ماذا ستطبخين اليوم سيدتي انستي الجزء 32

[somo_81]

تسنيم الله الله على هاديك السلطة تقولشي كيكة الله يبارك و مممممممم على الشخشوخة راني ساخفة اليوم عليها و زدتيلي و الربوشة و كملتيها بالبراج تسلم الايادي بصحتكم كلش يشهي
و هادي البربوشة تاع الجمعة كنت مزروبة باش نروح لدارنا معدلتهاش مليح :$

 

[amira94]

ام شيماء بصحتكم وش تغديتي مطرح ما يسري يمري
اميرة انا لنعرفو المسفوف نديرو الطعام بالفول و لجلبانة ومدهن بالزيت زيتون مع طاس اللبن وكاين الطعام يكون مدهن بالزبدة وفيه الزبيب و السكر ويكون فيه لحلوة

لالا هذا كسكس تفوريه عادي ومن بعد تصبي عليه اللبن حتي يتغطى الكسكس وخليه شوية باه يرطاب الكسكسي من اللبن وكوليه
​

 

[ام شيماء]

تسنيم وصمو واميرة الله يبارك واش درتو للفطور حبيبتي بنت الجسور ربي يسخهل عليك حبيبتي موفقة ان شاء الله

 

[SAMIRA25]

السلام عليكم
الله يبارك عليكم كامل اطباقكم رائعين
و يشهو يعطيكم الصحة
و ربي يحفظكم و يباركلكم في ارزاقكم
هدو بعض اطباقي تاع الايام لي فاتو

​

 

[حاملـة المسك]

السلام عليكم

صومو تطبيق ممتاز للخبز اللبناني و بصحتكم طاجين الزيتون
سماح مشي عقدة ديفوا نملو من التصوار بصحتك حنونة وش تغديتي
صباح النور ام علاء الدين وشراكي اختي..؟
:-o سندرلا طاحو على الماكلة و لا الطابلة هههههه بصحتهم و بصحتك الطعام كما يحب البعض يسميه :p
أم شيماء غدا رااائع بصحتكم و الله يا البريك كتخلي البيض فيه شويا ناقص طياب بنننننة
تسنيم ماعندي ما نقول في أطباقك دائما مميزة و موفقة فيهم الخفاف ديال هديك النهار جاك رووووعة راه في لا ليست التطبيقات
بصحتكم كلش و البراج اتفقت عليه انا و نت اليوم
بنت الجسور يخي تغديتي مليح ..شربتي كاس جو .ايا مليح
ربي ينجحك و يسهلك الكوبياج هههههه
و عليكم السلام اميرة ..نسموه المسفوف ويجي بالزبيب بالفول أو الجلبانة
سميرة بصحتكم التليتلي و الطعام و فال الدلاع

بصحتكم باقي البنات اللهم احفظها نعمة من الزوال.

​

 

[amira94]

حاملة المسك الله الله على اطباقك يا لفحلة

لا حبيبتي ماشي المسفوف

اسناي اذا لقيت صورة في الانترنت نعتهولك
​

 

[SAMIRA25]

ربي يدومها نعمة على الجميع و يحفظها من الزوال

​

 

[amira94]

أختي حاملة المسك جبتلك صور تشبه للكسكس الي هدرتلك عليه

مي لازم اللبن يكون مغطي الكسكس و ماكانش معاه الجزر

​

 

[حاملـة المسك]

هداك هو المسفوف أميرة و ليحب يغرقو هو و دوقو
و هديك تبان كابويا مشي جزر​

 

[amira94]

المسفوف ياك يجي حلو يعني بالسكر والزبيب

مي هذا حنا نسموه بخبوخة وهي تفوري الكسكس تاعك عادي

ومن بعد تصبي عليه اللبن حتي يتغطى كامل الكسكس
​

 

[بنت الجسور المعلقة]

السلام عليكم

بنت الجسور يخي تغديتي مليح ..شربتي كاس جو .ايا مليح
ربي ينجحك و يسهلك الكوبياج هههههه

​

وعليكم السلام حبيبتي
ضحكتيني يا زينة أضحك الله سنك
والله مكفاني الوقت حتى باه ناكل يد في طياب لغدا ويد في الكراس نعاود في المراجعة حتى جاو والديا من الخدمة ووختي من الجامعة حطيتلهم
بقاتلي ساعة جهدي ندير الخيمار ونوجد روحي :d
والله سوجي الفيزيا كان ساهل ماء بدعواتكم يا الغاليات تعيشو وتتهناو ♥​

 

[tasnim55]

صومو الغالية الطعام يا لالة شهاااااني تاع الصح في هذاك الطبسي تاع الطين اممممممم حنونة روووعة بصحتك
حاملة المسك قتلتيني بتليتلي يهبل يهبل الله يبارك والله نقطة ضعفي انا ووليدي نموت اعليه هااااااتي يالحبيبة نتعشا بيه منظر تاعو والله جوعني والبراج امممممم تحفة باين مرمل ويدوب في الفم وطايب الله الله باهي لخدود يسلم الايادي لحلوين ياحلو والبراج تاعي هداك عندو شهر من طيبتو واحتفضت بالصورة بالهناء حبيبتي
سميرة اختي اطباقك كلها هااااااايلة كل طبق ينسي في خوه والكروكي اممممم هاتي نتقهوة بيه يعطيك الصحة حبوبة وبصحتكم

 

[ام خديجة1]

ما شاء الله عليكم حبيباتي طيابكم يشهي ماكول الهناء ان شاء الله
فطوري كان كسكس والتحلية ديسار بالكيوي وكروكي للعصرية مع براس نحبها بزاف

 

[ام خديجة1]

حالياً الأعضاء النشيطين الذين يشاهدون هذا الموضوع : 26 (11 عضو و 15 ضيف)
‏ام خديجة1, ‏ام التوام, ‏ام شيماء, ‏بنت الجسور المعلقة, ‏fatima der, ‏hasna23, ‏nada242008, ‏samah06, ‏SaRa QuEeN, ‏tasnim55, ‏عائشة حسان
سلامي حبيباتي ليكم كامل وللغايبين ربي يرجعهم على خير

 

[tasnim55]

اممممممممممممم ياام خديجة روووووووعة وتحفة عصر الكيوي والكروكي امممم يعطيك الف عااااااااافية الله لايحرمنا من طلتك يالغالية كلشي من ايدك توب مشاء الله ياريت تحطيه موضوع حبيبتي وبصحتك الكسكوس بالهناء :up:

 

[ام خديجة1]

الله يسلمك حبيبتي تنسيم ما يكون غير خاطرك هي تحلية ماش عصير

 

[nada242008]

السلام عليكم لبنات .. مرحبا بيك حدة صار راكي تعرسي وحنا متحيرين عليك هههه بصحتك والحمد لله كي عدتي بخير
منين نبدا ... سانديرلا لي فتحت الكوزينة ليوم بربوشة تشهي يا استاذة يعطيك الصحة
حسنا والاطباق الشهية امممممممم قتلتينا بالدجاج المحمر والمشوي لونو يهبل وكل الاطباق رائعة بصحتكم والزينة هذيك ربي يحفظهالكم قولها لعريس تاعك راهو صلاي وضاي غير ماتخميش ههههه

تسنيم نموت على طيابك منظم تقول كارت بوسطال هذيك السلاطة اممممم ولا الشخشوخة ولبربوشة باينين من ايادي بسكرية حرة لون المرقة يعطي الخبر والبراج لونو تقول حنة امممممم ربي يحفظك اختي
رغود تعرفي الطيسان لي حطيتيهم كنت حاسبتهم من قوقل حتان بالصدفة شفتك حطيتيهم في موضوع سانديرلا والله هايلين بصحتك والتصوير احترافي والبراج تقول مخدمومين بالمسطرة الله يبارك بالميليمتر .. تسلم الايادي المسكة
صومو بلا ماتشكري مجهودك واضح وخفيفة الدم والروح يعطيك الصحة وعقبال المزيد من التميز لك ولكل العضوات النشيطات والخبز جاك هايل هههه بصحتو ابو ايلينا
سميرة التليتلي اممممم لونو يشهي والكروكي خرجلك روعة يعطيك الصحة على الاطباق الشهية
رقية بالتوفيق لك وان شاء الله تجيبي نتائج عالية
نور الرحمان اطباق هايلة تعجبيني كي تنوعي بالفلفل ودخليه في اطباقك يعطيك الصحة
روعة غاب حسك راكي تجامي بالساكتة ان شاء الله تكوني بخير
فريدة واش راهو كريم ان شاء الله يكون ريح خير من لبارح
ام خديجة اوووووووووو تحليه هااااااااااااااايلة الله يعطيك الصحة
ليوم درت بيتزا

​

 

[amira94]

أم خديجة الله الله على الميلية الفحلة كل شيئ يهبل

ندى بيزا رووووعة سخفتينا

يعطيكم الصحة
​

 

[ibtesem]

سانديرلا لي فتحت الكوزينة ليوم بربوشة تشهي يا استاذة يعطيك الصحة
حسنا والاطباق الشهية امممممممم قتلتينا بالدجاج المحمر والمشوي لونو يهبل وكل الاطباق رائعة بصحتكم
تسنيم نموت على طيابك منظم تقول كارت بوسطال هذيك السلاطة اممممم ولا الشخشوخة ولبربوشة باينين من ايادي بسكرية حرة لون المرقة يعطي الخبر والبراج لونو تقول حنة امممممم ربي يحفظك اختي
رغود تعرفي الطيسان لي حطيتيهم كنت حاسبتهم من قوقل حتان بالصدفة شفتك حطيتيهم في موضوع سانديرلا والله هايلين بصحتك والتصوير احترافي والبراج تقول مخدمومين بالمسطرة الله يبارك بالميليمتر .. تسلم الايادي المسكة
صومو بلا ماتشكري مجهودك واضح وخفيفة الدم والروح يعطيك الصحة وعقبال المزيد من التميز لك ولكل العضوات النشيطات والخبز جاك هايل هههه بصحتو ابو ايلينا
سميرة التليتلي اممممم لونو يشهي والكروكي خرجلك روعة يعطيك الصحة على الاطباق الشهية
رقية بالتوفيق لك وان شاء الله تجيبي نتائج عالية
نور الرحمان اطباق هايلة تعجبيني كي تنوعي بالفلفل ودخليه في اطباقك يعطيك الصحة
روعة غاب حسك راكي تجامي بالساكتة ان شاء الله تكوني بخير
فريدة واش راهو كريم ان شاء الله يكون ريح خير من لبارح
ام خديجة اوووووووووو تحليه هااااااااااااااايلة الله يعطيك الصحة
بصحتكم ندوش البيتزا وقيل نعاند اليوم للبنات برك
قلت نجرب تليتلي تاع الغايبة والحاضرة خيرو
​

 

[ibtesem]

ندى سوري :$
​