راني حاير من ناس هذو

[روز]

السلام عليكم

قريت موضوعاتك في اثنين ويظهرلي غاضتك بزاف الحال
لا عليك أخي هي مسألة تعود فقط كاين لي عمرو ماسمع هذ اللهجة وسمعها منك أول مرة
حاول ترد عليهم بابتسامة وحييهم بالقبائلية رايح يروح هذاك الحاجز
الناس هاذوم استغربو فقط من اللهجة وماعرفوش يعبرو فضحكو
كاين لي يبقى يشوف كاين لي يضحك كاين لي يجي ويسقسيك معنى كلامك و كاين وكاين
كل هاذا من علامات الدهشة والاستغراب فقط مش من باب الإستنقاص
حتى انا مرات نسمع اخرين يتكلمو ألمانية وروسية نحير كفاش يفهمو بعضاهم
وهذي في الاخير لغات وألسنة خلقها ربي
الهمم راك قلتو أننا كلنا مسلمون يبقى عائق اللغة هذا بالتعود رايح يزول​

 

[anis 4ever]

ام راقية
..
ربي يحفضك اختي على بالي لغتي ولن ابدلها

لكن انا نحب نبدل عقلية الناس كما راهم يخمو في الامزيغي
يعني لازم يعرفو بلي الامزيغي راه انسان كما هما وعندو لغة خاصة به
املا غير ماكلاه تبداو تغيرو فيه ..واكثر حاجة تغيضني الضحك يضحكو علينا عيب عليهم

 

[anis 4ever]

GiRL sTaR
...
لا اختي الاغواط ليست هي وانا ماروحتش لها ابدا

 

[anis 4ever]

ملكًة الاحسآس

شكرا اختي او جارتي هههه
ايه عندك الحق ربما بهم هاك
ان نقول في بالي انهم شافو لغة غريبة
وكي نهدر معهم على واش يضحكو يقولو على لغتك ماشي عليك

يعني لغة الامزيغة تضحك حتى لهذي الدرجة

 

[anis 4ever]

**** بنت أبوها ***
..
شكرا لكي
نورمال في الدزير لغة الامزيغية هي اللغة الثانية في الجزائر
وماشي اللغة الفرنسية

عندنا بزاف ولايات في الجنوب يتكلمو الامزيغية
وفي الشمال وفي الشرق الا الغرب لا يوجد
وزيد انا ماندير على حتى شخص
انا نقول ربي يهديهم

 

[anis 4ever]

روز
..
اختي نكونو صرحين بزاف
احنا في الجزائر ماعندهمش كما راكي تقولي
يعرفو يسكتو ولا يضحكو فقط

باش يقدرك ويفهم لغتك ويقلك لغتك شابة لاالا

الي يجي يقلك واش تخلبط :s

 

[anis 4ever]

انا حاب اشكركم بزاف على الضيافة تعكم في اللمة واتمنى الناس يعني كل الولايات
اللذين ينضرو الى الامزيغي بنضرة مختلفة وحاقدة ان يتفهمو الامزيغ مثلما نحن نتفهمكم

يعني نقدرو نبدلو العقلية احنا تاني ونعودو نضحكو عليكم
مي احنا مانعملوش

شكرا لكم:-h

 

[روز]

روز
..
اختي نكونو صرحين بزاف
احنا في الجزائر ماعندهمش كما راكي تقولي
يعرفو يسكتو ولا يضحكو فقط

باش يقدرك ويفهم لغتك ويقلك لغتك شابة لاالا

الي يجي يقلك واش تخلبط :s

نظن ترفع عليهم ...وحاول حتى نتا تتأقلم معاهم ولما تتلاقى مع عرب حاول تحكي بالعربية
ولما تكون مع أهلك وأحبابك تكلم معاهم بالامازيغية
انا نعرف أمازيغ بزاف عمرهم ماهدرو معايا بالامازيغية لاني بالطبيعة مانفهمهمش الله غالب
حتى لما نكونو في جماعة مختلطة يعني عرب وأمازيع يتكلمو بالعربية باش الكل يفهمهم وتجنبا للإحراج أيضا
ماتخليش شي مثل هذا يأثر عليك وماتاخذش منو موقف
لان الخو راه صار يضحك على خوه في وجهو وفي غيبتو فوين تبان نتا
الافات الاجتماعية راهي كثرت والواحد يلزم يعرف كفاش يتأقلم معاها بلاما يضر ولا ينضر

أهلا بك أخي

 

[anis 4ever]

روز
..
انا نقول ربي يهدينا الى فيه الخير

 

[امل فلسطين]

خويا ادير حساب للناس تتعب عيش وانسا

مش كل حاجه لازم تخمم فيها احيانا تظطر برك

كي تكون علبالك مش داير الغالط مكلا تتقلق

 

[anis 4ever]

