دعوتي خرجت فيه اشه

[وجع الظلم]

دعوتي خرجت فيه اشه:s​

راح هذاك الزمان وناسو وجانا هاذ الزمان بفاسو
بكري كانت النية والقلوب صافية لالالالالالالاماكانوش ملايكة راني معاكم
كانو ثاني هما عندهم الحيلة والخدع والغدر والكره والحب
بصح ناس بكري كانو اخافو من دعاوي الشر كانت عندهم دعوت الشر تشباط ودعوت الخير تلقاط
بيناتنا رانا نخافو من دعوت الشر ؟
مانضنش:s
الي انشوفوه نستشفاو فيه
المهبول يمشي في الزنق مسكين وحالتو حالة نضحكو عليه ونقولو هذيك دعوة بيه
الي فاتها الزواج انقولو دعوتي خرجت فيها
الي ربي ما رزقهاش الوليدات هذيك دعوة بها
الي رزقو محدود وحليلو دعاوي الشر لحقت بيه
حتى المرض نستشفاو فيه وما نحشموش ونقولو دعوتنا لحقت
كي ولينا نتشمتو في الموت ودعاوينا لحقت ثم
قولولي بربي هذا الي دعاويه تلحق كامل الناس يقتل واطلق وامرض كي دايرا دعوتو
لسان طويل كي بوزلوف
ما يركع ما يعرف ربي غير في الجمعة ولعياد كي القياد
بغيت برك انقولك يا مخلوق ربي
ما تضحك على البلية لتتبلة :pفا البلية قرعة زيت تدخل لكل بيت
يا لاهي بعيوب الناس عيبك علاه انسيتو​

كاين في هذا الوقت الي يتفكر عيبو وما يشوف في عيوب الناس ؟:s:s:s​

:regards01::regards01:

​

 

["مية"]

مشكورة
يا لاهي بعيوب الناس عيبك علاه انسيتوكاين في هذا الوقت الي يتفكر عيبو وما يشوف في عيوب الناس

 

[ماكانش]

ربي جيب الخير ويعطينا نلتاو في رواحنا

 

[أم راضية ~_]

السلام عليكم
يا أختي كلامك ملييييييح بزاااااااف
وهاد العفسة تبدا صغيرة وتكبر مع كل واحد
تشفاي كي كنا صغار زعمة تطيحي ولا تفسدلك كاش حاجة يبداو الولاد اشح دعاويا , ذنوبي خرجو فيك .... الخ
تبدا من الصغر وتكبر ..
اللسان هادا لازملو يتقطع تالمون يدير خرايب كباااار
يوفي و ما يوعدش
يفرق بين الناس
يتلفظ بكلام يسيء للناس
يسب الدين
و غيرها من الامور
صحيتي على الموضوع المهم بزاااااااااف
تحياتي أختي​

 

[وجع الظلم]

مشكورة
يا لاهي بعيوب الناس عيبك علاه انسيتوكاين في هذا الوقت الي يتفكر عيبو وما يشوف في عيوب الناس

انا الي نشكرك كي ضربتي طلة وزرتينا الله لا يحرمنا من طلتك الزينة :regards01:

 

[وجع الظلم]

السلام عليكم​

يا أختي كلامك ملييييييح بزاااااااف
وهاد العفسة تبدا صغيرة وتكبر مع كل واحد
تشفاي كي كنا صغار زعمة تطيحي ولا تفسدلك كاش حاجة يبداو الولاد اشح دعاويا , ذنوبي خرجو فيك .... الخ
تبدا من الصغر وتكبر ..
اللسان هادا لازملو يتقطع تالمون يدير خرايب كباااار
يوفي و ما يوعدش
يفرق بين الناس
يتلفظ بكلام يسيء للناس
يسب الدين
و غيرها من الامور
صحيتي على الموضوع المهم بزاااااااااف

تحياتي أختي​

صح كلامك معظم النار من مستسغر الشرر
الشر والخير نتعلموه من الصغر كاين الي وليدو يسب الناس قدامو ويضحك عليهم يا المعوق يا الكحلوش يا المهبول
و باباه عاجبه الحال ويقول ما زالو صغير ما يفهمش
بصح انت يا الكبير راك فاهم دعوت الخير تتلقط من الصغر
نشكرك على المرور كلامك انت الي عسل الله اكملك بعقلك:regards01:

 

[ahlam02]

يعطيك الصحة موضوعك اعجبني بزاف خاطر هدي حقيقة

 

[أم أمين23]

للاسف انو هاد العباد يحسابو في رواحهم ديما مظلومين وانو ادا دعاو على واحد ربي راح يستجيب وكي يشوف طاحت بالعبد اي مشكلة يقولك احنا الي بيه خرجنا فيه وينساو بلي الشماتة في الدين ماشي مليحة ودعاوي الشر كيف كيف وانو الواحد لازم يكون انسان في تعاملو وطيب وتقي الى درجة كبيرة حتى انو ما يدعيش على من ظلمو ولا يتشفى فيه وهاداك هو الي ربي ياخدلو حقو بلا ما ننساو الجماعة لخرة الي هدرتي عليها والي هي ما كانش عيب غير هو فيها بصح ما تشوفوش وتشوف غير عيوب الناس مع انها ممكن عندها اكثر من عيوبو وزيادة

 

[EL General]

عيب واحد يلتا في أحوال الناس و ينسى أحوالو

يا باهي من برا واش احوالك من داخل

كلش داخل النفس
​

 

[nihade.off]

ما تضحك على البلية لتتبلة فا البلية قرعة زيت تدخل لكل بيت
صح هذي كلمة زينة شكرا على الموضوع ​

 

[mamouu]

كلامك بزااااااااااااااااااااااااااااااااااااااااا ف زين
أو معناه هايل
صح رانا في زمان مشي غير واحد ولا زوج يستشفاو الغاشي قاع
فيروس أو دخل لكل دار

 

[ام اسحاق]

اهلاا بحبوبتي وجع الظلم ..:up:
راني نشوف فيك عجبك الحال هنا في منتدى وش راك تهدر ...و خليتيني وحدي في الحوار و النقاش :p

معليش حبوبتي وين تروحي مواضيعك هايلة .....
المهم نرجعوا للموضوع .....
انا كلش معليش الي لي يستشفى فيالموت و يقلك دعوتي خرجت فيه هاديك وحدها
ما لقيتش ليها حل .....:s

و عادت الناس يا لطيف ...لي يديرلها حاجة يدعيو برك و بواحد الدعا ..وش نقلك
ربي يعافينا برك ......
و كون نبدلو دعا الشر بدعا الخير اييييه رانا لاباس علينا
ربي يهدينا برك

تحياتي وجع الظلم :regards01:
​

 

[أمــ وليــد الجزائرية]

خلي نقلك الانسان يتعلم من هذي الدنيا

وكان جينا لقينا ناس يحكيو هدرا زينة كنا رفدنها عليهم

كان عندنا واحد جارنا الله يرحمو

انسان تالمو طيب كان اسمو "" طيب ""

و كنت من عشاق هذا الراجل و كان بالنسبة ليا اب

تعلمت منو بزاااف حوايج و من بينهم كي نحلفو على حاجة

كان يقولي كي يغلط معاك شيء واحد باه تدعيلو بالشر و نتي في لحظة غضب

ساهلة دعيلو على حاجة تحبيها مثلا تحبي تكليها :d

و هكا كان يمدلي امثلة

و انا نقول اناس كما هذو قلاااااااااااااااااااااااااال

​

 

[وجع الظلم]

اهلاا بحبوبتي وجع الظلم ..:up:

راني نشوف فيك عجبك الحال هنا في منتدى وش راك تهدر ...و خليتيني وحدي في الحوار و النقاش :p​

معليش حبوبتي وين تروحي مواضيعك هايلة .....
المهم نرجعوا للموضوع .....
انا كلش معليش الي لي يستشفى فيالموت و يقلك دعوتي خرجت فيه هاديك وحدها
ما لقيتش ليها حل .....:s​

و عادت الناس يا لطيف ...لي يديرلها حاجة يدعيو برك و بواحد الدعا ..وش نقلك
ربي يعافينا برك ......
و كون نبدلو دعا الشر بدعا الخير اييييه رانا لاباس علينا
ربي يهدينا برك ​

تحياتي وجع الظلم :regards01:​

السلام عليكم كيف الحال اخيتي ام اسحاق​

شكرا على مرورك ماتزعفيش رانيييييييييي غير في الحومة اندور من جاتي ال خالتي
في الاول جاتني غريبة نكتب بالدارجة بصح كي ادخلت عند
mlina4algeriaكي كنا صغار ارجعت اصغيرة وحبيت الدار وحطيت ارحالي سمطت عليها المخلوقة وهي صابرة
اعطيني شوية وقت حتى انفوت ضيافة الي راني فيها ونعاود نرجع لك ما تدعيش عليا برك:p
انا اصحيح ندعي :$ الله يعطيك الخير ان شاء الله:d
سلامي الى اسحاق الله اشدلك فيه و فيهم اجمعين يا رب ​

