مغترب تحت المجهر

[أم ندى]

راني جيتتتتتتتت لتيت هاد اليومين ما حطيتكش مبيح جحت المجهلا ههه
بو قوليلنا السفارة تاع الجزائر في ايطاليا وين جات؟
وتاع الجزائر في ذزاير وين جات؟
اكيد على بالي بصح باه يستفيدو لخرين
باه تمشي لتم ؟
عندك كل الاوراق وبطاقاة التعريف تاع دزاير وتاع لتم والكارطة تاع السفارة ثاني مدايرتها والا لا؟
والاولاد كي تهبطو معاك في البرميسو والا كل واحد باسبور؟

اهلا بلي جا وجاب ههههههههههه

ربي يعاونك حنونة

معلاباليش بالضبط مي اظن في ميلانو خطراكش لم يسبق لي استخراج اي وثائق مي راجلي كيما خرج الكارت كونسيلار راح جابها من ميلانة نظن

والسفارة الايطالية في الجزائر جايا في لبيار

والقنصلية جايا في بلعكنون

نعم عندي البرمسو دي سيجورنو وعندي لكارت ديدانتيتا الكارطة نتاع السفارة مزال مدرتها خطراكش كي مات باسبوري عاودتو لثما

ولادي كل واحد باسبورو وبرمسوه ​

 

[أم ندى]

سلام عليكم

تروحوا للبلاد ف طيارة ولا بابور ؟

تروحي لداركم أولا ولا دار أهل زوجك ؟

سجلتي ولادك ف مدارس البلاد أو مازال ؟

وعليكم السلام ورحمة الله وبركاته

نروح ديما في الطيارة مرة برك روحت في البابور تعبة بزاف خطراكش على تونس مكانش منا من ايطاليا

بصح قالو راه كاين بابور من روما عنابة ان شاء الله نعودو نروحو فيه


منكذبش عليك كي نروح مع زوجي نروح لدارهم نقعد ايامات ومن بعد نروح لدارنا


وكي نروح وحدي نروح لدارنا ومن بعد دارهم

بالنسبة للاولاد بني لكبير راه يقرا لثما خليتو عند مانو يقرا سنة 4 ومريم راهي هذا العام تدخل سنة اولى

وندوشة صغيورة​

 

[SAMIRA25]

واينكم يا لبنات ؟؟؟
و ام ندى كملتي اسبوع ؟؟؟​

 

[ام الحلوين]

صباح الخير
ان ندى المفروض الاسبوع تاعك كمل
مشكورة حبيبتي على الاجوبة و ان شاء الله مازعجناكش بالاسئلة و ادا حبينا اي شيء نسقسيوك في البيت باش نتقربو و نتعاونو و نستافدو من بعضانا، ربي يهنيك و يفرحك بوليداتك و يسعدك دنيا و اخرة حنونة .
و الان تقدري تختاري العضوة لي بعدك ، هدو لبنات لي بقاو و نتي اختاري وحدة منهم
فطومة ؟؟؟
بيونة؟؟؟
سيرين؟؟؟

 

[أم أمين23]

كنت جاية نشوف وتعطلت في قسم النقاش هههه المزية راكم فقتو وصقصيتو نستناو ام ندى تخاتر

 

[fatouma2012]

سلام أم ندى وشكرا على سعة صدرك

البنات متنساوش مريومة وروعة حتى هوما مازالوا

 

[أم ندى]

العفو حبيباتي


اخترت الغالية فطومة​

 

[SAMIRA25]

يعطيك الصحة ام ندى على الضيافة و ربي يحفظك
و يحفظلك اسرتك و يهنيك و يسعدك
بالتوفيق في حياتك​

 

[أم أمين23]

مشكورة ام ندى على الاستضافة الطيبة وبارك الله لكي ولاولداك ومرحبا بالعضوة الجديدة فطوم مريومة وروعة ليستا مغتربتان وبالتالي لا ينطبق عليهم الموضوع ههههه
يلا عرفينا على فطوم
عدد الاولاد
مكان الاغتراب البلد والمدينة
مدته

 

[fatouma2012]

مشكورة ام ندى على الاستضافة الطيبة وبارك الله لكي ولاولداك ومرحبا بالعضوة الجديدة فطوم مريومة وروعة ليستا مغتربتان وبالتالي لا ينطبق عليهم الموضوع ههههه
يلا عرفينا على فطوم
عدد الاول
سرسورة 11 شهر وحامل في شهر تاني
مكان الاغتراب البلد والمدينة
ألمانيا والمدينة herrenberg الجنوب الهغربي lialmaanyaa
مدته
[COLOR= ]عام و-10 أشه[/COLOR]

