صورتي الشخصية

[سمسم السمسومة]

في بالي حاجة و حبيت نعلق عليها و نفوت...لي كل واحد منا صورة رمزية خاصة بيه و مرات نلقاو عضو حاط -صورتوا الشخصية- فالصورة الرمزية و بلاك نعتبروها حاجة عادي مي كي تكون -عضوة-لي دايرا صورتها الشخصية فالصورة الرمزية...حاجة نقدروا نتقبلوها و لا لا..... و هنا اذا تقبلناها نقدروا نطبقوا عليها معايير الشريعة و نقولوا لازم تكون بحجاب و مستورة و لا نقدروا نعتبروها ضربة من ضربات التحرر لي وصلتنا...و عادي نحطوا صورنا الشخصية..​

 

[حفيد هواري بومدين]

يعني ماش مليحة تحك الطفلة صورة شخصية نتعها بالطبع واحنا نعرفو علاه
وتبقى حرية شخصية ........

 

[tistissa dj-tissou]

من الاحسن الطفلة ماتحطش الصورة تاعها حتى ولوكان بحجابها ومستورة احسن ليها انها تحافظ على روحها ...
وكل واحدة كيفاه تخمم ..
​

 

[سمسم السمسومة]

يعني ماش مليحة تحك الطفلة صورة شخصية نتعها بالطبع واحنا نعرفو علاه
وتبقى حرية شخصية ........

هذي هي الحرية الشخصية لخلاتنا نفوتوا الحدود لهيه و نبقى ديما نقولوها و نعاودوها مي في بالي كي نكونوا في وسط مجتمع كبير لازمنا نراعيو الناس لي كاينة فيه و نخمموا في حاجة نظرتهم ليا واش راح تكون...تحياتي أخي​

 

[سمسم السمسومة]

اقتباس

من الاحسن الطفلة ماتحطش الصورة تاعها حتى ولوكان بحجابها ومستورة احسن ليها انها تحافظ على روحها ...
وكل واحدة كيفاه تخمم ..
​

و كل واحد كيفاه يخمم و وين راح يوصل هذاك التخمام....هنا بلاك حرية شخصية مي نقدروا نقولوا لازم يكون احترام للوسط لي رانا فيه...تحياتي ليك غاليتي​

 

[السلطانة]

وعليكم السلام
أنا عن نفسي كونتر الطفلة لي تحط صورها في منتدى أو الفايس بووك
عايلتي متحبش وانا منقدرش نديرها
ومنحبش الناس تتمسخر بيا
ولايقولو هادي تعرض في صورتها على الناس

​

 

[سمسم السمسومة]

اقتباس

وعليكم السلام
أنا عن نفسي كونتر الطفلة لي تحط صورها في منتدى أو الفايس بووك
عايلتي متحبش وانا منقدرش نديرها
ومنحبش الناس تتمسخر بيا
ولايقولو هادي تعرض في صورتها على الناس

​

عجبتني عبارة -أنا منقدرش نديرها-و في بالي هنا راجعة للقيم و الاخلاق تاع كل وحدة فينا و هنا في بالي منقدروش نقولوا حرية شخصية....مشكورة على ردك الرائع أختي ربي يحفظك​

 

[adnandz]

بالنسبة ليا البنت ما تحطش الصور نتاعها في الانترنت باسكو
كاين حرمة الدين ونورمالمو مع هدا التطور ممكن الصورة نتاعها استعمل بطريقة ماشي مليحة فالفبركة كيما كامل علابالنا
اما الولد فنظن عادي
انا واحد نجط ليفوطو نتاوعي نورمال هههه

 

[سمسم السمسومة]

اقتباس

بالنسبة ليا البنت ما تحطش الصور نتاعها في الانترنت باسكو
كاين حرمة الدين ونورمالمو مع هدا التطور ممكن الصورة نتاعها استعمل بطريقة ماشي مليحة فالفبركة كيما كامل علابالنا
اما الولد فنظن عادي
انا واحد نجط ليفوطو نتاوعي نورمال هههه

انا ركزت على الطفلة على خاطر شفت بنات دايرين صورهم الشخصية و مفهمتش هي باينة بلي حاجة متصلحش لا الدين و لا العادات تاعنا تسمحلنا نديروا هاذ الحاجة...واش المقصود مفهمتش راهم يشهروا برواحهم و لا محاولة للفت الانتباه....هههه و نتوما حطوا و زيدوا مكانش لي يخرب فيكم​

