هل مازالت أو زالت عندكم..؟

[حاملـة المسك]

السلام عليكم و رحمة الله و بركاته

شكون ما يعرفش الـ*****
زمان كانت موجودة في أغلب البيوت الجزائرية و لها عدة إستعلامات..
للشراء .. لتذويق العائلة و الجيران و الاحباب من ملح الدار

أغلب ما كان يشترى فيها:

اللبــــــــــــــن
الفـــــــــــول
الحمـــــــص

في الذواقة:

الطعــــام
الحســــوة

حاليا الـ***** أخذ مكانها الكيس البلاستيكي في الشراء
و أصبحت قليلة الاستعمال.



وش تسمو عندكم الـ******* مع ذكر الولاية
مزلتو تستعملو فيها..؟
وش تشرو فيها أكثر شيئ..؟
وش دوقو فيها أحبابكم أكتر شيئ..؟
صوريلنا الـ ******



أطيب المنى وأجمل التحايا

​

 

[حاملـة المسك]

حنا في العاصمة نسموها // القزديرة// و يضحكو عليا كنسميها هكداك
بصح بقيت محافظة على التسمية و التقاليد العاصمية

نشرو فيها أكتر شيئ اللبن و للدواقة الطعام و الشخشوخة و الحسوة
للدواقة مزلنا نستعملو فيها و في شراء اللبن يأخذ أحيانا مكانها الكيس البلاستيكي.

​

 

[narjes81]

صباح الخير رغودة ايييه حسراه على ايام زمان

حنا في وهران نقوللها القبيبة ومازلنا نستعلوها نديرو فيها لي سوب ولا بركوكس انا شخصيا مازلني نجيبها معايا للخدمة نحط فيها ماكلتي ونحمي ديراكت فيها عملية بزاف ونفعتني دك نصورلك قبيبتي صغيرة

وشكرا على الموضوع

 

[حاملـة المسك]

صباح النور نرجس

إضافة جيدة دكرتيني بيها غابت علي
فعلا القزديرة ترافق الموظفين في عملهم و الفلاحين في مزارعهم :up:
شكرا لك.​

 

[oumsif]

صباح الخير رغودة والله فكرتيني فيها انا اهنا معنديش بصح دارنا عندهم يشروا بيها لحليب وخاصة اللبن وفي سكيكدة يسموها السطلة

 

[ام رحاب]

احنا نسموها صوبيرة
ولازلنا نستعملوها نرسلوا فيها العيش والحريرة والشربة ومرقة الطعام ولا كاش جواز

اما اللبن فغني عن التعريف
البارح برك جاني فيها العيش حامي وحار يمممممممممممممممم

هههههههههههههSIZE]

 

[بنت الـ25]

ياه؟ الدلوة تع لبن؟
ايييه يا حصرااااا احنا منعرف تعنا وين راحت
​

 

[حاملـة المسك]

صباح الخير رغودة والله فكرتيني فيها انا اهنا معنديش بصح دارنا عندهم يشروا بيها لحليب وخاصة اللبن وفي سكيكدة يسموها السطلة

صباح الانوار سمورة

سبحان الله السطلة عندنا تسمية لشيئ أخر

نورتي حبيبتي​

 

[حاملـة المسك]

احنا نسموها صوبيرة
ولازلنا نستعملوها نرسلوا فيها العيش والحريرة والشربة ومرقة الطعام ولا كاش جواز

اما اللبن فغني عن التعريف
البارح برك جاني فيها العيش حامي وحار يمممممممممممممممم

هههههههههههههSIZE]

أمممممم يا أم رحاب شهتيني بالعيش كأنو الشتا كلو مكلتوش ههه
بصحتك العيش ...و شكرا على المشاركة الطيبة​

 

[حاملـة المسك]

ياه؟ الدلوة تع لبن؟
ايييه يا حصرااااا احنا منعرف تعنا وين راحت
​

دلو يا دلو هه تسمية منيونت كإسمك

لالا لازم تحوسي عليها و ترديلها الاعتبار :p​

 

[afkaar]

حنا في قسنطينة نسميوها الدلوة و كنا نشريو فيها اللبن و االحليب تاع البقر.
مازالت كاينة بصح قليل لي يستعملوها.
هادي نورمالمون راهي حاجة antique يحطوها فالمتحف . راهي عندها قيمتها التاريخية.​

 

[prncess fifi]

