ماذا ستطبخين اليوم سيدتي انستي الجزء 32

[prncess fifi]

‏prncess fifi, ‏ام نوسه, ‏ام تقى الدىن, ‏ام رحاب, ‏samah06

السلام عليكم​

 

[ام خديجة1]

مساء الخير عليكم حبيباتي وبصحتكم واش طيبتو فطوري كان شربة فريك جربتها للرمضان ان شاء الله

 

[samah06]

هيا لبنات اليوم قعدتكم عندي
هاذي الحفلة تاع بنت اختي عندها بزاف لكن لقيتها مع الصور قلت نعرض حباباتي
بنت اختي جوزت السيزيام وادات وهي كامل نشتيوها لانها متربيا في دارنا اي دار بابا
ماهيش عند امها وابوها
راني نسيت مدرتلهاش تهنئة في ركن التهاني لكن اليوم نقولها الف الف الف مبروك العقوبة للشهادات العليا

 

[ibtesem]

مساء الخير عليكم حبيباتي وبصحتكم واش طيبتو فطوري كان شربة فريك جربتها للرمضان ان شاء الله

بصحتكم ام خديجة راني جبتلك الخميرة تاع الشعير مع جاري بصح مزال اطيب

++++++++++++++

سموحة مبروك على بنت اختك
بصحتك الباتيسري

​

 

[أم علاء الدين]

السلام عليكم توحشتكم ربي يزيدكم من خيرات قلت ما ندخلش بيدي فارغين هايليك الحلوة ربي يحلي أيامكم

هذا قريوش تطبيقي لأم أماني درت اليوم هايل الشكل شوية لكن كيما نقولو المهم البنة
وهذاك الصابلي وحلوة صابلي المرانغ اديتهم لدارنا


​

 

[samah06]

بصحتكم ام خديجة راني جبتلك الخميرة تاع الشعير مع جاري بصح مزال اطيب

++++++++++++++

سموحة مبروك على بنت اختك
بصحتك الباتيسري

​

ياعمري على المطلوع انا في داري غير يخرج البرد نحبس ما نخبزش
بسومة كيفاه حملتي سخانة الطاجين
في الصيف نولي ندير خبز الدار ساعات والا كسرة معجونة والباقي خبز من برا
يعطيك الصحة حبيبة

 

[samah06]

السلام عليكم توحشتكم ربي يزيدكم من خيرات قلت ما ندخلش بيدي فارغين هايليك الحلوة ربي يحلي أيامكم

هذا قريوش تطبيقي لأم أماني درت اليوم هايل الشكل شوية لكن كيما نقولو المهم البنة
وهذاك الصابلي وحلوة صابلي المرانغ اديتهم لدارنا


​

بصحتكم ام علاء الحلو يا عسل
خرجولك يسخفو يعطيك الصحة

 

[serinee]

صباح الخير يا سكرات
جمعة مباركة و ربي فتحها عليكم و كثروا من الدعوات ربي يتقبل ان شاء الله
و متنساوش صورة الكهف
حنا اليوم و غدوة عندنا طهارة وليد عمي
ساوافيكم بالصور كي نرجع للدار
ايا تهلاو في الكوزينة
سلام
​

 

[بنت الجسور المعلقة]

درت كسكس مرقة بيضا بلحم صحا غداكم كامل وجمعة مباركة
مع فلفل مقلي ومرقد

​

 

[ibtesem]

سلام عليكم
عطر الله يومكم ربي يتقبل منكم يارب
سرين مبروك عليكم
رقروقة بصحتكم كسكسي اممممم مع فلفل مخلل الله الله
غدانا كان
تطبيقي الى عجينة ام خديجة جات اممم خفيفة دوب في الفم
انا عملتها بطريقة الخبز البلغاري مع الجاري وخميرة

بصحت الجميع
وينكم الحالة راهي تشف
خلونا نكملو هدو الصفحات لي بقاو من بعد نروحو الة كوزينة رمضان
تحياتي الى الزائرات قبل
تحية الى من هم تحت
واش راكي اختي ‏اسال الله الفردوس ان شاء الله راكي بخير هدي غيبة​

 

[shahrazad]

السلام عليكم يالحباب
وشراكم
توحشتكم
واسمحووولي بزااف بزاف مانيش نشارك وحتى اغلب البنات هكا
الله غالب كل وحدة وظروفها وتاني هاد الوقت من العطلة كل وحدة وين تروح
المهم اكيد في رمضان نعاودو نتجمعو ان شاء الله
ابتسام امممممم وشنو هادا كلشي يشهي والمعجنات خرجولك هايلين بصحتكم
بنت الجسور بصحتكم الطعام امممممم
وكامل لبنات الي راهم يشاركو يعطيكم الصحة ميمي ام علاء ام خديجة سماح.....
وفوفة الزينة روعة ان شاء الله تكوني ريحتي عند ميمتك وربي يسهلك ويخفف عليك
وخيرووورة الي طل خطرة على خطرة اموااااح

هدا الطعام تع الجمعة

وهدا القاطو تع سابع حظرتو صورت غير الشوية وحطو المقروط والرفيس والقريوش

 

[rima29]

مساء الانوار وش راكم كامل لباس عليكم
توحشتكم ياسر ياسر ياسر
مانعرف مازالكم تتفكروني ولالا
واليوم درنا كسكسي

 

[shahrazad]

ولعشية درت صابلي بالزيت خفيف وزاكي

 

[oumniati]

