خلينالكم الحضارة ليكم ياالانانيش

[المهندس عبد الوهاب]

انا انوش وافتخر :p





والله بصراحة واقع سئمنا منه كثيرا والحلول دوما منصبة على الاسرة فعندما تخلى الآباء وجدنا امثال هؤلاء

جيلنا تربى فعلا على بعض القيم التي لا نكاد نراها اليوم واصبحت غريبة غربة الاسلام الحق في البلدان

فالحياء والالتزام واحترام الكبير وصاحب العلم والمرأة اصبح في خبر كان الا من رحم الله

واصبحنا لندرتهم نتخيرهم ولا نكاد نجدهم

اللهم وفقنا وحسن احوالنا

موضوعك يستحق الاكثر طبعا ولكن تفاصيله تأخذ وقتا كثيرا

تحية من القلب

 

[serinee]

انا قبل من نرد على الموضع لازم نجيبلك كاس ما بارد باين النار راهي شاعلة فيك
و مشكورة موضوع في القمة
اي يا ودي الانانيش و الانوشات راهم دايرين حالة و يشوفو في رواحتيهم جاو من لهيك يا صبحان الله تقول شي كي كانوا في كلش امهم كانو في paris w ......ممبعد مافاقوش حتى صابوا رواحهم هنا
و الله لوين رانا رايحين بيها ولينا تحشمي تخرجي سورتو اون فامي
ربي يسترها برك
مشكورة
​

 

[aminas94]

لا حياة لمن تنادي في أمة عجب الزمان لامرها

اللهم اهدنا سواء السبيل

 

[منايا الجنة]

كي نسمع عليهم قلبي يضرني مانحملهومش الله غالب ربي يهديهم

 

[عفيفة الحبوبة]

المشكل ماهوش في هاد الجيل كله لانه كاين المحترمين و المستورات وو لاد الناس و الفاميليا الحمد لله
الشكل حسب راي في بعض الاباء و الاولياء كيفاه يا سيدي تشوف في ولدها او بنتها في هاديك الطريق و ماتردوش لانه القاصر مهما يكون عقله صغير و يتاثر باللي يشوفه
الله يهدينا و يهديهم الواحد يحاول ينصح لي يشوفه كيمن هاك لانه الكلام عليهم لن يحرك ساكن و احنا ماعلاباناش شكون لي راهو صح و شكون لي راهو غالط
انا نعرف بنات كانوا هكاك و تبدلوا بصح بالنصيحة ماشي بطريقة التجريح و السب​

 

[علي الفاضلي]

مشكورة على الموضوع القيم.

المسؤولية تيحملوها الوالدين بالدرجه الاولى.

وبعدين هذا المراهقين راهم بالغين عاقلين ماراهمش مجانين.


الغزو الفكري الحضاري قضى اعليهم .

وكلام الاخت عفيفة : كلام موزون وصائب

ومع هذا النصيحة ليهم خير من سبانهم .



اشعل المشكل ماهوش في هاد الجيل كله لانه كاين المحترمين و المستورات وو لاد الناس و الفاميليا الحمد لله
الشكل حسب راي في بعض الاباء و الاولياء كيفاه يا سيدي تشوف في ولدها او بنتها في هاديك الطريق و ماتردوش لانه القاصر مهما يكون عقله صغير و يتاثر باللي يشوفه
الله يهدينا و يهديهم الواحد يحاول ينصح لي يشوفه كيمن هاك لانه الكلام عليهم لن يحرك ساكن و احنا ماعلاباناش شكون لي راهو صح و شكون لي راهو غالط
انا نعرف بنات كانوا هكاك و تبدلوا بصح بالنصيحة ماشي بطريقة التجريح .

 

[meriam tlm]

شكرا على الطرح
اول شئ ما نلوموش برك الجيل هدا اللي راهو صاعد
لانو فوق كل بنت ولا طفل يتصرف بهد التصرفات ولا البنت تخرج بهد اللبسات كاين والدين اكيد بغض النظر عن الحالات الخاصة
يعني انا بالنسبة ليا الب اللي يخلي بنتو تخرج بالسليم والكوبي والمزير ولا يخلي ولدو يتصرف تصرفات طايشة اللي هي تصرفات صبيانية ماهوش أب وعندو مسؤولية
لانو كلكم راع وكلكم مسؤول عن رعيته
وكيفكيف بالنسبة للام
لانو ادا الطفلة ماهدرش معاها باباها ولا يماها والطفل كدالك اكيد رايحين يتفتحو عينيهم اكتر واكتر
والله يستنا ويستر خياتنا
لانو في هد الوقت ريكم تشوفو فاين لحقنا للسروال الهابط والسروال السليم كيشغل ماكيش لابسة ولا ماريكش لابس
اما منا للعامات الماجية يلا ربي طول في الاعمار ربي يستر وخلاص رايحين نشوفو العجائب والغرائب
وهدو علامات الساعة الصغرى ومازال باقي الخير القدام

 

[وصال]

لي عودة للرد شكرا لكل من رد في الموضوع اسفى لانني تاخرت على المناقشة غدا ان شاء الله

 

[وصال]

ياو بالعقل يااااااااااااااو
نشوفوا بعينينا وفرات مانحوسوش نفهموا خطاك العقلية ولات
مارGــة


اقل شيئ نحاربوا بيه هاد الشي بقلوبنا ونوكلو امرنا لربي سبحانوا ..

فرغي غشك سينوا تتطرطقي عليهم ههه

ينقل لقسمه .
​

صحيت خويا والله يتلفولك الهدرة واحد ولا يحس روحو انوغمال الله يهدينا شكرا لقبول الموضوع

ذركا معمن تحكي تحكي معاهم و لا تحكي معا والديهم اذا رايحة تلوميهم لازم تلومي والديهم بالدرجة الأولى...الطفل لي يمشي بسروال مقطع و طايح منين خرج ياك من الدار.....و الطفلة لي تخرج بهاذيك الحالة منين...ياك تاني من الدار....أنانيش و لا خفافيش كيف كيف...و نبقاو حنا متخلفين في عينيهم و ديمودي معليش....الحمد لله لي جينا تاع بكري....هههههههه ربي يهدي​

شوفي كيما راكي تقولي صح مع من تحكي ، بصح المالوغ راهم كبار ويعرفو صوالحهم وتلقايهم يديرو واحد العفايس تكودي الراس ، تلقايه طول وعرض وعقلية نتاع زاوش ، الله يهدينا صحيتي خيتو على الرد .

اييييييييييييه ربي يستر برك انا نفضل السكوت على خاطر قلبي معمر لدرجة كووون نحكي نقرقع الدنيا
ديجا قريت الموضوع بديت نغلي
:very_mad::very_mad::very_mad::very_mad::very_mad::very_mad:
​

راه صاريلك واش راه صاريلي 100 % ههههههههههههه لازم منتقلقوش وخلاص بويسك ولاو طاغيين على البلاد لازم نوالفوهم سينو مرحش نقدرو نعيشو .شكرا على المشاركة .

ختي الانوش ماتعرفيهش من اللبسة اللي حاطها برك
الانوش أنووووووووش من عقليتوا الله غالب هاذا ماحلبت
صح كاينة كيما راك تقول عقلية انوش لاطاي انوش حطة انوش وحتى الهدرة انوش ياي يعيو
لي جان تاعنا ذوكا بغاو يقلدوا الاوروبيين والماريكان
مي قلدوهم بطريقة غاااااااااااااااااااااااااااااااااااالطة
الانانيش سيرتوا الذكورة دواهم الصفعة مليح اللي شعبهم صفعة
مي البنات ماضنيتش عندهم حلوووووووووووووووووووووول
​

عندبالك لي تقتلني كيقولوا احنا الحضارة ، ياخويا واش نقولك راح الاستعمار وخلفو الاستحمار حاشاك وحاشا قدرك ، صحيت بزاف على المشاركة في موضوعي .

DZL نسيت نقولك
مرسي على الموضوع المميز
بارك الله فيــــــــــكـــــــــــــــ
تحياتي
​

بارك الله فيك وشكرا على ردك المميز تحياتي .

السلام عليكم
وعليكم السلام ورحمة الله تعالى وبركاته
و الله تع الصح تخرجي برا تحشمي تمشي مع واحد من والديك يفووتو عليك بعض البنات وحدة لابسة فيزو و لخرى jupe mini ولا سليم مع pull

و يفوتو عليك وحد les jeunes سراويلهم طايحين و لابسين des couleurs يعيفو
هادي بلا مانهدرو على الemo الي يكحلو عينيهم
و على les jeunes الي يصبغو شعورهم
ما وليناش نفرقو بين الطفلة و الطفل
العقلية 0 و المخ فارغ سقسيه على الغنا و les artistes يجاوبك مي تهدري في موضوع وحد اخر تلقايه يصفر

اما انت اذا متحجبة و ساترة روحك فراكي متخلفة و ما تعرفي فيها والو

الحمد الله جينا متخلفين و اذا الحضارة ولات بالتبهدايل الي راكم تلبسو فيهم خليناهالكم !!
*- قلبي راه معمر كثر منك عليهم -*
الله يهدي
يعطيك الصحة على الموضوع
​

كفيتي وشفيتي معندي منزيد نقول ، صحيتي على الرد الرائع .

إييييييييييييييييييييييييه\\\\\ بردتيلي قلبي يعطيك الصحة ربي يبقي الستيرة على ولادنا

ان شاء الله بارك الله فيك .

السلام عليكم
وعليكم السلام ورحمة الله تعالى وبركاته

يعطيك الصحة اختي على الموضوع هدا لي راهو قاس في الصميم

هي العقول اصبحت تملؤها الخرافات والتفاهات وكما يسمونها الحضارة الغربية واي حضارة هي انها الامركة التي خطط لها الغرب لغزو الفكر العربي وطمس الشخصية الاسلامية

ولكن . للاسف لم نواجها نحن بالردع ولم نتخذ اتجاها اي تصرف لذلك نحن -الامة العربية- نعيش تحت الذل و الهوان

فعلينا بوضع طريقة للحد من هذه الظاهرة حتى بطريقة بسيطة المهم حنا نديرو الواجب ولازم نحتضنوهم لانهم يعيشو فراغ ولا مبالاة من والديهم والاهل .....البعض يقول كيفاش نحتضنوهم او نكلموهم اصلا هما ما يقيموناش او ما نقدرش نحكي مع واحد في الطريق .....انا ما قلتش في الطريق ومن منا ليس لديه مثل هاته الظاهرة الشبابية في البيت او لديه تلاميد ان كان استاذ او مدرب رياضة او يحتك بالشباب

فهيا بنا للاخذ بايديهم ومساعدتهم وهذا من باب الامر بالمعروف و النهي عن المنكر و الله الموفق احسن ما نقعدو نحكو عليهم ونلوموهم​

:regards01:

مبادرة رائعة منك لطلب هذا الشئ بصح كاينة عفسة هادو الانانيش زيادة الى العقلية 0 الراس يابس يعني تدخلي في الجدال معاه نظمنلك راح يغلبوك بالجهل ديالهم ، المهم ربي يهدينا .

اذا كان الواحد كي يحترم نفسو
وما يبهدلش روحو
ويدير الحاجة الصح
ويرفض الانصياع لعادات الغرب
يكون بالنتيجة متخلف
فهنيئا لمن امتلك اللقب تحت هذه الصفات

وهنا اتفكر واحد القول قريتو يقول
اذا كان العري حضارة
فهنيييييييييييييئا للحيوانات
فهم بهذا المعيار احسننا تحضراا

يا اختي صار اللي نشوفوه يمرض
واللي نسمعوه على ثقافتهم وعلى تباهيهم بتفاهاتهم يقتل

الله يهديهم ويرد عقلهم
لخاطر راهم حاسبين هاداك هو التطور
وان شاء الله يفيقوا قبل ما يفوت الاوان

شكراااااااا ليكي على هاد الموضوع
​

وشكرا ليك على هذا الرد المميز ، والله عجبتني اذا كان العري حضارة فهنيئا للحيوانات لانها الاكثر تحضرا .بارك الله فيك على الرد.

 

[وصال]

السلام عليكم ورحمته تعالى وبركاته
وعليكم السلام ورحمة الله تعالى وبركاته

اولا راح نشكرك بالدرجة الاولى على هذاالموضوع يلي والله العظيم يمس لجرح ويحط عليه الملح ونتمناو انو يتداوا
لا شكر على واجب اختي

يا خيتي واش راح نقولو

كي نخرج مع بابا ولا مع خويا نحشم والله غيرنحس روحي راني انا المذنبة كيما هذوك لابسين لبسة نتاع التبهديل سيرتو لبنات فيزوو راسها تقولي فوقو كسكاس ((رؤوسهن كأسنمة البخت لا يدخلن الجنة ولا يشمن ريحها))والبارفا و الوجه لوحة زيتية .. اذا غطات راسها تعري جسمها قصدي تستروا بالضيق ...ربانعم علينا بالعقل وميزنا عن الحيوانات مي كاينين الحيوانات حاشاك احسن منهم ،كيفاه ما يفرقوش بين الفضح والعرا يكز عمة قاريين مي شكلهم ما قراوش .. مسمعوشبالحجاب وشروطو؟..حضارة خيلاهم هذي ماهي حضارة هذي قلة عقل وتربية..قد ما نوصف مانلقا وصف..

ليمن نحطوا الحق يا خيتي ... على امها ولاعلى بوها ولا على خوها ولا عليها؟

ويقولو الذر يتحرشو بينا

ياو كون سترت روحها واحد ما يحكي معاها .. لولبست حجاب شرعي واحد ما يتعدى عليها ..

والرجلة الرجلة راحت بكري وطحنت الرجالة ..هذا راجل يلي يخلي بنتو تخرج هاك ولا ختو ...مي قوليلي هو ثانيك داير رايو سرولوطايح.. كيفاه يحكم فيها وهو مش حاكم في سروالو ؟ ..

يعرفو اسماء كبيرة للبسة ولامودا مي ميعرفوشالقبلة وينها ..

الزوخ والفوخ والعشا قرنينة

وجعولنا قلوبنا ولينا نكرهو نروحو نقراو ولانخرجو مع العائلة ...

يا ختي قلبي تنفخ والحمد لله ليقت موضوعك نحطفيه

مازال ومازال ما فرغش قلبي


اخيتي انا من جيلهم مي ما يعنولي والو .. انافي نظرهم وحدة متخلفة مزال الحضارة ما صفاتهاش لانو ما نتوافق شمعاهم والحمد لله رب مدلي عقل مرانيش كيفهم,... ربيهديهم ولا يديهم

ربي يهدينا اجمعين وصح كامل واش قلتي واحد تلفتلوا ولا يحس روحو غريب في بلد الغرباء صحيتي على المشاركة في الموضوع .

يعطيك الصحة على الموضوع
الله يسلمك
ديجا هذي الفئة لا لبسة لا عقلية
عيشين بالهف

كيما يقولو هوها:هف تعيش لا فقولك ما عليش

فئة جد سخيفة عايشة بيناتنا
باسم الحضارة....

مشكورة...على الموضوع
​

صحيتي على الرد اختي ، كيما يقولو لي راهو جاي اكرث ، الله لا يلاقينا بيهم ان شاء الله .

يا ختي وصال هبلونا هاد الجيل ذوو العقول الصغيرة ما يخممو فوالو
هبلونا يعرفوا غير لغنا و لامود الجديدة و الآيفون و التشات
تهدرلهم على الدين يقولولك تخلف و ديمودي
امالا يا عباد ربي الحمد لله على نعمــــة التخلـــف
تخرج برا تلقا الطفل لابسلك سروال حمر و تريكو تشيني يفقعلك عينك و شعرو صابغو صفر
الطفلة دايرة طابلو ماكياج و يقولولك حضارة الغرب
هههههههههه قال الغرب قال تبعوهم غير فالعفايس الفاسدين ما يعرفوش يشوفوا الاختراعات اللي داروهم ياخي عباد ياخي

يا ختي وصال جزء من الغلطة راهو فالوالدين اللي ما رباوهمش و الجزء لاخر فيهم باسكو العبد يخمم و كي يخمم يعرف يا لوكان جزء من الصواب ماشي كيما راهوم هوما مرgوها سورتو كي رانا في بلد مسلم و المحيط ديالهم مسلم و عربي و ياك قاع قرينا تربية اسلامية
ربي يهديييهم
و شكرا على الموضوع​

ياختي تقدري تقولي هادو ني دين ني ملة وبكل صراحة طيحونا لقدر ، ولينا منسواوش ، فريمو حاجة يندالها الجبين ، واحد ولا يخاف من الجيل الجاي ، اآآآآآي مرنيش حابة نتخيل كيفاش راح يكون بويسك فرونشمو باين كارييثة

tkt pas
Kool wahed rah 3aref ro7ah
weel 7oor bayen

اكيد الحر باين والناس معادن ، بصح دوك الذهب راه مغشوش والعرق دساس ، ودايما الجزاء من جنس العمل ، واش تحصد تزرع .خلاصة القول ثمرة التربية الفاسدة .
شكرا على الرد .

الحالة راحة يا ما نقولو غير ربي يهدينا

امين يا رب ، يا عين ابكي على ناس بكري ، التربية والاخلاق ، اما دوك نفضنا يدينا من هاذ الجيل لوكان يجي الاستعمار يعرق واحد مايجيب خبرو بويسك رانا لاتيين بالماكياج والجال والبارفا والكوافير و...و.... مراهش هامتنا حاجة غير اللوك والحطة .

انانيييييييييييييش

ياو يعيووووووووو و الله

ربي يهديهم وانشاء الله يفيقو لروحهم

خاطر واحد مراه سامع بيهم​

لالا راكي غالطة راهم سيكسي ياختي بيهم تبنات الحضارة وقفزت الجزائر قفزة طويلة نحو التخلف ، مراكز اولى في الشطيح والرديح ، مراكز اولى في البز والتنGاز، سوبر ستار في الغناء ، اراب قوتايلنت في التمثيل ، والبقية الصالحة اصفار بالمليارات

اهلا بيك وصال
اهلا بيك صفيان خويا
راني حاس بيك وراك فرغتي قلبك صح هه

مزال قلبي معمر شوف ميفرغش حتى كينخرج من الباب منصيبش هاذ الانانيش ، غير يعيفو الواحد صح مستقبل الجزائر ضاع .

تبا لكل فتاة بهدلت بيكم :d

وتبا لكل شاب طيح برجولتكم :d

حنآ ماعندناش أنانيش بزآف
تهنية وتبراد راس
غير دريروات صغآر برك زعمة اللي يحبوا يلبسوا بيآن
ياو لمشكل في شعبنا يحب يقلد كون تخرج لامود تاع اللحية والقندورة ،كامل يعود بيها لمهم يتبعو fashion
وترجع ثاني للأهل لازم يكونتروليو ولادهم ويحطولهم دي ليميت
مانعرف منين جابو كلمة أنوش
​

انوش صغير وفحشوش هههههههههه راهم يغنو عليهم قالك يعني قمة السوبر جياحة هههههههه ربي يهدينا صحيتي خيتو

سلا عليكم راني كيفك الجيل تاب نظرك يزخر لينا من تحت للفوق ومزركشين اخر تركيبة ربي يستر للي بعدو تقبلي مروري

ربي يسترنا صحيتي على الرد .

