بيت المغتربين 2

سلام
الله يسلمكم بنات و من بعد نصورلكم جهاز بنتي المستقبلية هههه غير 2 حويجات برك
ام امين بصحتها مريومة الجهاز
سيرين الله يخليك حنونة امالا نجيك انا و 3 وليداتي و الزين هههه
بيونة و الله ضحكتيني على راجلك انا مسكين كيما نحطها ياكلها ويظل يشكر فيا مانيش عارفة صح تعجبو و لا غير يحب يجاملني ههههه
مرة قريتها في منتدى قالو المرا لي تسقسي راجلها ادا الماكلة مليحة و لا لا تلقى الراجل يعير في ماكلتها يعني المرا ماتكونش واثقة من طيابها ،المهم نتي غير تحطي الماكلة بداي تشكري قوليلو مممممم جات بنينة و شوفي واش يقول .
مريومة كاش توجاد لرمضان ؟؟ و عندك خواتاتك يعاونوك و لا غير نتي ؟؟؟
 
هههههههههه بيونة حتى انا كنت نزعف ونقولو ملا لختر الجاية تيب نتا
بيونة مرحبا بيك الوقت لتبغي مرحبا بيك الدار دارك
ام الحلوين مرحبا بيكم كلكم انتي ودراري وزين كما تقولي نتيا
 
السلام عليكم جميعا
فطومة و جهاد ما شاء الله ربي يدوم العشرة و المحبة و يجمعنا كامل على الخير و بصحتكم القعدة
فطوم مبروك البوسات تاع 2 انا جربتهم كامل احسن وحدة كي يكونو وراء بعضهم ما يحكموش المكان بزاف كي تكوني تمشي بيها لي قدام بعضهم عريضة تدي المكان و تدي العين تاني
العرايس الجدد ربي يجيبهم على خير ة بصحتهم واش تكساو و ربي يكمل حملهم
مريومة ربي يجازيك اختي تسالي علينا ربي يزقك ان شاء الله وليد الحلال لي راكي متنية
بيونة اعطينا الطريقة تاعك تاع الديول و الرجال كامل كيف كيف طابع فريد تقول متفاهمين الا من رحم ربي
 
مساء الانوار
الحوامل لي شرات حاجة تصورهالنا و ربي يثبت حملكم و يرزقكم واش راكم متمنيين
انا هذا واش شريت لبنتي المستقبلية
هذي صغيرة يعني تلبسها الايام الاولى
do.php

هذي شوية كبيرة يعني فوق الشهر تقدر تلبسها
do.php
 
الله يجازيك سميرة
ام الحلوين بصحتها البنوتة تلبسها بالصحة و مادا بيك تصوريلنا كي تزيدي تشري باش نتعلم:p
بيونة راجلك كي تحطيلو الماكلة بداي تشكري قوليلو جات مممم تهبل و خليه يذوق و شوفي شا يقول
 
salam lebnat ya36ikom esaha bzf kifrahtoli lo39oba eli nawya nshallah
rabi ysalkek 3la kher oum amin
ana hadi lweekend gher fi dar psq rajli mrid gher ra9ed ed3olo lebnat t3isho wrabi yshafi kol mo2men ya rabi ana wallah gher krahet elghorba lwahed lokan ymot makan men yehemlo thesi rohok gher wahdek ana 3andi 3 ans ldoka ma9dertesh nehmel ma3lih rabi m3ana nshallah
Ramadan mobarak nshallah rabi yet9abal ya rabi mena wmenkom​
 
سلام ام سراج واش راكي نتي و العائلة
و ماتتقلقيش هذي هي الدنيا و مام كون راكي في البلاد و متغربة في ولاية اخرى تبانلك الحياة صعيبة ،ربي يشفي زوجك و ما يشوف شر ان شاء الله .و رانا هنا نتقاسمو المرة و الحلوة .
 
rabi ykhalik om elhelwin nshallah wrabi ysalkek 3la kher w3andek lha9 rana m3a ba3dana nehkiw wenfadefdo mais darba hadi ta3 lmakhlo9 3la 9awlet om amin 9esmetli dahri​
 
ام سيراج بالشفاء ان شاء الله لزوجك وكامل مرضى المسلمين
و ربي يهون غربتك اختي هده هي الدنيا بحلوها ومرها
ما يكون غير الخير ان شاء الله
ام الحلوين لبيسات رائعين بصحتها ان شاء الله
و ربي يكملك حملك​
 
سلامو البنات توحشتكم كااااااامل
راني مع داري والفريز وامور زوجي مزالنا مفرزناش رواحنا
اتهلاو في رواحكم كامل ورمضان كريم وصح صياكم
 
سلام لبنات
ام سراج ربي يجيبلو لراجلك شفاء نشاء الله وصبري هذي هية الغربة واش نديرو غير نصبرو
ام الحلوين يعمري على هذك البسا نموت على لبسة لبنات نشاء الله يرزقني بطفلة
جمانة على سلامتك وربي يعاونك
لبنات غير غدوا رمضان
 
سلام بنات صح رمضانكم كامل قولولي وقتاش رمضان في فرنسا راهي فتنة كبيرة واقع نص راح يصوم غدا و نص قالو نتبعو السعودية
 
صباح الخير عليكم نهاركم مبروك
واشكم صايمين و الا لالالا​
 
صباح النور سميرة انا صايمة صح رمضانكم
 
واش تبعتو جهاد؟؟؟؟
فتاولكم في المسجد؟؟؟
رمضان كريم ربي يتقبل
 
سميرة احنا تبعنا المسجد الكبير في باريس قالو اليوم في فرنسا و الجزائريين اللي رايحين يعيدو في البلاد قالو نتبعو البلاد ما فهمناش المهم راجلي قالي حنا رانا في فرنسا نتبعو هنا المسجد معتبرين اليوم هو اول يوم و صلاو البارح التراويح
 
صباح الخير عليكم
وصح رمضان ربي يتقبل صيامكم وقيامكم
جهاد حنا نتبعو لبلاد ختر هنا الاتراك اليوم صيمين والاتراك ميشوفو فلكيا يصيمو بشهريا يعني يحسبو بالايام والاشهر وهنا العرب كامل يتبعو يا سعوديا يا بلادهم
لراه صايم يقلنا واش راه معول يطيب ليوم
وصحا فطوركم
 
صباح الخير يالبنات احنا ثاني صايمين قالولنا في المسجد رمضان وصلاو التراويح
 
جمانة على سلامتك وصحة رمضانك وان شاءا لله تفرزي كل امورك واحدة واحدة برك
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

أ
بيت المغتربين
89 90 91
المشاركات
2K
المشاهدات
107K
SAMIRA25
S
العودة
Top Bottom