جدولك اليومي في رمضان

[رنيم الصمت]

[COLOR="Purple"]

جدولي اليومي ان شالله
في الصباح نوجد الفطور بيني بين العصر يعود كلش واجد من الشربة للحاجة الحلوة ثم نغسل الماعن و انقي الكوزينة
نحكمها ذكر ساعة زمن و نبدا نوجد للفطور
بعد الفطور نغسل الماعين و نقي الكوزينة
نخرجو للسهرة كي نوللي انققي الدار كامل خاطر الصباح نطول ما نوض
نرقد حتى للصحور و نغسلب ماعين الصحور
قبل الفجر شوي قرآن و صلاة و النوم
اما الانترنت منين لقيت روحي قاعدة معندي حتى صالحه
هكذا ان شالله راح نقضي رمضان​

[/COLOR]

 

[كوكة27]

اعطيتوني افكار رائعة لاستثمار الوقت في رمضان
:up::up:
كيما احنا لوكان مايشوفوش القدر والطواجين يغلو
مايتهناوش
اي مانقدروش نوجدو حتى الصباح بابا يقولنا هادي
ماكلة صابحة
لذلك نبداو على الثلاثة تاع العشية
والحمد لله رانا مع مرت خويا اربع بنات وماما
رايحين هنا البنات نديرو كل يوم وحدة توجد الفطور
من الحريرة للديسار
مما يسمح للاخريات بالقيام بواجباتهن الدينية
والمواعين تغسلهم وحدة اخرى ماشي نفس اللي وجدت
الفطور
​

 

[oumniati]

ربي يقدرك أختي
تآمني ما كانش كيما البكرة، تخدمي شغلك و تطيبي الصباح كي تكوني ناشطة ويكون لبرود، وتبقى سلاطة و بوراك لعشية
طياب الظهر ولعصر عز السخانة وعز التعب، من الأفضل تريحي تقراي فيه قرآن و سويعة قيلولة باه تقدري تصلي التراويح
وحتى الشغل في ليل رمضان زعما باه نربحو الوقت في النهار، خطأ كبير خطراش رانا نضيعو في أوقات غالية تاع عبادة
أنا أقترح وخاصة للي ما عندهاش مساعدة
تنوض بكري ماكسيموم 9 صباح، حتى أن كثرة النوم تجيب الخمول
عندك ساعة ميناج أو أقل حسب كبر الدار وكثرة الداخل والخارج
10 تدخلي كوزينتك وتكوني مديسيديا واش تطيبي ما تبقايش ادوري، كملي طيابك واغسلي ماعنك اللي استعملتي، ومهما كنتي ثقيلة رايحة تكملي مع الظهر؛؛خير من تبداي الظهر

أنا عن نفسي ما نديرش كلشي في يوم،إلآ ساعآآآآآت؛يعني:
دائما نهار ليلة الشك نعجن المطلوع ونخبيه،بالتالي أول رمضان نطيب برك
ندير شربة و بوراك تاع يومين؛ ولحم حلو يقدر يشدلي حتى سمانه
وبعدها كل يوم تكون عندي حاجة أو زوج نديرها؛ بحيث نهار نعجن ونهار نطيب وهكذآ؛؛غير ساعآت نطيح أومبان ههههههه أو ضيف الغفلة

حبيت نقول ما شي الشغل اللي يخلعك أنت اللي تخلعيه، و السر كل السر باه تربحي شغلك وعجوزتك بلا ماتضيعي شهر العبادة هو البكرة
ونختم بحاجة لوكان جا الرقاد مليح لوكان القط راه رجع نمر:d

:regards01:

 

[رنيم الصمت]

اعطيتوني افكار رائعة لاستثمار الوقت في رمضان
:up::up:
كيما احنا لوكان مايشوفوش القدر والطواجين يغلو
مايتهناوش
اي مانقدروش نوجدو حتى الصباح بابا يقولنا هادي
ماكلة صابحة
لذلك نبداو على الثلاثة تاع العشية
والحمد لله رانا مع مرت خويا اربع بنات وماما
رايحين هنا البنات نديرو كل يوم وحدة توجد الفطور
من الحريرة للديسار
مما يسمح للاخريات بالقيام بواجباتهن الدينية
والمواعين تغسلهم وحدة اخرى ماشي نفس اللي وجدت
الفطور
​

يا سلام راني متمنية خاوتي في ساع يكبرو و يتزوجو هههههههه
هكذا دايرين الدالة بلا ما تضيعو لا صوالح الدار و لا العبادة ...... مليح .... بارك الله فيكم

 

[رنيم الصمت]

ربي يقدرك أختي
تآمني ما كانش كيما البكرة، تخدمي شغلك و تطيبي الصباح كي تكوني ناشطة ويكون لبرود، وتبقى سلاطة و بوراك لعشية
طياب الظهر ولعصر عز السخانة وعز التعب، من الأفضل تريحي تقراي فيه قرآن و سويعة قيلولة باه تقدري تصلي التراويح
وحتى الشغل في ليل رمضان زعما باه نربحو الوقت في النهار، خطأ كبير خطراش رانا نضيعو في أوقات غالية تاع عبادة
أنا أقترح وخاصة للي ما عندهاش مساعدة
تنوض بكري ماكسيموم 9 صباح، حتى أن كثرة النوم تجيب الخمول
عندك ساعة ميناج أو أقل حسب كبر الدار وكثرة الداخل والخارج
10 تدخلي كوزينتك وتكوني مديسيديا واش تطيبي ما تبقايش ادوري، كملي طيابك واغسلي ماعنك اللي استعملتي، ومهما كنتي ثقيلة رايحة تكملي مع الظهر؛؛خير من تبداي الظهر

أنا عن نفسي ما نديرش كلشي في يوم،إلآ ساعآآآآآت؛يعني:
دائما نهار ليلة الشك نعجن المطلوع ونخبيه،بالتالي أول رمضان نطيب برك
ندير شربة و بوراك تاع يومين؛ ولحم حلو يقدر يشدلي حتى سمانه
وبعدها كل يوم تكون عندي حاجة أو زوج نديرها؛ بحيث نهار نعجن ونهار نطيب وهكذآ؛؛غير ساعآت نطيح أومبان ههههههه أو ضيف الغفلة

حبيت نقول ما شي الشغل اللي يخلعك أنت اللي تخلعيه، و السر كل السر باه تربحي شغلك وعجوزتك بلا ماتضيعي شهر العبادة هو البكرة
ونختم بحاجة لوكان جا الرقاد مليح لوكان القط راه رجع نمر:d

:regards01:

عندك الحق اختي
افكارك مليحه وانا تنفعني
يعطيك الصحه ,,, بارك الله فيك ربي ينورك

 

[زهرة الندى]

و انا و اختي نلبزو ههههه
​

وراسك رمضان هذا الطياب عليا + القاطو



انا نقلك بحكم تجربتي :pخخخ

نبداو نوضي على 3 تع الصباح وجدي سحورك وكي تتسحرو صلي واقراي قرآن وكملي نومكـ

في الصباح نوضي مش بكري ياسر ق ماتخافيش :p .. نوضي خملي الدار ** التسياق في الليل وفي الصباح خمليها برك **
ومباعد صلي الظهر روحي للكوزينة ابداي في الطياب راه يكفي الوقت بالزيادة بين الظهر والمغرب تقريبا 7 سوايع يكفي تطيبي كلش ... مبعدالعصر اقراي القرآن وارجعي للكوزينة ديري حاجة للسهرة وتقدري تدخلي للنت تاني لانو الوقت يكفيك

و في جواية 7 وجدي الماعن تاعك واغسلي ماعين الطياب ووجدي طابلتك وافطرو .. وبعد الفطور جيست اغسلي ماعينك و سيقي واروحي لينا نقصرو خخخ

:d:d:d:d

+

توحشتك ههه
ويكتا تجي
:$
​

 

[رنيم الصمت]

ديري مزية ارواحي انت عندي و طبقي الخبرة تاعك على روحك:d

 

[زهرة الندى]

خخخخخخخ
نطبقها في دارنا ياسر عليا لا حبتي نطبقها عندك بعد صلاة التراويح

:d
​

 

[RIHAB2]

السلام عليكم
أنا عندي جدول واحد نمشي بيه رمضان كاملننوض نصلي الصبح ونقرا شوي قرأن ومن بعد نرقد
نوض على9 تاع صباح نفري كامل قضيان ماكسيمو مع 12
نقرا القران حتى الواحدة ومن بعد نصلي الضهر ونرقد يذن العصر أنوض نصلي العصر وندخل الى انطيب حتى المغرب بعد لفطور نغسل لماعن ونريح تذن العشاء نصلي التراويح الى فيها سهرة نخرج والى مافيهاش نقعدفي التلفاز او الميكرو

 

[السلطانة]

ربي يعينكم يالحراير
انا مالا نتقلش ونعاود مادام مازلني في دارنا ونهار نعود كيفكم ربي يستر ههه
نصيحة ماما لي ديما تقولهالي:
النوضة بكري في دار راجلك
تقولي تنوضي بكري تقضي قضيتك في عقلك
برنامجي في رمضان
منوضش بكري خلاه منكدبش عليكم
التسعة العشرة نمسح الدار
بويسك في الليل نسيق بعد لفطور
نقرى قرآن نصلي بعد الظهر نروح للكوزينة
ننصب البرُم
يوصل العصر نريح شوي نقرى قرآن نصلي
ونروح نوجد الجزء لي بقى من لفطور
السلاطة والدوزيام pلا
والكسرة :cray02:
نوجد الطابلة ديما مزروبة انا
يقرب المغرب نروح نتوضى نقرى شوي في المصحف
وطبعا نطل على اللمة برك ومنشاركش ههه
حتى بعد لفطور
نصليو نفطرو نغسل لماعن
ماما تروح تصلي التراويح موالفة انا منروحش نقعد نسيق ونفرز الدار
ان شاء الله العام هادا يتبدل البرنامج ونروح نصلي خيرلي

​

 

[كوكة27]

انا تاني راهم بناو جامع حذانا
وناوية نروح نصلي التراويح
هذا العام​

 

[رنيم الصمت]

السلام عليكم
أنا عندي جدول واحد نمشي بيه رمضان كاملننوض نصلي الصبح ونقرا شوي قرأن ومن بعد نرقد
نوض على9 تاع صباح نفري كامل قضيان ماكسيمو مع 12
نقرا القران حتى الواحدة ومن بعد نصلي الضهر ونرقد يذن العصر أنوض نصلي العصر وندخل الى انطيب حتى المغرب بعد لفطور نغسل لماعن ونريح تذن العشاء نصلي التراويح الى فيها سهرة نخرج والى مافيهاش نقعدفي التلفاز او الميكرو

و عليكم السلام
بصحتك اختي رحاب و رمضان مبارك عليك و على اهلك

ربي يعينكم يالحراير
انا مالا نتقلش ونعاود مادام مازلني في دارنا ونهار نعود كيفكم ربي يستر ههه
نصيحة ماما لي ديما تقولهالي:
النوضة بكري في دار راجلك
تقولي تنوضي بكري تقضي قضيتك في عقلك
برنامجي في رمضان
منوضش بكري خلاه منكدبش عليكم
التسعة العشرة نمسح الدار
بويسك في الليل نسيق بعد لفطور
نقرى قرآن نصلي بعد الظهر نروح للكوزينة
ننصب البرُم
يوصل العصر نريح شوي نقرى قرآن نصلي
ونروح نوجد الجزء لي بقى من لفطور
السلاطة والدوزيام pلا
والكسرة :cray02:
نوجد الطابلة ديما مزروبة انا
يقرب المغرب نروح نتوضى نقرى شوي في المصحف
وطبعا نطل على اللمة برك ومنشاركش ههه
حتى بعد لفطور
نصليو نفطرو نغسل لماعن
ماما تروح تصلي التراويح موالفة انا منروحش نقعد نسيق ونفرز الدار
ان شاء الله العام هادا يتبدل البرنامج ونروح نصلي خيرلي

​

يا بنتي تقلشي و زيدي راهم جايين ياماتك ههههه
بالصح راكي قايمة يعطيك الصحه ... روحي صللي هادي فرصة متتعوضش النقا و الدار مش فايتة
العقوبة تمديلنا جدولك وانت في دارك

 

[رنيم الصمت]

انا تاني راهم بناو جامع حذانا
وناوية نروح نصلي التراويح
هذا العام​

بصحتكم و لله الجامع كي يعود مساميك نعمة
انا وين راني نسكن منسمعش لاذان حتى

 

[nihade.off]

السلام عليكم فرحتونا كي فكرتونا في شهر رمضان و سهراتو باين عليكم الشطارة ربي يدومها يا البنات حنا في الدار انا و اختي برك نتعاونو تقريبا في كلش فطور مواعن و فريز نتاع الدار مانوضوش بكري نفرزو الدار و نقعدو نقراو قران من بعد الظهر نديرو الفطور لوقت العصر ثاني عبادة تقريبا حتان للمغرب مع الطابلة و الجري راه علابالكم من بعد المواعن كيما قلتلكم مع بعض و نروحو نصلو التراويح و من بعد نتفرج كاش مسلسل و لا زوج و نقعدو حتان للسحور ختي مسكينة هي اللي دايما تطيبو وحدها انا نقعد برك و هكذا كل يوم​

 

[السلطانة]

غسلت الثلاجة ورتبتها (الفريجيدان اليوم على قولة وحدة :p)

راهو فارغ يجوق يستنى في قضية رمضان
​

 

[رنيم الصمت]

السلام عليكم فرحتونا كي فكرتونا في شهر رمضان و سهراتو باين عليكم الشطارة ربي يدومها يا البنات حنا في الدار انا و اختي برك نتعاونو تقريبا في كلش فطور مواعن و فريز نتاع الدار مانوضوش بكري نفرزو الدار و نقعدو نقراو قران من بعد الظهر نديرو الفطور لوقت العصر ثاني عبادة تقريبا حتان للمغرب مع الطابلة و الجري راه علابالكم من بعد المواعن كيما قلتلكم مع بعض و نروحو نصلو التراويح و من بعد نتفرج كاش مسلسل و لا زوج و نقعدو حتان للسحور ختي مسكينة هي اللي دايما تطيبو وحدها انا نقعد برك و هكذا كل يوم​

وعليكمالسلام ختي
يعطيكم الصحه انت و اختك عجبتوني كيفاه متفاهمين على كلش الله يبارك عليكم
اه لو كان جيت في بلاصتها كل يوم انا نديرلك السحور.؟؟ ولله ماطيحلك هههههه:p
ربي يخليكم لبعضاكم
​

غسلت الثلاجة ورتبتها (الفريجيدان اليوم على قولة وحدة :p)

راهو فارغ يجوق يستنى في قضية رمضان
​

اهلا اهلا يا عيني يا عيني على النظافة والتنظيم
الله يعمر ذاك الفريجيدان ويخليه ديما معمر
واحنا تاني نقينا ووجدناو رانا نستناو في الهلال

​

​

 

[وجع الظلم]

السلام عليكم
والله الشيء الي يعجبني في منتدى اللمة ان الناس صريحة
ماعندهاش كومبلاكس الي ماتنوضش بكري
ولي ما تعرفش اطيب
اتحس روحك بين اهلك وناسك ما شاء الله
درت جولة في بيوتكم واعرفت كيفاش اتفوتو رمضان
والله كامل كيف كيف
بالنسبة ليا اتعلمت من جداتي ربي يرحمها سر
اتقولي نوضي بكري اقضي صوالحك وبعدها ارقدي في القيلولة
فعلا انوض بكري في رمضان على السبعة
على خاطرش ما نرقدوش حتى بعد اذان الفجر انصلو ونرقدو
على السبعة اول حاجة انحب نتصفح الاخبار في الانترنات
ومن بعد ندخل للمطبخ
ننصب الحريرة كي طيب الخضرة نطحنها ونخليها على جيها
والعشية انكملها
ونوجد البوراك اذا كان ديول ولا بات فويتي
يعني الحاجة الي تشد اليد
الطاجين مرات ننصبه غير مع العشية
زيد الديسار ثاني انديرو صباح خاصة الفلو
ولا مرات قلب اللوز ولا حاجة للسهرة
انقي كامل الكوزينة وانخرج منها ما ندخلش حتى بعد العصر
مرات نعجن المطلوع مع العشية كامل
هذا العام راهي بنتي12سنة هي الي تحب تعجن
وتحب ااطيب والله غير انخليها
على خاطرش في رمضان اتبان الشطارة
مرة مليحة مرة شوية حتى تتعلم
بزاف الي خافو ادخلو بناتهم في رمضان للكوزينة
لالالالالالالالالالالالالا
خليها سيرتو الا كانت اتحب هذا الشيء........
المهم........ اخرجت على الموضوع
وفي العشية انكمل الحريرة والشيء لاخر
ما نحسش بالتعب مشي كيما ندخل العشية وما نخرجش حتى ااذن
وزيد نربح الوقت في قراءة القران
ونزيد نعطيكم سر عمري
انا دايمن في رمضان نختم القران عدة مرات
نختمو في ثلاث ايام
كل يوم نقرا 20حزب
في الفجر نقرا 5احزاب
وكل مرة نقرا شوية المهم قبل الفجر انكمل 20حزب
وفي اليوم الثال نختم ونصلي ركعتين
اقسم انها سحر عظيم
راحة فرج فيها معجزات
حتى انني اصبحت مدمنة على هذه الطريقة
هذا الشيء يبعدني عن النميمة والمسلسلات وحتى السهرات التي لا نجني منها فائدة
مرات نخرج انزور العائلة بصح الاغلبية نحب نختم القران
ومرات نحفظ ابديت سورة البقرة ومازال الله اقدرني
ويقدركم يا رب
جربو تختمو القران في ثلاث ايام ورجعولي الخبر
حتى في الففطر انديرها
الي مكروب الي مقلق الي محتارجربوها والله ما تندمو
وصوم مقبول يا رب
واستسمحكم على الاطالة
​