 

[وصال]

انا انوش وافتخر :p

الله يبارك متشرفين هههههههههههههه


والله بصراحة واقع سئمنا منه كثيرا والحلول دوما منصبة على الاسرة فعندما تخلى الآباء وجدنا امثال هؤلاء

جيلنا تربى فعلا على بعض القيم التي لا نكاد نراها اليوم واصبحت غريبة غربة الاسلام الحق في البلدان

فالحياء والالتزام واحترام الكبير وصاحب العلم والمرأة اصبح في خبر كان الا من رحم الله

واصبحنا لندرتهم نتخيرهم ولا نكاد نجدهم

اللهم وفقنا وحسن احوالنا

موضوعك يستحق الاكثر طبعا ولكن تفاصيله تأخذ وقتا كثيرا

تحية من القلب

ردك يثلج الصدر ، والله كما تفضلت المشكلة اكبر بكثير اذا ما نظرنا اليها من كل الجوانب والذي يخيف اكثر هو انهم ورثة المستقبل فلن اتخيل بلد برمته يحكمه انوووووووووووووش ياي مجرد التفكير يقتلني .

انا قبل من نرد على الموضع لازم نجيبلك كاس ما بارد باين النار راهي شاعلة فيك
و مشكورة موضوع في القمة
اي يا ودي الانانيش و الانوشات راهم دايرين حالة و يشوفو في رواحتيهم جاو من لهيك يا صبحان الله تقول شي كي كانوا في كلش امهم كانو في paris w ......ممبعد مافاقوش حتى صابوا رواحهم هنا
و الله لوين رانا رايحين بيها ولينا تحشمي تخرجي سورتو اون فامي
ربي يسترها برك
مشكورة
​

ياختي هادو المشكل ديالهم Gراف في كلش والله وجات في اللبسة معليهش المشكل حتى المبادئ وتخلاو عليهم ، واذا تخلينا على المبادئ قولي للجزائر وداعا من درك .شكرا جزيلا .

لا حياة لمن تنادي في أمة عجب الزمان لامرها

اللهم اهدنا سواء السبيل

امين يا رب العالمين ، شكراجزيلا .

كي نسمع عليهم قلبي يضرني مانحملهومش الله غالب ربي يهديهم

رانا كامل موجوعين ربي يهديهم للطريق المستقيم ويبصرنا ويبصرهم بعيوبهم .

المشكل ماهوش في هاد الجيل كله لانه كاين المحترمين و المستورات وو لاد الناس و الفاميليا الحمد لله
الشكل حسب راي في بعض الاباء و الاولياء كيفاه يا سيدي تشوف في ولدها او بنتها في هاديك الطريق و ماتردوش لانه القاصر مهما يكون عقله صغير و يتاثر باللي يشوفه
الله يهدينا و يهديهم الواحد يحاول ينصح لي يشوفه كيمن هاك لانه الكلام عليهم لن يحرك ساكن و احنا ماعلاباناش شكون لي راهو صح و شكون لي راهو غالط
انا نعرف بنات كانوا هكاك و تبدلوا بصح بالنصيحة ماشي بطريقة التجريح و السب​

اختي الكريمة شكرا جزيلا على الرد في الموضوع ، حبيت نقولك حاجة انو الانسان لي راه داير روحو جيست جامي ويلا يتقبل النصح ، وشحال تحاولي معاه غير لي راح للطريق هداك عن طريق الخطا يعني ماكانش عارف العواقب ، والموضوع كان لازم يكون فيه سب باش يعرفو بلي هادي مهيش عفسة لي نصفقولهم عليها ، ونمدحوهم فيها ، هكذ اي واحد قاسو الموضوع ولقاه يشبهلوا يدير حساباتو وربما يتغير نحو الاحسن .والله اعلم .

