بيت المغتربين 2

السلام عليكم اخواتي حبيباتي في اللمه توحشتكم بزاااااااف كل وحده باسمها وتوحشت لمتنا وحكاياتنا
صح رمضانكم وصح فطوركم وماتنساونيش بالدعا كيما انا منسيتكمش وان شاء قريب نرجع نتلمو هنا ونرجعلكم بالجديد
ماتنساونيش بالدعاء وربي يتقبل منا جميعا الصيام والدعاء
 
سلام لبنات صحا فطوركم

شكون راني نشوف جمااااااااااااااااااااان تطل من التاقة
مرحبا بجماااااان طل علينا القمر هادي غيبة خليتي بلاصتك فارغة
شرفتينا و نورتينا الحمدلله كي راكي بخير و على خير و ربي يسهلك جميع امورك و يفتح في وجهك ابواب الخير
و يرزقك من حيث تحتسبين و من لا تحتسبين
ما طوليش الغيبة جمانة الغالية طمنينا عليك رانا نستناو في جديدك
راني متوقعة عندك انوش و لا انوشة في بطنك ههههه امين يا رب

صحا سحوركم لبنات و ربي يدوم هناكم و افراحكم و يفتح عليكم الابواب اللي تقصدوها
قولو امين
ههههه امين معناها اعجاب :d
 
مساء النور
جمان راكي تحت صح فطورك حنونة واش راكي نتي و العائلة ان شاء الله تكونو كامل بخير
 
الوووو
وينكم كامل غايبين رراه قرب لعيد كل وحدة تجيبلنا قاطو في يدها انا عليا البقلاوة ههههه
 
على سلامتكم راكم مغيبين كامل انا راه عندي ضيفة على بيها راني قليلة دخول
جمانة على سلامتك وان شاءا لله كل الاهل بخير
ام الحلوين قريب تروحي ؟ وشكون لاخر الي هبط ؟؟؟
البنات حابة ندير المقروض وحابة طريقة جديدة يلا كل واحدة الا دخلتو تقولي كيفاش اديرو مقروض الكوشة ماشي المقلي
 
سلام لبنات واش راكم
فطومة تكون هبطت للبلاد و ام الحلوين قريب من بعد نزيد انا ان شاء الله
ام امين عندي غوسات تاع مقروض الكوشة يجي هايل و مضمون
نكمل لحريرة و نجي نكتبهالك
 
مساء النور
ام امين هاي ليك لاغوسات
3كيسان سميد
كاس و نصف فرينة
كاس و نصف زيت
2مغارف سمن ذائب
2قرصات ملح
مزيج كاس ماء زهر و ماء
2مغارف صغار خمارة حلوة
خلطي كلش ثم ديري حشوة التمر و قطعي مقروضات و نقشيها بالنقاش
ديريها في بلا غير مدهون و ضيقيهم كي يطيبو طفي عليهم ثم فرغي عليهم العسل دافئ و رجعيه في الفور يتشرب
 
ها هو شكلو
do.php



do.php


وكاين هاذ الشكل تقريبا نفس الطريقة
https://www.4algeria.com/forum/t/350470/
 
السلام عليكم لبنات
ربي يتقبل منا و منكم
راه قريب يخلص علينا رمضان ما بقالوش ربي يقدرنا و نكملةه على خير
انا راه شوي عندي الاولاد مراض بالزكام علبيها منيش ندخل بزاف
جهاد قابلني المقروظ رائع شكله حابة نديرو بصح ما نعرف لا نقدر و الا لالالا راه تفنيين حاكميني بارك الله فيك و جزاك خيرا
ام امين بصحتك الضيفة بروفيتي بدلي جو بصحتك اختي
سلامي ليكم كامل وحدة وحدة ربي يتقبل و يناوللكم لي في بالكم كامل في رمضان هدا و تتحقق كل امانيكم
 
سلام
وش راكم يانساء كل وحدة بسمها
فات رمضان نتمنى ربي يكون قبل دعواتنا كامل
وحبيت نكون اول وحدة تقولكم صحاااااا عيدكم كل عام وانت بخير
 
صحة aidek سرين حابة nsksik على passport تع وليدك كيفاش درتيه ،بش ندير لبنتي passport aayatna لبون قالولنا لزم تعاود لبسبور taai وتع رجلي على خاطر مهمش biometrique ،
 
السلام عليكم
عيدكم مبارك جميعا تعيدو بالصحة و الهناء
لعقوبة للعام الجاي ان شاء الله
​
 
قال om siraje:
صحا عيدكم الغاليات


كل عام وانتم وحبابكم بألف خير​
إضغط للتوسيع...
عيدك مبارك ام سيراج تعيدي و تزيدي انت و كل عائلتك
 
سلام بنات
صح عيدكم كل عام و انتم بألف خير نتوما و اهلكم و احبابكم و والديكم و وليداتكم و ازواجكم و بيبياتكم
انا راني مازلت مع الشري البارح الناس معيدين و انا نقضي و درك نصلي الظهر و نخرج نكمل واش خصني
المهم اذا مادخلتش سمحولي خياتي ، و دعولي ربي يوصلنا بخير
سلامي ليكم كـــــــــــــــــــــــــــــــــــــامل
مريومة ـ جهاد ـ سميرة ـ ام امين ـ بيونة ـ رنيم ـ روعة ـ جمان ـ فطومة ـ سيرين ـ ام سراج ـ ملاك
 
سلام و صحا عيدكم وكل عام ونتوم بالف خير وربي يتقبل صيامكم وقيامكم
لبنات اسمحولي مكنتش ندخل كان لكلافي مبلوكي فرغ علييه وليدي لحليب ودرك كاين حروف مرهمش يمشو ودرك راني صبة حل من كلافي من لنترنات بصح صعيب شويا
المهيم ام الحلوين ربي يوصلك خير على خير وكل لرهم ريحين البلاد
بيونة عادي رحنا سجلناه في لبسبورات اتاعي وتاع رالي وفي بصبور اتاعو شرناه من لبلدية تعهم وسمو reispas يجي ماغو
لبنات كل وحدا باسمها نتمنالكم عيد مبروك ولعقوبا للعام الجاي
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

أ
بيت المغتربين
89 90 91
المشاركات
2K
المشاهدات
103K
SAMIRA25
S
العودة
Top Bottom