يخي عجب !!!!! (سلسلة عوايد وفوايد )

[السلطانة]

جيتكم بموضوع جديد اليوم
باه في الأخير نستخلصو منو عِبرة وعِبرة وعِبرات :p


أنا منديرش ديك الحاجة ومن مباعد نديرها
تبعو معايا لحكاية

موضوعي اليوم يحكي على شي ناس
يقولو منديروش ديك الحاجة شوي يكتبلهم ربي ويروحو ليها بعد .

نعرف واحد كان يطيح في بنات الجامعة ويقول أنا عمري مانتزوج بوحدة من الجامعة وفيهم وفيهم
قرى في الجامعة وتلصق فيه وحدة تقرى معاه بعد
خطبها وهو يقرى في الجامعة ودرك مزوجين وعندهم ولاد
يخي عجب يخي قال غير تاع الجامعة لي ماندي !!!

واحد يقول أنا نهار ندي الباك نديه بمونسيون وندير لابرونش لفلانية ومنديرش واش مداير فلان وهاديك برونش يقراوها الناس!!!
طب يدي الباك يدير هاديك لابرونش بعد ولا يدير وحدة أعرّ منها ،يخي عجب!!!

تشوف وحدة تطيح فيك وتضحك عليك وتقول شو كيفاه لابسة ،مباعد تلقايها تقلّد فيك يخي عجب !!

ولد جارتها مسوvج تضحك عليه،شوي هك يكبار ولدها يدير أكثر منو بعد ،يخي عجب !!

يخي عجب!!!
هربتو منهم طحتو في أعرّ منهم

واش العبرة لي استخلصتوها من الموضوع ؟

-تحية خاصة للي قالو فينا
مي المشكل كلش عاندوه علينا -
يخي عجب!!
​

​

 

[حفيد هواري بومدين]

الشعب تعنا عندو نواقض ياسر المهم العبد مايعمرش راسو برك
وافقت على الموضوع

 

[serinee]

وعليكم السلام و الرحمة
اي تلقاي بززاف ناس هكدا يخمو و في الاخير يطيحهم ربي في العرة هدي حالة لي يتشرط بزاف
حنا مثلا عندنا واحد لافامي يظل يقول انا كي نتزوج نجيبها طبيبة و بنت لافيل مش بنت البلاد و هو وليد البلاد
و في الاخير راهو مزوج بنت البلاد و قاعدة في الدار و دايرها فيه ليميندرش
لي يضحك و يعيب في الناس ربي يطيحو
مشكورة غاليتي على الموضوع
​

 

[nanoche]

مرحبا بيك اختي
و الله يرحم ناس زمان اللي قالو

"لا تسرج حتى تلجم و عقد عقدة صحيحة, و لا تتكلم حتى تخمم لا تعود عليك فضيحة"
هاذا هو حال هاذوك الناس اللي راكي تحكي عليهم و المجتمع ديالنا فيه منهم و عليهم
ولوكان غير جات في حكاية أنا ما نديش واحدة جامعية يااو ياخذ واحدة جامعية و عاملة عمايل و تلقايه فرحااان بيها و يعيطلها لالة ... علاش؟؟؟؟ لأنه ما يستاهلش بنت فاميلية
و كاين ناس من باب الحسد و الغيرة يعملو روحهم ماشي حابين حاجة و هوما في الصح ميتيييييين عليها مي بقات بعيدة و ما لحقولهاش و تلقاهم يضربو بيديهم و رجليهم باش يلحقو و ياخذوها ياك "القط اللي ما تصحلوش الشحمة يقول عليها فايحة"
صحيتي ساندريلا على الموضوع الحلو حلاوة روحك
​

 

[السلطانة]

الشعب تعنا عندو نواقض ياسر المهم العبد مايعمرش راسو برك
وافقت على الموضوع

شكرا أخي عبدو
وي نواقض بزاف

​

 

[السلطانة]