 

[fatouma2012]

أم ندى شكرا على استضافتي ونشالله تكون معرفة خير

 

[أم أمين23]

البنات وينكم واش هالكسل يلا فطوم راهي هنا:
السفارة الجزائرية في المانيا وين؟
وتاع المانيا في الجزائر وين؟
شحال قعدتي باش مدواك الفيزا؟
كيما تزوجتي جيتي والا قعدت مدة مع اهل الزوج؟
زوجك مغتربة من مدة طويلة والا؟

 

[byouna]

wesh رايك في الغربة ki كنت في داركم ،فششوك ولا للا
ttfahmi مع ناس دارك ولا لا .
وش raayeek في زواج والغربة .

 

[ام الحلوين]

مرحبا بيك فطومة انا شفتك البارح بلي استضفاتك ام ندى بصح قلت حتى توافقي باش نبدى نسأل
ــ كم عمرك ؟
ــ فارق السن بينك و بين زوجك ؟
ــ كيفاش تعرفتي على زوجك ؟
ــ نتي من معسكر و هل زوجك تاني من معسكر ؟
ــ كيفاش تعرفتي عليه ؟
ــ ما هو مستواك الدراسي ؟
ــ عدد الاخوة و الاخوات و ترتيبك بينهم ؟ ربي يحفظكم

 

[fatouma2012]

البنات وينكم واش هالكسل يلا فطوم راهي هنا:
[COLOR= ]شفتي م مين حتى م الحلوين وجهاد لموالفين ينشطو القسم مابنوش

[/COLOR]السفارة الجزائرية في المانيا وين؟
[COLOR= ]كاين في بون وكاين في brliin

[/COLOR]
وتاع المانيا في الجزائر وين؟
[COLOR= ]كاين في العاصمة

[/COLOR]
شحال قعدتي باش مدواك الفيزا؟
الفيزا مدوهالي في 3 اسابيع بصح قبل ما ندفع الدوسي كان لازم نتحصل على ديبلوم ف اللغة الالمانية باه ندفعه مع ملف الفيزا وقريت على جاله 3 أشهر

كيما تزوجتي جيتي والا قعدت مدة مع اهل الزوج؟
درت عرسي وحدي وقعدت 20 يوم ف دارنا وليلة الاخيرة تعشيت عند عجوزتي ورحت للمطار
زوجك مغتربة من مدة طويلة والا؟

14سنة غربة ف إيطاليا بصح عامين الاخيرين برك بين فرنسا وألمانيا

 

[fatouma2012]

wesh رايك في الغربة ki كنت في داركم ،فششوك ولا للا
شوفي بيونة الغربة صح صعيبة بصح فيها بزاف ايجابيات أنا شخصيا نشوفها positiv بصح لمدة موقتة يعني ندخل البلادي نشالله بعد ما نحقق الاهداف لي تغربنا على جالها أو جزء منها إدا كتاب الله وإلا علا الفشوش لي راكي تسقسي عليه واش غادي نقولك بيونة أنا كنت ف دارنا مقلشة بزاف لكن كي تزوجت عمري ما قارنت حياتي دروك وقبل ، أولا لي أن الراجل مهما كان مليح ف عمره ما غادي يعوض فشوش الاهل وتانيا الفشوش أنا لي نخلقه ونخلي راجلي يقلشني هههههه نديرلة شالا بالا وهادي في هادي حتى يولي كتر من روميو ، أما إدا إستنيته وحده ف كيما يقولو حتى ينور الملح هههههههه
ونصيحتي لي نقلها دايما الروحي ملاذمش نشوف إلى الوراء أبدا نستغل لوقت ونحوس واش نقدر نصحح ونجمل ف حياتي تع دروك والماضي باي باي

ttfahmi مع ناس دارك ولا لا .
والله منقدر نقول واه ولا لا psq قعدت عندهم 5 أيام برك فالفاكونس تع العام لي فات وأما هدرت السكايب وتليفون ف عادي مجاملات وخطي الشر يخطيك ههههه
وش raayeek في زواج والغربة .