حالياً الأعضاء النشيطين الذين يشاهدون هذا الموضوع : 6 (3 عضو و 3 ضيف) ‏oumniati, ‏ام مراس, ‏shahrazad

نهاركم مبروك يا لماويات يا مختفيات
ان شاء الله احوالكم تمااااام التماااام, ان شاء الله غيبتكم وراها خير برك
راني نتخيل :p:p

اذا راكم مع الشغل والتوجاد ربي يعاونكم, واذا حاجة اخرى ......ربي يعاونكم ثاني


المهم, راني عند الموعد جيت نطل عليكم ونحيي كل من مرت من هنا, تحية خاصة لفوفة نقولها على السلامة وربي يقويك ان شاء الله


الف مبروك للحوامل الجدد صومو وسموحة ربي يثبت حملكم ان شاء الله ويعطيكم وقفة ساهلة
الكوزينة رايحة تتعمر فلاليس فلاليس من كل صوب وحدب هههههه, هيا شريفة وفريدة اينضموا انضموااا هههههه


ذهبية يا بنتي مازلتي قاعدتلهم في الدار؟ ضرك يهزولك البالي ههههه ازربي روحي راكي تراطي خخخخخ ربي يهنيك ان شاء الله انت واسومة وزيدو كركرو معاكم عفوفة نتهناو منها:p


ندوش يا ندوش عمرك ما درتيها:-oطلي برك ما تطيبي ما تصوري, على الحطة انت اللي قلتي استودعكم الله يا جيعانين أرجووووكييييي عووووووديييييي



لحراير اللي حطو طياباتهم نقولكم يعطيكم الصحة


انا جبتلكم واش درت البارح,

سلاطة منعشة خيار وطماطم وبصل وطرشي اصفر مع رشة نعناع يابس

سوب تاع شومبينيون

سباقيتي سوص بلونش مع صدر بالسلق

وباه تحليو طورطة بالفاكية ومقروطات:-r لاتاي يجيب ربي عييت ما طيبتش:$

لعشا اليوم معولة على مسفوف بالزبيب, لقيت البارح وحد الرايب يتباع مممممممممم اليوم ندشنو ان شاء الله


تحياتي الحارة ليكم, نزيد نطل عليكم الجمعة الجاية ان شاء الله, لعل وعسى كاش وحدة تسمع النداء

السلام عليكم ورحمة الله

 

[oumniati]

شهرة الزينة تاعنا موااح موااح ليك, يعطيك الصحة على الطعام عندي قرن وزمارة ما درتوش, بربي نديرو فال قبل رمضان, وهذوك القواطيط يا سلام, يجعل ايامكم فرح ان شاء الله
وكيما قلتي هذا الوقت الشغالات والخرجات, ربي يرد الغايبات ان شاء الله




ريمة عالسلامة واش راكي واش احوالك, كيفاش كانت قرايتك هذا العام؟ بصحتكم الكسكسي, وعودة ميمونة ان شاء الله

 

[oumniati]

بوسة ليك يا حدودة ووحدة وحدة للبنات وزوج لأدم:d يا بخيلة تبوسي غير في زكزوك, انا ما نستاهلش خخخخخخخخ
شوفي انا كي نحبك واش نخبيلك خخخخخخخخ

 

[ام ريهام]

مساء الخير للماويات الفحلات الحاضرات والغايبات وبصحتكم كامل واش طيبتو

ابتسامو والله تطبيق رائع للايسكريم والحمد الله انو عجبكم وراني فخورة انكم طبقتو طريقتي بصحتكم حبيبتي

 

[oumniati]

والله نسيت, انا ثاني طبقت لاكرام تاعك أم رهام, وخرج هايل يعطيك الف عافية, درت حليب عادي, وذوق فاني مع ذوق كابتشينو
راه مزاللي كي نزيد نمدلهم نصورو ان شاء الله
بارك الله فيك أم رهام


نخليكم على خير يا طيبين:dحالياً الأعضاء النشيطين الذين يشاهدون هذا الموضوع : 12 (2 عضو و 10 ضيف) ‏oumniati, ‏ام مراس

 

[mimi53]

slm lebnat ya3tikoum assaha
3lasselametek chahroura w ya3tik assaha 3la te3am wache kane 3andekoum ki hatiti temina m3a atay
oumniati ahela belhamil w mahmoul koulcho for twahechenak
ibetissamou mmm koulechi foooor samouha habibeti ya3tik assaha bent djoussour ya3tik assaha w tesselem idek
oum 3alaaaa ya3tik assaha habibeti

 

[ibtesem]

الله الله عليكم من ورايا خخخخ
خيرو على سلامة ستنيتك مي جيتي شوية من اورا الموعد تاع الاسبوع لي فات
شهرورة علاش مدتنيش معاك خخخخخخخخ توحشت يوي يوي تاع لبلاد
بصحتكم الطعيمة اممم تشهي
ريمة مرحبا مرحبا هدي غيبة
ام رهومة الله اسلمك
ميمي الله اخليك​

تفضلو بيتزا تاع الشعير راني خرج من الفرينة
بيتزا فرطاسة ناقصة فرماج :d​

كي هزيتها هكا تفكرت ندى​

ندى طال غيابك صح صح
مزال مجاوش المعتمرين ولا عجباتك بسكرا فرتي فينا​

هدا الايس كريم هدي المرة زتلو كاكاو باش اعود شيكولة
هدي صبع عيسى اشوف فيه جمد ولا مزال​

كي نحطهم في صحونا نعاود تصوير​