بيت المغتربين 2

[SAMIRA25]

صباح الخير عليكم
جهاد جين رايحة نسالك ادا جربتي الكعكة تاع الموز قريت ردك بلي رايجة جربيها نلقاك حطيتي الخبز يبان يشهي ابعتي الطرف لي محمر بزاف انا نحبو هكاك بصحتك اختي

 

[lina-67]

الله يسلمك سميرة الكعكةو الله ما جربتها كل يوم نقول نديرها و عجزت عليها

 

[SAMIRA25]

بيونة شوفي انا اكتشفت طريقة للكسرة ما نعرف ادا يعرفوها من قبل و الا لا :d
ساهلة ماهلة وجي طرية كي لبونج
ندير زوج حبات
نحط زوج كيسان فرينة نحطلهم مغرفة قهوة معبية خميرة الكسرة و مغرفة قهوة سكر ملح على حسابك و مغرفة قهوة زيت نبلهم بماء دافي العجينة تكون طرية ما هي شايحة ما هي جارية بزاف خليها ترتاح شوي من بعد اعجنيها شوي و اقسميها على زوج ديري الفرينة فوق الكتانة لي راحي تحطيها فوقها و خليها شوي تزيد ترتاح من بعد اطرحيها بيدك زيدي خليها وحد 15 دقيقة وطيبيها في مقلة جي خفيفةوطرية امممم دوك نحوسلك على الصورة ونحطهالك

 

[SAMIRA25]

 

[byouna]

jihad خبزك يشهي ،سميرة شكراً الى الوصفة ،زدلي لا photoوين رهوم لبنات ،أم الحلوين ،أم أمين ،أم ندى ،سرين ،فطوم ،مريم ،،،،،،،،،،،،،،،اليوم nbyaakoum laajayzkoum،rehtou thawsou وقيلة

 

[byouna]

shokran okhti samira ja hayel ,ghadwa nsiyih

 

[om siraje]

sbah lkher lebnat nshallah rakom bkher websahetkom wash shrito wash 6ayabto tani

ana rani 6la3et hamla ya lebnat welhamdollah hada reze9 rabi marehba bih wrani m3a lfashla 3la haka manish nedkhol bzf wkinedkhol mansib hata wahda khsara lmohim tkono bkher​

 

[fatouma2012]

ألف مبروك أم سراج وربي يتمم على خير نشالله

أم أمين وين راكي وينت موعد ولادتك ؟

جهاد الخبز جاء شباب أنا تاني جربته وجربت كل أنواع الخبز توعها وكلهم ناجحين يعطيها ويعطيك الصحة وهادي كيكة الموز وينها قولولي بالك نجربها

سلامي للجميع

 

[SAMIRA25]

السلام عليكم
ام سراج مبروك عليك الحمل اختي ربي يكملك على خير
فطومة هدا رابط الكعكة بالموز https://www.4algeria.com/forum/t/376456/

 

[lina-67]

سلام عليكم
ام سراج مبروك عليك حنونة ربي يتمملك على خير
سلامي ليكم جميعا

 

[sirin2013]

سلام وعليكم
الف الف مبروك ام سراج وربي يكملك نشاء الله
راكوم تقريب كامل حملين نقارح تبدو الاسم سموه بيت المغتربين للحوامل لعقوبا لقعدو

 

[ام الحلوين]

سلام ان شاء الله راكم بخير
انا كل يوم راهي عندي حاجة و مرات ماندخلش بزاف
جهاد الخبز يشهي بصحتك حبيبتي ، انا راني هاذ ليامات غير نخلط و نحط حتى الزين قالي وين راهم الطيابات لي كنتي طيبيهم و لا هذوك غير تاع ضياف قتلو كي شفت رمضان قرب ماحبيتش نطيب مليح ههههه
جمان سير راهي مع التحواس
فطومة واش راهي سارة كاش غيرة و لا مازالت ماتحس ؟
ام سراج الف مبروك و ربي يثبت حملك و يرزقك بأخ او أخت لسراج (و راكي لقيتي السبة باش بيونة ماتخبرش عليك عجوزتك هههههه)
بيونة انا ماعنديش العجوز ربي يرحمها بصح كاين واش خلات (الحكامات الكبار هههههه)
سميرة بقيتي نتي و بيونة و سيرين هيا ازربو و لا يفوتكم قطار الحوامل
ام امين المفروض باقيلها اسبوعين ربي يسهل ولادتها و يفرحها بشوفة (مريومة الصغيرة )
مريومة و روعة واش اخباركم ؟؟؟
ميما و ايمان و رميسا و رنيم وين راكم ؟؟؟؟؟

 

[ام الحلوين]

سيرين شفتي هذا ريح جاز علينا و راه قريب يوصلك هههه

 

[sirin2013]

سيرين شفتي هذا ريح جاز علينا و راه قريب يوصلك هههه

انا مدبيا غير عندي شهرين تع قريا لزم نكملهم ختر ولدة وحبسة وبغيا نكملهم في اقرب وقة قبل مننسا واش قرية من قبل وندي شهادة تعاوني ولا حبية ندير الجنسية ولا بغية نخدم هاذ الشهادة مهمة هنا
امبعد نحمل انشاء الله

 

[ام الحلوين]

سيرين ربي يسهلك امورك و تحققي واش راكي متمنية

 

[ام الحلوين]

الحوامـــــــــل لقيتو اسماوات لبيبياتكم و لا مازال علبالي تقولو حتى نعرفو الجنس بصح سير كاين اسماء معينة في دماغاتكم هههههه
هيا نبدا انا راني بين
أروى ـــــــ ابتهـــــال
و اذا لقيت اسم قريب لاسراء ممكن نختارو
فاميلة راجي ولدو هاذ الفترة سماو
أمينة ــ أسيل ــ أمينة ــ عبد الرحمان ــ عبد الجليل ،هذو لي سمعت بيهم .

 

[sirin2013]

الحوامـــــــــل لقيتو اسماوات لبيبياتكم و لا مازال علبالي تقولو حتى نعرفو الجنس بصح سير كاين اسماء معينة في دماغاتكم هههههه
هيا نبدا انا راني بين
أروى ـــــــ ابتهـــــال
و اذا لقيت اسم قريب لاسراء ممكن نختارو
فاميلة راجي ولدو هاذ الفترة سماو
أمينة ــ أسيل ــ أمينة ــ عبد الرحمان ــ عبد الجليل ،هذو لي سمعت بيهم .

مشكورا ختي على الدعوة وربي يكملك نتي تاني حملك ويسلكك على خير
الاسم لقريب لاسرا ء يسرى

 

[lina-67]

انا مازال الاسم حتى نعرف الجنس و فاميلتي اللي سمعت بيهم سماو عبير .روضة .ياسين .يونس .شعيب .عبد الاله .اسلام

 

[ام الحلوين]

صباح الخير
سيرين بنت صاحبتي اسمها يسرى
جهاد الله يثبت حملك و يعطيك واش راكي متمنية و ربي يحفظ البيبيات و يطول في عمارهم انا خويا الصغير اسمو اسلام و بنت خالتي زادت 2004 انا سميتها بثينة عبير ، تحبني دايما تقولي كي يسقسوني صحباتي نقولهم بنت خالتي سماتني ههههه ،هدي المرة كي هبطت نحات مساك تاع شعرها و مداتو لاسراء قاتلها هذا هدية باش كي تروحي لداركم تتفكريني .

 

[أم أمين23]

صباحك مبروك يا البنات البارح ما لحقتش ندخل عملت هادي

صباح كامل وانا حاصلة معاها كملت كاوو رتحت شوي وعيطتلي الطبيبة على ورقة نسيتها زدت خرجت على سعدي رحت جبتها وجيت ورجعت درت العشا واتكيت شوي على لخر رقدت ما ندتش للمغرب صليت وعاودت رجعت رقدت
ام سراج مبروك جبوبة ربي اكملك على خير ماشاء الله رانا كامل على الابواب هههه
بيونة راهم قالولي تولدي 18 جويلية يعني ما بقاش ان شاء الله راني نستنى
اعطيك الصحة على الخبز جهاد بصحتكم وسميرة الكسرة ثاني جاتك هايلة اعطيك الصحة انا المشكل في المطلوع ما عنديش الطاجين نديرها في المقلى ما تجيش كيما الطاجين في الشكل نهدر مي الطعم تشبه هههه