ما نديوش الشكلاطة لخاطر اذوب
ــ ما هي الاشياء الضرورية لي جيبيها معاك من الجزائر ؟

انا نجيب اللبسة ليا يعني الحجابات تاعي من البلاد المرة الاخيرة جبت طابونة وطاجين ولو اني ما استعملتهمش

 

[ام الحلوين]

ام امين
ــ كي تروحي للزاير وين تروحي اولا داركم او دار راجلك ؟
ــ هل هبط راجلك للبلاد و نتي بقيتي في ايطاليا يعني هبط لظروف ماشي حواس ؟
ــ هل زوجك يطبخ ؟
ــ ما هو عطرك المفضل ؟
ــ كيف تتقاضي مشتريات البيت يوميا او اسبوعيا ؟
ــ في البلاد ولادك وين يرتاحو في داركم او في دار راجلك ؟
ــ هل تصبغين شعرك ؟
ــ هل تشترين الورد الحقيقي ليس الاصطناعي لبيتك ؟
ــ هل تلبسين الكعب العالي يعني كي تخرجو تحوسو ماشي كل يوم ؟

 

[fatouma2012]

أم أمين هل عندك الجنسية الإيطالية أو إقامة دائمة ؟

في إيطاليا كم تخلص الدولة على كل طفل شهريا ؟ كاين مساعدات ؟ المرا العاطلة يخلصوها ؟

كرا الدار غالي ؟

 

[lina-67]

‏ام الحلوين,
fatouma2012
راكم هنا هيا زيدوها لازم ام امين كي تدخل تدوخ ههههه

 

[lina-67]

ام امين مساء الخير
تهبطي للبلاد كل عام ?
شاهي الحاجة اللي لازماتك في الدار مازال ماشريتيهاش ولا راكي ناوية تشريها
ما هو نوع التليفون اللي عندك و هل انت مواكبة للتكنولوجيا الايفون و الايباد و اس4 وووو
اولادك تقريهم العربية ولا يهدرو الطاليانية
هذا سؤال خاطي
صاحبتي خطبها واحد في الطاليان و راهي خايفة من الفيزا اسكو يمدوها بالساهل و شاهم الشروط

 

[ام الحلوين]

ام امين
ــ كيف علاقتك مع الدهب ؟
ــ هل عندك المحزمة تاع الدهب ؟
ــ هل تلبسي لولادك نفس اللباس يعني الشكل و اللون ؟
ــ كيف تشوفي فارق السن بينك و بين زوجك عادي او كبير ؟يعني ادا وحدة حبت تتزوج من شخص و شاوراتك عن فارق السن واش يكون ردك ؟
ــ وين عملتي عقيقة ولادك في ايطاليا او في البلاد ؟
ــ هل بيت اهلك قريب لبيت زوجك يعني تقدري تروحي تمشي و لا لازم سيارة ؟
ــ هل يخليك زوجك تركبي bus او taxi في البلاد ؟
ــ هل زوجك يبات في دار اهلك ؟

 

[أم أمين23]

ام امين
ــ كي تروحي للزاير وين تروحي اولا داركم او دار راجلك ؟
كي هيطت للبلاد هبطت مرتين مرة وحدي رحت لدارنا لخار هما استقبلوني والثاني مع المخلوق رحت لدارهم اولا
ــ هل هبط راجلك للبلاد و نتي بقيتي في ايطاليا يعني هبط لظروف ماشي حواس ؟
لا لا ولا مرة
ــ هل زوجك يطبخ ؟ ايه يطيب المعكرونة كي نكون مريضة
ــ ما هو عطرك المفضل ؟
ما عنديش واحد معين ندير الي يجي هههه
ــ كيف تتقاضي مشتريات البيت يوميا او اسبوعيا ؟ اسبوعيا بالسبت يعني يجب المخلوق الضروريات وانا نكمل الا خصت كاش حاجة
ــ في البلاد ولادك وين يرتاحو في داركم او في دار راجلك ؟ يعني المرتين الي نزلت فيهم كانو صغار المهم انا نكون معاهم ما كانوش يعرفو
ــ هل تصبغين شعرك ؟ ايه كي تجيني في راسي نخلط وحدي ونصبغ هههه
ــ هل تشترين الورد الحقيقي ليس الاصطناعي لبيتك ؟ ما نشري لا الحقيقي ولا الاصطناعي ههههه
ــ هل تلبسين الكعب العالي يعني كي تخرجو تحوسو ماشي كل يوم ؟ لا كل يوم ولا كي نحوسو اصلا ما نعرفش نمشي بيه وانا طويلة ما نحتاجوش ههههه

 

[أم أمين23]

أم أمين هل عندك الجنسية الإيطالية أو إقامة دائمة ؟
لا جنسية ولا اقامة دائما راني بتاع عامين المفروض هاد المرة يعطوني خمس سنوات او دائمة وما نعرف لخاطر كل مرة يبدلونا القانون بزي
في إيطاليا كم تخلص الدولة على كل طفل شهريا ؟ كاين مساعدات ؟ المرا العاطلة يخلصوها ؟
يسلكو 70 اورو لثلاث اشهر، ويعونونا ب 100 اورو للكرا تاع الدار واحنا اصلا نسلكو 600 اورو تقريبا بلا تاع التنضيف والسخان ، ولا لا ما يعوانوهاش عطاوني واحد 3 اشهر هكاكا تاع البطالة ومن بعد قولولو نمودولك المعانة تاع الدار ما نزيدولكش للمرا واحدة فيهم برك هنا راهم الشحة والنتانة هههه
كرا الدار غالي ؟

