مغترب تحت المجهر

[lina-67]

اعطيكم الصحة هكا نحبكم نشاط وحيوية يلا حبوبة راني جيت وما شاءا لله راه مزالك صغيرونة :
الله يعيشك:$
كي جيتي الايام الاولى كنت تمشي بالفيزا تاع البلاد ومن بعد كيفاش عملتي الاوراق؟؟
كي لحقت رحت للولاية اعطاوني ريسيبيسي تاع 6 اشهر و دفعت الدوسي تاع الكارطة من بعد 3شهور اعطاوني الكارطة تاع 10سنين
احنا هنا عندنا تسجيل في مركز الشرطة وتهزي البرمسو ومن بعد تروحي للقنصلية تسجلي الاولاد وتسجلي روحك انتوما كيفاش السيستام؟؟؟
لالا ما كان شرطة لا والو كلش في الولاية كاين سارفيس تاع لي زيترونجي تعطيهم الباسبور و ليفري دو فامي و لاكت دو مارياج وخلاص هوما يدرسو الملف من بعد يبعثولك يقوللك ارواحي تدي الكارطة
القنصلية تاعكم وين؟؟؟
هنا في لافيل
كي اعود عندكم مشكل كاين مركز خاص للمهادرين اعاونكم والا لا؟؟كاين القنصلية بصح ماعلاباليش اذا يعاونو و لا لا
جهاد هاد اسمك والا كنية برك؟؟
هذا اسمي تاع صح
راجلك عنطك الجنسية والا لا وشحال عندو في فرانسا؟؟
لالا معندوش الجنسية هذا وين حط الدوسي و عندو 10سنين هنا
وانت ناوية تعمليها والا لا؟؟
ان شاء الله
معولة ترجعي للبلاد والا راجل مع الغربة على طول العمر؟؟؟
يلا يرجع معايا بصح هو هنا و انا لهيه لا
في البلاد عندك دار والا كي تهبطي تكوني رحالة بين العجوز ودار باباك؟؟رحالة كيما قلتي ههه
عندك اخوة راجلك والا لا؟؟؟ ومتفاهمة معاهم والا لا؟؟؟
الرجال كامل متزوجين غير واحد اللي قاعد في الدار لخرين كامل عندهم ديارهم و لبنات تاني كاين متزوجات و باقي 2 في الدار نورمال متفاهمين عاقلات ناس ملاح في الحق ما عندي ما نقول
المخلوق تاعك خدمتو كيفاش يعني في الليل والا في النهار ؟
مخلوقي عندو magasin informatique يخدم من 9و نصف حتى للوحدة يجي يفطر و يولي من الزوج حتى ل سابعة و يخدم تاني السبت كاين غير الاحد اللي يقعد الماقازا تاعو ماشي بعيد على الدار
يخليك وحدك بزاف والا يقعد في الدار اكثرم ن يخرج برا؟؟؟؟

يخدم قاع السمانة كي يكمل يجي للدار و صحابو مرة مرة يجي عندو واحد lil magasinتسمى يشوفهم دايما مرات كي يكون ماتش يخرج يتفرج

 

[lina-67]

نسيت نقولك ربي اكملك حملك على خير ان شاء الله

ان شاء الله
وقبل ما نزيد ننسى كاين حوايج العرب عندكم يعني الماكلة واللبسة ؟؟؟
كاين في المارشيات كلش تاع العرب
واشنو الحاجة الي سخفتي عليها وما لقيتيهاش ؟
كون نقولك تموتي بالضحك سخفت على الخبيز ما علاباليش كيفاش تسموه راهي حاطاتو وحد العضوة هنا ملي شفتو و انا نحلم بيه هههههه نموت عليه
ها هو https://www.4algeria.com/forum/t/355454/
نولي ان شاءا لله واحد واحدة باش نكملو السمانة مليحة ههههه

ان شاءا لله

 

[روعة انثى]

صباح الخير لبنات جمعة مباركة
اللهم صلي و سلم على نبينا محمد و على اله و صحبه و من تبعه بإحسان الى يوم الدين
يا بنات اليوم الجمعة تعرض صلاتنا على رسول الله صلى الله عليه و سلم فيرد علينا السلام
لان الله جعل ملائكة سياحين في الارض يبلغونه صلى الله عليه و سلم السلام
لا تنسو اكثرو من الصلاة عليه اليوم الجمعة بارك الله فيكم

 

[روعة انثى]

جهاد حبيبتي ربي يهنيك و يخليك ربي يوفقك في حياتك
من بعد لي عودة

 

[أم أمين23]

يلا يا البنات ماهدا الكسل اسيدي صقصو شوي كاشما تفيدو الي اعدو من هنا وتتعرفو انتو على العضو اكثر

 

[أم أمين23]

ايه جهاد نعرفو الخبيز بصح احنا ما نطيبوهش عندو استعمالات علاجية فقط بصح في الطياب لا
كون فركتي في الجبال اكيد تلقايه نابت هههههه

 

[ام الحلوين]

ام امين ، جهاد الحمل راه متعبها راني نستناها تجاوبني و نزيد نسألها غير بشوية عليها .

 

[أم أمين23]

حنونة مش مشكل نجطو الاسئلة وهي براحتها وقت ما تقدر ترد ترد

 

[ام الحلوين]

صباح الانوار
جهاد
ــ هل ديري خمار قدام شيخك و خاوة راجلك ؟
ــ كي هبطتي للبلاد رحتي لداركم 1 و لا دار شيخك 1 ؟
ــ واش جيبي معاك من البلاد لبسة و اكل و لوازم اخرى .
ــ هل نخطبتي قبل زوجك قصدي كانت عائلة معجبة بيك و متمنيين يخطبوك ولا زوجك هو 1؟
ــ هل بدات تبان عندك اعراض الحمل ؟
ــ في اي شهر تكون ولادتك بحول الله ؟

 

[lina-67]

صباح النور على الجميع
صبآح النور
جهاد
انعم حنونة
ــ قريتي اللغة في فرنسا ؟
لالا ما قريتش دارولي تاست و قالولي النيفو تاعك مليح
ــ هل عندك البارمي ؟
واه جبتو معايا من البلاد و بدلتو هنا
ــ هل تهبطي هدايا لفامي ؟ و لا غير والديك و خاوتك ؟
كي هبطت اول مرة ديتلهم كامل بصح هاذ المرة والديا ووالديه و خواتاتي و خواتاتو اللي في الدار راهي الازمة مكاش الدراهم هههههه
ــ ما هو عطرك المفضل ؟
ماكاش واحد سبيسيال نبغي نبدل
ــ ما هي الطبخة لي يحبها زوجك كثير ؟
الطعام يموت عليه
ــ هل سبق و جات عجوزتك لفرنسا ؟
لالا بعثنالها اكثر من 5مرات و جامي اعطاوها
ــ شكون جيبي من البلاد يعاونك في النفاس ؟
ما علابايش اذا اعطاو الفيزا لامي و لا عجوزتي سي نو نعيطلك ههههه
ــ في اي مطعم تاكلي و ماذا تطلبين ؟
كاين الاتراك بزاف نبغي وحد الاكلة يديروها بالباذنجان و الكفتة مشويين نطلبها بزاف و لا بيتزا
ــ دارك كرية و لا ملك راجلك ؟

كرية

 

[lina-67]

ام امين ، جهاد الحمل راه متعبها راني نستناها تجاوبني و نزيد نسألها غير بشوية عليها .

صح و الله غير كنت عند الطبيبة وليت الحاجة اللي ناكلها نردها حاشاكم
درك نجاوب عليكم :p

 

[lina-67]

صباح الانوار
جهاد صباح الانوار
ــ هل ديري خمار قدام شيخك و خاوة راجلك ؟
ايه ندير
ــ كي هبطتي للبلاد رحتي لداركم 1 و لا دار شيخك 1 ؟
رحت لدار شيخي و غدوة من داك رحت لدارنا
ــ واش جيبي معاك من البلاد لبسة و اكل و لوازم اخرى .
جبت حجابات و خمارات و بدعيات و الطعام و التشيشة و لي زيبيس تاع الحريرة و الحشاوش
ــ هل نخطبتي قبل زوجك قصدي كانت عائلة معجبة بيك و متمنيين يخطبوك ولا زوجك هو 1؟
كاينن بزاف اللي كانو يقولولي فالخدمة النساء اللي يجو يفوتو الخدامة اللي معايا بصح كنت نقولهم لا حتى واحد ماجا للدار راجلي هو الاول
ــ هل بدات تبان عندك اعراض الحمل ؟
هاذي يومين مارانيش نحمل الماكلة نظل نتقيى حاشاك
ــ في اي شهر تكون ولادتك بحول الله ؟

في اواخر ديسمبر او بداية جانفي ان شاءالله

 

[أم أمين23]

بالشفا عليكم حنونة هاد وقت الوحم واجدة واجدة برك
نصقصي والا كيفاش ضرك خخخخخ
يلا نصقصي ووقت ما شفتي روحك قادرة جاوبي
بما انا حكينا على الوحم واش متمنيا اكثر طفلة والا طفلة؟
وخممت في اسماء والا مازل؟
اكثر حاجة حابة اديرها في البلاد كي تهبطي؟؟
موقف جرالك في الغربة مضحك او محزن ؟
كيفاش تعقبي يومك؟
الانترنات عندكم غالية والا رخيصة ؟
وثاني التعياط للبلاد؟؟
التيليفون خير والا البورطابل؟؟؟
دارك كبيرة والا صغيرة؟
اممم نزيد نخمم ونولي ان شاء الله