مشكورة على الموضوع القيم.
لاشكر على واجب

المسؤولية تيحملوها الوالدين بالدرجه الاولى.
بالتاكيد نعتبروهم ثمار للتربية ديالهم
وبعدين هذا المراهقين راهم بالغين عاقلين ماراهمش مجانين.
صح من جهة اخرى

الغزو الفكري الحضاري قضى اعليهم .


وكلام الاخت عفيفة : كلام موزون وصائب
صح

ومع هذا النصيحة ليهم خير من سبانهم .
شوف خويا هو وين راه لي راح الانوش وسبو ديراكت هذا الموضوع بطريقة ما يبين ان هذه الفئة منبوذة وغير مقبولة ، وهو كان يعبر عن حالة جازت عليا خلاتني نحكي بلونGلي ، صدقني نهار تشوف الانفلات الخلقي يوصل لاوج وقاحتو مرحش دير فيه موضوع خالي من السبان ، واحنا في كل الاحوال كاين وكاين الناس معادن .

شكرا على الطرح
العفو
اول شئ ما نلوموش برك الجيل هدا اللي راهو صاعد
لانو فوق كل بنت ولا طفل يتصرف بهد التصرفات ولا البنت تخرج بهد اللبسات كاين والدين اكيد بغض النظر عن الحالات الخاصة
يعني انا بالنسبة ليا الب اللي يخلي بنتو تخرج بالسليم والكوبي والمزير ولا يخلي ولدو يتصرف تصرفات طايشة اللي هي تصرفات صبيانية ماهوش أب وعندو مسؤولية
لانو كلكم راع وكلكم مسؤول عن رعيته
وكيفكيف بالنسبة للام
لانو ادا الطفلة ماهدرش معاها باباها ولا يماها والطفل كدالك اكيد رايحين يتفتحو عينيهم اكتر واكتر
والله يستنا ويستر خياتنا
لانو في هد الوقت ريكم تشوفو فاين لحقنا للسروال الهابط والسروال السليم كيشغل ماكيش لابسة ولا ماريكش لابس
اما منا للعامات الماجية يلا ربي طول في الاعمار ربي يستر وخلاص رايحين نشوفو العجائب والغرائب
وهدو علامات الساعة الصغرى ومازال باقي الخير القدام

صح الله يهدي ماخلق ، يعني تملص كلي من المسؤولية ، اين دور الام الاب كما تفضلت ، المهم الله يستر وخلاص .

 

[Impératrice Fille]

الله غالب تهدري معاهم ترجعي انتي اللي معقدة عقولهم مغسولة بتقاليد الطايشة اللي هزوها من عند الغرب اللي رايحة تديهم غير للهلاك ..


ربي يهدينا هذا واش نقدروا نقولوا
​

 

[nour el yakine]

سلمت يمناك على هذا الموضوع والعبارات اللي تبرد القلب ما عليا غير نقول هذا القول المشهور :
إذا كان العري حضارة ،فهنيييييييييييييئا للحيوانات ، فهم بهذا المعيار أحسننا تحضرا

 

[dhikra]

التقلاش وال***** خليناه للانانيش

 

[magique]

والله ياوصال يعطيك الصحة ،بردتيلي قلبي وزدتي شوي،
باينة لي قلبك معمر وحنا تاني ،راهم فزدولنا الحالة هاد الفئة انا لي حايرة فيه،منييييييييين جاو يادين الله مافهمتش؟؟؟؟؟؟؟

منين جاو ومنين ينحدرو؟؟
الله يقطع الراسة تاعم فزدولنا العقلية خلاص يزيدو شوي مايبقاوش الرجال..
حسبنا الله ونعم الوكيل
​