أفيدوني جزاكم الله خيراً

[Dr.Flora]

السلام عليكم و رحمة الله

تحية لكلّ المشرفين على القسم -الدكاترة-

(تحية خاصّة لام ندوش و للاخت الطبيبة Rekia Rouka)

مشكلتي تبدأ ديما بدخول الربيع عندي ، la sinusite، و نتحسس بزززاااااف من ls grains de pollen

كل عام نروح لأخصائي الصدر و الحساسية نفس الدكتور ، و بصراحة بين الدّواء و la visite تخرجلي نص مليون :s

العام هذا مانيش حابة نروح للطبيب و مانيش حابة نشري الدواوات هذوك كامل psk حابة نستشيركم لانّي نشرب anti histaminique الي هو TOTINAL مي المشكل ينعسني بزااااااااففف و انا عندي باك حابة نبدلو بـ Restamine واش رايكم اذا ممكن ؟
و حابة نشري ثاني SOLUPRED , anti inflammatoire

et finalement, NASACORT (pompe)
هل هذا كافِ و هل هناك تداخلات دوائية قد تكون خطيرة؟
ارجوا الاجابة على استقساري في اقرب وقت ممكن جزاكم الله خيراً ~
​

 

[lina-67]

سلام اختي
اولا ربي يشافيك
انا كان عندي نفس المشكل كنت نشرب RestamineETNASACORT كان يكالميني و درك الحمد لله ريحت ما راني نشرب حتى دواء
​

 

[Dr.Flora]

سلام اختي
اولا ربي يشافيك
انا كان عندي نفس المشكل كنت نشرب RestamineETNASACORT كان يكالميني و درك الحمد لله ريحت ما راني نشرب حتى دواء
​

و عليكم السلام

جزاك الله خيرا اختي مام انا حابة restamine لانو مينعسش و حابة نزيد ثاني anti inflammatoire

شكرااا الف شكر على الاجابة

 

[nada242008]

وعليكم السلام .. اهلا بيك اختي
هذا هو وقت الحساسية مع حلول فصل الربيع
انا ننصحك ب claritine غالي شوي على لبقية
بصح ينعسش بالنسبة ل anti- histaminiques لخرين
اما بالنسبة لقائمة الادوية ما نقدرش نقولك واش تشربي لازم طبيب
نصقصيلك ونردلك الخبر
​

 

[نبض الحياة]

وعليكم السلام ورحمة الله تعالى وبركاته
أهلا بيك حبيبتي
La sinusite حبيية فيها نوعين اما aiguë ou chronique
وكل نوع والتراتمون تاعه
TOTINAL صح ينعس بزآف

Restamine يوصف مام هو في حالة هآد الحساسية
و cleratine اللي قاتلك عليه عفوف هو غير ريستامين
وفي حالتك حبوبة ما ننصحك تدي حتى دواء بدون استشارة طبيبك اللي راه متابع تطور حالتك
وما تخلطيش ما بين les anti inflammatoires
برك اللي مدهلك هو واذا حبيبتي تغيري هو ينصحك اكثر ويعرف واش يمدلك
طبعا لانو الحساسية تحتاج للمتابعة
وربي يشافيك ان شاء الله
​

 

[nada242008]

راني جبتلك اجابة بعد استشارة طبيب
قالك حبسي توتينال وديري telfast 180 حبة في ليوم
و nasacort كملي بيها عادي
وقالك حبسي solupred مدام راكي تستعملي في nasacort

اي استفسار تفضلي :regards01:
​

 

[Dr.Flora]

بارك الله فيكم جميعا ، جزاكم الله كلّ الخير على الافادة بعلمكم