 

[ام الحلوين]

صباح الانوار
وجع الظلم ربي يرحم جداتك و حتى انا جدتي تقولنا رقاد الصباح يجيح و رقاد المقيل يريح
انا نحكي على العام لي فات و هاد العام نبدل بسكو لولاد مازالو يقراو
كنت نوض الصباح مع لولاد نعطيهم حليبهم و ندخل للكوزينة نطيب الشوربة و الطبق الثاني و الكسكس للسحور و البوراك و الفلان نوجدهم و نحطهم في الثلاجة و و نعجن الخبز تقريبا نكمل مع 12 نفطر لولاد بالشي لي يزايد و في اغلب الاحيان ياكلو الكسكس تاع السحور و نروح نخمل الدار و نصلي الظهر و نقرا قران و نتكسل شوية بسكو مع لولاد ماكانش الرقاد الا ادا هما رقدو و العشية نبقى نتفرج و نلعب مع ولادي و قبل الادان نسخن الفطور و نوجد السلاطة و نقلي البوراك و بعد الفطور نغسل ماعن و نرقد لولاد و نصلي العشا و نزيد نقرا قران .
و مرات نخلي الخبز للعشية و نعجن و لا الكسكس تاني مرات نوجدو العشية .
اما هاد العام فيه شوية تغيير بسكو لازم نخرج 2 مرات في اليوم يعني الراحة تنقص ههههه بصح بادن الله لولاد باباهم يديهم الصباح للمدرسة و انا نوجد الفطور الصباح و على 12 نخرج نجيب وليدي و نفطرو و نصلي الظهر و نقرا قران و نعاود نخرج على 3 نجيب بنتي و العشية نبقى مريحة .

و كل عام و الامة الاسلامية بألف خير .

 

[السلطانة]

السلام عليكم
والله الشيء الي يعجبني في منتدى اللمة ان الناس صريحة
ماعندهاش كومبلاكس الي ماتنوضش بكري
ولي ما تعرفش اطيب
اتحس روحك بين اهلك وناسك ما شاء الله
درت جولة في بيوتكم واعرفت كيفاش اتفوتو رمضان
والله كامل كيف كيف
وعليكم السلام
أهلا أختي الطيبة
مرحبا بيك عندنا
هاا لي يميز اللمة العزيزة انو ناسها دايرينها كي دارهم
بالنسبة ليا اتعلمت من جداتي ربي يرحمها سر
اتقولي نوضي بكري اقضي صوالحك وبعدها ارقدي في القيلولة
فعلا انوض بكري في رمضان على السبعة
على خاطرش ما نرقدوش حتى بعد اذان الفجر انصلو ونرقدو
على السبعة اول حاجة انحب نتصفح الاخبار في الانترنات
ومن بعد ندخل للمطبخ
ننصب الحريرة كي طيب الخضرة نطحنها ونخليها على جيها
والعشية انكملها
ونوجد البوراك اذا كان ديول ولا بات فويتي
يعني الحاجة الي تشد اليد
الطاجين مرات ننصبه غير مع العشية
زيد الديسار ثاني انديرو صباح خاصة الفلو
ولا مرات قلب اللوز ولا حاجة للسهرة
ماشاء الله هكا تقضي كلش الصباح خير
النوضة بكري تنحي على العبد
انقي كامل الكوزينة وانخرج منها ما ندخلش حتى بعد العصر
مرات نعجن المطلوع مع العشية كامل
هذا العام راهي بنتي12سنة هي الي تحب تعجن
وتحب ااطيب والله غير انخليها
على خاطرش في رمضان اتبان الشطارة
مرة مليحة مرة شوية حتى تتعلم
بزاف الي خافو ادخلو بناتهم في رمضان للكوزينة
لالالالالالالالالالالالالا
خليها سيرتو الا كانت اتحب هذا الشيء........
المهم........ اخرجت على الموضوع
ايه عمر12 سنة عمر مليح باه تتعلم بنتك الطياب
خليها تجرب وتتعلم خير مرة تخيب مرة تصيب وبعدها هاي تعود تعرف
ربي يحفظهالك ان شاء الله وتعود شاطرة
وفي العشية انكمل الحريرة والشيء لاخر
ما نحسش بالتعب مشي كيما ندخل العشية وما نخرجش حتى ااذن
وزيد نربح الوقت في قراءة القران
ونزيد نعطيكم سر عمري
انا دايمن في رمضان نختم القران عدة مرات
نختمو في ثلاث ايام
كل يوم نقرا 20حزب
في الفجر نقرا 5احزاب
وكل مرة نقرا شوية المهم قبل الفجر انكمل 20حزب
وفي اليوم الثال نختم ونصلي ركعتين
اقسم انها سحر عظيم
ماشاء الله
ان شاءا لله نديرو كيفك هاد رمضان
راحة فرج فيها معجزات
حتى انني اصبحت مدمنة على هذه الطريقة
هذا الشيء يبعدني عن النميمة والمسلسلات وحتى السهرات التي لا نجني منها فائدة
مرات نخرج انزور العائلة بصح الاغلبية نحب نختم القران
ومرات نحفظ ابديت سورة البقرة ومازال الله اقدرني
ويقدركم يا رب
جربو تختمو القران في ثلاث ايام ورجعولي الخبر
حتى في الففطر انديرها
الي مكروب الي مقلق الي محتارجربوها والله ما تندمو
وصوم مقبول يا رب
واستسمحكم على الاطالة
ان شاء الله ياربّ
​

