انصحوني في وجه ربي راني حاير

[lakhdar29]

السلام عليكم ورحمة الله وبركاته اعزائي وأحبائي​

لم أعرف ما افعله أخبره بالحقيقة أم لا?​

عندي واحد صاحبي بغا بتقدم باه يخطب وحد البنت جارتي وبقا يسقسي عليها كاشما يعرف عليها وعلى

والديها وبدا بيا انا اول_أنا هذي البنت سمعت عليها حوايج بلي خارجة الطريق وراكم تعرفوا الهدرة كيفاش دروك أنا حشمت ماسبت مانقوله _هي جارتي وكل بنت تستاهل راجل وهو صاحبي ومنبغيلهش وحدة تغبنه وتبدى الهدرة موراها من بعد الزواج _أنا قولت نخبره بالحقيقة بصح بالك نكون أنا السبب في مستقبلها _و لانخليه يتزوج بها كاش مايسرا من بعد ويجي يلومني ويقولي أنت صاحبي ومبغيتش تنصحني
ياهل ترى كون جيتوا نتوما في بلاستي واش ديروا ? والله لاراني حاير​

​

​

​

​

​

[/CENTER][/COLOR][/SIZE]

 

[lakhdar29]

:s:s:s:s:s:s:s:s:s

 

[EL General]

اهلا بيك خويا لخضر
خويا من رأيي تروح لصاحبك هدا و تصارحوا بكل شيئ في داخلك
أكيد راك تسقسي و تقول علاه ؟
bon ضرك نقولك علاه
لأنو الطفلة بما أنك قلت خارجة الطريق ، خليها تبور و تولي عانس
يخي هي اختارت الطريق الخاطئة ؟ أوك خليها تتحمل مسؤوليتها على ما اختارت
علاه يزيد يتحمل صديقك المسؤولية و انت تاني
من رايي تصارحوا خويا
و ربي يوفقكم نشاله
​

 

[lakhdar29]

اهلا بيك خويا لخضر
خويا من رأيي تروح لصاحبك هدا و تصارحوا بكل شيئ في داخلك
أكيد راك تسقسي و تقول علاه ؟
bon ضرك نقولك علاه
لأنو الطفلة بما أنك قلت خارجة الطريق ، خليها تبور و تولي عانس
يخي هي اختارت الطريق الخاطئة ؟ أوك خليها تتحمل مسؤوليتها على ما اختارت
علاه يزيد يتحمل صديقك المسؤولية و انت تاني
من رايي تصارحوا خويا
و ربي يوفقكم نشاله
​

راك فرحتني mon generalيعطيك الصحة راك حليتلي عقدة كانت في نفسي شكرا​

 

[amin.select]

انا من راي الجنرال

لكن انت قلت سمعت عليها يعني ما شفتهاش

بالاك ترمي محصنة اخي تاكد الاول


​

 

[Eva dz]

يا اخي لا تصدق كل ما تسمع و صدق نصف ما ترى

برايي انت و مادامك قلت هاك " يقولو ""

برايي يا اخي انت قوله انو نتا خاطيك هاد الامور و ما تعرفش هاد لافامي مليح و قوله كاين لي راهم يقولو كذا "" و اذا سألك شكون هادو قوله هادو شكون خاطرش و بلاك طفلة ماهيش كيما قالو يعني انت يا اخي جبد روحك شوية مهاد الموضوع رغم انو صديق عزيز


يا اخي ما تفهمنيش غلط و راه صاحبك مي كاين لي هاك شوية يحسب كي تقولو على صلاحو راك تغير منو و يولي يايفيتيك و كاين لي يردك معقد ووووو و الله غي ولينا نخافو اصحاب هاد الوقت


و ربي يديم صداقتكم يا اخي في الاخير الراي رايك و سمحلي على الاطالة مي مدامك سألت عن راينا انا قتلك رايي و ما تتقلقش مني رجاءا

سلام

 

[ابن سينا]

السلام عليكم
اذا كانت محترفة فسق وانت على يقين انصحه
او مجرد طيش الشباب من ستر مومنا ستره الله
ثم عندنا مثال يقول
((اخطب المهبولة بنت العاقلة وما تخطبش العاقلة بنت المهبولة))
هذا مثال رائع اذا كانوا والديها ناس ما تخافش يعاونوه بزاف
واذا راك في حيرة كبيرة
اختر الوسط
قوله: لي تعرفه على والديها اما هي قوله :راك تعرف هذا الوقت
حد ما يضمن في حد واللسان ما فيه عظم
ربي يكون معاكم في ثلاثة
​

 

[lakhdar29]

شكرا لكم على النصيحة جزاكم الله خيرا​

 

[شاهيندا]

خويا نوصيك لوجه الله، روح لصاحبك و احكي لو كلش على واش تعرف، ألا خاطر، حرام تشوف المنكر و تسكت.
الناس في الناس تنصح بعضها لوجه الله، فمابالك بالاصدقاء او الاخوة؟
نتمنى من كل قلبي اني افدتك خويا.

 

[hadda0425]

انانقولك يا اخي اذا شفت بام عينك انها انسانة مش مليحة تقدر تنصحو
مش تقولو انا سمعت من فلان وفلان وتظلم الطفلة
وفي الاخير نقولك الله ستارويحب الستر وانت وضميرك يا اخي
​

 

[anissa 13]

يااخي انا عن نفسي لوكان تصرالي نسكت وصراتلي مرات من قبل وسكتت
يااخي استرها ربي يسترك دعيلها الهداية ياما بنات عملو اللي عملو قبل الزواج وبعد الزواج ولاو تبارك الله
هدا رايي الشخصي وانت ورايك
​

 

[lakhdar29]

خويا نوصيك لوجه الله، روح لصاحبك و احكي لو كلش على واش تعرف، ألا خاطر، حرام تشوف المنكر و تسكت.
الناس في الناس تنصح بعضها لوجه الله، فمابالك بالاصدقاء او الاخوة؟
نتمنى من كل قلبي اني افدتك خويا.

