تتمسكن حتى تتمكن وبعد العرس تتفرعن

[وجع الظلم]

تتمسكن حتى تتمكن:$ وبعد العرس تتفرعن
بنات اليوم
الزين والدين وولادنا حارو واش يختارو
كي تهدر معاها
عقلها يوزن ستين وعمرها ماقفلش العشرين
تحلف وتصحف غير هذي هي المراة الي تعشر معاك سنين وسنين
ما تشرط ما تشرط
مسكينة
حسها ما تسمعو وكلامها ما تفهمو
قابلا بيك وبماليك
غير اديها برك هنيها باه اتهنيك
وبعد الزواج يا لاطيف
زينها يا خوتي زين بريكولاج
و كلش فيها اتبيريما بعد الزواج
شرطت في يما وبويا واختي وخويا
وزادت شرطتلي لا ليبارتي
ما نحكم ونتحكم
وزاد القانون اهلكني وكسر ضلوعي
اذا طلقتها اتخرجني من السكنة بيا وبمالييا
قولولي كيفاش اندير؟
اتمسكنت حتى اتمكنت وبعد الزواج اتفرعنت
لافوت فيها ولا فيا
كيفاش تعرف الزوجة المثالية؟
قولولي بربي قبل ما يستشفاو فييا كامل الفميليا:s
:regards01:​

 

[حفيد هواري بومدين]

الغلطة منك في الاول .... لازم تعرف تخير أكبدي انا نقول المرا الشبعانة عمرها مادير هكا مع احتراماتي
وافقت على الموضوع

 

[tistissa dj-tissou]

العنوان فكرني بواحد المسلسل
ذاكرة الجسد
مرسي عليك لي عودة ان شاء الله
​

 

[soussou bel]

ههههههههههه


مكانش وحدة متشرط والو

و مكانش واحد معنده حتى شرط

مستحييييييييييييييييييييللللللللللللللللللللل

 

[loujaina]

hh rabé ye3innek kyn ysr 3bad haka 3andhoum 7 wejouh fi had ezzman lzm ta9ra 3ilm ennafs o ta7lil echakhsséyat bah ta9der tezawz hhhh
​

 

[كافيري]

ما يعجبك نوار الدفلة في لواد داير ضلايل ولا يغرك زين الطفلة حتان تشوف لفعايل.هادي تكفي

 

[num1]

لي تحسبوا موسى يوليلك فرعوون
راني سيليباتار مليح :d
​

 

[وجع الظلم]

الغلطة منك في الاول .... لازم تعرف تخير أكبدي انا نقول المرا الشبعانة عمرها مادير هكا مع احتراماتي
وافقت على الموضوع

صح الغلطة فيا
بصح يرحم الشوابين
كي تشوفهم شكل كي' تتكلم معاهم شكل" ومن بعد العشرة شكل آخر'''''
قالو الزين والدين
اعجبنا الزين واخترنا الدين
السؤال الي حيرني
مولات الدين كيفاش تعرفها
من الحجاب؟ الكل متحجبات
الدين منين يبدى وين اكمل؟
يبدى بالحجاب ويكمل بالالتزام
يعني تصلي وطبق الشرع على جالك برك باه ترضيك؟
ولا ملات الدين الي تخاف ربي فيك مشي تخاف منك وتحقر امليك؟
بزاف الي ادوخك بالدين وبعد العشرة تخرجك من الدنيا عريان
لا دين لا ملة لا طاعة الوالدين
صح الغلطة فيا
علا بيها نشكرك كي سمعتني
راهم بزاف مثلي
قولولي برك كيفاه اندير ؟:regards01:​

 

[رضوة الجزائرية]

يا ختي بنت الاصول تعرف حدودها وقيمتها بلاما تشرط وادا شرطت برك حقها يكون بصح ليلقى الركوب يركب ويدلي رجليه امالي هو لماشي راجل مشكورة​

 

[وجع الظلم]

