• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

بيت المغتربين 2

رد: بيت المغتربين 2

تربيها بالعيشة اختي ام امين و ربي يخليهالك نست باش نقولك عندي صديقة عنابية في فرنسا حلوة. كي السكر كيما نتي
 
رد: بيت المغتربين 2

سلام لبنات

ياسمين يعطيك الصحة حنونة وربي يرزقك ويفرحك بذرية صالحة

ام الحلوين نعطيك 5 اسماء انا خيرتهم وندير القرعة لي طاح هذاك هو هههههه

ليا - ليان - اريام - ريفال -تالة

نشاالله يعجبوك انا قلت نسيمها اسماء معروفة احسن مانطيح على راسي كما بنتي لولة

لبنات ام سيراج وين راهي ماهيش تبان كااااامل والله تقلقت عليها​
 
رد: بيت المغتربين 2

نشااله تولدي بخير يعطيك الصحة علئ الاسماء كي يرزقني ربي قترحي عليا اسماء شابة و ما تنسايش تدعيلي
 
رد: بيت المغتربين 2

ان شاء الله ياسمين حنونة من عيوني حبيبتي قريب تفرحينا وندعلك والله ماننساك

يعجبو اك الحلوين برك لميس قديم وماشي شباب

خيري واحد من هدو جدد

بصح والله ماتعارفنا شفتك جديدة هنا

​
 
رد: بيت المغتربين 2

صباح الانوار
ياسمين ربي يرزقك الدرية الصالحة ان شاء الله في القريب يا رب و راني ندعيلك وقت الولادة ادا كنت صاحية هههه
ربي يرزقك و يرزق كل متمنية يا رب يا كريم

ملاك هاد الاسماء شابة (تالةـ ليان ـ اريام ـ ليا ) قلتهم لراجلي و ماعجبوهش

ام امين ربي يحفظ الكتكوتة مريم
 
رد: بيت المغتربين 2

ماعجبوهش !!!!!!

بلاك هو يحب اسماء القدم صح رجال كامل يحبو يسمو الاسماء نتاع زمان

معليش انتي شوفي وخيري بصح ماشي لميس انا وراسك ههههههههه

ربي يعطيك وقفة ساهلة ان شاء لله
 
رد: بيت المغتربين 2

ربي يحفظكم على الدعاء و تولدو بخير و على خير باش نجي ناكل تقنتا يعني الطمينة طبعا راني معروضة هههههه
 
رد: بيت المغتربين 2

ملاك راجلي يحب الاسماء لي تكون ساهلة
بسكو بنتي حبت اسم جنى و هو قالي الناس مايعرفوش ينطقوه كاين لي ينطقو جنة مثل (الجنة) و كاين لي ينطقوه جانا على وزن هالة
ربي يكون لي فيه الخير و بقالي هاذ ليامات و نزيد نشوف

ياس ربي يخليك حنونة و يرزقك نتي و كل متمنية
 
رد: بيت المغتربين 2

الله يسلمك قولولي البنات راني حابة نطرطق و حبيت ناخذ رايكم انا عندي برك شهرين ملي عطاوني دار في فرنسا فيها غرفتين و صالون و فرشتها و جيت للبلاد فرحت بزاف وليت نلبس واش نحب و ناكل واش نحب و كي جيت للبلاد وليت ندير الحجاب فالدار علاخاطر ساكتين مع العايلة المهم عندي اخت زوجي راها حابة دير فيزة هي ر راجلها و 4 ولادها في فرنسا و ما تعاودش ترجع يعني تحرق و البارح قاتلي نجي نسكن عندك حسيت السكر طلغلي و حشمت و ما رديتش عليها تخيلو نبقى في داري و ندير الحجاب من راجلها و تقغد على الاقل خمس سنين و حنا نصرفو على 6 تاع الناس و انا عندي علاج لازم نفضئ لروحي. و زيد كي راجلي يروح يخدم و هي تخرج نقعد انا و راجلها وحدنا و انا هنا و دايرسني خدامة و نزيد تما و حتى ولادها يرجعو الكلام و ما يحترموش و الله يلا نهبل انا الحاجة اللي نصبر بيها روحي نقول هنا نصبر و كي نروح كاين داري بصح حتى هاذي حسدوني فيها مع العلم عندها 2 خاوتها ماشي متزوجين و واحد متزوج و كل واحد ب دارو و زيد والديها تاني تما عنددهم دار فيها 4 غرف و صالون فيها الفوق و التحت بصح كي شايفيني عاقلة يحبر يكرازيوني قولولي واش ندير
 
رد: بيت المغتربين 2

ياسمين ممكن ماتبقاش كامل عندك تولي تروح لخاوتها و لوالديها
بصح نوصيك الصبر عندو حدود و ماتبقايش تقلقي في روحك جيبيها غير في صحتك .
 
رد: بيت المغتربين 2

مساء النور
مرحبا بيك اختي lamichko راكي بين خياتك

فطومة واش راكي نتي و صرصورة و البيبي ؟ يا ختي هاذ الغيبة وين كنتي ؟

 
رد: بيت المغتربين 2

allah aisalmak khti oum alhilouin
 
رد: بيت المغتربين 2

يعطيك ابصحة ختي ام الحلوين و الله يلا عييت بزاف و انا نساعف مرات نحس بلي يجي نهار و نهبل صدقيني ملي تزوجت تمنيت نخرج مع راجلي وحدنا و دايما لاصقة فينا بيها ب ولادها كرهت
ختي لاميشكو مرحبا بيك مع خواتاتك و يلا ما رفدكش المنتدئ نرفدوك فوق راسنا هههه ختي فطومة و عليكم السلام واش راكي
 
رد: بيت المغتربين 2

allah iahafdak khti yassmine wach man jiha raki fafransa
 
رد: بيت المغتربين 2

سلام لبنات
اهلين لمشكا شرفتينا وراكي وحدا من العائلة
اسمحولي مرانيش ندخل ريحين نرحلو وجتنا على غفلة ولازم نهار 15 في شهر نرحلو رانا مع سبغة رني مين داك ندخل ندرب طلة وطمئن عليكم ونخرج
ام الحلوين يسال عليك الخير رانا لباس حمد الله فؤاد راه يمشي راهي حليتلو مع روينة تع صبيغة ونتيا وشراهم دراري ولبيبي انا عجبني اسم لميس ومكانس بزاف ربي يكملك حملك بخير يارب
ام امين كولات عسلة املا نبركلك مسبقا
سميرة وين راكي مركيش تباني بزاف
ملاك وشراكي و وشرهي بنتك و وشراكي مع الحمل
ياس ختي صريلك كما انا عرفيني حشامة وعاقلة ليحب يبروفيتي بصح على قصة سلفتك لازم راجلك يدخل قليلو وشوفي رايو بصح مندنش يقبل وزيد من المستحيل يعطوها لفيزا كوني مطمنا
 
رد: بيت المغتربين 2

عجبتني تقصيرتكم يا بنات بلادي ربي يخلليكم
ام الحلوين بنتي عندها زوج اسامي جنى وليان وكامل ماتو عليهم
خيري واحد منهم والله ماتندمي
البنات الجدد اللي من فرنسا
ومرحبا بالمغتربين في فرنسا
فرحتوني باسكو كنت حاسة روحي وحدي هنا
سلامي ليكم كامل يالبنات​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom