السلام عليكم ، تحية للجيل الذهبي وتحية لجيل الانانيش وتحية للي نص نص محكمو من محكمو من ههههههههههه كيما انا سواسوة
المهم موضوعي راح يكون معمر بسبان بويسك فريمو خلاص قرعوها هذا الجيل لي دارنا البق الواحد ولا ما يقدرش يمشي الاز في الطريق واشنو هذا ، تحس راك في شوارع نيويورك ، ياخاوتي وشحال نكره هاذي الكلمات السوقية لي جابوهم جدد انانيش ومرنيش عارفة ياودي اخطونا احنا مرناش انانيش احنا جيل قديم بزاف ومتخلفين بالنسبة ليكم ياك قلتوها معليهش قولو متخلفين خلينالكم الحضارة ليكم ، خلينالكم السروال الهابط وشعر القنفود ليكم خلينالكم سروال سليم ليكم ياالحضارة .
تبا لكل فتاة بهدلت بينا ، تركب في البيس ترفع يدها يبان كلش ، وصلت لواحد انوش يقول للمتحجبة علا ش راكي تخبي راهي قدامك ورات كلش ، الله لا تربح نهاراتكم عييتونا شبعتونا تبهدايل ني لوك مشرف وزيد العقلية تقرف ، وزعمة حضارة ، ياعيني ، حضارة كيعندك تلفون اخر عيطة ولا بالطوموبيل ولا في اللبسة ، فاش حضارة ربي يخليكم قولولي
وزيد تقولوا أنوش كينسمعها تقولشي اسم نتاع قط ولا كلب ، كلمة سوقية حد لتم ، نكرها ونتمنى تتنحى من القاموس ، واش ذنبنا ، مرناش متشرفين نكونو في هذا الجيل احنا جيل ذهبي ، كنا نحشمو نرفدو عينينا في البروف ، كنا عايشين كالخاوة ، في الكلاصة ، كنا نقراو ونفهمو بعضانا ماكانش عندنا سوء الظن ، جيلنا ياحصراه ،ودوك النية راحت لازم دير حساب لكل تصرف ، الوقاحة وصلت لاعلى الدرجات الله يهدينا اجمعين .
