ماصبت وين نقلب راسي

[فتاة حساسة]

رب يكيون معاك ويزقك بكل خير اختاه
​

 

[زهور الشوق]

السلام عليكم

ختي لعزيزة صح راني صغيرة عليك ومازال ما شفتش الدنيا قد ما شفتيها نتي او اي واحد اكبر مني ...يقولك اللي فاتك بليلة فاتك بحيلة ...مي نعطيك رايي
ختي تيقني انو ربي راهو كاتبلك نصيبك وقادر يجيك شخص عمرك ما شفتيه او توقعتيه
وربي ما يبعتلك غير اللي فيه الخير
واي حاجة تجي منعندنا ماهي الا تسرع منا فقد خلق الانسان عجولا
لدا نقول لختي لعزيزة من الافضل تبعدي عن هاد الشخصين في زوج مادام ماراكيش مع اي منهم ف لحلال....لانو هاد مراح يزيد غير من المعاصي والمعاصي تغضب ربي لعزيز وهكدا راح يأجلك كل فرحة او سعادة كنت تستنايها وماراح تزيد غير تضياق عليك
ديري ربي في قلبك ي لحبيبة ...وما تخليش الخدمة شرط اساسي في حياتك صح قريتي وتعبتي مي قرايتك ابدا ماراحش تضيع كي تنويها لربي سبحانو وكي تنوي تعلمي بيها ولادك ف المستقبل ان شاء الله
وادا حبيتي الخدمة كاينة مي ف الدار...كوني ربة بيت ممتازة...عاوني والديك ...احفظي قران ...اتقربي من ربي كتر وكتر وصدقيني والله مع ربي سبحانو تضوا عليك الدنيا وجيت اللي ف احلامك ما وصلتيش ليه
صدقيني يا لعزيزة ماكاش كيف طاعة ربي والوالدين تتنوسع عليك الدنيا وتتنوري وتزهى حياتك
و ما تتعلقي بحتى واحد منهم واللي يحبك يجي لدار باباك
اسمحيلي طولت عليك يا لعزيزة
احترامي وسلامي​

 

[hayota]

شكرا لك اختي و بارك الله فيك

 

[rahaf setif]

ahla hayouta wacheraki

 

[rahaf setif]

warak hayouta

 

[imy_amani]

اظن ان الاختيار يكون للذي ترتاح روحك اليه
لا تجعلي ظروفك ترميك في مكان قد لا تتحمليه
فكري الف مرة قبل القرار
وما تنسايش الزواج عشرة عمر
لازم تتخذي القرار اللي يسعدك ويهنيكي
ربي يسعدك ويوفقك ويجعل لك من كل عسر يسرا​

 

[rahaf setif]

اظن ان الاختيار يكون للذي ترتاح روحك اليه
لا تجعلي ظروفك ترميك في مكان قد لا تتحمليه
فكري الف مرة قبل القرار

 

[hayota]

اظن ان الاختيار يكون للذي ترتاح روحك اليه
لا تجعلي ظروفك ترميك في مكان قد لا تتحمليه
فكري الف مرة قبل القرار

شكرا لك اختي يادرى فريتيها ولا مازال؟

 

[rahaf setif]

شكرا لك اختي يادرى فريتيها ولا مازال؟

والله مازالها كيما راهي ماتحركت فيها شعرة وش رايحين نديرو كل حاجة في وقتها مليحة انا صابرين حتى يفرج ربي وخلاص

 

[rahaf setif]

وانت كاش جديد ولا مازالكي حايرة ويناه ليتقبلي بية انا نقولك حاجة خيري ليراكي مستراحة من جيهتو ولي حابة تعيشي معاه

 

[hayota]

والله مازال كان باغي يجي قبل رمضان لكن انا قلتله بعد العيد على الاقل نخمم مليح

 

[rahaf setif]

استخيري الله تعالى و باذن الله ستجدين نفسك بين الاختيار أو عدمه...ربي يسهلك و يفرحك و يهنيك يا رب

 

[rahaf setif]

 

[ماكانش]

أخطاكي منو كبير عليك بزااااف

 

[TeNtOuNa]

اهلا حلوتي
من تحليلي لمشكلتك عملت في راسي زوج جوانب:
الاول: ايجابياتو انو حاب يستقر ويخمم فالزواج بروح المسؤولية وناوي يبني دار على اساس صحيح
سلبياتو انو الفارق العمري بينكم كبير بزاف يعني راكم من جيلين مختلفين وهدا بالتاكيد راح يأثر على عقلياتكم
وزيد راهو اقل منك فالمستوى الدراسي وممكن يسببلك مشاكل اذا كنت ناوية تخدمي

التاني:سلبياتو مزال في طريق النمو يعني ماهوش مستقر ماديا وممكن في الايام هادو يطول باش يلقى خدمة تعيشك وتعيشو
وبالاك تقولي وين راهي ايجابياتو شخصيا ما نشوف حتى ايجابيات فالحنان تاعو يمكن يكون زائف خاطر الذئاب البشرية منتشرة بكثرة في ايامنا وجامي تقدري تعرفي جوهر الانسان بلا ما تعيشي معاه فردي بالك يديك بالكلام المعسول

وننصحك اختي لوجه الله عمرها الحياة ماكانت بالحنان والرومانسية برك راكي تحتاجي ضروريات مادية بلا بيهم تكرهي حياتك يالوكان يغرقك كل يوم بالحنان والدفء وتغكري بلي غدوة راح يكونو عندك ولاد خيريلهم اب صالح ومقتدر ماديا يدرسهم ويداويهم ويوكلهم وما تكونيش انانية وتخممي غير في روحك
تمنياتي ليك بحسن الاختيار
​