وعليكم السلام و الرحمة
اي تلقاي بززاف ناس هكدا يخمو و في الاخير يطيحهم ربي في العرة هدي حالة لي يتشرط بزاف
حنا مثلا عندنا واحد لافامي يظل يقول انا كي نتزوج نجيبها طبيبة و بنت لافيل مش بنت البلاد و هو وليد البلاد
و في الاخير راهو مزوج بنت البلاد و قاعدة في الدار و دايرها فيه ليميندرش
لي يضحك و يعيب في الناس ربي يطيحو
مشكورة غاليتي على الموضوع
​

أهلا نسرين
شتي والله لي يضحك ويشرط يجيبهالو ربي
وممكن تطيرلو الأعرّ كيما هادا لي حكيتي عليه
قال وقال بعدها خلاصتلو مال
شكرا على المرور الطيب
سلامي
​

 

[NICHA03]

شوشيتي موضوع على القلب بعد
ااايه اي تصرا بزااااااف
هاد العفسة
زعما انا منديرش هاديك الحاجة و ربي يطيحهم فييهااا
( يبليهم بيها )

كانت كاينة وحدة قاتلهم انا منديش قالمي

قالولها كلشي بالمكتوب قاتلهم المكتوب لي كيما هكا نقطعوا بيدي

و فالخر زوجت بقالمي و ضركا راهي بزوج بنات

مرسي شوشيتي
​

 

[السلطانة]

مرحبا بيك اختي
و الله يرحم ناس زمان اللي قالو

"لا تسرج حتى تلجم و عقد عقدة صحيحة, و لا تتكلم حتى تخمم لا تعود عليك فضيحة"
هاذا هو حال هاذوك الناس اللي راكي تحكي عليهم و المجتمع ديالنا فيه منهم و عليهم
ولوكان غير جات في حكاية أنا ما نديش واحدة جامعية يااو ياخذ واحدة جامعية و عاملة عمايل و تلقايه فرحااان بيها و يعيطلها لالة ... علاش؟؟؟؟ لأنه ما يستاهلش بنت فاميلية
أهلا أختي صحيتي على الاضافة القيمة
سيرتو في حكاية الزواج نساو بلي كماتدين تدان
والخبيثون للخبيثات كون انت نظيف يجازيك ربي تتلوعب والله ماتتكشف على الخير طو حياتك
و كاين ناس من باب الحسد و الغيرة يعملو روحهم ماشي حابين حاجة و هوما في الصح ميتيييييين عليها مي بقات بعيدة و ما لحقولهاش و تلقاهم يضربو بيديهم و رجليهم باش يلحقو و ياخذوها ياك "القط اللي ما تصحلوش الشحمة يقول عليها فايحة"
الاستنتاج هادا بعد في محلو
راهم بزاف الناس هادو يحبو يكونو كيف العبد كي ميقدروش يعاندوه :p
ويقولو فيه
صحيتي ساندريلا على الموضوع الحلو حلاوة روحك
​

العفو أختي صحيتي على التحليل والعبر لي استخلصتيها من الموضوع
سلامي
​

 

[السلطانة]

شوشيتي موضوع على القلب بعد
ااايه اي تصرا بزااااااف
هاد العفسة
زعما انا منديرش هاديك الحاجة و ربي يطيحهم فييهااا
( يبليهم بيها )

كانت كاينة وحدة قاتلهم انا منديش قالمي

قالولها كلشي بالمكتوب قاتلهم المكتوب لي كيما هكا نقطعوا بيدي

و فالخر زوجت بقالمي و ضركا راهي بزوج بنات

مرسي شوشيتي
​

أهلا ننوش نوغتي الموضوع يابنت الكارطي :p
هادي جهلت
تاع وجها القالمي وآخرتها تزوجت بيه ويادرا كيفاه تعيش
يحبو يفرفطو برك
صحيتي حبوبة
​

 

[NICHA03]

أهلا ننوش نوغتي الموضوع يابنت الكارطي :p
هادي جهلت
تاع وجها القالمي وآخرتها تزوجت بيه ويادرا كيفاه تعيش
يحبو يفرفطو برك
صحيتي حبوبة
​

هههههههههه
و الله عايشة la belle vie
​

 

[السلطانة]

هههههههههه
و الله عايشة la belle vie
​

هيا برك شتات تفرفط ههه
لي كتبو ربي مايحركو العبد

​

 

[Mr mino]

............................