 

[amin.select]

يعطيك الصحة كلام سليم ووعظ

اللي كاش ماصرالو من عند ربي واللهما لا شماتة

الواحد يقول

اللهما اشفه او عافيه ولا تبتلينا كما ابتليته

الله يعافيك من كل بلية
​

 

[وجع الظلم]

خلي نقلك الانسان يتعلم من هذي الدنيا​

وكان جينا لقينا ناس يحكيو هدرا زينة كنا رفدنها عليهم​

كان عندنا واحد جارنا الله يرحمو ​

انسان تالمو طيب كان اسمو "" طيب "" ​

و كنت من عشاق هذا الراجل و كان بالنسبة ليا اب ​

تعلمت منو بزاااف حوايج و من بينهم كي نحلفو على حاجة​

كان يقولي كي يغلط معاك شيء واحد باه تدعيلو بالشر و نتي في لحظة غضب ​

ساهلة دعيلو على حاجة تحبيها مثلا تحبي تكليها :d ​

و هكا كان يمدلي امثلة ​

و انا نقول اناس كما هذو قلاااااااااااااااااااااااااال​

فعلا اتعلمنا منهم اتعلمو منا ونحن نتعلم منكم الله يرحم عمي الطيب
جداتي يرحمها ربي ويرحم جميع الموؤمنين كانت دايما تقولنا
(الي يرميكم بالحجر ارموه بالتفاح)
الانسان ما يهبطش النيفو اتاعو باه ما يخليش الناس اتعفس عليه وكيما قالو ناس زمان
دعوة بلا ذنوب في راس مولاها تذوب
ولي ما في كرشو التبن ما يخاف من نار
وفي الاخيرقولي دوما
اللهم كما خلقتني على الدنيا بلا ذنوب
احسن خاتمتي وتوفني بلا ذنوب
دمتي سالمة من كل ذنب حفضك الله ورعاك انت وجميع الاخوة والاخوات في المنتدىيا رب وابعد عليكم الظoلام واولاد الحرام
شكرا يا الغالية على المرور:regards01:

 

[وجع الظلم]

يعطيك الصحة كلام سليم ووعظ​

اللي كاش ماصرالو من عند ربي واللهما لا شماتة​

الواحد يقول​

اللهما اشفه او عافيه ولا تبتلينا كما ابتليته​

الله يعافيك من كل بلية​

الله اكاكينا بعيوبنا يارب واثقل لساناتنا كي نجو نغتبو ولا نستشفاو في الناس ان شاء ما نستشفاو في احد ولا يستشفا فينا حد قولو امييننننننن
واعافيك انت من كل شر ربي اخليك شكرا اخيي على المرور:regards01:

 

[nanoche]

لوكان شاف كل واحد لعيبو ما لحقنا باش نحكيو عليهم اليوم
كاين شي ناس من كثر الفراغ ما لقاو غير الناش يمضغو فيهم كيما الشوينغ غوم و ناسيين ارواحهم و هاذي اللي خلاتنا عالم ثالث و ما تقدمناش
ربي يجيب ساعة الخير يا اختي
شكرا على الموضوع اختي
​

 

[ندى الأيام]

كلام زين يرحم الفم اللي قالوا الله غالب ماعن مانديرو والفنا هالعفايس نقولوا ربي يهدي و فرات​

 

[بنت الـ25]

نضيف على الشي لي قالوه الأعضاء انو هاد الهدرة تكحل لقلوب
نحكيلك حكاية صرات وعايشتها بنفسي
هادي بنت خالي وش نقلك فحالة وضرافة وطفلة كي الدهب (مش كي عادت بنت خالي ههه) ويتيمة الأم
وحد النهار قاعدة تمسح فالكوزنة طاحت من فوق الطابلة على خشمها تكسر
كي سمعت بيها خالتي (وخالتي فهداك الوقت كانت مقلقة منها خاطر حاوزت وحد لمرا فاميلتها من دارهم لانو باباهم عزابي وهي متحشمش)
قالت خالتي: (اللي هي عمتها) : ايه شه فيها هادي ما تكون فير (فلانة) خرجت فيها الدعاوي تعها كي حاوزتها من الدار
ووصلت الهدرة لنت خالي وولات ما تطيقش بسيرة خالتي وفسدت الأمور بينهم

ألوغ دع الخلق للخالق ويا ريت كل واحد يتلهى بروحو وما يفسرش مصائب الناس على كيفو
خاطر قادة تكون ابتلاء من الله ومش دعوة مظلوم

ربي يهدينا
​