تتمسكن حتى تتمكن وبعد العرس تتفرعن

[وجع الظلم]

كي الطفلة كي الطفل​

لازم تاست باش تعرف وش كان الداخل​

يا لحبيبة في الوجوه مرايا
وفي الكفا حربايا
صح كلامك كي الراجل كي لمرا
البيت ما تتبنى على ساس واحد
مليح الواحد انقي الحب
قبل ما يتعب
شكرا على المرور :regards01:​

 

[الورد الندي]

السلام عليكم
وأنا غاب عقلي ودوختيني مين خرجتي هذا الموضوع يا لالة وجع الظلم، حتى أنا راني حاير يا ريت تنصحيني يا شاطرة!
راني خايف نطيح في الشبكة ومن بعد نندم، عموما ما نتقلقش بسرعة لكن راني قبيح كي نزعف!
فهميني وحدة وحدة راسي خشين شوية

 

[yasmine 4ever]

يا خويا في هاد الزمان كثروا المنافقين أصحاب الوجوه
و لازم الواحد قبل ما يزوج يدير التحريات تاع المحقق كونان و ما يشوفش غير الهدرة الحلوة و المظهر المهم قاع فالعقلية و الخوف من ربي ماشي من عبادو
و أيضا الراجل لازم يوري لمرتو كيفاش تحترمو و يفهملها بللي طاعة الزوج فيما يرضي الله سبيل من سبل الوصول للجنة عند المرأة و أيضا إلا هيا تمردت لازم يروضها
و لكن ما نيش نقول بالضرب ولا الشتم و لكن بالتي هي أحسن
تحيــــاتي​

عفوا كنت نقصد ختي آسفة :$​

 

[بنت الـ25]

الزواج كي الدلاعة :d (طونطي لاشونص)
يا تفتحها تلقاها حمرا وحلوة :up: ،، يا تلقاها بيضا وصامطة :down:
ايها الرجل الجزائري
دير اللي عليك سقسي على الأصل ،، ما تديش من والى
وكونك حازم من اللول مترخفلهاش لحبل ومتخليهاش تركبك ودلدل رجليها كيما يقولو
وربي يوفق شبابنا

​

 

[وجع الظلم]

السلام عليكم
وأنا غاب عقلي ودوختيني مين خرجتي هذا الموضوع يا لالة وجع الظلم، حتى أنا راني حاير يا ريت تنصحيني يا شاطرة!
راني خايف نطيح في الشبكة ومن بعد نندم، عموما ما نتقلقش بسرعة لكن راني قبيح كي نزعف!
فهميني وحدة وحدة راسي خشين شوية

وعليكم السلام والرحمة والاكرام
لا تخمم لا تدبر لا تحمل الهم ديمة
الفلك ما هو مسمر ولا الدنيا مقيمة ​

ادي بنت الاصول العشرة معاها طول
فالاصيلة تعيش معاك على الحصيرة

​

اقصد الخيمة الكبيرة الا ماتعشيتش فيها تبات دافي
بالاك تدخل سوق النساء
سوقهم سوق مطيار يا داخلو رد بالك
ايورولك من الريح قنطار ويدولك راس مالك
بهت النساء بهتين من بهتهم جيت هارب
يتحزموا باللفاع ويتخللوا بالعقارب بالاك
يا ذا الزمان يا الغدار يا لي كسرتني من ذراعي
نزلت من كان سلطان وركبت من كان راعي
حبيبك حبه والسر اللي بينكم تخفيه
إذا حبك حبه أكثر وإذا تركك لا تسأل عليه
من جاور الأجواد جاد بجودهم ومن ناسب الأرذال خاب ضناه
نوصيك يا حارث الحلفاء بالك من دخانها لا يعميك
لا تتزوج المرأة غير العفيفة تتعاون هي والزمان عليك
نتمنى فهمت المعاني
ونتمنى ترزق الزوجة الصالحة
باين مانخافش عليك جزايري حر اتزوج لا خوف عليك:regards01:

شكرا على المرور والكلام الطيب
:regards01:


​

 

[mimika03]

الله يسترنا اذا نديرو هك هاذي وحدة مش بنت اصل مع احتراماتي خاطر حتى اذا هي تحب هك والديها ينصحوها
ربي يقدر الخير

 

[Amauri]

ههههههههههههه يا لطيف الله يلطف بينا من البنات صحاب زوج و جوه هذوا
تتبدل بعد الزواج بعد ماكانت نعجة تولليلك ذيب و تاكلك

 

[وجع الظلم]