كاينة

انا تاني مروماركيها ولاو يقلولي عنداك ماتحصيش اي تصرالك نقلهم ايه تصرا

............

gracis señora




​

 

[أمــ وليــد الجزائرية]

الهدرة بزاااف مش مليحة

الاحسن الواحد يتكل على ربي

و يعيش كل لحظة في حياتو كما كانت

ربي الي يرزق و ربي الي يخططلك و ربي الي يجازيك

و مش حقنا نكرهو حاجة بلاما كانت فيها ظر لينا لانو وين نروحو كاين لمليح و لقبيح

وحنا ملازمش نهدرو على ناس منعرفوهمش

و مش مليح التعميم في حاجة هاو ربي خلصو في الاخير
​

 

[السلطانة]

............................

كاينة

انا تاني مروماركيها ولاو يقلولي عنداك ماتحصيش اي تصرالك نقلهم ايه تصرا

............

gracis señora




​

ايه صح خويا مينو
العبد قادر ينسى على روحو ويدير هك
ربي يسترك ان شاء الله
صحيت على المرور الطيب
سلامي
​

 

[السلطانة]

الهدرة بزاااف مش مليحة

الاحسن الواحد يتكل على ربي

و يعيش كل لحظة في حياتو كما كانت

ربي الي يرزق و ربي الي يخططلك و ربي الي يجازيك

و مش حقنا نكرهو حاجة بلاما كانت فيها ظر لينا لانو وين نروحو كاين لمليح و لقبيح

وحنا ملازمش نهدرو على ناس منعرفوهمش

و مش مليح التعميم في حاجة هاو ربي خلصو في الاخير
​

صحيتي
اختي
سلامي
​

 

[بنت الـ25]

انتي تاني عورتينا بلصفر آ لوخرا ههههههههه
صح لسانك شوشو
ناس زمان يقولو ما تستعظم ما يخرج فيك عظم
عندنا جارتنا (خالتي ساسية توجوغ) ههههه من بكري تعس فالناس واحنا سبيسيالمون
وحد نهار جات عندي طفلة تسكن فالكرتي تدي كراس ،، ايا ساسية بعثت بنتها تتوقب
ممبعد كي روحت الطفلة جات لماما قاتتلها: اييي انتي بنتك كون جات بنتي راني حجبتها وبطلتها مالقراية
تبع فالبانيت لي ميحشموش ،، ما شفتيش هديك الطفلة كيفاه ملقطة حواجبها وشابحة
رويحتها وتمطق فالشوينقوم وووو (سكانير هههههه)
ماما اندهشت سع :-o مبعد قاتلها: انا بنتي ربيتها وما يهمنيش بنات الناس:p

ودار الزمان وكبرو بناتها وولاو سيرة على كل لسان:down:
ما يخرجوش غير لاكان دارو لزرق ولحمر ولخضر والغوز هداك البون بون اهئ اهئ
والشبح والتلقاط والحركات المايعة ،، ولاو يضربو بيهم المثل فالـ ..........:down:

المهم مرانيش نستعظم فيها بصح ربي خلاهم عبرة:-r
ايمالا : الإنسان مكلاه يبشت كلش في قلبو
عندك حاجة في قلبك خليها تم بعد تموت خاطر الدنيا هادي واحد معلابالو وش ربي كاتبلو فيها

هديك الكاليتي لي حكيتي عليها شوشو لبها الغيرة برك
وراها تطبق في مبدأ اللي يغير منا يدير كيفنا
وعاند وما تحسدش هههههههههه

سلامي الغالية:regards01:
​

 

[ياقوتة الصحراء]

لي يعيب على شيئ يجيه يمشي
نظن هدي هي الخلاصة
الواحد دايما يسأل الله العافية
مشكورة اختي على الموضوع ​