ههههههههههه


مكانش وحدة متشرط والو

و مكانش واحد معنده حتى شرط

مستحييييييييييييييييييييللللللللللللللللللللل

كاين الي تقولك ما نشرط والو غير الي اقدرتو عليها
المهم الهنا برك
(كاين بنات الحلال الي حوسو على الستر )
بصح كاين الي يتمسكنو غير باه يتمكنو
هاذ الناس هما الي يقتلوك بالقدر
كيفاش تعرفيهم
قبل ما يدخلو عندك ويتفرعنو
قوليلي برك يا ارحم بوك:s
تحياتي على المرور:regards01:
​

 

[adel._dz]

أبكي على الراجل
قلو زير روحك واعرف كيفاش برك مرة سايسها ومرة زير عليها ومرة حبها ومرة اكرها ضرك توالف المرأة خخخخخخخ

واذا ماكانش فالقانون الجزائري أعطاك حق اسم القانون تأديب الزوجة خخخخخخخخخخخخخخ
أمزح فقط
لكن للمعلومة القانون موجود فعلا

لكي أتكلم بجدية أكثر
فالرسول عليه الصلاة والسلام يقول اختارو أخوال أبنائكم
تزوج من باب فيه رجال
وحاول اصلاحها وافهامها بالتي هي احسن وتعتدل الأمور ان شاء الله
وكما يقول المثل كل فرس على راكبها

 

[**laila**]

كي الطفلة كي الطفل

لازم تاست باش تعرف وش كان الداخل​

 

[وجع الظلم]

hh rabé ye3innek kyn ysr 3bad haka 3andhoum 7 wejouh fi had ezzman lzm ta9ra 3ilm ennafs o ta7lil echakhsséyat bah ta9der tezawz hhhh​

هذوهما الي طيحو البق على المخلوقات
ولات الرجالة تشوف في البنات كامل كيف كيف
سبع اجوه
كي تشوفي اللسان الحلو يحلب اللبة
وبعد العشرة اولي لسانها لسان الحية
تلذغ صباح وعشية
الله يهديهم ويهدينا
شكرا على المرور:regards01:​

 

[وجع الظلم]

ما يعجبك نوار الدفلة في لواد داير ضلايل ولا يغرك زين الطفلة حتان تشوف لفعايل.هادي تكفي

بصح
كيد النساء ما حد قده اذا مال على حيط هده
على بيها انقولك
قبل ما تتزوج انوصيك خير اخوال اولادك
قبل ما تدخل لدارك وتتفرعن عليك
ولا واش قلتو؟:s
شكرا على المرور
:regards01:

​

 

[yasmine 4ever]

يا خويا في هاد الزمان كثروا المنافقين أصحاب الوجوه
و لازم الواحد قبل ما يزوج يدير التحريات تاع المحقق كونان و ما يشوفش غير الهدرة الحلوة و المظهر المهم قاع فالعقلية و الخوف من ربي ماشي من عبادو
و أيضا الراجل لازم يوري لمرتو كيفاش تحترمو و يفهملها بللي طاعة الزوج فيما يرضي الله سبيل من سبل الوصول للجنة عند المرأة و أيضا إلا هيا تمردت لازم يروضها
و لكن ما نيش نقول بالضرب ولا الشتم و لكن بالتي هي أحسن
تحيــــاتي​

 

[aya/ayouta]

سبحان الله في خلقه شؤن في هذا الزمان عاد الزواج كي لعبة البلاي القافز والصبور مع شوية خداع هو اللي يربح ,كون جيت كي رجالة زمان تذبحلها القط من الليلة الاولى انا من راي تربيها من جديد وتنعتله العين الحمرة اذا مافهمتش روحها .خليكم رجال يا اولاد هذا الوقت , انا كى نقرا هذه المواضيع يطلعلي الدم للراس ياحصرا علينا وعلا ولادنا . الراجل هو اللي يحكم ويحرم .كى عاد الراجل تضربوا حوى وكى يشكي لولديها يقال له في حقها تحامي على روحها . روحي ياالدنيا انا لااحترمه ولو كان ابني ,لكن كاين بنات تربية ودين لكن طاحو في ايدي وحوش يارب تهني كل اولادنا وبناتنا .نقول كل شىء يعود للام وتربيتها لاولادها

 

[وجع الظلم]

