ماذا ستطبخين اليوم سيدتي انستي الجزء 32

[ام خديجة1]

مرحبا بالجميع عملت لازانيا للفطور
بصحتكم واش طيبتو كامل حبيباتي

 

[ام شيماء]

يا لبنات شكون تعرف وصفة العدس الاحمر تعطيهالي شراهلي راجلي وحرت كيش نطيبه ولا وصفة تاع مثل العدس العادي

 

[السلطانة]

بصحتكم كامل
بطاطا بالدجاج والفرماج في الفور هادا غدانا

​

 

[ام خديجة1]

اختي ام شيماء موالفة نطيب عدس الحبة الرقيقة والخشين ولكن كيما تاعك نشوفو بصح جامي شريتو نورمالمو يطيب كي خاوتو

 

[ام خديجة1]

اختي ساندريلا طبق يشهي بصحتكم

 

[nada242008]

الله الله عليكم يالفحلات كلش يشهي
ام ادم هذاك لي درتي عليه دويرة تعيشي وتترحمي ان شاء الله هههههههه
راهو في كروشنا فلفل وزيتون مخلل
ليوم تغديت انا وندى وحدنا .. درت مقرونة


​

 

[رآج ـية العفو]

السلـآم عليكم ورحمة الله
مسـآآء الخير لبنآآآت وآش رآآكم ؟
الله يعطيكم الصحة وبصحتكم كآآمل وآش طيبتوا

لبنآت الكل مرسي ليكم الكل بدون استثنآء على التهآني ربي يخليكم ويهنيكم

نشوفكم على خييييير
​

 

[ibtesem]

يا لبنات شكون تعرف وصفة العدس الاحمر تعطيهالي شراهلي راجلي وحرت كيش نطيبه ولا وصفة تاع مثل العدس العادي

اختي ام شيماء انا شفت دارتي سورية تعملو كثير خاصة في رمضان هو شربتهم كيما احنا عندنا الحريرة الجاري فريك
تطبخو مع اللحم والبصل والبهارات او جمبو وتخليه الى ان ادوب تقربا والمرق مايكونش عاقد اكون سائلة كيما شربتنا في الاخير تقطعي عليه المعدنوس ماتحطيش الطماطم علب او حب
تعرفي اجي بنين هايل لاني كليتو عندها
ان شاء الله جربي غير شوية نتمى يعجبك :regards01:

 

[ibtesem]

سلام عليكم
ام خديجة بصحتك اللازانيا
ندود بصحتكم المقارون مخلطة فرماج وهريسة ربي يرحم المعدة
ساندي بصحتكم لعشا
انا البارح شوفت ام خديجة عاملة مقرون ايا روحت حرحرت مقرون للبنات

بصحتكم جميعا​

 

[somo_81]

مساء الخيرات و المقرونات و الازانيات اسمحولي لى الغيبة مي الله غالب راسي راني منقدرش نرفدو
انا البارح كان نعشايا خفيف

 

[ibtesem]

صومو بصحتكم لعشا لخفيف
ربي معاك اختي
== واش داك ==
خخخخخخ​

 

[somo_81]

صح بسومة واش داني كنت مليحة المصري قال لي معندوش ميلزموش و انا ماعندي صبر ماعندي طول البال ربي يستر برك
فليكسيلي شوية مقارون تعيشي

 

[mimi53]

السلام عليكم لينات انشاء الله تكونو بخير
توحشنكم قراااااااااااااااااااااااااااااف
راكم الله يبارك كلشي فور وراني جاميتكم كامل ونقوللكم يعطيكم الصحة
مي راني زعفانة عليكم
مسقستوش عليا مي معليش
نقول صومو -ام منصف-تنسيم ربي يخليكم حبيباتي على السوال عليا ربي يخليكم وميحرمنيش منكم
والباقي انشاء الله تكونو بخير
توجشنكم بزاف
حبيت نهني حبيبتي راجية وعسولتي ونقوللها الف الف الف مبروك بزيان السعد حنونة لعقوبة لزواجك يارب

 

[ندى الورود]

السلام عليكم
مساء الخير عليكم
صحا غدواتكم يا الفحلات يعطيكم الصحة على كل اطباقكم الباهية والبنينة
سامحوني هاذو ليامات مانقدرش نرد عليكم وحدة وحدة ميتة بالعيا قاعدين نصبغو في دارنا
وحالتي حالة مع تنقال الحوايج هز منا وحط منا أشغال شاقة
اليوم برك خرجت تنفست شوي وتغديت برا ساندويتش هامبرغر وما عجبنيش ندمت اللي كليتو


​

 

[ام أمينة]

يا لبنات شكون تعرف وصفة العدس الاحمر تعطيهالي شراهلي راجلي وحرت كيش نطيبه ولا وصفة تاع مثل العدس العادي

السلام عليكم
انا العدس الاحمر نديرو شربة او سوب

طريقتي هي كالتالي
و نديرو بارد في بارد

في قدر او طنجرة الضغط نضع العدس المغسول و المقطر
نحط عليه صدر دجاج او قطعة لحم بقر او نديرو بلا لحم و فالاخير نقدمو مع اصابع سمك
حبة بصل كبيرة 2 حبات جزر
حبة الى حبتين طماطم طازجة
حبة بطاطا
2 حبات لفت يمد بنة هايلة
حبة صغيرة كورجات
كرافس حوالي ربطة و كل هاد الخضر قطعيهم كبار بارسكو رايحة تطحنيهم
ثوم
ملح
فلفل اسود
فلفل عكري او احمر
قصبر حب مطحون
ملعتين زيت
ملعقة طماطم مصبرة

ماء للتمريق

نخليه يطيب مليح و نطحنوه فالاخير
و الا درتي اللحم او الدجاج فتتيه و يقدم مع نوع من الغراتان
او ممكن تقديمه مع اصابع السمك و سلطة


اتمنى اني افدتك لا تنسيني من صالح دعائك
تحياتي لكي ​

 

[mimi53]

hadi el halwa li darouha f 3aress w atpaki liyamat eli fatou



.

​

henifiate eli derthoum f 3aress

 

[mimi53]

lebnat wache biha hala rageda el youm
aya afatenou chewiya
wela el youm mateyebetouche

 

[ام شيماء]

بارك الله فيك حبيبتي ام امينة راني درته كيما قلتي والله جاني رووووووووووووووعة

 

[أم ندى]

مساء الخير عليكم وبصحتكم وش طيبتو كامل

اليوم معكرونة بالسمك +كسرة+سلاطة












ومتنساوش تضربو طلة وتشاركونا في هذا الموضوع الي راح يفيدنا كامل لكم ودي مع باقات وردي

https://www.4algeria.com/forum/t/374458/

 

[ام خديجة1]

ما شاء الله عليكم حبيباتي اختي ميمي واش كل هذا الخير شهيتينا ما شاء الله عليك
اختي ام ندى طيابك يشهي ما شاء الله