امل فلسطين
..
شكرا اختي عندك الحق
مي حتى انا قهمت روحي وعلاه اصلا نقصد الولاية هذيك

نبقى هنا خير راني مليح

 

[أم راضية ~_]

السلام عليكم
لوكان نديرو على الناس الجاهلة من الدار ما نخرجوش
المهم ربما نقولو يضحكو على خاطر تافهين وكي ما يفهومش حاجة يضحكو عليها و زعمة يرجعو العيب فيها
و نقدرو نقولو بعض الولايات ماعندهمش قبايل بزاااف ماشي كيما ولايات الوسط دزاير و بليدة و جوايهم فيهم بزااف قبايل ماتجيهمش بيزار
تشفاو على الشناوة كي جاو جدد لعندنا شحال كانو يضحكو عليهم ؟؟ بورتون مافيهمش حاجة تضحك مي يبقاو يشوفو فيهم و مركزين معاهم ويضحكو .. حتى لحقت وين اكتشفو بلي كلمة "علي بابا" عيب عندهم ؟!!!!! سبحان الله
وباش نقولك انا عندي خويا ما يسمعش وما يهدرش نهار نكونو برا و نهدرو مع بعضانا بلغة الاشارات يبقاو يشوفو فينا و كاينين الي يضحكو !!! ساعات نعذرهم نقول ماهمش موالفين مي ساعات نقوولهم كاش ما فهمتو باش ضحكتو ؟؟؟
وساعات نديرلهم قالب تاع انا وخويا نولو نضحكو ويتوسوسو من روحهم هههههههههه
خلاصة القول:
هادي تعتبر جياحة و جهل ما تكسرش راسك بيهم بويسك راهم مخصوصين تربية​

 

[مايا الجزائرية]

يا خويا ناقصين عقل كون جاو مسgمين ما يضحكوش على خوهم
الله يهدي ما خلق وما تعمرش راسك بيهم بويسك هوما مش متحضرين راهم روطار بزاف هادو لي ضحكو عليك
ومخلوعين هادا هو الصح
تقبل مروري

 

[لصمتي حكاية]

اشو بغبغ امدينيغ
هذوك الناس ربي يهديهم
انا صراحة يعجبوني الامزغيين وانا اصلي امزيغية وافتخر
قبالية

و شكرا على الموضوع الرائع

 

[لصمتي حكاية]

اصلا انا شخصيا مايهمنيش اصل السخص المهم الشخص كيش راو داير طرانكيل متربي .....
اذا عدنا نقولو هذا امازيغي او نضحكو عليه ..واش بقى
الضحك ماشي على الامازاغي الضحك علي يضحك على الامازيغي
اوكي

 

[MĭŠš Čhŏů]

شوف القضية ماشي هكاك
كاين الشاوية ياسر في تبسة
وكي يسمعو واحد يهدر بالشاوية يضحكو عليه وهوما شاوية
جا واحد هندي عندنا يسكن بحذانا سمعوه يهدر بالهندية ضحكوا عليه
المصري تاني بالرغم انو عربي وضحكوا
جاو الافارقة يهدرو بالانجليزية وهي ماشي غرييبة وضحكوا عليهم
المشكل ماشي فالامازيغية
حنا كي يسمعوا بواحد جاي من دائرة غير دائرتنا يضحكو عليه والله


شعب تافه يضحك على اي حاجة حتى بقى مضحكة

حاشى اللي مايستاهلش
​

 

[ahlam02]

خويا انا ماكنتش نعرف القبائلية بصح تزوجت بقبايلي وبديت نفهم هدرتهم ونحترمها وواش فيها كي كاين اختلاف في اللغات المهم مسلمين كيما قلت...وتحية خاصة للقبائليين.

 

[abdellah gourari]

أخي أمزيغ عرب كيما قلت كامل مسلمين مي كاين عباد الله غالب مازال من فاهمين كيما انا مثلا نايلي كي نتلاقا ببعض الناس يبداو يعلقو على النوايل مي بالنسبة لي أنا يهدرو و لا مايهدروش عارف بلي عقليتهم زيرو يعني نعيا نهدر معاهم نتعب روحي و يا خويا نقولك خليهم ينبحو يخي ما هم رايحين يدرولك والو

 

[بنت الـ25]

أخي انا رديتلك فالموضوع لاخر
https://www.4algeria.com/forum/t/374432/
ربي يهدينا شحال ناس ولات تافهة ؟
الغرب او طلع للمريخ رح يسكنو تما واحنا نضحكو على بعضانا
صدق اللي قال: الضحك يضحك على الضحك والضحك يضحك عليهم -_-
​

 

[wawa barca]

رد: راني حاير من ناس هذو

azouuuuuul anis ana tani ysrali kifk ki 3dt chawiya rabi yhdihoum rana kamel wlad lalgerie w kamel moslimin w khiwa:regards01: