بيت المغتربين 2

[ام سحر و لؤي]

رد: بيت المغتربين 2

و يهنيك ختي مينا يعطسك الصحة

 

[ام الحلوين]

رد: بيت المغتربين 2

صباح الخير
ان شاء الله الكل بخير
ميما ربي يشفي وليداتك ،مافهمتش واش عندهم لاقريب ؟؟؟؟
ياسمين وينتا مسهلة لدارك ؟
ام امين واش راهم الوليدات ؟؟
لاميشكو راجلك رجع و لامازال ؟؟
مينة ان شاء الله راكي بخير
سميرة واش اخبارك ؟
فطومة راهي غايبة سير راهي مع صرصورة ؟؟
ام سراج واش راكي حنونة ؟؟
سيرين رحتي لدارك الجديدة و لا مازال ؟؟
مريومة ان شاء الله تكوني بخير نتي و العائلة
ملاك واش راكي مع الببونات ؟؟ شحال عندك من اسبوع حمل ؟؟
لي نسيتها تسمحلي الله يخليكم حبيباتي

 

[أم أمين23]

رد: بيت المغتربين 2

على سلامتكم ونهاركم مبروك البنات الغيابات ان شاء الله كامل تكونو بخير على سلامتكم
ام حلوين مازالك حبوبة ربي يسهل ان شاء الله نسمعو خبار الخير عليك وعلى البنوتة

 

[ام سحر و لؤي]

رد: بيت المغتربين 2

يسال عليك الخير ام الحلوين واش راهم الدراري و الضيفة ربي يجيبلك ساعة خير يا رب
انا واقيلا 6 نوفمبر بصح مرال ما شويناش البيي
لاميشكو حبيبتي تقلقت عليك ما بنتيش نتمنى تكوني بخير و اللا راجبك رجع مالحج؟
ما تنسايش تبعثيلي شوية ماء زمزم
ميما ولادك ريحو شوية راني ختاريتك باش اكوني تحت المجهر ايا البنات اللي تحب التنسنيس تروح لمغترب تحت المجهر هههه

 

[ام سحر و لؤي]

رد: بيت المغتربين 2

سيرين حنونتي رحلتي لدلرك و اللا مازال

 

[ام الحلوين]

رد: بيت المغتربين 2

سلام بنات
الدار راهي فارغة وين راكم ؟؟؟؟؟؟؟؟؟؟؟؟؟؟؟
ام امين المفروض اليوم بصح مازال ماكتبش الله
ياسمين ربي يخليك حبيبتي و ان شاء الله تروحي لدارك بخير

 

[sirin2013]

رد: بيت المغتربين 2

سلام لبنات نشاء الله تكونو كامل بخير
ياسمين حنونا يسال عليك الخير وربي يعطيك ماتتمني راني مع ارحلا نورمارمو اول شهر نشاء الله
ام الحلوين ربي يجبلك ساعة الخير وتفرحينا بلميسو الحبوبة ومتنسايش تدعينا انا راني مع ارحلة كرهة وزيد اول دسمبر راني حبطا لبلاد طحو كلشي معبعض رابي يسلكها على خير
ميما ربي يكمل شفا لولادك تنفسو شويا هاذ الجو يتبدل و هو لسبب المرض ولقريب
لمشكو وين راكي مبنتيش كنتي منورا اللمة
سميرة ام امين فطومة والبقية نشاء الله تكونو بخير

 

[ام الحلوين]

رد: بيت المغتربين 2

سيرين الله يخليك حبيبتي و ان شاء الله ندعيلكم و نتي كيفاش راكي تخملي مع فؤاد ؟؟؟؟

 

[ام سحر و لؤي]

رد: بيت المغتربين 2

و يخليك اختي ام الحلوين يا رب كل شي يفوتلك على خير يا رب و تجيبلنا لميس الحلوة الثالثة تنضم لفريق الحلوين و ما تنسايش تدعينا كيما قالت سيرين
سيرين تسكني بخير و صحة و عافية يا رب
البنات واش بيكن رلكم دايرين لا قريف

 

[ام سحر و لؤي]

رد: بيت المغتربين 2

لاميشكو ختي قلقتينا عليك يلا دخلتي غي طمنينا عليك

 

[أم نورس]

رد: بيت المغتربين 2

Salam labnat anchallah rakoum mlah ga3 yassmine samhili khti la3ziza sah manich nadkhoul wallah ma3andich ga3 aloua9t mbassah rani mliha alhamdoulillah ouanchallah ghir tadoukhli lafransa rani n3aiatlak nchallah bark tkouni mliha

 

[ام سحر و لؤي]

رد: بيت المغتربين 2

السلام لاميشكو لتباس سور ري توجدي راجلك راه جاي ربي يوصلو بخير المهم راكي مليحة هذاك عو الصح

 

[sirin2013]

رد: بيت المغتربين 2

صباح الخير يا وجوه الخير
ليوم رني مبكرا عليكم
ام الحلوين فؤاد هو لراه مهبلني هنا فدار راهي حليتلو مع لكراطن وصوالح لكان ملسقهمش يجبدلي كلش لازم لنكملها نلصقها و فدار جديدا مقدرة ندير والو فيها لغبرة بزاف ومنقدرش نروح ونخليه وحدو ومنقدرش نديه ومعنديش وين نحطو منعرف حتى واحد باش نروح نقي ونجي قلة اراجلي نفد انتا لغبرة وانا نكمل لباقي
ربي يخليك ياسمين نشاء الله
لبنات البقية نهاركم مبروك

 

[ام سحر و لؤي]

رد: بيت المغتربين 2

و يخليك ختي سيرسن ربي يعاونك و يقدرك و الله لوكان جيتي قريبة ليا اما نقليك الدار و الا نحكملك فؤاد الله غالب ربي يكون معاك و طولي بالك كل شي يفوت نشاالله
و في مغترب تحت المجهر قصدي نقولك قلبككككككك اطيب
البنات صباح النور و الياسمين عليكم و نهاركم مبروك

 

[ام الحلوين]

رد: بيت المغتربين 2

صباح الورد حبوبات
سيرين روحي مع راجلك للدار الجديدة هو يحكم فؤاد و نتي مسحي الغبار و خملي غير بشوية ماتعبيش روحك حنونة باش ماتهبطيش عيانة للبلاد
ياسمين شريتي واش طلعي معاك لفرنسا (ماكلة ،لبسة ،ووو) ؟؟؟؟

 

[fatouma2012]

رد: بيت المغتربين 2

ربي يخليك ختي سميرة و يخليلك ولادك
فطومة متشرفة بيك ختي كل عام و نتي بخير مدابيا نتعارفو انا ياسمين من تلمسان مغتربة في فرنسا و حاليا راني فالجزاير
البقية وين راكم المنتدى راه راقد واش دوخكم الشحم واقيلا كيما قالت لاميشكو راكم مجمعين قدام الميكرو و تقلولو واش يديرو بيك نتا

سلام §LIIKOM
وأنا تاني متشرفا بيك ياسمين ؛ أنا فطيمة من M§SKAR و-§ANDII بنوتة وحامل العقوبة ليك نشالله ومغتربة ف ألمانيا هادي عامين

 

[fatouma2012]

رد: بيت المغتربين 2

أم الحلوين الله يجيبلك ساعة ساهلة نشالله ومتنسيش تدعي معاك الياسمين وكل محرومة باه ربي يرزقها بالأولاد نشالله

سمورة كيراكي كاش برد عندكم ولا مازال الحمان

أم أمين كيراهي مريومة ، وأمين ومعاد راهم يغيرو منها ؟

لاميشكو الله يرجع راجلك بخير نشالله

ميما لباس انتي والأولاد ؟





سيرين الله يعاونك الرحلة صعيبة كي تكوني وحدك ، أنا تاني مريت بنفس الضرف رحلت وكنت بعد أقل من شهر رايحة للبلاد وكنت نقرا كل يوم من 8 حتى 12 وحامل بسرسورة ومكانش عندنا أي حاجة لا مابل لا فراش لا أواني psq الدار الاولى كانت equipi ، قتلني الشري تع الصوالح وال-montage ، رحت للبلاد وخليت كولشي حتى جيت وبديت نبلاصي ، ودروك تاني راني بديت نحوس على f3 psq معنديش غرفة للاطفال ، قوللي الدار لي كريتيها ملنترنت ولا agence وشعال ف شهر miete wel-nbenkosten ، أنا هنا لقيت غاليين بزاف مع أنها مدينة صغيرة

 

[ام سحر و لؤي]

رد: بيت المغتربين 2

الله يسلمك ختي فطومة سعيدة بمعريفتك يسمى راكي نتي و سيرين مع بعض راني قريب نجي ل المانيا نشاالله علاخاطر عندي خالي تما و رانا رايحين عندو يلا كتب ربي
ام الحلوين شريت شوية صوالح كيما صوالح القاطو و لي مول تاع القاطو و نعالة تاع الماء علاخاطر تما ينباعو فيهم كي البونج مالتحت و يزلقو و شريت كاران يعني حمص مطحون و شوية توابل بعثتهم مع عجوزتي علاخاطر راحت فاللوطو بصح انا نرميو اللوطو ف اسبانيا بعيد عليكم راجلي عجز باش يسوق حتى لفرنسا قالك يحطها ف اسبانيا و نرفدو الطيارة هههه حنا مهابيل بورتو راهي تتمشى علابيها لازم ندو حاجة خفيفة و بقيلي نشري حجابات كادويات لصحبتي و بنت عمي ربحت الباك

 

[ام سحر و لؤي]

رد: بيت المغتربين 2

امالحلوين راني درت عليك لونكيت ف مغترب تحت المجهر و قريت كل شي ما شاء الله غجبتني عقليتك بزاف سكر و زدتي كبرتي ف عيني و مازال ندور عليهم صفحة صغحة و نتعرف على كل وحدة

 

[SAMIRA25]

رد: بيت المغتربين 2

سلام عليكم
فطومة الله يسلمك اختي رانا مازال بالمكيفات ربي يعين
سيرين ربي يعينك الرحلة صح صعيبة واش رايحة ديري
كيما قاتلك ام الحلوين غير بالشوي و خلي راجلك يحكملك وليدك و انت نظفي ​

لاميشكا ربي يعينك اختي تربي​

ة الاولاد صعيبة خاصة كي يبداو يمشيو

ام الحلوين مازالك دوري هنا ربي يجيبلك وقفة ساهلة و كيما قالولك لبنات ادعينا معاك
ام امين كبرت مريومة شوية؟؟؟​