لي تحسبوا موسى يوليلك فرعوون

راني سيليباتار مليح :d​

بصح يا اخيي
الزواج مشي هواية
الزواج فرض وهداية
الله يرزقك بنت الحلال الي اطوعها على طاعة الرحمن
يا مخلوق ربي
اشكون الي رايحة تخليك سيليباتار
راهم يخطفو مشي يسناو حتى ينخطبو
الله يحفظك من شر بنات ابليس
ويرزقك حورية الجنة ونشوفوك عريس
قول امين
وشكرا على المرور:regards01:
​

 

[وجع الظلم]

يا ختي بنت الاصول تعرف حدودها وقيمتها بلاما تشرط وادا شرطت برك حقها يكون بصح ليلقى الركوب يركب ويدلي رجليه امالي هو لماشي راجل مشكورة​

هذا هو الكلام الرزين
بصح يا لحبيبة
بنت الاصل الي تحشم وحابة تبني الدار
واحد ما يدقدق بابها ولا يعرف لها عنوان
ويذا جابها لدار وصبرت معاه على لمرار
غير افرج عليه الرحمن ينسى العشرة
ويضربها بمرا باه اكمل معاها المشوار
الغلطة بربي وين؟
في بنت الاصل الي صبرت عليه؟
ولا في بنات ابليس الي في كل قنت اgانصو فيه؟
ولا فيه هو الراجل الي الرجلة اتاعو حارت فيه؟
شكرا يا بنت الاصول
صح كل واحد يهدر باصلو
الله يكثر من امثالك ويعطيك الصحة الي فتي
من هنا ونورتينا بكلامك الزين:regards01:​

 

[أم أمين23]

انا حسب راي وحسب واش عدئ عليا من حالات المشكل في الراجل يعني المرا راهي تميز كاين رجال يفرضو رواحهم وما يخلوش للمرا الضو كيما يقولو ماشي بمعنى الضرب والا ولكن بوضع حدود اهلي اهلي وانت انت ومهما تحاول هاد المرا ما تقاش كيفاش ممكن تتفرعن لخاطر الرك كامل على الراجل الي لازم يعرف ديما كيفاش يحكم مرطو اما الي يخليلها الحبل على الغارب راهي تعمل بكراعها فيه وفي ماليه ويستاهل كل الي يجه خصوصا الا رضى الاهانة لاهلو
النساء كامل في اول الزواج يكونو حشيشات طالبة معيشة ومن بعد حسب الراجل تتبلور الطموحات ههه

 

[وجع الظلم]

أبكي على الراجل
قلو زير روحك واعرف كيفاش برك مرة سايسها ومرة زير عليها ومرة حبها ومرة اكرها ضرك توالف المرأة خخخخخخخ

واذا ماكانش فالقانون الجزائري أعطاك حق اسم القانون تأديب الزوجة خخخخخخخخخخخخخخ
أمزح فقط
لكن للمعلومة القانون موجود فعلا

لكي أتكلم بجدية أكثر
فالرسول عليه الصلاة والسلام يقول اختارو أخوال أبنائكم
تزوج من باب فيه رجال
وحاول اصلاحها وافهامها بالتي هي احسن وتعتدل الأمور ان شاء الله
وكما يقول المثل كل فرس على راكبها

فات ذاك الوقت وناسو
وجانا هذا الوقت بفاسو
كانت المرا حرامن الغمزة تفهم المعاني
ولات اليوم حرة من دبازها وليت انت تعاني
كان الراجل خو كلمتو
ولا الراجل يا صاحبي خو مرتو
هي تمشي وهو اتبع فيها كي توتو
مخلوع في زينها لا تروح عليه وتخليه
مسكين ما علابالوش بلي الماء راه يجري تحت رجليه
يا الغافل المرا تحب العين الحمرا
المرا كي العود اذا ارخفت لها
اللجام هربت واذا تحكمت فيه اتحكمت
الله اكثر الرجال بحالك
كون راجل زين المرا ما يبني الدار
زين المرا في لسانها والفعايل
والعشرة فتاشة
شكرا اخيي على المرور :regards01:​