 

[ام الحلوين]

الله يبارك جهاد ربي يتمملك حملك ونجيك يا لحبيبة بصح انا تاني يكون عندي واغ واغ و 2 لكبار يجي لينا ساركوزي يقولك نجيبلك خدامة غير تروح عليا هاد المرا و ولادها .
ــ ماهي الولايات التي زرتيها في الجزائر ؟
ــ هل زرتي شلف ؟
ــ وينتا راكي هابطة هاد العام ؟ و مراكيش خايفة على الجنين ؟ربي يحفظو
ــ هل تصبغي شعرك ؟
ــ هل تلقطي حواجبك ؟
ــ هل درتي ايكو و شفتي جنينك و لا سمعتي نبضات قلبه ؟
ــ هل تلبسي حجابات كاملة او ليكات و سروال و لا جيب ؟
ــ بالنسبة للخمار قدام اهل زوجك هل اقتراحك او اقتراح زوجك ؟
ــ هل زرتي صحاباتك لي خدمتي معاهم في البلاد ؟

 

[أم أمين23]

فيفي مرسي على الاعجاب بصح لو تشاركينا تشرفينا حنونة والا خفتي نحطوك على الكرسي
سميرة ثاني راكي غير زيارات شاركينا لالا

 

[روعة انثى]

صباح الخير لبنات كي راكم اليوم ؟
الحمدلله انا راني بخير راني نسال عليكم
لبنات ام امين و ام الحلوين حبيت نبهكم بما انو جهاد راهي مع الوحم ما تديروش صور تاع الماكلة راهي تشهيها و ما تلقاش اللي يطيبهالها مام تطيبها هي مي المتوحمة قاع تبغي الماكلة اللي يطيبوهالها الناس
و زيد هي راهي صغيرة و هذا وحمها اللول و بعيدة على اهلها
جهاد ربي يعطيك الصحة تعبناك تهلاي في روحك برك و جاوبي في غرضك ما تقلقيش روحك حنونة

 

[SAMIRA25]

SAMIRA25, ‏روعة انثى, ‏nada242008, ‏djihad-17
اهلا بالحبايب شرفتونا بالزيارة

 

[SAMIRA25]

ام امين ما لقيت واش نسال رلكي انت و ام الحلوين قايمين بالواجب على اكمل وجه
راحة نسالك على الصحابات الا ما سالوكش البنات
ادا عندك صحابات في الغربة و طبيعة التعامل مع بعضكم و كيفاه تتبادلو الزيارات؟؟؟؟​

 

[روعة انثى]

الله يسلمك سمورة مرحبا بيك حنونة

 

[lina-67]

بالشفا عليكم حنونة هاد وقت الوحم واجدة واجدة برك
يعيشك
نصقصي والا كيفاش ضرك خخخخخ
صقصي راني هنا هههه
يلا نصقصي ووقت ما شفتي روحك قادرة جاوبي
ايه هاذي هي راهي اعطاتني الطبيبة الدواء ان شاء الله يفيد
بما انا حكينا على الوحم واش متمنيا اكثر طفلة والا طفلة؟
وخممت في اسماء والا مازل؟
كتبتي طفلة والا طفلة واقيلة راهي طفلة هههه
اللي جا مرحبا بيه و الاسماء كاين بزاف يدورو في راسي
اكثر حاجة حابة اديرها في البلاد كي تهبطي؟؟
نروح للعروسات ههه
موقف جرالك في الغربة مضحك او محزن ؟
مرة درنا آكسيدون بصح خرجت سلامات الحمد لله
كيفاش تعقبي يومك؟
ننوض صباح نوجد القهوة نشربو يروح راجلي للخدمة و نبدا الماعن والمسيح و نرتب الشومبرة واذا كاين حوايج نحدد و نجي نضرب طلة على اللمة من بعد نروح نطيب و نجي نتفرج شوية حتى يجي راجلي نتغذاو و يروح هو و انا نغسل لماعن و نصلي و نرقد شوية من بعد نتفرج المسلسل و نوجد العشاء و نخرج شوية مع المخلوق مرات نتعشاو برا و مرات نجو للدار ناكلو و هذي هي
الانترنات عندكم غالية والا رخيصة ؟
رخيصة عندنا الانترنت و التلفاز و التلفون كامل في رحبة
وثاني التعياط للبلاد؟؟
البلاد عندنا للفيكس باطل بصح البورطابل غالي
التيليفون خير والا البورطابل؟؟؟
الفيكس باطل هدري على روحك
دارك كبيرة والا صغيرة؟
داري فيها 60متر عندي صالون و صال آمونجي و شومبرة و كوزينة و دوش و مرحاض حاشاك بصح راني دايرة دوموند باش يعطوني وحدة كبيرة
اممم نزيد نخمم ونولي ان شاء الله

رانيي نسنى:d