 

[أم أمين23]

انا صراحة ضد 1000 في المية ونقول بلي البنات الي ينشرو صورهم وتحطهم هنا ولهيه ما راح تربح والو حاطة روحها برك للفرجة وما عندها حتى معنى بالنسبة ليا ،
وواش معاناها يعني كي تحط صورتها ؟؟؟ مادابينا كاش واحدة ملي حاطين صورهم تفسرلنا وجهة نظرها وشرعا باين الحكم فيها فلن يكون لنا كلام بعده

 

[سمسم السمسومة]

اقتباس

انا صراحة ضد 1000 في المية ونقول بلي البنات الي ينشرو صورهم وتحطهم هنا ولهيه ما راح تربح والو حاطة روحها برك للفرجة وما عندها حتى معنى بالنسبة ليا ،
وواش معاناها يعني كي تحط صورتها ؟؟؟ مادابينا كاش واحدة ملي حاطين صورهم تفسرلنا وجهة نظرها وشرعا باين الحكم فيها فلن يكون لنا كلام بعده

و حطيتي يدك على الحاجة لي في بالي ماذا بينا من اللي حاطين صورهم يعطونا برك الفكرة لي دايرينها في بالهم و الغاية تاعهم و أكيد الحكم باين....مشكورة لرد الجميل و المرور الرائع​

 

[Amauri]

هيا من المفروض كيما راكي تقولي اختي بصح في الاخير حرية شخصية على خاطر كي تهدري معاهم مايحبوش يفهموا و تربحي غير العيب برك
ربي يهدينا

 

[ايمان التلمسانية]

السلام عليكم
اولا انا ضد البنت الي تحط صورتها في الصورة الرمزية
وثانيا عن نفسي انا اصلا ما فكرتش اني نحط صورتي مش لان العائلة رافضة لانو هاد قناعتي
ودروك الناس ولات كي تشوف البنت حاطة تصويرتها ما يخليولها ما يبقيولها
الله يسترنا
سلامي ​

 

[nina usma]

لي تحط صورتها انا نقوللها تتحمل النتائج..​

 

[num1]

من الاحسن ماتحطش صورتها لا بالحجاب ولا بلا حجاب
​

 

[FATIMA 19]

أنا ضد الواحدة تحط صورتها الشخصية .
لازم تبقى شوي حرمة .
​

 

[صفحة بيضاء]

كي البنت كي الولد
البنت عيييييييييب بزاف
والولد اعععععع بالنسبالي مزالوا مراهق
ويبغي يبين روحوا انا وانا ..الرجل الجدي في التعامل
وعندو كامل الرجولة صورته ما يحطهاش في اي مكان
يعني انا نرفض ومنبغيش الصورة تنحط في اي مكان
ان كان شب او بنت ..و شكرا​

 

[سمسم السمسومة]

اقتباس

هيا من المفروض كيما راكي تقولي اختي بصح في الاخير حرية شخصية على خاطر كي تهدري معاهم مايحبوش يفهموا و تربحي غير العيب برك
ربي يهدينا

هاذي هي الحرية الشخصية لخلاتنا نتجاوزوا ديما حدودنا....هههههه و اذا جات على غير نربحوا العيب خلي نربحوه مدامنا و صلنا لهنا و من بعد نقولوا فلان تبلاني و لاخر لاحلي كلمة و خلاني...ربي يهدينا يا رب​

 

[سمسم السمسومة]

السلام عليكم
اولا انا ضد البنت الي تحط صورتها في الصورة الرمزية
وثانيا عن نفسي انا اصلا ما فكرتش اني نحط صورتي مش لان العائلة رافضة لانو هاد قناعتي
ودروك الناس ولات كي تشوف البنت حاطة تصويرتها ما يخليولها ما يبقيولها
الله يسترنا
سلامي ​

و عليكم السلام و رحمة الله تعالى و بركاته...ايه اختي كيما قلتي راها قناعات و فقط مي مرات تشوفي صح تحيري زعما واش الهدف من انوا تكون الصورة الشخصية في هذيك البللصة و رجعنا شغل عرض للوجوه...أو الارجل أو الأيدي...ربي يهدينا...مشكورة على كلماتك غاليتي​

 

[سمسم السمسومة]

اقتباس

لي تحط صورتها انا نقوللها تتحمل النتائج..​

و حطتها كشما بقا تستنا نتايج من بعدها ....الموضوع باين من عنوانوا...تحياتي ليك على ردك الجميل​