عراس شعبان فلاس ؟ ولا هواس ؟ولا تصداع راس؟

[وجع الظلم]

السلام عليكم
بكري كان زواج ليلة تدبيرو عام
وما يحلى الزواج غيربالعرس صح
العرس بنة والزواج جنة ما قلنا والو
بصح يا لحباب
رانا انشوفوالعجب
كثرت التقرقيب وقلة النقيب
رمضان قعدلو سبوع والناس تجري لدفوع
الديجي مطلوق
ما يقولو مريض مايقولو صغير نايم
هاذ لعباد ما تحير ما تخمم
مانيش ضد الفرحة
بصح لهواس وتكسار الراسعلاش؟
رمضان يدقدق في الباب
وحنا ما زال الديجي طالق اهبالوحتى لصباح
الوقتاش؟
لعراس عندكم بصحتكم؟
وحنا علاه نتحملو لهواس وتصداع الراس؟
والله ما عرفنا
يا منا نشكو من مصروف رمضان
يا منا لعراس دايرا حالة في شعبان؟
فهمونا يا ارحم الوالدين
عراس شعبان
فلاس ؟ ليكم
ولاهواس؟لينا
ولا تصداع راس؟ليكم ولينا
وكلش مبروك:regards01:​

 

[حفيد هواري بومدين]

العرسات ولات عندنا اماكن مخلة تقريب بالحياء ماش غير الحس برك
وافقت على الموضوع

 

[nina usma]

ايييه ربي يهني كل واحد و وحدة تزوجت


مي بالاك حبو يتهناو قبل رمضان


كل واحد زطروفو


تقبلي مروري​

 

[أم أمين23]

هههههههههههههههه طريقة مليح في طرح الموضوع كالعادة
وهادي هي العادة ديما مع الشعبان يزربو الافلام باش يجيبو الكنة قبل رمضان كأنو الايام راح تفض لازم يجربو العروس هههه
والمكشل كيما قلتي انهم في الاعراس ما يحترمو لا جار ولا قريب ولا بعيد الفوضى والحس والمشكل الكبير هو التصريح الي يتمد لقاعات الافراح الي تكون وسط التجمعات السكانية من المفروض احتراما للناس تكون القاعات بعيدة في اماكن ماشي مزعجة للناس والا يعملو الميكروات والباف لداخل برك وبصوت مقبول بصح الله غالب هاد العقلية مدام عرس لازم نفرحو ونفرحو كامل الغاشي وما يهمش الا هوما فرحو والا تصدعو المهم لازم نقولو حتى شيء ليلة وتعدي اليوم عندهم وغدوة عندنا

 

[SAMIRA25]

موضوع من الواقع كلامك كل صح و هدي حال الناس
كان بكري شهر و نصف قبل رمضان يحبسو الزواجات حتى يخلص رمضان دوك ولات اللهفة على كل شيء
و ديجي راه ماش في اعراس الزواجات برك راه عاد في كل فرح حتى لي يدي السيزيام و يديرولو حفلة ب الديجي
ربي يهنينا و هدينا جميعا
يعطيك الصحة اختي على الموضوع​

 

[فتاة حساسة]

ههه واشبيك ا اختي على الزواج ..هاد الليمات اكي جابيتها غير من وراه ..
المهم نوليو لموضوعنا ..والله كيما قلتي عادو العراس قبل رضان بززاف ..والدييجي اكديلي عليه ..المهم ربي يهني كل واحد تزوج ..وربي يهدينا ..شكرا ليك على الموضوع
​

 

[Nilüfer]

Viive 3rass bekri

kanet fihom niya wel horma

w kan Allah Ybarek Fihom

nchoufou ghiiir jdoudna

na3arfou wach ma3nass la7lal
​

 

[وجع الظلم]

اصبرو عليا يا لحباب ايمات انولي ونجاوبكم
سامحوني
شكرا على التدخل​

 

[وجع الظلم]

ايييه ربي يهني كل واحد و وحدة تزوجت​

مي بالاك حبو يتهناو قبل رمضان​

كل واحد زطروفو​

تقبلي مروري​

عندك الحق
بصح وقيلا ما فهمتيش قصدي
انا قصدي بكري ما كناش نشوفو لعراس في شعبان بزاف
لوكان غير يفرحو وتكمل الفرحة
كي تشوفي التقرقيب
تقولي بصح
وغير يدخل الشتاء تتعمر دار الشرع:$
كيما قلتي الله اهني العروس بعريسها
شكرا يا الغالية على مرورك الطيب:regards01:​

 

[أم الأولاد]

لعراس تاعنا ماشيين ويبسالو
الناس حاطين روحهم في تطور
مي هوما يعومو في التخلف
​

 

[وجع الظلم]

هههههههههههههههه طريقة مليح في طرح الموضوع كالعادة
وهادي هي العادة ديما مع الشعبان يزربو الافلام باش يجيبو الكنة قبل رمضان كأنو الايام راح تفض لازم يجربو العروس هههه
والمكشل كيما قلتي انهم في الاعراس ما يحترمو لا جار ولا قريب ولا بعيد الفوضى والحس والمشكل الكبير هو التصريح الي يتمد لقاعات الافراح الي تكون وسط التجمعات السكانية من المفروض احتراما للناس تكون القاعات بعيدة في اماكن ماشي مزعجة للناس والا يعملو الميكروات والباف لداخل برك وبصوت مقبول بصح الله غالب هاد العقلية مدام عرس لازم نفرحو ونفرحو كامل الغاشي وما يهمش الا هوما فرحو والا تصدعو المهم لازم نقولو حتى شيء ليلة وتعدي اليوم عندهم وغدوة عندنا

عندك الحق
ليلة وتعدي نهار عندك ونهار عندي
بصح يا لحبيبة
المشكلة ما راهيش في لعراس مانيش ضد
المشكلة كي كون العرس انهار الخميس
والزيطة تبدى بالاثنين
تخيلي كل يوم من صباح ربي حتى للليل والديجي طالق اهبالو
راني نقصد لعراس الي يندارو في الدار
مشي تاع لاصال
بالاك هذه الظاهرة موجودة غير في المناطق الداخلية
وماراهيش موجودة في المدن الكبرى
لذا اتشوفي العجب
يقطعو الطريق باه يبنو (الgaيطون ) يبنوه بالباش هذا ديجا ازعاج
ازيدو يطلقو الديجي لاعلى درجة
اغاني ساخطة تسمعيها سيف عليك
حتى عند الاذان ما ينقصومن الديجي ما يحشمو
ونهار العرس
شوفي الكورتاج هبال حتى ولادهم اريسكوبحياتهم
اركبوهم في باب السيارة ما يقولو اطيح ما يقولو تضربو لوطوجاية
ونزيدك كي تنوضي اصباح
تصيبي قرع الخمر حاشاك مرمية هنا ولهيه
يلعبو بيها الاطفال ومرات حتى يذوقوها
هذي هي لعراس الي قلت عليها هواس وفلاس وتصداع راس
الله يهني العريس بالعروسة
شكرا يا لحبية على مرورك الطيب كي العادة
وكلامك الزين
ربي اخليك شكرا:regards01:​

 

[وجع الظلم]

موضوع من الواقع كلامك كل صح و هدي حال الناس

كان بكري شهر و نصف قبل رمضان يحبسو الزواجات حتى يخلص رمضان دوك ولات اللهفة على كل شيء
و ديجي راه ماش في اعراس الزواجات برك راه عاد في كل فرح حتى لي يدي السيزيام و يديرولو حفلة ب الديجي
ربي يهنينا و هدينا جميعا

يعطيك الصحة اختي على الموضوع​

الله اسلمك يالحبيبة
ناس بكري كانو حكماء
علابالهم بلي رمضان الناس كامل امرمضنة
تخيلي عروسة جديدة
ما تعرفش عوايد عايلة الراجل
هما اطيبو شكل وهي في دارهم اطيبو شكل اخر
والمصيبة اذا اتزوجت براجل منارفي
في الاسبوع الاول اتقوم قيامتها
هذا طياب؟
هذا عجين؟
واذا كانت مع العجوزة الله يستر
وبزاف الي يطلقو بسبايب تافهة
الديجي في السيزيام والباك موضوع اخر خلي البير بغطاه:p:s
الله يستر وشكرا على المرور​

 

[وجع الظلم]

ههه واشبيك ا اختي على الزواج ..هاد الليمات اكي جابيتها غير من وراه ..

المهم نوليو لموضوعنا ..والله كيما قلتي عادو العراس قبل رضان بززاف ..والدييجي اكديلي عليه ..المهم ربي يهني كل واحد تزوج ..وربي يهدينا ..شكرا ليك على الموضوع ​

والله غير ضحكتيني:d:d:d
بصح راني جايبتها غير ورا لعراس:p
هبلوني
يا لخيا راني نقصد لعراس السامطين
لا بنة لا راس مال
كثرت التقرقيب وقلة النقيب
حتى البراكة ماكاش
المشكل عندنا ما راناش فارحين بالعروسة
فارحين بالشطيح والرديح
كل واحد احوس افرح روحو برك
كيما يقولو بكرا النكد بكرا:d:d:d:d
والعروسة في رمضان اتبان شطارتها
واذا كانت الله غالب مشي مصيبة؟
شكرا على المرور ونوصيك بالاك تتزوجي في شعبان؟
:regards01::regards01::regards01::regards01:
​

 

[وجع الظلم]

Viive 3rass bekri​

kanet fihom niya wel horma​

w kan Allah Ybarek Fihom​

nchoufou ghiiir jdoudna​

na3arfou wach ma3nass la7lal​

[/QUOTE]

عندك الصح
وين راهم اعراس زمان
البنة وراس المال
يا حسراه
شكرا يا الحبية على المرور
:regards01::regards01::regards01:​

 

[سمسم السمسومة]

هههههه فكرتيني بعرس جارنا هاذاك ديجي على اللخر و أنا ندعي و نعاود يا ربي و يروح الضو و الله حتى 3 تاع الصباح....الاذان يذن و لغنا من هيه كيفاه نتي متهبليش...و تحيري الديجي لفوق و القصابة قافلين الطريق تحت...علاه هاذا كامل يشوفوا يديروا لي صال في بلايص شويا بعاد على الناس و يديروا واش يحبوا...بلاك الحاجة لي فينا رجعنا نربطوا العرس بالصيف برك و ذركا السنين لي جاية تقريبا راح يكون فيها رمضان....واش زعما يخلوا يفوت رمضان و يعرسوا مليحة خير و خير
تحياتي على الموضوع الهايل و رمضان مبارك​

 

[وجع الظلم]

لعراس تاعنا ماشيين ويبسالو

الناس حاطين روحهم في تطور
مي هوما يعومو في التخلف​

شفتي كيفاش
كلش اصماط تعرفي علاه؟
على خاطر الناس ما رهمش يفرحو من القلب
العرس عاد واجب انديروه سيف علينا برك
السن يضحك لسن والقلب فيه الخديعة
عراس تباهي وزوخ وفوخهذا ماكان
شكرا على المرور يا الغالية:regards01::regards01::regards01:​

 

[وجع الظلم]

هههههه فكرتيني بعرس جارنا هاذاك ديجي على اللخر و أنا ندعي و نعاود يا ربي و يروح الضو و الله حتى 3 تاع الصباح....الاذان يذن و لغنا من هيه كيفاه نتي متهبليش...و تحيري الديجي لفوق و القصابة قافلين الطريق تحت...علاه هاذا كامل يشوفوا يديروا لي صال في بلايص شويا بعاد على الناس و يديروا واش يحبوا...بلاك الحاجة لي فينا رجعنا نربطوا العرس بالصيف برك و ذركا السنين لي جاية تقريبا راح يكون فيها رمضان....واش زعما يخلوا يفوت رمضان و يعرسوا مليحة خير و خير​

تحياتي على الموضوع الهايل و رمضان مبارك​

ا هلا سمسومة كيف الحال
صحيح لعراس راهي كثرت والطلاق اكثر
علاه؟
بكري كانو اخمو في العرس لمدة عام
اليوم بين يوم وليلة يندار العرس
كان العرس اخر الاسبوع برك
اليوم راهم كل يوم
ولا تشفاي كنا كي نسمعو الكلاكسو تاع الكورتاج اروحو نجرو:d
باه انشوفو لعروسة الا راهي بالبرنوس ولا بالفوال:-h
اليوم ولينا انخافو من الكورتاج
وما تفرقيش بين العروسة والمعروضات:$
الله ابقي الستر
كاش انهار اديرو لعراس والناس صايمة:-o
كلش ممكن في هذا البلاد:p
رمضانك مبروك يا لعزيزة تصومي بصحة والهناء
شكرا على المرور:regards01:​

 

[أم أمين23]

عندك الحق
ليلة وتعدي نهار عندك ونهار عندي
بصح يا لحبيبة
المشكلة ما راهيش في لعراس مانيش ضد
المشكلة كي كون العرس انهار الخميس
والزيطة تبدى بالاثنين
تخيلي كل يوم من صباح ربي حتى للليل والديجي طالق اهبالو
راني نقصد لعراس الي يندارو في الدار
مشي تاع لاصال
بالاك هذه الظاهرة موجودة غير في المناطق الداخلية
وماراهيش موجودة في المدن الكبرى
لذا اتشوفي العجب
يقطعو الطريق باه يبنو (الgaيطون ) يبنوه بالباش هذا ديجا ازعاج
ازيدو يطلقو الديجي لاعلى درجة
اغاني ساخطة تسمعيها سيف عليك
حتى عند الاذان ما ينقصومن الديجي ما يحشمو
ونهار العرس
شوفي الكورتاج هبال حتى ولادهم اريسكوبحياتهم
اركبوهم في باب السيارة ما يقولو اطيح ما يقولو تضربو لوطوجاية
ونزيدك كي تنوضي اصباح
تصيبي قرع الخمر حاشاك مرمية هنا ولهيه
يلعبو بيها الاطفال ومرات حتى يذوقوها
هذي هي لعراس الي قلت عليها هواس وفلاس وتصداع راس
الله يهني العريس بالعروسة
شكرا يا لحبية على مرورك الطيب كي العادة
وكلامك الزين
ربي اخليك شكرا:regards01:​

مثل هاته الاعراس ما نقبلوها لا في شعبان ولا شوال المفروض يكون ديما كاين مراقبة لمثل هاته الامور خصوصا الا فيها شراب والخمر الافضل تبليغ السلطات هكدا يتعضو والي يدير عرس احسب

 

[aminas94]

موضوعك رائع خاصة وانه في طابع خاطرة مسجوعة نوعا ما

انا انقلك تصداع الراس لينا وافلاس ليهم
ننتظر ما تاتي به قريحتك وشكرا