مغترب تحت المجهر

[ام الحلوين]

سيرين مرحبا بيك حنونة
ــ عدد الاخوة و الاخوات ؟ الله يحميكم
ــ كيف تعرفتي على زوجك ؟
ــ زوجك كيفاش يعيط لوالديك ؟ ربي يخليهملك
ــ نتي كيفاش تعيطي لوالدين زوجك ؟ ربي يحفظهم
ــ هل ناوية زيدي لولاد ؟
ــ كيفاش يبانلك فارق السن بينك و بين زوجك ؟
ــ شحال بقيتي بعد الزواج و طلعتي لالمانيا ؟

 

[sirin2013]

سيرين مرحبا بيك حنونة
وبيك اهلا حبيبتي
ــ عدد الاخوة و الاخوات ؟ الله يحميكم
2 بنات و طفل وانا
انا لكبيرة
ــ كيف تعرفتي على زوجك ؟[/SIZE
زوجي من عائلة يكون للوالد نفس اللقب قالولو عليا وجا وقفلي عند اليسي هههههه وقالهم اخطبوهالي انا جامي نعرفو ولا شفتو في حياتي
ــ زوجك كيفاش يعيط لوالديك ؟ ربي يخليهملك
امين يارب
مسمعتوش مزال يعيطلهم بصح نضن بااسمائهم خترش مش كبار
ــ نتي كيفاش تعيطي لوالدين زوجك ؟ ربي يحفظهم
امين يارب
والدو متوفي وامو نعيطلها يما
ــ هل ناوية زيدي لولاد ؟
نشاء الله يكبر وليدي شويا
ــ كيفاش يبانلك فارق السن بينك و بين زوجك ؟
فيه اجابيات وفيه سلبيات
اجابيات تقعدي دايمن صغيرة ومام ولا غلطي امعاه في صوالح يقول معليش نديها على حساب عمرها مزالها صغيرة
وسلبيات كاين صوالح نتي تشوفيهم مهيمة وهو يشوفهم تافهة
ــ شحال بقيتي بعد الزواج و طلعتي لالمانيا ؟

بقية عام وطلعة

 

[SAMIRA25]

يعطيك الصحة سيرين على تلبية الدعوة ربي يهنيك و يسعدك
قلتي بلي ما عندكش صديقاتك لمن تفرغي قلبك كي تكون مضغوطة من الغربة؟؟؟
يديرولكم لمات في القنصلية و يعرضوكم في المناسبات الوطنية؟؟؟
يعطوكم الجنسية والا فيها شروط؟؟؟
وليدك الان عندو جنسية والا لالا ؟؟؟

 

[ام الحلوين]

سلام سيرين
زوجك راهي كيما زوجي يعيط ليما باسمها بسكو كبيرة عليه ب 8 سنين و بابا يعيطلو الحاج (اللقب) و كبير عليه ب 11 عام
ضحكتيني كي قلتي راجلك راح لليسي و قالهم اخطبوهالي ههههه كون غير قابلك و ولا يغني اغنية الشاب خالد تاع (طريق ليسي و يا دلالي و جيبولي سيرين و لا منروحش للالمان هههه)
ــ شحال هبطتي من مرة للبلاد ؟
ــ هل سافرتي لبلد اوروبي ؟
ــ ما هي الولايات لي زرتيها في الجزائر ؟
ــ هل زوجك يدخن ؟
ــ شكون جا عندك في النفاس ؟
ــ وليدك شكون سماه نتي و لا باباه ؟ربي يحفظو

 

[sirin2013]

يعطيك الصحة سيرين على تلبية الدعوة ربي يهنيك و يسعدك
يعطيك الصحة على الدعوة وبلا مزيا جاة دالتي حتى انا
قلتي بلي ما عندكش صديقاتك لمن تفرغي قلبك كي تكون مضغوطة من الغربة؟؟؟
معنديش صحبات مقربات عندي 2 قوريات كانو يقرو معيا يكلموني مين داك ووحدا مغربيا ومصريا مين داك نتلقها
ولمن نفرغ قلبي عندي وحدا صحبتي بصح بعيدا عمري متلقنا كانت تقرا معيا في دزاير ككنت نقرا الالمانية وقعدنا على اتصال وزيد اتلفون هنا باتل
[/SIZE]
يديرولكم لمات في القنصلية و يعرضوكم في المناسبات الوطنية؟؟؟[/S
القنصلية بعيدا وزيد لالمات لا مناسبات هنا لمغربا يديرو مزال عمري مدرة مناسبة ولا لمة مع جماعة
يعطوكم الجنسية والا فيها شروط؟؟؟
الجنسية صعيبة لازم تنجحي في امتحان امب تدفعي ادوسي ولازم تكوني عايشا هنا اكثر من 8 سنين
وليدك الان عندو جنسية والا لالا ؟؟؟

ايه عندو جنسية جزائرية المانية زايد هنا

 

[sirin2013]

سلام سيرين
وعليكم السلام ورحمة الله
زوجك راهي كيما زوجي يعيط ليما باسمها بسكو كبيرة عليه ب 8 سنين و بابا يعيطلو الحاج (اللقب) و كبير عليه ب 11 عام
ضحكتيني كي قلتي راجلك راح لليسي و قالهم اخطبوهالي ههههه كون غير قابلك و ولا يغني اغنية الشاب خالد تاع (طريق ليسي و يا دلالي و جيبولي سيرين و لا منروحش للالمان هههه)
ههههههههه شفتي ياك دقول غنها شاب خالد عليا
ــ شحال هبطتي من مرة للبلاد ؟
خترا هذي الحبطة الاولة اتاعي
ــ هل سافرتي لبلد اوروبي ؟
رحة لمرساي كجية حبطا البلاد نهار برك
ــ ما هي الولايات لي زرتيها في الجزائر ؟
زرة بجاية جيجل سطيف افلو القالة تمنراست قسنطينة والجزائر العاصمة
ــ هل زوجك يدخن ؟
لا ميدخنش
ــ شكون جا عندك في النفاس ؟
حتى واحد حتا فاتو شهرين ولا 3 جاة المصريا و مبعد جاة المغربيا
ــ وليدك شكون سماه نتي و لا باباه ؟ربي يحفظو

امين يارب
بباه صماه بصح انا قترحت في الاسم

 

[أم أمين23]

باياه سماه وانت اقترحتي الاسم رعني انت الي سمتيه هو برك ماركاه هههه
يلا قوليلنا واين ساكنة مليحة الدعوة وكاين كل شيء حداك والا شيء؟
الطبيب انت تروحي وحدك والا يديك راجلك؟
تسلكي راسك في اللغة شوية والا والو؟
الطبا تاعكم ملاح.
كل واحد وطبيبو اكيد ؟
واش عندك ضرك يعني باش تمشي لتم الاوراق الي عندك؟
المخلوق عندو جنسية والا لا؟؟؟

 

[fatouma2012]

سلام سيرين ونشالله تكوني بخير انتي وولدك وراجلك ؟

وينتا تولي تكملي ال-B1 ؟

عندكم جامع ليلعرب ؟ تروحي ؟

عشتي ف دار أهل زوجك ولا جيتي ديراكت

في أي ولاية تسكني ؟ وزوجك قريبلك ؟

زوجك عنده الجنسية ؟

ديرينا صور من مدينتك من النت باه متدليش تصوري؟

 

[ام الحلوين]

سلام سيرين
ــ قلتي بقيتي عام في البلاد بعد الزواج علاش ؟ مامدولكش الفيزا ؟
ــ وين كنت قاعدة في داركم و لا في دار راجلك ؟
ــ كيفاش علاقتك بناس دارك ؟
ــ كاين خاوة راجلك مزوجين ؟ نتي عروسة رقم ؟
ــ هل كليتي حاجة ماشي حلال ؟
ــ كي بقيتي في البلاد راجلك كان يهبط مرو على مرة ؟
ــ و كيفاش كنتو تتصلو بالهاتف و لا السكايب ؟

 

[sirin2013]

باياه سماه وانت اقترحتي الاسم رعني انت الي سمتيه هو برك ماركاه هههه
سلام ام امين ,انا كان عجبني اسم انس يعني فؤاد من بين الاسامي لقترحتهم
يلا قوليلنا واين ساكنة مليحة الدعوة وكاين كل شيء حداك والا شيء؟
كاين لعرب وكاين لمغربا بزاف ولبنانين بصح يحبو يتعرفو غير على ولاد بلادهم
كايت حنوت تع لبناني وتع تركي نشرو منهم لحم مش بعاد بزاف عليا منسكنش في وسط لبلاد بصح قريبا عليا
الطبيب انت تروحي وحدك والا يديك راجلك؟
في الاول كان يديني هوا ودرك راني نروح وحدي
تسلكي راسك في اللغة شوية والا والو؟
لاباس نسلك راسي شويا مشي كلش صحيح كنتكلم بصح نوصل واش راني حابة:p:
الطبا تاعكم ملاح.
احسن حاجة عجبتني هنا هيا الطب وسبيطارات وكفاش يقمو بالمريض
كل واحد وطبيبو اكيد ؟
ايه طبيب العائلة كما يقولو
واش عندك ضرك يعني باش تمشي لتم الاوراق الي عندك؟
عندنا شغل كرتا نمشو بيها
المخلوق عندو جنسية والا لا؟؟؟

لا معندوش

 

[sirin2013]

سلام سيرين ونشالله تكوني بخير انتي وولدك وراجلك ؟
سلام فطيمة لاباس حمد الله يسال عليك الخير
وينتا تولي تكملي ال-B1 ؟
مدبيا في اقرب وقة وعلى جلو مرنيش حبا نحمل يكبر وليدي عمين ونص ندخلو الكخيش ونولي قبل مننسا
عندكم جامع ليلعرب ؟ تروحي ؟
كاين تع الاتراك وكاين تع لمغربا بصح غير ارجال

عشتي ف دار أهل زوجك ولا جيتي ديراكت
عشة عام عندهم امبعد جية

في أي ولاية تسكني ؟ وزوجك قريبلك ؟
نكن في غرداية وزوجي يقربلي نفس اللقب:p
زوجك عنده الجنسية ؟
لا معندوش
ديرينا صور من مدينتك من النت باه متدليش تصوري؟

ad.4algeria.com/]

[/url]

 

[sirin2013]

[SIZ
ــ E=6]سلام سيرين
ــ قلتي بقيتي عام في البلاد بعد الزواج علاش ؟ مامدولكش الفيزا ؟
[ووعليكم السلام حنونا
واه بقية عام ماش مشكل الفيزا ,حنا في ولايتنا ادعوا مزيرا شويا يماه بغات قلتلو غليها اموا معانا شويا نتا حياتك كامل بعيد عليا وتتزوج ومتخلناش حتى نفرحو بعرستنا وهو يماه يموت عليها وميرجعلهاش كلامها
ــ وين كنت قاعدة في داركم و لا في دار راجلك ؟
تخيلو قعدة تقريب العام كل في دارهم قلتلكم ادعوا مزيرا شويا عندنا:p:pوحد 3 ولا 4 مفرقين في دارنا
ــ كيفاش علاقتك بناس دارك ؟
لاباس بصح مع عجوزتي مليحا بزاف تبغيني كبنتها
ــ كاين خاوة راجلك مزوجين ؟ نتي عروسة رقم ؟
كلهم مدزوجين وانا لعروسة صغيرة راجلي صغير
ــ هل كليتي حاجة ماشي حلال ؟
كنت نعرف في الاول كجية وحدا عربية عرضتني درتلي فخاد تع جاج محمرين وشلايط وكلية حتى شبعة وككملة قلتلها شحال بنان هاذ لفخاد جابهم لعربي جدد خترش مشفتهمش عندو قتلي ايه نتي تشري كما لعرب هذو شرتهم مسوبيرات درك جبة روحي عليها

ــ كي بقيتي في البلاد راجلك كان يهبط مرو على مرة ؟
حبط 2 خترات و 3 جا يديني
ــ و كيفاش كنتو تتصلو بالهاتف و لا السكايب ؟

في دارهم بتلفون وككنت نروح لدارنا نهدرو بسكيب

 

[SAMIRA25]

ما شاء الله صور المدينة رائعين و البنيان تاعهم تاني مليح
يعطيك الصحة سيرين​

 

[fatouma2012]

سيرين واش تجيبي معاك ملبلاد ؟

من وين تستوقي الخضر ؟

من وين الملابس الولدك ؟

يديروا عندكم kinderflohmarkt ،؟ تروحي ؟

صبغة الشعر تديري ؟ وحدك ولا عند الحلاقة ؟ عندكم حلاقات للمتحجبات ؟

 

[sirin2013]

سيرين واش تجيبي معاك ملبلاد ؟
اهلين فطيمة
هاذ لخترا جبة معايا سميد وتمر ولفريك ولحريرة ولبسا ليا 3 لكات و 5 حجابات برارد لتاي وكوفرولي لشمبرا اتاعي زربية تع غرداية لمغدوما باليد

من وين تستوقي الخضر ؟
من ليدل ولا كوفلاند

من وين الملابس الولدك ؟
نشريلو من hm ca tako

يديروا عندكم kinderflohmarkt ،؟ تروحي ؟
لا ميديروش هذا مليح قتلي عليه وحد صحبتي في بريمن يديروه 2 خترات في العام ,هنا سور يكونو يديروه في دورتموند بعيد عليا شويا نروح خترات