يا خويا في هاد الزمان كثروا المنافقين أصحاب الوجوه​

و لازم الواحد قبل ما يزوج يدير التحريات تاع المحقق كونان و ما يشوفش غير الهدرة الحلوة و المظهر المهم قاع فالعقلية و الخوف من ربي ماشي من عبادو
و أيضا الراجل لازم يوري لمرتو كيفاش تحترمو و يفهملها بللي طاعة الزوج فيما يرضي الله سبيل من سبل الوصول للجنة عند المرأة و أيضا إلا هيا تمردت لازم يروضها
و لكن ما نيش نقول بالضرب ولا الشتم و لكن بالتي هي أحسن

تحيــــاتي​

يا مخلوقة
الطاعة اطيعومشي مشكل:up:
بصح طاعة والديه تحرم عليها وعليه
صلة الرحم تطبق غير على فاميلتها
خدمتهم فرض عليه
وفاميلتو من نهار الاول
ادير عليهم حضر التجول
ممنوع على امو وبوه
واختو واخوه
ادقو الباب ويسالوعليه
بصح
انا ما لومش النساء
اللوم على الي خلا بنت الفاميليا
وباع روحو لبليس
اضربها وكسر راسها:-o
ياو....
ضرب النسا بالنساء مشي بالعصى:d
تحياتي:regards01:​

 

[وجع الظلم]

الله يسترنا اذا نديرو هك هاذي وحدة مش بنت اصل مع احتراماتي خاطر حتى اذا هي تحب هك والديها ينصحوها
ربي يقدر الخير

شفتي كيفاش الشر ساهل
على بيها قالو ناس زمان
دعوة الخير تلقاط
و
دعوة الشر تشباط
الخير يا بنتي يتلقط حبة حبة
تغرسيه في جنانك
وما تنسايش تسقيه
باه يكبر ويسجالك الجنان وتاكلي اثمارو
الشر ساهل نتشبطو فيه
امو ولا بوه تعيش ما تعيش وتروح
بصح انت تخلصي ولا تخلصي
فكري واحسبي من بعد قرري
الله اوفقك غير للخير بنت لجواد
تبان من البعيد:regards01:
شكرا على المرور​

 

[وجع الظلم]

ههههههههههههه يا لطيف الله يلطف بينا من البنات صحاب زوج و جوه هذوا
تتبدل بعد الزواج بعد ماكانت نعجة تولليلك ذيب و تاكلك

كون انت ذيب من انهار الاول
الذيب ما يختار في صيدو غيرافضل الموجود
اختار انت بنت الجود
ما تتعب ما ياكلك الدود
بالتوفيق تحياتي يا ولد لجواد:regards01:​

 

[وجع الظلم]

الزواج كي الدلاعة :d (طونطي لاشونص)

يا تفتحها تلقاها حمرا وحلوة :up: ،، يا تلقاها بيضا وصامطة :down:
ايها الرجل الجزائري
دير اللي عليك سقسي على الأصل ،، ما تديش من والى
وكونك حازم من اللول مترخفلهاش لحبل ومتخليهاش تركبك ودلدل رجليها كيما يقولو
وربي يوفق شبابنا​

انا نقولك
كل حاجة نشروهة جديدة وندخلوها للدار
عندها الكاتالوك
غير الزوجة :-o:s
نتفرجو في الكاتالوك اتاعها بعد العشرة:d
كون راجل واتحزم مليح واحزم روحك لا اطيح
ماتندم ما يهزك ريح
بالتوفيق وشكرا على المرور تشرفت:regards01:

​

 

[ђ@ĸĭ๓]

يعطيك الصــحة كآين منهآ وتـصرآ بـــزآف
في بــلآدنآ ورآنـآ نشوفــوهآ قدآم عيــنــيــنآ
مـــي شـــكون لي تتـــصرف كــمآ هكــآ غيـــر
المآفيآ لي النهآر الأول تقول هذي ملآيكة وغيرتتزوج بيهآ ترجع لك شيطآن
أعــوذ بالله بســكو مآتخآفش ربـي ومآتـعرفش وش معنى الزوآج والحيآة
الزوجية أصـــلآ مــي الحمد لله كآيــن بنآت فآميــليآ مشـآء الله نقيآت
عفيـفآت ومحآفظآت وأمنــيتهم الوحيــدة يلقآو لي يسترهم وكل شي وآضح
في مجتمعنآبنت الدآر معروفة وبنت الشآرع معروفة والبسيطة معروفة
ولمقلشة تآنــي معروفة وكل وآحد على المستوى تآعو ولمهم
لوآحد يسقسي عليهآ وعلى العآئلة تآعهآ مشي غير
روآح وزدم وكل وآحد ومكتـــوبو ​

