كرهتوني في ...............

[أم أمين23]

السلام عليكم ورحمة الله
صباح الخيــــــــر خالتوو
وعليكم السلام ورحمة الله وبركاته اهلا ببني ايوب
أنا نوافقك الرأي رانا هنا باش نتعلمو
أنا واحد نحب كي نصيب يشجعوني وكي نغلط ينقدوني ويصححولي هكذا نتعلم

الاعجاب يكون تنبيه و يكمل الرد عندو فوائد
بصح لازم المشاركة

هذا رايي تقبلي مروري احترامي :regards01:

​

صحيت يا وليدي يعني انت معايا الرد هو الي يعكي واش حابين ماشي الاعجاب وحدو
​

 

[־●ـ‗غمــــوض ــالــورد_ـ●־]

-هاد واش حبيت نوصل حنونة احيانا كاين الي يحطو اعجاب وهوما ماشي متفاهمين مع ردك المفروض الاعجاب يتبع برد باش نفهمو احنا واش حاب يقصد الي حط الاعجاب
-- ايه عارفة حنونــــة راني فهمتك
-انا حكيتلك على روحي برك قتلك انا كي ندير اعجاب راه يعجبني الرد مي نزيد ندير باساج بش نوضح وش عندي
-- وكل واحد وكيفماه هاديك داخلة في شخصية لواحد وطريقتوا لفهم محتوى لموضوع وزيماه يرد عليه
--
-هنا واضح عجبك ردهم اوك بصح ردك انت راه مع نفس الراي والا عكسو الرد الي اوضح صح؟
-- انا حنونة كي ندير اعجاب راني نرد باسكوا عارفة بلي الاعجاب يبقى شوية غامض لوحايد
-متلا كيما انت كي واحد يديرلك اعجاب ومردش عليك متفهميهش زيماه راه عاجبلوا موضوعك اواش هي لاشوز لي شداتوا وخلاتوا يعجب بموضوعك ومتعرفيش بعد شخصيتوا وتفكيروا وين راه رايح...
يعني الرد يعكس شخصية لعضو انا نشوف فيها كيما هك..
--يعني الاعجاب ميكملش لفكرة كامل ،عارفة بلي الرد هو كلش
وديجا لواحد كي يرد ويشارك برأيوا راح تزيد تتوضح اكتر

-اوك معليش انا نقلت خلي نشوف رايكم على الاعجابات وهكا نوصلو راينا ونفهمو بعضنا
-- معليش راني قتلك رايي دوكا تقدري تفهميني زيماه هههه

​

انا راني اكثر منك ماكانش حاجة نقراها وما نردش عليه او لوكان نقول شكرا مادام حليت الموضوع لازم نرد ما نديرش الاعجاب ونجي مقدمة خصوصا الا الواحد منزل موضوع وتاعب عليه
​

-- ايه صحيتي الرد بعد راه يقنع اكتر من الاعجاب وحدوا ،،،
ومرســـــــــــــــــــــــي حنونـــــــــــــــــــة :regards01:
​

 

[Mr Brahim]

ايا ضرك انا مثلا راني درتلكم اعجابات على ردودكم وما نيش راح نعلق على اي رد من تاعكم قولولي فهمتو حاجة من الاعجابات فهمتو بلي راضية والا ما شية راضية على المحتوى الي في ردودكم قولولي ترى ؟؟؟
انا الي قصدو ماشي غير انا كاين بزاف يظهرلي جرالهم نفس الشيء
راني نستنى ردكم على سءال ومن بعد نولي نعلق على ردودكم كل على حدى

تعقيب بسيط الاعجاب لا يمكن ان يكون عدم الرضا فمعنى الكلمة واضحة بعد اذنك يمكنني ان اوضح و لو قليلا ما تقصدين الاعجاب في هذه الحالة قبول الفكرة او القضية و لكن رأي المعجب فيها غير موجود و هنا يطرح الاشكـــال ماذا استفدت انا من الاعجاب :s
ايضا يمكن فهم الاعجاب احيانا على انه الموافقة لما جاء في الرد
اتمنى ان افدتكم و لو قليلا
* دمتم بود :regards01: *
​

 

[FATIMA 19]

بصح انا انا احيانا يعجبني موضوع موضوع مي مانقدرش نرد عليه
ممكن مكانش الوقت ترد عليه وكل مرة وكيفاه.​

 

[الحق سلاحي]

جيت راح ندير جام بطلت
​

 

[Mr Brahim]

جيت راح ندير جام بطلت
​

:d مليحة هذي هههههههههه ​

 

[־●ـ‗غمــــوض ــالــورد_ـ●־]

جيت راح ندير جام بطلت
​

ههههههههههههههههه شبعتيني ضحك ديري برك وعماه تبطلي :d
​

 

[بنت الـ25]

ايا ضرك انا مثلا راني درتلكم اعجابات على ردودكم وما نيش راح نعلق على اي رد من تاعكم قولولي فهمتو حاجة من الاعجابات فهمتو بلي راضية والا ما شية راضية على المحتوى الي في ردودكم قولولي ترى ؟؟؟
انا الي قصدو ماشي غير انا كاين بزاف يظهرلي جرالهم نفس الشيء
راني نستنى ردكم على سءال ومن بعد نولي نعلق على ردودكم كل على حدى

ختي ام امين ديري علينا ونسلكوك :p
اني فهمت عليك
انتي قصدك علاه يديرو اعجاب وما يردوش
شوفي رح نديرلك تحليل
اولا: دركا انا مثلا كي يكون الموضوع موضوعي وانا مولاتو خخخخ
ونقرا الردود ،، نتعمد ما نديرش إعجاب حتى نرد
باش كي ندير اعجاب على الرد حب يقول راني bipit لمول الرد يجي يقرا وش رديتلو

ثانيا: أنا كي يعجبني موضوع ندير اعجاب ونزيد نرد وموحال ندير اعجاب لموضوع ومنردش فيه
مادام عجبني نرد ولاكان معجبنيش منديرش أعجبني شومي هدا يولي تناقض

والحاجة الثالثة: ندير اعجاب على الردود في موضوع خاطيني
خاطر كي يكون الموضوع مش موضوعي ونقرا الردود وتعجبني موحال نقتبسلهم كامل ونردلهم
ندير اعجاب كتشجيع انو الرد مليح وجامي درت اعجاب لرد ما نالش اعجابي
ونرد في حالة وحدة كي يقيسني هداك الرد ولا يستفزني (بطريقة ايجابية) باش نرد

نتمنى تكوني فهمتي عليا خخخخخخخخخ
​

 

[Eva dz]

سلام طاطا :d و الله غي جيت نديرلكم جام كاملين مي عييت لقيت عندك الردود 3 صفحات هيهيهي

لا صراحة خاصية الاعجاب كيما تاع الفيسبوك


بمعنى اعجبني موضوعك و لربما كان هذا الشخص مشغول او ليس لديه الكلمات الكافية لوصف الموضوع اختي كاين لي ديفوا يقرالك الموضوع يعجبو كي يجي يعلق تلقاي عقلو مشغول يخرج ملموضوع واحد ما يتسرعش فلحكم


و بخصوص سؤالك

ايا ضرك انا مثلا راني درتلكم اعجابات على ردودكم وما نيش راح نعلق على اي رد من تاعكم قولولي فهمتو حاجة من الاعجابات فهمتو بلي راضية والا ما شية راضية على المحتوى الي في ردودكم قولولي ترى ؟؟؟
انا الي قصدو ماشي غير انا كاين بزاف يظهرلي جرالهم نفس الشيء
راني نستنى ردكم على سءال ومن بعد نولي نعلق على ردودكم كل على حدى

هذا كي يديرو صاحب الموضوع للاعضاء لي ردو في موضوعو شغل راه يقوللهم ميرسي على ردودكم

الاعجاب مثل الشكر

وانا برايي واحد كي يخليلك اعجاب مليح احسن مداك لي يتفرج ما يدير لا جام لا كومونتار


و تصبحي بخير طاطا سلام

 

[أم أمين23]

تعقيب بسيط الاعجاب لا يمكن ان يكون عدم الرضا فمعنى الكلمة واضحة بعد اذنك يمكنني ان اوضح و لو قليلا ما تقصدين الاعجاب في هذه الحالة قبول الفكرة او القضية و لكن رأي المعجب فيها غير موجودو هنا يطرح الاشكـــال ماذا استفدت انا من الاعجاب :s
ايضا يمكن فهم الاعجاب احيانا على انه الموافقة لما جاء في الرد
اتمنى ان افدتكم و لو قليلا
* دمتم بود :regards01: *
​

بالضبط اخي هو المفروض كي نلقاو الاعجاب يعني اننا راضيين على المحتوى او اعجبتنا طريقة الرد ولكن ليس بالضرورة اننا موافقون معها 100 بال100 يعني قد اختلف معك في رأيك ولكن ردك اعجبك وكيف ساوضح ان راي فيه نوع من الاختلاف عن ردك ما لم ارد
وساعات كاين شي ناس مثلا يحطو موضوع وتحط انت راي عكس واش في موضوعهم ورغم هاد يحطولك اعجاب بصح ما يوضحولكش واش الي عجبهم انا بصراحة نحب نفهم وجهة نظر الاخر حسنا يوجد ممكن من المواضيع او الردود تستاهل اعجاب دون تفسير بصح احيانا كيفاش انا واياك ماش متفاهمين على حاجة وردك او موضوعك قبلي ربما يقول دلك وتجي تعملي اعجاب علاش هنا انا الي راني نشوف فيه كاين ناس تحط الاعجاب هكاك لمجرد انها ربما تقولك راني مريت من هنا بلا ما تفهم واش حبيت يوصلولك

 

[أم أمين23]

بصح انا انا احيانا يعجبني موضوع موضوع مي مانقدرش نرد عليه
ممكن مكانش الوقت ترد عليه وكل مرة وكيفاه.​

اوك احيانا ما قلناش ساعات الواحد مشغول علاش ما نحطش ولو لي عودة باش نتفكر الموضوع يعني كي اديري اعجاب برك ما يظهرليش راح تتفكري الموضوع من بعد باش تردي والا لا؟؟
هو مش مشكل ما تدوش رايي على انو قاعدة نقولك ردو بالسيف هو حطي انت روحك بلاصة مولى الموضوع ممكن تلقاي غير الاعجابات وما تلقايش الردود واش يكون رايك؟؟؟

 

[أم أمين23]

جيت راح ندير جام بطلت
​

ماش مشكل حنونتي انا يهمني الرد اكثر الاعجاب بالنسبة لي مليح ماشي مشي مليح بصح لو يدعم برد يكون افضل باش نفهم وجهة نظر الدي مر بموضوعي ولو بكلمة شكر اوجملة بسيطة

 

[أم أمين23]

ختي ام امين ديري علينا ونسلكوك :p
اني فهمت عليك
انتي قصدك علاه يديرو اعجاب وما يردوش
الحمد الله الي فهمتي :d
شوفي رح نديرلك تحليل
اولا: دركا انا مثلا كي يكون الموضوع موضوعي وانا مولاتو خخخخ
ونقرا الردود ،، نتعمد ما نديرش إعجاب حتى نرد
باش كي ندير اعجاب على الرد حب يقول راني bipit لمول الرد يجي يقرا وش رديتلو
اوك هنا واضح الامر
ثانيا: أنا كي يعجبني موضوع ندير اعجاب ونزيد نرد وموحال ندير اعجاب لموضوع ومنردش فيه
وهنا كيف كيف متفقين
مادام عجبني نرد ولاكان معجبنيش منديرش أعجبني شومي هدا يولي تناقض
المشكل انو كاينين بعملو اعجاب من دون ردود صح والا لا؟؟؟
والحاجة الثالثة: ندير اعجاب على الردود في موضوع خاطيني
خاطر كي يكون الموضوع مش موضوعي ونقرا الردود وتعجبني موحال نقتبسلهم كامل ونردلهم
ندير اعجاب كتشجيع انو الرد مليح وجامي درت اعجاب لرد ما نالش اعجابي
انا ثاني نديرها كي نقرا ردود مش من موضوعي ويعجبوني
ونرد في حالة وحدة كي يقيسني هداك الرد ولا يستفزني (بطريقة ايجابية) باش نرد

نتمنى تكوني فهمتي عليا خخخخخخخخخ
​

فهمت وواضح ومعليهش اي غبار هنا فهمتي تاع الصح ماشي كيما قلتيلي في الاول ههههه
​

 

[أم أمين23]

سلام طاطا :d و الله غي جيت نديرلكم جام كاملين مي عييت لقيت عندك الردود 3 صفحات هيهيهي
ماش مشكل حنونة المهم واش قدرتي
لا صراحة خاصية الاعجاب كيما تاع الفيسبوك
حتى في الفايس بوك ممكن تعملي جام ومعاها رد يعني مش بالضرورة جام بلا رد ول انو الفرق واضح لخاطر الفايس بوك ممكن ناس بزاف يعديو وماش راح يرد عليهم مولا الموضوع كامل في حين المنتديات وضعت للحوار والكلام ابين الناس اكثر من الفايس بوك الي برأي انا جمد مقارنة بالمنتديات غير بالنسبة للناس الي تحب تشاتي هاديك حاجة اخرى

بمعنى اعجبني موضوعك و لربما كان هذا الشخص مشغول او ليس لديه الكلمات الكافية لوصف الموضوع اختي كاين لي ديفوا يقرالك الموضوع يعجبو كي يجي يعلق تلقاي عقلو مشغول يخرج ملموضوع واحد ما يتسرعش فلحكم
ماشي مشكل قلنا مرة على مرة الواحد مشغول بصح يمكن في وقت اخر يرد ماشي اشكال

و بخصوص سؤالك
هذا كي يديرو صاحب الموضوع للاعضاء لي ردو في موضوعو شغل راه يقوللهم ميرسي على ردودكم
الاعجاب مثل الشكر
وانا برايي واحد كي يخليلك اعجاب مليح احسن مداك لي يتفرج ما يدير لا جام لا كومونتار
يا بنيتي انا مانيش كونتر الاعجاب انا راني مع الاعجاب بصح يا حبذا لو نزيدو معاه ولو كليمة يكون التشجيع اكثر ونفهمو على بعضانا اكثر

و تصبحي بخير طاطا سلام

وانا نقولك صباح الخير وربي ابارك فيك ويحفظك لاهلك

 

[lina-67]

اني درتلك اعجاب ام امين ههه
انا نقولك صراحة مرات يعجبني موضوع و ما يكونش عندي الوقت باش نرد ندير اعجاب و نروح معناتها عجبني الموضوع بصح كيما قلتي عندك الصح لازم تشوفي الردود باش تعرفي واش اللي عجبهم وواش رايهم

 

[أم أمين23]

اني درتلك اعجاب ام امين ههه
انا نقولك صراحة مرات يعجبني موضوع و ما يكونش عندي الوقت باش نرد ندير اعجاب و نروح معناتها عجبني الموضوع بصح كيما قلتي عندك الصح لازم تشوفي الردود باش تعرفي واش اللي عجبهم وواش رايهم

اهلا جهاد والحمد الله انك اقتنعي بوجهة نظري وسأفرج كثيرا عندما ارى لكي ردود في المواضيع بشكل عام

 

[ђĩหđǿĉħǻ]

هههههههه انا لبارح درتلك اعجاب و خرجت...
ههههههههههه و اليوم هداني ربي
انا ختي بزاااف ندير الاعجاب اكثرملي نرد
و خاصة مين منعرفش واش نرد يعني بدون تعلييق... ندير ذاك الاعجاب و خلاص
​