اوووو يا رغودة لوكان نقولك طلعتها معيا هنا لكندا وكي تولد كاش وحدة من صحباتي نديلها فيها الشربة ولا بركوكس
وكي تطول عندهم نبقى غير نزgيلهم جيبولي قزديرتي مانستغناش عليها نتوحشها ههههه
دوق نصورها ونحطهالك شفتي شحال نحبها خخخخخ​

 

[daloulou]

عندنا نسموها القزديرة انا ما عنديش بصح دارنا عندهم مازال بابا يشري فيها اللبن

 

[ندى الورود]

رغوووووووود احنا نسموها دلوة اللبن
كانت عندنا وحدة بصح درك مكانش ولينا نشرو اللبن في قرعة تاع سعيدة
ولا في لي ساشي من عند الحلاب
نشفا كي كنت صغيرة كانو الناس يشرو فيها اللبن دايما وكاين 2 شيوخا تاع جيرانا تشهرو بدلاويهم
يموتو على اللبن وكل يوم تلقايهم مبكرين وهازين الدلوة في يديهم باش يجيبو اللبن ولاو مدمنين

​

 

[حاملـة المسك]

حنا في قسنطينة نسميوها الدلوة و كنا نشريو فيها اللبن و االحليب تاع البقر.
مازالت كاينة بصح قليل لي يستعملوها.
هادي نورمالمون راهي حاجة antique يحطوها فالمتحف . راهي عندها قيمتها التاريخية.​

و هو كذالك قل إستعمالها

أكيد مع الوقت سوف تصنف ضمن التراث.​

 

[حاملـة المسك]

اوووو يا رغودة لوكان نقولك طلعتها معيا هنا لكندا وكي تولد كاش وحدة من صحباتي نديلها فيها الشربة ولا بركوكس
وكي تطول عندهم نبقى غير نزgيلهم جيبولي قزديرتي مانستغناش عليها نتوحشها ههههه
دوق نصورها ونحطهالك شفتي شحال نحبها خخخخخ​

شتي كفاش ينسوك فيها
أنا مرة معرفت لشوكون بعت المهم طريق الربح هه
عندك الحق توقفي عليها حتى في كندا مكاش
شكرا لردك المرح و الحماسي على القزديرة .​

 

[حاملـة المسك]

عندنا نسموها القزديرة انا ما عنديش بصح دارنا عندهم مازال بابا يشري فيها اللبن

على حسابك من عين الدفلى ..ممكن تكون التسمية متشابهة مع العاصمة

نورتي أختي.​

 

[حاملـة المسك]

رغوووووووود احنا نسموها دلوة اللبن
كانت عندنا وحدة بصح درك مكانش ولينا نشرو اللبن في قرعة تاع سعيدة
ولا في لي ساشي من عند الحلاب
نشفا كي كنت صغيرة كانو الناس يشرو فيها اللبن دايما وكاين 2 شيوخا تاع جيرانا تشهرو بدلاويهم
يموتو على اللبن وكل يوم تلقايهم مبكرين وهازين الدلوة في يديهم باش يجيبو اللبن ولاو مدمنين

​

صح ولاو يعتمدو على الاكياس و القارورات
عجبتني حكاية الشيوخا ههه
حنا تاني عندنا في رمضان لشان على اللبن و الفول و ما تشوفي غير القزادر طايرة في السما ههه
نورتي ندى.​

 

[كوثر الوهرانية]

موضوع عجبني بزاف يا رغودة هنا في وهران عندها عدة اسامي القبيبة و الوصالة و السوبيرة كل واحد و كيفاش يسميها
انا نقوللها القبيبة و نديروا فيها البركوكس ولا لي سوب ولا ماكلة متل العدس ولا اللوبيا باش تمدي لجارتك ولا لحبيبتك تدوقيها طيابك
انا في داري معنديش بصح امي عندها ديما نجيب في تاع امي
راكي درتيهالي في راسي درك نشري وحدة ليا
الف شكر رغودة

 

[بنت الـ25]

دلو يا دلو هه تسمية منيونت كإسمك

لالا لازم تحوسي عليها و ترديلها الاعتبار :p​

اي مؤنث شبيكي انتي :s هههههههههه
شوفي آخر مرة شفتها نهار راح خويا الصغير فهاد كالوقت في عمرو 13 سنة
بعثتو ماما يشريلها لبن راح جابو في شكارة :-o
معرف السيد مول لبن سرقلو الدلوة ولا هو ودرها ولا قعد يلعب برا ونساها فالطريق جى واحد داها :d
هههههههههه الله اعلم :-r
بصح او مقابلني لبان دركا ندبر من عندو وحدة كبييرة تاني :p
هههههههههه​