ماذا ستطبخين اليوم سيدتي انستي الجزء 32

[أم ندى]

السلام عليكم مساء الخير

اليوم درت شربة فريك حارة ومنعنعه مع الكسرة والسلاطة +الديسار

 

[mimi53]

بصحتك اختي ام ندى تسلم ايدك حبيبتي
ام خديجة ربي يخليك حبيبتي انت الاروع

 

[nada242008]

صحا غداكم يا حراير

 

[ام منصف]

صحى غداكم نتاع اليوم ونتاع الايام الماضية
مع انو الكوزينة حكمتها الفشلة بصح اطباقكم دايما مزهيتها
الله يبارك عليكم وربي يدوم النعمة
​

 

[ibtesem]

سلام عليكم يالبنات
بصحتكم ام ندى
ندود بصحتك انت تاني
البارح مطيبناش خخخخ كان خفيف
سلاطة او حبة بيض مقلية مع فريت
الحمد لله
اليوم سخانة تقتل هههه الله اجيب الخير وخلاص​

 

[آلاء النايلية]

اممم هبلتيني بالبيتزا يا ام ندى الاولى.. القديمة .. هههه
تحياتي للبنات و ام خديجة وام ندى الجديدة...
هادي اول مشاركة ليا في هاد الموضوع و تقريبا اخر مشاركة
اليوم راح ندير بطاطا في الفور بالفرماج ....
جيبي حبات بطاطا صغار احفريهم مثل الدولمة و احشيهم بالفرماج و ستفيهم في مول بعد ما تدهنيه بالزبدة و حطي قطع زبدة صغار بين البطاطا و دخليها للفور حتان طيب وادا عندك مرقة دجاج ديريها طيب فيها ... امممممممم
انا منشتيش البطاطا بالصح في الفور مع الفرماج روعه
.............
كي نستقر مليح ننظم ليكم ان شالله راكم زجعتوني وعععععععع .... ادعولي

 

[mimi53]

السلام عليكم لبنات انشاء الله تكونو بخير

ندود اممممممممم بصحتكم البيتزا فووووووووورررررر

فطورنا لنهار اليوم و البريوش للقهوة

بيري بليزابا

 

[mimi53]

اختي الاء علاش اول واخر مشاركة ليك رايحة نتوحشك حنونة متطوليش الغيبة عليتا اوكي حبيبتي

 

[آلاء النايلية]

في ساع والفتيني و تتوحشيني... ربي يخليك حنونة
لا راني معاكم ديما نطل عليكم و متبعه مشاركاتكم بالصح قصدي مشاركة تاع الصح صور و مواضيع ... لاني مش مستقرة
و بريوشك هايل ميمي اختي بارك الله فيك

 

[mimi53]

ربي يخليك حبيبتي الاء تسلمي
احنا في المطبخ اللماوي رانا كامل اخوة و اللي يدخل نوالفوه وكي يطول الغيبة نتحيرو عليه

 

[docteur farah]

سلامووووو
كلش هايل يا البنات
كنت في بسكرة و نخمم فيكم ههههه
كل وحدة وش طيبت

 

[imane27]

سلام لبنات صح فطوركم وعشاكم
اممممممممممم شهيتونى باطباقكم يعطيك الصحة

 

[ندى الورود]

السلام عليكم

مساء الخير عليكم يا لماويات
راهي الدعوة حابسة والغاشي مازال مديgوتي
عفاف عاودي بخري الكوزينة العين راهي ملاحقتنا ومازالت ماخرجتش
بصحتكم كامل واش طيبتو
صحاب لابيري وصحاب الجاري فريك وصحاب البيتزا وصحاب المقرون
بصحتكم كل شي يشهي يعطيكم الصحة
اليوم غدانا جلبانة بالجاج مع سنارية يعني الزرودية يعني الجزر
​

 

[mimi53]

بصحتك ندود الزرودية يعني الجزر هههههههههههههههه
راكي تشوفي الدعوة راهي ميتة نتاع الصح واش الدعوة ولا بلاك كي سمعو بيا جيت هههههههههههههههه
راني رايحة ادخلو برك
هههههههههه

 

[ندى الورود]

بصحتك ندود الزرودية يعني الجزر هههههههههههههههه
راكي تشوفي الدعوة راهي ميتة نتاع الصح واش الدعوة ولا بلاك كي سمعو بيا جيت هههههههههههههههه
راني رايحة ادخلو برك
هههههههههه

الله يسلمك ميمي او ماشي انت اللي هربتي الغاشي
او الدعوة حابسة عندها كثر من سمانة ما نعرف واش صار
عين قاوية وصابتنا

 

[mimi53]

وين راها لالات لبنات عغوف تجي تبخرلنا المطبخ اياو لبنات اتحركو شوية واش هادا
احكونا واش راكم موجدين لرمضان كاش تباسا كاش طواجن ولا هادو تاني مكاش
خخخخخخ

 

[mimi53]

زءزوئتي الزينة واش راكي راكي غير تجامي فيا برك توحشتك حبي انشاء الله تكوني بخير

 

[somo_81]

مساء الانوار واش راكم يا بنات راني نشوف في الحالة ميتة واش بيكم ولا بطلتو طيبو و تاكلو هههههههههههههههه
المهم عشايا خفييييييييييييف تاع الصح كل يوم راني نقص مسكين حتى نولي منطيبلوش خلاص هههههههه

 

[mimi53]

وليتي صومو تتقلشي ياه ومطيبيش معرفتكش تحقري هاكدا عليك
وشكون اللي يمتعنا بالاطباق المميزة والرائعة كروعتك انت يا عسل انت

 

[somo_81]

تعيشي ميمي حنونة و الله ماني نتقلش بصح راني معذورة و الله كي طيبت الفريت راه مليح مام هو فرح كي طيبت ههههههههه مسكين كلاتو ماكلة برا

و انت لي روعة يا الزينة