زواج الغربة أحسن زواج هههههههه
كيما قتلك بيونة أنا نشوفه فيه بزاف ايجابيات وكون نتعمق إليوم منكملش هههه هنا ولا لهيه المهم الهنا بصح بيناتنا اهنا خير من لهيه هههههه تفكرت الغنية تع دور بيها يا الشيباني دور بيها ......أهنا ، الهيه ، هنا خير من لهيه ههههه تعرفو هاد الغنية ؟ جاوبوني ف بيت المغتربين psq أم أمين تسوطنا كون تجاوبو هنا هههههههه

 

[fatouma2012]

مرحبا بيك فطومة انا شفتك البارح بلي استضفاتك ام ندى بصح قلت حتى توافقي باش نبدى نسأل
سلام أم الحلوين نورتيني حبيبة


ــ كم عمرك ؟
29 سنة

ــ فارق السن بينك و بين
14 سنة
زوجك ؟

ــ كيفاش تعرفتي على زوجك ؟
زواج تقليدي أهله شافوني في عرس
ــ نتي من معسكر و هل زوجك تاني من معسكر ؟
لا زوجي من وهران
ــ كيفاش تعرفتي عليه ؟
ــ ما هو مستواك ال

دراسي
ليسانس في اللغة الإنجليزية
ــ عدد الاخوة و الاخوات و ترتيبك بينهم ؟ ربي يحفظكم

أخ و-3 بنات أنا رقم 2 بعد أخي
ويحفضك نشالله

 

[ام الحلوين]

فطومة
ــ هل كاين خاوة زوجك مزوجين ؟و نتي عروسة رقم شحال ؟
ــ زوجك كيفاش يعيط لوالديك؟
ــ و نتي كيفاش تعيطي لعجوزتك و شيخك ؟
ــ هل عندك دارك في البلاد ؟
ــ عندك عام و 10 اشهر غربة ،شحال هبطتي من مرة للبلاد ؟
ــ هبطتي وحدك و لا مع راجلك ؟و وين رحتي اولا دارهم و لا داركم ؟
ــ كيفاش يبانلك فرق السن بينك و بين زوجك ؟
ــ هل ديري حجاب ؟و ما نوعه ؟
ــ شحال كان في عمرك كي تحجبتي ؟
ــ الله اعلم قلتي ولدتي العام لي فات في رمضان ،شحال فطرتي من يوم ؟ و وينتا عاودتي صمتي؟

 

[SAMIRA25]

فطومة مرحبا بيك في تحت المجهر
اقامة طيبة ان شاء الله
عنك صديقات جزائريات و الا جنسيات اخرى و كيفاه تعرفتي عليهم؟؟؟
ديرو تجمعات و الا لالا؟؟؟
واش الاماكن الملاح لي نقدرو نزروهم كون يعني نجيو عندكم :p؟؟
و ادا ممكن الصور حتى من نت ما فيش مشكل؟؟؟​

 

[fatouma2012]

فطومة
ــ هل كاين خاوة زوجك مزوجين ؟و نتي عروسة رقم شحال ؟

زوجي عنده أخ واحد وكان متزوج بفرنسية وطلقو الباقي بنات وكلهم متزوجين ، أنا العروسة الاولى إن صح التعبير

ــ زوجك كيفاش يعيط لوالديك؟
يعيط الماما خالتي وأبي متوفي الله يرحمه ويرحم جميع موتى المسلمين
ــ و نتي كيفاش تعيطي لعجوزتك و شيخك ؟
نعيتلهم الوالد والوالدة
ــ هل عندك دارك في البلاد ؟
.......البيت لي ساكنين فيه أهل زوجي ، زوجي شراه ، يمكن بعد عمر طويل يولي تاعنا

ــ عندك عام و 10 اشهر غربة ،شحال هبطتي من مرة للبلاد ؟

رحت مرة وحدة وقعدت 13 يوم
ــ هبطتي وحدك و لا مع راجلك ؟و وين رحتي اولا دارهم و لا
رحنا مع بعض وديراكت لدارهم وفالعشية رحت ال- دارنا
داركم ؟

ــ كيفاش يبانلك فرق السن بينك و بين زوجك ؟
كي نحسبه يبان بزاف بصح واقعيا يبانلي عادي منحسش بيه
ــ هل ديري حجاب ؟و ما نوعه ؟
ندير حجاب سروال وليكات طوال وراني ناوية نشالله نبدله للاحسن
ــ شحال كان في عمرك كي تحجبتي ؟
تحجبت ف آخر سنة فالجامعة
ــ الله اعلم قلتي ولدتي العام لي فات في رمضان ،شحال فطرتي من يوم ؟ و وينتا عاودتي صمتي؟

واه ولادة ف أول أسبوع من رمضان فطرت 25 يوم وخلفتهم ف جانفي كان المغرب على 4 ونص محسيتش بيه