مع حق اختي شكرا لك​

 

[أم أمين23]

من ردودك على البعض راه يبان بلي متخد قرار وراك حابة تقولو واش سمعت بصح انا من رايي تسأل مختص في الدين ولو انو كاين بزاف من العلماء يقول الاولى هو الستر وكيم ا قالو البعض ممكن يكون الي سمعتو ماشي صح وممكن تكون هاد البنت بعد الخطبة والزواج افضل من بنات بزاف والله اعلم حكم ضميرك والي فيه الخير يكون

 

[nanoche]

يا خويا أنا واش فهمت انك ماراكش متأكد لأنك ما شفتش انت بعينيك و اذا جينا على هدرة الناس ياما ظلمو نساء غير بكلام قال قال
اذا شفت بعينك هاديك حاجة اخرى مي اذا سمعت برك عيب عليك ترمي واحدة ممكن تكون بريئة و يجي نهار وين تخلصها قدام ربي و ممكن واحدة من عايلك توقع في نفس الفخ ديال قال و ما قال
يقول رسول الله عليه الصلاة و السلام (المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامة) و ما أحوجنا الى الستر يوم القيامة
وبالاك ربي ارسل لهاذ البنت هاذ الرجل و رايحة تنستر و تتوب على يديه و اذا ربي حتى لليوم راهو ساترها علاش انت اللي تفضحها
هذا رايي يا خويا و انت اعمل واش تشوفو صح
​

 

[ميلاد انثى]

شوف نحكيلك حكاية صرات صح
عندي جارتنا خوها حب يخطب صاحبتها بعد ماشافها تجي عند ختو و يعرفها بلي متربية وبنت فاميلا و حتى سقسا عيها وزيد اختو ديما تشكر فيها هو بنيتو حكا لصحابو بلي ناوي يخطب فلانة، قولولي وش دارو للطفلة المسكينة جابو جارنا هاذاك وعيطوزعم لهاديك الطفلة زعم هي حبيبة واحد فيهم وبداو يسقسيو فيها و يأكدولو في الادلة بلي هي. تقولي جارتنا بلي خوها دخل زعفان وقالها غير هديك الطفلة لي ماتزيديش دوري بيها . علا خاطر راهي تخرج مع فلان ودارت ودارت البلاوي كامل ،شوفو سبحان الله قاتلو ختو راني كنت نحكي معاها في البورتابل في نفس الوقت لي كانو هاذوك دايرينلها بياج.
مالا يا خويا بزايدو ماتظلموا في بنات الناس حاول تتأكد من صحة الاخبار لي وصلاتك عنها لان الناس في وقتنا ولات عنها خدمة الغيبة والقذف .

 

[هبة الرحمان2]

انا نقولك قوله هي جارتي بصح منعرفهاش نعرف خوتها واذا مشفتش بعينيك متصدقش كامل لي ينقال.

 

[imy_amani]

اخي الكريم هل رايت بعينك ما يعيب البنت؟؟؟
هل فعلت امرا امامك يؤكد كل ما قالوه عنها؟؟؟
ام انك فقط سمعت؟؟
اخي الكريم ساخبرك بقصة حدثت فعلا هذه الايام امامي
انا اعرف هاي البنت اللي رايحة نقولك على قصتها
والله طيبة ومتربية وخاطيها وناس ملاااااااح
خطبها واحد ورفضت
وبعدها خطبها واحد وقبلت
مالا خرجوا عليها دعايات انها كانت تخرج مع الاول وانها كانت باغياته
وقالو عليها انها طمعاته وبعد خلاته
وانا هادي البنت نعرفها

والله غير خاطيها هادي البنت
انا انقهرت في بلاصتها

هادي ظلموها وقالوا فيها كلام ماصراش

انا قلت لك القصة فقط لتعرف
يمكن رح تظلم البنت هاي اذا قلت عنها كلام ما شفته


انت طلبت النصيحة اخي
نقولك قول اللي شفته انت منها
ماشي اللي قالوه الناس
لخاطرش كلواحد رايح يتحمل نتائج اختياره بنفسه
ماشي انت تتحملهم
اولا لانها مجرد جارة ماعاشتش معاك حتى تعرفها
ماعندهش الحق يحاسبك بعد

ويبقى راي الخاص اخي

تقبل مروري
​

 

[serinee]

سلام عليكم
خويا انا نقولك ادا شفت هدي الفتاة فعلت و دارت شي صواح مش ملاح انصح صاحبك بلا ماتدكر العيوب او ادا كان مجرد كلام سمعتو او حكاوهولك متامنش ختاش كاينين بززاف ناس يحبو يخصرو سمعت البنات يمكن كي محبتش تخرج معاه او... او..
و ربي يوفقك و يبعتلو بنت الحلال
​

 

[somo_81]

رايي من راي الاخوات إذا مشفتش حاجة بعينك متحكيش عليها راك تدي ذنوبها غدوة عند ربي و تتسمى رميت محصنة بالباطل و إذا شافت عينك احكيلو وهو وتخمامو إذا حب يسترها مي متقولش قالولي وزيد إذا مراكش حاب تتلام غدوة من جهتها و جيهنو قول منعرفهاش و خلاص هو يروح يحوس على اخبارها بنفسو

 

[hadda0425]

البنات السيد راه كتب موضوع وهو مقرر وش حيحكي من الاول
ربي يستر بنات المسلمين
​