مسآعدة في وصفآت لـ les crevettes

[ملكًة الاحسآس]

السلآم عليكم ياحرآير لمتنــآ :d

جمعة مبآركــة


حبيت نطلب مسآعدة منكم وهي

طريقة مليحة لطبخ الجمبري les crevettes

ان شآء الله نلقى اجآبة منكن ، ويآريت تكون وصفآت مختلفـة

يعني مش الطريقة الي موآلفين نديروهآ مشوي ولآ مقلي :-r

ـ موضوع في خآطر خونآ حمزة :d ـ



تحيآتي :regards01:



​

 

[بنت الجسور المعلقة]

(كروفات جيجل لا يعلى عليه :d)

أهلا بيك ملك احساس
أنا الأغلبية نديرو صوص بويابس ونشرشم قدامو روز
نص راس ثوم دقيه في المهراس ولا رابيه في طنيجرة حطيه يتقلي في شويا زيت+ فلفل كحل-مكعب جومبو دجاج ويلا معندكش جومبو ديري الملح -فلفل أحمر+رشة صغيرة راس الحانوت ورابي حابة طماطم تكون طايبة مليح وقْلي ومنبعد أمرقي و ديري وريقات رند وزيدي مغرف أكل طماطم مصبرة غطيها وخلي المرقة تهز غليتها
نروحو للكروفات أنا نشرشمو 4 د في الماء وكاين لي لالا نجيب طاوة نحط فيها عصرة قارص ولا الخل نشرشم لكروفات ادا كان بقشرتو تحبي تقشريه ولا تخليه والا مشري مقشر نورمال
كي يغلي لكروفات أرميه في المرقة لي وجدتيها وخلي حتان تخثار وادا مخثرتلكش جيبي مغرف قهوة نشا وحرْحريها في شويا ماء وسكبيها في لاصوص راح تساعدك في تلبيه المرق تزيد تهز غليتها طفي عليها
شرشمي الروز في الملح كي يطيب سمغيه بشوية زبدة باه يجيك فارك كل حبة وحدها :-r
وحطيها في صحن وسقيه بلاصوص نتاع الكروفات ويجي طبق ممممم وزينه بقصبر ولا معدنوس مفروم

 

[ملكًة الاحسآس]

(كروفات جيجل لا يعلى عليه :d)

​

أهلا بيك ملك احساس
أنا الأغلبية نديرو صوص بويابس ونشرشم قدامو روز
نص راس ثوم دقيه في المهراس ولا رابيه في طنيجرة حطيه يتقلي في شويا زيت+ فلفل كحل-مكعب جومبو دجاج ويلا معندكش جومبو ديري الملح -فلفل أحمر+رشة صغيرة راس الحانوت ورابي حابة طماطم تكون طايبة مليح وقْلي ومنبعد أمرقي و ديري وريقات رند وزيدي مغرف أكل طماطم مصبرة غطيها وخلي المرقة تهز غليتها
نروحو للكروفات أنا نشرشمو 4 د في الماء وكاين لي لالا نجيب طاوة نحط فيها عصرة قارص ولا الخل نشرشم لكروفات ادا كان بقشرتو تحبي تقشريه ولا تخليه والا مشري مقشر نورمال
كي يغلي لكروفات أرميه في المرقة لي وجدتيها وخلي حتان تخثار وادا مخثرتلكش جيبي مغرف قهوة نشا وحرْحريها في شويا ماء وسكبيها في لاصوص راح تساعدك في تلبيه المرق تزيد تهز غليتها طفي عليها
شرشمي الروز في الملح كي يطيب سمغيه بشوية زبدة باه يجيك فارك كل حبة وحدها :-r
وحطيها في صحن وسقيه بلاصوص نتاع الكروفات ويجي طبق ممممم وزينه بقصبر ولا معدنوس مفروم

يعطيكـ الصحــة أختي على الوصفـة
شرحتيلي بالتفصيل :up:
يبآآآن يجي بنين :d ، ميرسي على مسآعدتكـ
ومرحبآ بيكـ عندنآ في جيجل ، أروآحي بركـ ولكغوفآث عليآ :p
​

 

[sahiko hamza]

ياريت لو كانت مصورة
بصح معليش
اني حطيت ردها في راسي
وراح نحاول ندير وا قلت الأخت القسمطينية

صحيتي اجيجلية ....
​

 

[afkaar]

جيبي des crevettes مقشرين منظفين مغسولين ناشفين و مرغيهم بالوحدة في فرينة مداوية بالملح و الفلفل لكحل و الكمون.
في مقلة حطي شوية زبدة مع شوية زيت و حمري les crevettes من الجيهتين,,,, بعدما يوخدو اللون الذهبي نحيهم من المقلة,, و في نفس المقلة و في نفس الشوية نتاع الدهان لي بقا فيها حطي أربع حبات توم مقطعين رقاق و حبة بصلة صغيرة مقطعة رقيقة,,,, و شوية معدنوس مقطع رقيق,,, حمريهم شوية ثم أرميهم على les crevettes أعصري عليهم شوية قارص و قدميهم مع spaguetti طايبة.​

 

[ملكًة الاحسآس]

afkaa ميرسي أختي على الوصفــة
جآمي جربنآ تقديمهم مع السبآقيتي
ميرسي على الفكرة :d
​

 

[hadda0425]

ميسا اذا حبيتي دريهم مع السباقيتي
طيبي سباقيتي في ما وملح وزيت ومن مبعد دريلو فورماج
اما لي كروفات اذا شريتيهم مقشرين ونظاف
غليهم في شوية ما وليمون وملح
اعملي صوص عادي تع المعجنات ومن بعد ارمي فيه لكروفات وخليه يغلي حتى يتقال الصوص وكبيه على السباقيتي ورابي عليع فرماج
وشهية طيبة
​

 

[ملكًة الاحسآس]

ميسا اذا حبيتي دريهم مع السباقيتي
طيبي سباقيتي في ما وملح وزيت ومن مبعد دريلو فورماج
اما لي كروفات اذا شريتيهم مقشرين ونظاف
غليهم في شوية ما وليمون وملح
اعملي صوص عادي تع المعجنات ومن بعد ارمي فيه لكروفات وخليه يغلي حتى يتقال الصوص وكبيه على السباقيتي ورابي عليع فرماج
وشهية طيبة
​

طآطآتي ميرسي ليكـ
تآع السبآقيتي جآمي جربتهآ
حنآ الاغلبية مقلي ولآ مشوي ولآ نديروه pــلآ فالفوغ
بويسك بآبآ يحبه هكدآ ، منآ لفوق نديرهوله بطريقة جديدة
ونجرب تآع السبآقيتي :d ، يعطيك الف صحــة
وبوسيلي الفليلسآت تآعكـ
​