 

[ندى الأيام]

ربي يكون معاك
​

 

[الكاتبة الصغيرة]

خويا عندك الصح انا هادو ليام نسمع غيل الطلاق و الدبازي بين الازواج الحديثين

انت خويا قبل ما تخطب سقسي على الشيرا و سقسي على الفاميليا باسكو لكان كانت فاميليا مليحة عرف رب بنتهم ربوها غاية

و بنات الفاميلية كاينني مي قلال في هاذا الوقت كيما اناااا :d

و الطيبون للطيبات انت خدمها مليحة و زين نيتك تلقاها مليحة

تقبل مروري و اتمنى ربي يرزقك ببنت الحلال و ان شاء الله نتسمعو خبر زين عليك غن قرييييب

 

[وجع الظلم]

الزواج كي الدلاعة :d (طونطي لاشونص)

يا تفتحها تلقاها حمرا وحلوة :up: ،، يا تلقاها بيضا وصامطة :down:
ايها الرجل الجزائري
دير اللي عليك سقسي على الأصل ،، ما تديش من والى
وكونك حازم من اللول مترخفلهاش لحبل ومتخليهاش تركبك ودلدل رجليها كيما يقولو
وربي يوفق شبابنا​

فعلا الزواج جنة والمراة بنة
ونزيدك ثلاثة اطولو في العمر
الدار الواسعة
والمراة الطايعة
والفرس السريعة
وبنت الرجال تعين وتستعين
وبنت الانذال اتحط راسها وتنام
فاظفر بذات الدين تربت يداك
شكرا على المرور:regards01:​

 

[وجع الظلم]

انا حسب راي وحسب واش عدئ عليا من حالات المشكل في الراجل يعني المرا راهي تميز كاين رجال يفرضو رواحهم وما يخلوش للمرا الضو كيما يقولو ماشي بمعنى الضرب والا ولكن بوضع حدود اهلي اهلي وانت انت ومهما تحاول هاد المرا ما تقاش كيفاش ممكن تتفرعن لخاطر الرك كامل على الراجل الي لازم يعرف ديما كيفاش يحكم مرطو اما الي يخليلها الحبل على الغارب راهي تعمل بكراعها فيه وفي ماليه ويستاهل كل الي يجه خصوصا الا رضى الاهانة لاهلو
النساء كامل في اول الزواج يكونو حشيشات طالبة معيشة ومن بعد حسب الراجل تتبلور الطموحات ههه

فعلا
يدخلو ساكتات طايعات الله ابارك
غير يطوالو رجليهم اشوية وتعرف قنات الدار
تقلع القناع وترفد المقلاع
وتبدى تصيد
اختو هي الاولى:d
من بعد ادور على امو
وفي التالي اجي دورالرويجل اتولي ادوور فيه كي توتو:-o
المشكلة مشي في النسا
المصيبة في شبه الرجال
يرخي الحبل وبعد الزواج ادورولو على الرقبة
يا تقتلو
يا يبقى ما هو حي ما هو ميت
الله يستر وليداتنا
ويحفظ بناتنا من ابليس وعمايلو
شكرا على المرور الله يحفظك:regards01:
​

 

[SETIF étudiant]

يسلم ذاك الفم ..... .. tres bien dit .......... c etait un tres bon sujet​

لا تطلب الفتاة من الدنيا الا زوجا فاذا جاء الزوج طلبت منه كل شيء

اغلبية البنات هملونا وحقرونا يحبو لعندو الدراهم ويكون شباب راسو بحال مهند و اون بلوس دو سا تقولك داري وحدي ... الزواج بالنسبة ليهم اصبح رابط مادي اكثر منه ديني ..................
انا فرونشمون حقوق المرأة المزعومة و قانون الاسرة المحرض للزوجة زايد عندي تجربة هوما لي خلاوني نخاف ونتهرب من الزواج سورتو من جزائرية خخخخخخخ

 

[وجع الظلم]

يسلم ذاك الفم ..... .. tres bien dit .......... c etait un tres bon sujet​

​

​

لا تطلب الفتاة من الدنيا الا زوجا فاذا جاء الزوج طلبت منه كل شيء

اغلبية البنات هملونا وحقرونا يحبو لعندو الدراهم ويكون شباب راسو بحال مهند و اون بلوس دو سا تقولك داري وحدي ... الزواج بالنسبة ليهم اصبح رابط مادي اكثر منه ديني ..................
انا فرونشمون حقوق المرأة المزعومة و قانون الاسرة المحرض للزوجة زايد عندي تجربة هوما لي خلاوني نخاف ونتهرب من الزواج سورتو من جزائرية خخخخخخخ

والله انا ما نيش انعمم
كاين البنت الي تخاف ربي وتحوس على الستر
وكاين الي تحوس تزوج برك باه اتنحي كلمة عانس
عندك الحق
ولا الراجل ينقاس بالزين والمال
اما الرجلة اداتها الحجلة ورماتها في الواد
انوصيك
كون راجل من نهار الاول
والله ماتديك غير بنت الفاميليا
ماتخاف ما تخمم المفتاح في يدك
اذا ارخفت هربت عليك
واذا زيرت امشات وراك
الله يرزقك بنت الحلال
مازال الخير في بنات الجزائر
ماتقطعش لياس
كيما كاين بنات ابليس
كاين ثاني الي ادخلك للفردوس
تحياتي:regards01:​

 

[أمــ وليــد الجزائرية]

شكرا على الموضوع ياغاليتي
نقولك حاجة هاني توحشتك و بزاااااف
نولي للموضوع و نقولك عندي سؤال ولي هو :


ماهو السبب الي يخلي المرا تتبدل ؟

يعني تكون بوجه و كي تتعود على ناس دارها تدور عليهم ؟؟

​

 

[وجع الظلم]

شكرا على الموضوع ياغاليتي ​

نقولك حاجة هاني توحشتك و بزاااااف
نولي للموضوع و نقولك عندي سؤال ولي هو :​

ماهو السبب الي يخلي المرا تتبدل ؟​

يعني تكون بوجه و كي تتعود على ناس دارها تدور عليهم ؟؟​

يتوحشك الخير يا الحبيبة
شوفي الزواج ثقافة
مشي معنتها المتعلمة لالالالالالالالالالالا
جدودنا كانو جهلاء بصح كانو حكماء
كان عندهم الزواج حاجة مقدسة
تتزوج باه تبني البيت وتغرس جنانها وتسقيه
اليوم تتزوج غيرباه ما قولوش عليها عانس
ونزيدك مرات الام تلعب دور كبير
مشي تنصحها ...
تشعل فيها النار قبل ما تروح عندهم
اتشين لها النية
ديري وديري وبالاك وكوني فحلة وكوني وكوني
كيفاش ما تتفرعنش يا ارحم والديك؟
اتقولي رايحة للحرب مشي للحب
اتجي مستعدة ومسلحة تسنا غير شكون يبدى
تبداها داري وحدي
بعد الدار
مانحب حتى واحد اديرونجيني
ما نجيكم ما تجوني
من هنا خلاص تتكسر القلة ويصدر البيان
والعيب كي يخرج كي الرصاص
ما يعاودش يرجع كيما كان
لذا نوصيكم يا بناتي
ديرو النية وزينوها
العجوزة دعوتها تلحق اذا ظلمتوها
والصح في الكانون
مشي الراجل وحدو
شوفي نقولك سر عمري
ديري روحك اتفوتي في ستاج
جربي ماكي خاسرا والو
هاذ العايلة راكي غريبة عليها
حتى لو كان تتزوجي من عايلتك
بعد الزواج تولي كنة دخيلة عليهم
ديري كيما ايديرو ما تحوسيش تتفيهمي عليهم
اعجوزتك قالت كلمة دارت رومارك؟
يا لالا ماعليش الي فات على كلمة فات على روح
اختو بدات تتفيهم عليك
احسني عونها انت صغر منها صتي راجل
وهي مسكينة ما زال ما فرج عليه ربي
القفازة مشي بالعيب
المراة الفحلة تكسب مشي تحسب
احنا راهم يحسبو داري ودارك قشي وقشك
اكسبي فاميلت راجلك
باه اذا لا قدر ربي دار عليك الراجل ولا اتعوج
اتصبيهم في كتافك
بصح اذا كان العكس ازيدو يشعلو النيران غير باه يتهناو منك
تعيا العايلة ملمومة يا بنتي وتتفركت
يبقا غير العيب
الي تحوس تبني وتعلي ادير الساس
ولي تتزوج غير باه تكسب و تحسب تصاحب ابليس
ياوالله غير كيما دارت يندارلها
انت ثاني يا بنتي اجي نهار تولي عجوزة واتجيبي كنة
اكسبي وبركاي ما تحسبي
الله يوفق الجميع ووفقك يا رب
والله الي تكون متربية وطيبة في دار بوها
لا خوف عليها حتى لو عاشت مع الذيوبا
تحياتي:regards01:​