بارك الله فيكِ أختي

​

 

[~lola.dz~]

§§سلآلموآ بنآت انشآء الله رآكم بخير

امممم رآني رسمت جدول في مخي زيـــــــــــــــــــــــن

انآ منقدرشْ نوض بكري في رمضآن بويسْك منرقدش حتآن للفجر صآفي نوض على12.00
نظمْ شوي قيسْ مآيلحقْ صلآة الظهرْ نصلي ونقرآ قرآنْ وطبعآ لوغديناتورْ العزيزْ توجُورْ مفتوحْ نجي نطل عليكمْ هنآ
منبعدْ ندخْل للكوزينة ندير شريبَة طَجين حلو نديروآ قيسْ سمآنة نقسموآ في بورت مونجي صْغآآآآر ونديروآ فلكونجيلاتوغ
كليومْ كي نبْدآ الطيابْ ندوبْ وحدة ونسْخنوآ في الميكرو اوند يولي تقُولشي هدآ وين طآب
وبورآكْ كيفْ كيف نهآر لول نخدمْ كونتيتي مليحَة ونديرها في لي ساشي دكونجيلاسيون كليْوم ندوبْ ونقلي نقليهَا بكْري منبعد نسخن في الميكرواوند وزدت خدمت بآت فايْتي نخدمْ بيها لي مونشون ولا كَاش كوكآوعلا pلآ زاوجْ عادي كيفُو كيفْ شْريبة ولازدتْ غرآتان نخدمْها نطيبهآ ونسخَنهآ منْبعد،، سْلاطة كيفْ كيفْ بصحْ هَادي متسخنْش ههخخخه نخدمْها ونخليها منبعَد نزيدهآ غي الvينيgرآت وفلان تآني كيفْ كيفْ لكآن حاجة حلوة نخدمْهآ مي تقريبآَ نشروآ ومآعن لي نكمل بيه نغسلو يبقآولي غي تع بعدْ الفطورْْ ،،نصلي العصر ونقرى مورآه قرآن ورآني منين دآك هنآ طبعآ نقرعجْ خخخ ونقرى تآني القرآن قبل المغربْ هآ دي ساعة منهملوهآش فيهآ اجر عظيم
بعد الفطورْ نغسل المآعن وطبعآ نبقى غير انآ ومآمآ انآ نغسُل وهي جفف
منبعد مينـــــــــــــــــــــآجْ مزية جيتْ خفيفَة في التسيآٌق هه تمْ تمْ نكمَل منبعدْ نصلي ترآويح في الدآر بركْْ ونجي هنآ لمخرجْنآش للسهرَة و السْحورْ نخليلو من pلآ زآوج ندير بالزيآدة وتقريبآ نتسحْروآ بالفاكْهة ولآ كَاش ماعن نغسُلهم ونصلي ونقرآ قرآن ونرقُد هكآ رآح يكُون جدول تآعي بالتمآم والكمآل انشآء الله ربي يقدرنآ على الصيآم برك
رمضآن مبآرك §§
​