بيت المغتربين 2

صباح النور بنات الله يخليكم
البارح يوم كامل و انا برا و دخلت مع الدار و العشا و غير كملت و رقدت لولاد دخلت باش نحكي معاكم حتى عيطلي خويا قالي جدي الله يرحمو علبالي وصلت الساعة و هو عندو سنين مريض و ماينوضش من الفراش بصح كي سمعت بموتو تخنقت و كل مانروح يدعيلي و يحبنا و قلت كون شفتو ميت قدامي تطفالي الجمرة لي حارقني في قلبي بصح الله غالب هدا حال الغربة .
 
الله يرحمو و يوسع عليه ما عليك غير تدعيلو واش ديري هاذا هو حال الغربة ربي يصبرك حبيبتي
 
صباح الخير عليكم
ان الله وان اليه راجعون
ربي يرحمو ويوسع عليه في الجنة نشاء الله ,متقلقيش روحك حنونة هذي هية سنة الحياة وكلنا هذا مصيرنا يسعدو لدار الخير
وسعي بالك هذي هية الغربة
 
in li llah wa in ilayahi raaji3oon
allah yar7mah
 
ام الحلوين هادي هي الغربة وما تدري ثاني ممكن لو كنت لتم ما تحضريلوش وما تشوفيهش ربي يصبرك وبرك انا ساعات نقول كي ما نحضروش للمصلئب افضل مهما يكون يكون الاثر تقل من انك تكوني لتم وحاضرة
حومانة ربي يسهل ان شاءا لله حبوبة وما تنسايش تدعيلنا لخاطر دعوة المسافر مستجابة
 
الله يرحم جدك أم الحلوين ،كي راكم لبنات ،سرين ربي يشفي ابنك
 
السلالالالالالالالالالالالالالالالالالالالا عليكم
وش اخباركم
رنييييم فطوم سميرة جهاااااااد ام امين جمااااااااااااااااان وووو..................وكل البنااااااااااااات
ام الحلوين الله يرحم جدك ويغفرله يااااااااااارب
نتمنى تكونو كامل بخيييييييييييييييير
انا غبت خاطر الانترنيت كانت حابسة
قولولي وين راهي روعة انثى؟
توحشتها بزاااااااااااااااااااااف وانتم تاني..........
يلا كل وحدة تحكي جديدهاااااااااااااااااااااااااااااااااااااااا
 
ام الحلوين عظم الله اجرك اختي ما تقلقيش روحك اختي هدي هي الدنيا و مكتيبها ربي يجمعك بيه في الجنة ان شاء الله و ربي يرحمه و يوسع عليه
 
صباح الخير عليكم لبنات ان شاء الله كامل بخي و على خيري
قولولي واش وجدتو للرمضان و لا راكنا كامل كيف كيف مقابلين الميكرو و انسناو ههههه؟؟؟؟؟؟؟​
 
صباح النور لبنات واش راكم
رنيم ما بانتش ان شاء الله تكون ريحت
مريوومة واش راكي كاش تحضيرات لرمضان
سيرين طمنينا على ولدك
سلامي لباقي لبنات
 
لبنات لي حوامل و حابين تصبغو شعوركم نقولكم اصبرو حتى تولدو يعني اشهر قليلة و ديرو رايكم انا قالتهالي طبيبة خلي روحك طبيعية اي شيء فيه لبس ابعدي عنه و ربي يكمللكم حملكم على خير
 
شكرا سميرة بصح سمعت بلي ماكانش منها كنت معولة كي نهبط للبلاد ان شاء الله نسبغ لكان هكا نخليه و خلاص
 
صباح الخير واش راكم ؟
سميرة انا ماوجدت والو لرمضان نقضي عادي كيما العادة غير هدي المرة قلت للزين نشرو خروف افضل من كل يومين نشري اللحم بسكو ماكانش حلال قريب ليا و لازم هو لي يجيب و راه ناوي يحبس الدخان في رمضان ان شاء الله على هكدا قلت لازم مانوصيه مانقلقو مايرجع يدخن .
و الصبيغة راني ناوية نصبغ و ندير ليماش قبل مانهبط
سيرين ربي يشفي وليدك
البقية ان شاء الله راكم بخير
 
بنات حبيت نسقسيكم
الخبز و لا اللباب لي يزايد وين تديروه ؟؟؟؟
انا ماعنديش وين نحطو مرات نخبيه و نروحو عند البط نديهلو بصح مانروحوش دايما و كون نخليه يطول في الكوزينة يخسر و يدير الريحة و مرات نعملو في ساشي وحدو و نرميه في المزبلة (اعزكم الله)
و الله يغيضني كي نرميه بصح ماكانش حل .
 
صباح الخير لبنات
جهاد يسال عليك الخير تنفس حمد الله بقا غير شويا نيفو حشاك يسيل و نتي وشراكي مع لحمل؟
سميرة موجدة والو نقدي هادي وجبة معيا من لبلاد سميد و لفريك و تمر
يعيشك ام الحلوين ,اما على الخبز الله غالب مكانش وين نديرو نديرلو ساشي وحدو منرميهش مع زبل حشاك وكنلمد ساشي نروح رميها ياربي تغفر انا مكانش كفاش نديرو ,ونشاء الله ربي يعاون راجلك يبطل ادخان وزيدي دعيلو وشجعيه
والباقي نشاء الله راكم كامل بخير

لبنات راني ريحين درك نشوفو دار باش نكروها نشاء الله تعجبنا ختر جيا في بلاصة مليحة وكنجي راني انردلكم لخبر ولا قدرة راني نصورلكم
 
الله يسهل سيرين
ام الحلوين الخبز اللي يزايد قطعيه دوائر و غطسيه فالحليب و قليه كي يتحمر ذرذري فوقو شوية سكر يجي هايل و الذراري ياكلوهلك سي نون انا نطحنه و نديره شابلير قلييييل وين نرميه
ما علاباليش شكون راهي حاطتها موضوع هنا دوك نحوسلك عليها
 
ام الحلوين ربي يعينه راجلك على الدخان باه يحبسو و الخبز انا مرات برك يبقاولي طراف نخبيهم في المجمد كي يعود ما عنديش نجبدهم نسخنهم و اممممم و اللبابة ما نحوهاش و انت كي عدتي تروحي مرة على مرة اديهم للبط و يبسيهم باه ما يفسدوش و الا جمديهم و ربي يدوم نعمته علينا و يحفظها من الزوال
سيرين بالتوفيق ان شاء الله ​
 
سيرين الله يسهلك حبيبتي
سميرة و جهاد انا راجلي ينحي اللباب و ندير شابلير بصح بزاف يزايدلي و كيما الخبز تاع الدار مايجيش شابلير و كي نخليه في الكوزينة يغمل و يدير الريحة و في الكونجيلاتور صغير .
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

أ
بيت المغتربين
89 90 91
المشاركات
2K
المشاهدات
103K
SAMIRA25
S
العودة
Top Bottom