قالك واحد كل يوم يريح في القهوة ,و كل يوم تجوز
عليه وحدة يشوف فيها وتشوف فيه , بقاو على
هذي الحال عام , وحد النهار شافها مع واحد راح
ليها قالها سمعي يا طفلة اللي بيناتنا غير أنسايه:d
- "أيا قالك هذا واحد فقير , راح طلب واحد
في 10 دينار , عطاه 10 دينار وقالو يا ولدي 10 دينار
ماديرلك والو في أيامنا , قالو نروح نوزن بيها
روحي عندي يومين ماكليتش :p
- أيا واحد جا فايت على جدار فيه ثقب , سمع من
ورا الجدار 12 . 12 .12 .... قتلو الفضول شاف من
هذاك الثقب , ثقبولو عينه سمع بعدها 13 13 13 .....:yahoo01:
- زوج تزوجو , وبعد 20 سنة زواج المرأة حملت
, ما تفاهموش , هو قالها نسميه خير الدين ,
وهي قاتلو خير الله , المهم , كي ولدت طفل
خرج ضعيييييف و صغييييييييييييييير خلااااص
أيا سماوه " خيرمن مكانش وخير من بلااااش :thumb_up02:
- أيا قالك واحد قتل مرتو , داوه للمحكمة , أيا
سقساه القاضي وعلاش قتلتها , قالو راها تخون فيا
مع صاحبها , قالو القاضي كيفاش عرفت ؟ قالو
شوف بطاقة التعريف تاعها مكتوب فيها
" إمضاء صاحبها ":scared01:
- طبيب حاب يختبر الحالة العقلية لمرضاه
سقسى الاول /إذا عطيتك برتقالة وش دير بيها ؟
فأجابه /نقشرها و ناكلها قاله الطبيب /عظيم راك
شفيت ورتاحيت ثم سأل الثاني / وأنت لوكان
نعطيك شاحنة وش دير بيها ؟ فأجاب / نقشرها و ناكلها :-o
-يقولك الانسان لي يبدى ياكل وما يقولش بسم الله
الشيطان ياكل معاه أيا هذا واحد طول حياتو هو ياكل
في اللوبيا وما يقولش بسم الله ، حتى واحد النهار
خرج ليه الشيطان قالو انت عمرك ماتغلط وتقول
بسم الله؟أيا بركانا من لوبيا يا صاحبي هههههههه :yahoo01:
_ مزطول يقول لصاحبو :حاجة وحدة في الدنيا
محيرتني ومهبلتني و مزال مافهمتهاش ؟؟؟؟ قالو
صاحبو وش هي هاذ الحاجة ؟ قالو المزطول : الحمار
الوحشي ابيض ومخطط بالأسود ولا أسود
ومخطط بالأبيض:-o
_ مره ولد سأل ابوه :ما الفرق بين القضاء
والقدر والمصيبه؟؟؟ قال الوالد :نروحو للبحر
نعوموووو و غرقت امك هذا قضاء و قدر ما
نعترض عليه لكن المصيبه لوكان امك تطلع
تعرف تعوووووووووووم :p
_ اب كسلان قال لولدو الكسلان قوم
افتح الباب لامك
الابن: افتحلها انت هذي راهي مرتك؟
الاب: قوم يا ولدي هذي امك
الابن: راهي مرتك ثاني قوم انت افتحلها
الاب راح عند لباب وبدى يعيط يا مرااا راكي
مطلقة بالثلااااث قال لوليدو أيا قوم ضرك افتح
الباب لامك و رد بالك تزيد تقولي راهي مرتك :p
_ واحد وقف بسيارتو في مكان لا يسمح
له بالوقوف،حارس البلدي مشا للسيارة وجد زوجة
السيد قاللها يا ختي ممنوع لوقوف هنا (interdit)
قالت له (mon mari)مشى للمقهى وبالخف
يرجع ،أيا لحارس هذاك راح للمقهى و قالهم وين
راح هذا (mon mari) يجي يقلع السيارة
ديالو من هنا .:s:scared01::yahoo01:
_ وفي الاخير عندي لغز والشاطر فيكم
يعطيني الاجابة
اذا كان القطار يمشي 60 ك/م في الساعة
فكم عصفور فوق الشجرة اذا كان البيبسي
تتباع ب100 دينار :scared01: :yahoo01:
أتمنى أن تنال اعجابكم مع تحيات أخوكم ...... حكيم ......
:bye01: :regards01::bye01:
