وشراهم يعانيو ولادنا

[أم أحمد3]

وشراهم يعانيو ولادنا
راهي صعابت لقرايا من جيهة البرنامج المكثف المطروح لكل المستويات نأخذ بعين الإعتبار الإبتدائي ضغط ضغط في الدروس نشفى بكري نص نقعدو فيه أسبوع حتى نهضموه لحد الآن نشفى عليه حتى الأولياء ولاو يضغطو على ولادهم لازم تجيبلي معدل 09,99لازم تسبق ولد فلان ركبولهم الخلعة كيشغل رايح يكبس على الزر ناسيين قدرات كل طفل ومستواه الفكري أصبح التنافس على الدروس الخصوصية يلعب دور كبير أنا بني يقرى عند فلان مسكين الطفل حتى نهاية الأسبوع لازمو يروح للدروس الخصوصية باش يلحق أو يفوت زملاؤا رفقا أختاه بطفلك باش يطرطقلوش عرق

 

[حفيد هواري بومدين]

التنافس في القراية حاجة مليحة بصح ماش كيما هكا
هلكونا بلطقة نتاع ولد فلان
الدرورس الخصوصية ولات اجبارية مدام المعلم ماولى يمد والو في القسم لازم في الدروس الخصوصية ولي يقرى عندو في يزيدلو ولي مايدير لي كور عندو ينقصلو
راه مجتمع كامل يعاني والله

وافقت على الموضوع

 

[nanoche]

الدروس الخصوصية هلكو بيها التلاميذ خصوصا الصغار اللي عقولهم مازالها ما قدرتش تستوعب الكم الهائل للدروس في البرنامج السنوي و المليحة ان الاساتذة رجعو يمدو الدروس الخصوصية في المدرسة و بالدراهم و اللي ماشي قادر يدفع أكيد ما يتحصلش على نقطة مليحة لأن الشرح اثناء الدرس مبسط و في الدرس الخصوصي معمق وهادي هي بلادنا
مانجملوش كاين اللي مازالهم يخدمو بضمير الا اذا التلميذ هو اللي ما حبش يقرا مي كاين اساتذة ربي يهديهم
و ديجا علاش احنا في وقتنا ما خذيناش دروس خصوصية و الحمد لله كنا من المتفوقين؟؟؟
شكرا اختي على الموضوع
​

 

[serinee]

اهلا بك حبيبتي
دركا لحقنا لمودة الدروس الخصوصية
الاستادة لي تقيرهم في المسيد تقوللهم شكون حب يدير دروس خصوصية
و لي يدير طبعا يكون مفضل على لي ميديرش مهنة التعليم و التدريس خلاص راحت
البرنامج بززاف و الضغوطات بززاف و ربي يوفقكهم هدا مكان
مشكورة
​

 

[أم أمين23]

مشكورة على الموضوع وراكي اثرتي فيه عدة نقاط الي هي البرنامج من جيه والدروس الخصوصية من جيه وظغط الاولياء على الاولاد دون مراعات لقدراتهم من جيه
الاول مشكل من فوق ووزارة التعليم للاسف كل ما ادير حاجة باش تعدل تزيد تهلكها اكثر وماكان لاه نكثرو الهدرة والا دخلنا في السياسة الفاشلة
نرجع للدروس الخصوصية الي ولات فرض وواجب باش الصغير ينجح وزاد المالي شجعوها وشجعو المعلمين باش يستغلو الناس باسم التدريس الافضل
واخيرا ضغط الاهل الي بدل ما يعاونو اولادهم على قيسهم يزيدو عليه وملي ممكن يفهم نص القراية ولى الصغير ما يفهم والو المهم ربي يكون في عون اولادنا الي من كثر الظغوطات الي يعاني منها الكبار والظروف تاعهم وسوء التسيير يطيحو فيها الصغار وماكاين غيرهم الخاسر

 

[ماكانش]

أحسنتي على الموضوع الرائع
ولكن لازم لا إفراط ولا تفريط في كل الأمور
مايزيروش بزاف ومايرخفوش
والبرنامج تاعهم صعيب وأكثر من عقولهم ..
​

 

[Sariita]

عندك الحق خاطر نشفى حنا كي كنا صغار مالgري كنا نقراو شويا بصح حاجات تاع حفاظة ما شدينا والو للدوك و الأولياء صح ولاو يزيرو ولادهم باش يقولك وليدي قاري هههه الله يهدي ما خلق ان شاء الله

 

[سمسم السمسومة]

البرنامج لا يتناسب أبدا مع أعمارهم....و هذا تابع للنظام الدراسي الجديد و الله يشفوا ربي ......أما على الدروس الخصوصية رجعت حاجة اجبارية ولدك يقرا و لا ميقراش لازم دروس خصوصية كيما قلتيها معاندة و هاذي راجعة بنسبة كبيرة للأولياء...يعني نتي كأم عندك ولدك يقرا مليح و جايب روحوا مش شرط المعدل 9 في بالي المهم عندك انو متمكن من روحوا علاه ديريلوا درس خصوصي..رجعت الاهم عندهم وليدي يدير لي كور سبيسيال و خلاص...