سبق ورديت كارثة الكرا ماخذ اكثرمن نصف الراتب

 

[أم أمين23]

ام امين مساء الخير
مساء النور
تهبطي للبلاد كل عام ?
لا للان راني نهبط كل سنيتن ولو انو هاد العام الحمل خرب النزلة
شاهي الحاجة اللي لازماتك في الدار مازال ماشريتيهاش ولا راكي ناوية تشريها
العجانة والاسبيراتور
ما هو نوع التليفون اللي عندك و هل انت مواكبة للتكنولوجيا الايفون و الايباد و اس4 وووو راني بواحد النوكيا اسمو س1 عادي ما فيه شيء لا لا مانيش مواكبة بالزاف جاب المخلوق عندها سمانة واحد سمارت فون نتوشي فيه بصح بزاف حوايج ما نفهمهمش نفضل الكمبيوتر برك وباقيها والو
اولادك تقريهم العربية ولا يهدرو الطاليانية لا العربية الفصحى نهدر معاهم وهوما يتكلمو العربية الفصحى حاليا بداو يعرفو الطليانية من الحضانة
هذا سؤال خاطي
صاحبتي خطبها واحد في الطاليان و راهي خايفة من الفيزا اسكو يمدوها بالساهل و شاهم الشروط

حسب وضعية الراجل انا المخلوق تاعي 6 اشهر اعطاوهالو يعني ما اطولش المفروض
والله الشروك ما نشفى لخاطر صاحبو كان في الذزاير هو تكلف بكل شيء انا جيت برك نهار دفعت الورق تدخلي انت يصقصيوك امور خفيفة المهم لازم الكرني وشهادة عائلية والباسبور وتسلكي معلى باليش شحال نسيت وخلاص في يومها تهزيها طبعا هاد بعد ما يكون هو دفع ويبعثولك برك نهار تروحي باش تهزيها

 

[أم أمين23]

ام امين
ــ كيف علاقتك مع الدهب ؟ساعة ساعة نتلقاو في كاش طريق والا محل ههههه والو انا ما نحبش الذهب لا علاقة معاه
ــ هل عندك المحزمة تاع الدهب ؟
انا حنيت على مقياس وماكانش عاجبني باعاتو ماما وعملتلي بيه محزمة مسلسلة وبعت كل حوايجي الرقال وزدتهم فيها لخاطر اصلا ما نلبسهمش وما نروحش للعراس هنا
ــ هل تلبسي لولادك نفس اللباس يعني الشكل و اللون ؟
لا لا اسيدي علاش عليا ههه اصلا الصغير راه يلبس في قش الكبير وكي نشري قليل وين نشريلهم زي بعض
ــ كيف تشوفي فارق السن بينك و بين زوجك عادي او كبير ؟يعني ادا وحدة حبت تتزوج من شخص و شاوراتك عن فارق السن واش يكون ردك ؟
نقولها الافضل ما يكونش الفرق بزاف يعني كأقصى حد 5 سنين لعدة اسبابها اهمها العقلية
ــ وين عملتي عقيقة ولادك في ايطاليا او في البلاد ؟
هنايا عملنا عشا في المسجد وخلاص
ــ هل بيت اهلك قريب لبيت زوجك يعني تقدري تروحي تمشي و لا لازم سيارة ؟
قريب يعني حكاية 15 دقيقة باسيارة 30 دقيقة على رجليك لا ماشي اقل
ــ هل يخليك زوجك تركبي bus او taxi في البلاد ؟ هنا ونركبهم وفي البلاد علاش لا ههه ما يحوسش يفهم كي يكون معايا راني معاه بالطومبيل كي نكون وحدي المهم كي نخرج يكون معايا حد وما يقولي لا اركبي الطاكسي ولا البوس نركب واش حبيت حتى حصان ماشي هههه
ــ هل زوجك يبات في دار اهلك ؟

لا لا ولا مرة وما شككيتش يديرها هو يحشم بزاف حتى كي يجي هكا بالخف ويروح وبالعرضة من فوق

 

[أم أمين23]

سلام يا بنات خلاص فضت استضافتي يلا كاشما مازال كملوه ما تخلو والو في قلبكم واعطونا اقتراح للعضو الجديد باش نستضيفوه
والمشرفة قوليلنا نكملو هنا والا كيفاش درنا بالعضوة الجديدة؟؟؟؟؟

 

[SAMIRA25]

ام امين يعطيك الصحة على صراحة و اجاباتك الرائعة
استمتعت و انا نقرا فيها
بصح الصورة لي حطيتيها ما شفتهاش كل مرة نجي نشوفها ما تخرجليش نقول من بعد ما عليش حنونة
ربي يهنيك و يفرحك بوليداتك و يسهل كل امورك ​

 

[روعة انثى]

يعطيك الصحة ام امين بارك الله فيك اجابات منطقية وصريحة حسيت منها انك انسانة بسيطة مشي متكلفة و على قدر طيب من التدين الله يبارك ربي يكملك واش تتمناي و يحفظلك وليداتك و يجعلهم ذرية طيبة صالحة و تفرحي بيهم​

 

[lina-67]

شكرا لك ام امين كانت حلقة شيقة و كنت ضيفة خفيفة الظل الله يحفظك و يخليلك لولاد و المخلوق و الله يسهلك الولادة ان شاء الله شرفتينا ....