صبغة الشعر تديري ؟ وحدك ولا عند الحلاقة ؟ عندكم حلاقات للمتحجبات ؟

صبغة خترا وحدا في حياتي كجية حبطا لبلاد كنت بغيا تسبغهولي لحفافة بصح مصبتش وصبغتو وحدي
معنديش بزاف سمعة كاينا وحدا لبنانية حفافة عندها صالو
وكاين حتى جزائرية حفافة بصح معلبليش وين تخدم ختر معندهاش صالو وانا اصلا منعرفهاش تلقية معاها خترا سلمة عليا وراحة

 

[lina-67]

سلام سيرين
ولدتي وليدك في البلاد ولا في المانيا
شحال قعدتي مور العرس و حملتي
تتحجبي قدام اهل زوجك ام لا
واش اديري في اليوم
زوجك واش عملو
يعاونك في شغل ولالا

 

[byouna]

-هل راكي nadmt لي تغربتي2-هل راجلك يخدم نهار كامل ولا عادي
3-تخرجي كل يوم ولا لا
4 -وليدك يمشي ولا مازال
5-وش تدري في نهار

 

[ام الحلوين]

اهلين سيرين
ــ هل هبطتي كادوات لنسا خاوة زوجك ؟ادا ايه واش ديتي ؟؟
ــ هل يوصيوك اهلك و لا اهل زوجك على حوايج باش تهبطيلهم ؟
ــ تعلمتي الطبخ في صغرك و لا ختى نخطبتي ؟
ــ ما هي اول اكلة طيبتيها عند اهل زوجك ؟ و واش قالو على طيابك ؟
ــ واش تفضلي طيبي المالح و لا الحلو ؟
ــ واش هي الاكلة لي تحبيها و راجلك مايحبهاش ؟
ــ واش هي الاكلة لي يحبها و يطلبها منك طيبيهالو ؟
ــ هل عندك دارك في البلاد ؟
ــ اهلك قراب لاهل زوجك يعني في السكن ؟

 

[sirin2013]

سلام سيرين
وعليكم سلام ختي جهاد
ولدتي وليدك في البلاد ولا في المانيا
ولدة هنا في المانيا
شحال قعدتي مور العرس و حملتي
محملتش حتى كطلعة الهنا انا مبغيتش وشهر الاول لطلعة فيه حملة
تتحجبي قدام اهل زوجك ام لا
ايه طبعا
واش اديري في اليوم
في اليوم نوض بكري نصلي ونعاود نولي نرقد نتول شويا باه انوض باش نكتل الوقت:p:pانوض نشرب قهوتي مبعد ينوض وليدي نبدلو ونعطيه حليبو نخليه يلعب ونروح لشغلي نخمل ادارولا يرجع راجلي الغدا نطيب ولا والو ندير غير حاجة خفيفا ليا نلعب شويا مع وليدي وراني مع الفزيون ولا لنترنات ولا كان لجو مليح ندي وليدي ونخرج ندور شويا ولا والو راني قاعدة وحححححححححححححيدة
زوجك واش عملو
cuisinière يدير بدزا شورما وكاين اطباق منعرفش واش يسموهم
يعاونك في شغل ولالا

يعاوني غير يحبطلي لغسيل الكاف ختر فيه المشينة ويطلعهوملي كيتغسلو وبتحلال ولا كنت مشغولة ينشرهوملي هذا مكان

 

[sirin2013]

-هل راكي nadmt
سلام حنونا
شوفي كنت ندمانة على نهار لقبلة فيه ندوج في لغربا مبصح كحبط البلاد وتشوفي كفاه كنتي في للبرتي تدخلي وتخرجي لوقت لتبغي لمنيسالك ولا يتحكم صح الواحد وحدو لمن يحكي معاه ولا يونسو بصح تاني كمتكونش الحرية صعيبة
لي تغربتي2-هل راجلك يخدم نهار كامل ولا عادي
كل سمانة كفاش سمانةم2 حتى 10 تقريب نهار كمبلي وحدي وسمانةم 10ل2يجي لدار يتغدى ويولي5 ل10
3-تخرجي كل يوم ولا لا
منخرج كل يوم كل يومين ولا كان لجو مش مليح بلاك سمانة منخرجش
4 -وليدك يمشي ولا مازال
مزال راه يحبي و يوقف ف طابلة
5-وش تدري في نهار

في اليوم نوض بكري نصلي ونعاود نولي نرقد نتول شويا باه انوض باش نكتل الوقتانوض نشرب قهوتي مبعد ينوض وليدي نبدلو ونعطيه حليبو نخليه يلعب ونروح لشغلي نخمل ادارولا يرجع راجلي الغدا نطيب ولا والو ندير غير حاجة خفيفا ليا نلعب شويا مع وليدي وراني مع الفزيون ولا لنترنات ولا كان لجو مليح ندي وليدي ونخرج ندور شويا ولا والو راني قاعدة