مطبخك في رمضان ..في اللمة الجزائرية تحلى جمعتنا

[روز]

بصحتكم حبيبتي
فطرتو؟:-o
العاصمة قبلنا ب 10 دقائق

لالا مش نسكن في العاصمة حاليا راني في قطر
ههه سخفتك وقيل

صحا فطوركم جميعا

لحم ايفيلي جا بنين عكس ماكنت متوقعة لاني مانحبوش بزاف
وجبنة كيري ذابت مالقيتهاش مي خلات الطعم نتاعها هايل

 

[حاملـة المسك]

السلام عليكم
صح فطوركم البنات ربي يتقبل منا ومنكم
ماشاء الله طوابل متنوعة نورت القعدة ربي يديمها نعمة
تحياتي لكل حباباتي من الالف للياء و بالاخص لحباباتي لفي الخارج
امنيتي روز ايمان ام ندى ابتسام ام خديجة برنساس تسمحلي لنسيتها
عفاف بالصحة ليك العمرة اتذكرينا بالدعاء :$
راهم دارو جسر جوي جديد ساير داير على الكعبة طوفي عليه باش تسهل علينا شوفتك :d:p
فطورنا كان طاجين الزيتون و الحلو و ميني بيتزا و بوراك خبز حبيبتي ام كوتر
اتهلاو في رواحكم لبنات و مضيعيوش بركة رمضان غير في الطياب خصو وقت لقراءة القران افطرو على صلاة التراويح في مكة
استغفرو في كل اوقاتكم
و كما قال الامام محظوظ من عاش لرمضان هد العام فاستغلوه لرفع الميزان .​

 

[روز]

يارغود لكي وحشة قد جبال الهمالايا في الكبر والعرض والارتفاع ههه

الجام عندكم باطل ياسلام
في بعض البلايص يلزم تعرقي العرق البارد والسخون باش يجيك جام وفوق القلب تاني ههه

 

[روعة2005]

رمضان كريم على غوالي المنتدى وعلى كل الامة العربية المسلمة تحيااااتي للجميع دون استثناء
العشية سلك راجلي النت هذا وين قدرت نطل عليكم راح نحطلكم فطور امس واليوم ونولي نراجع ونمتع عويناتي بطيابات حباباتي الغاليات
روز مممممممم فيلي هايل مع الديكور ياسر باهي )))))صحا رمضانك وصحا فطوركم بوسة كبييييييييرة لامورة
المهم صحاااااا فطوركم كاملين
هذا بريوش تطبيقي المتكرر للغالية ام رامي درتولهم لسحور اول ليالي رمضان

امس درت بوراك بالجاج والفرماج +جاري+طاجين حلو المطلوع مدرتش

​

​

اما اليوم درت جاري+فريت وكبدة مشرملة+وعجنت الكسرة+بقا الطاجين الحلو

​

لسهرة جاب راجلي باتيسري

اللهم ادمها نعمة واحفظها من الزوال​

 

[serinee]

sahhha ftourkoum
w rabi yatkabal mana w mankoum
w atbakoum kolha ray3a w kol tabak ahla man khoh
rabi ynawarkoum
hna el youma zadna bark bourak w slayat kan bka man ftour el barah
rabi yatkabal slatkoum w saha shourkoum
​

 

[ام قصي]

كلش هايل انتاع ابنات ابلادي من شرقها الى غربها ومن جنوبها الى شمالها
ومن المحيط للخليج
او منساوش القارة العجوز واصحاب الماريكان
رور احتج لاغوسات

​

 

[حاملـة المسك]

عصير البرتقال تميتو و الجامات مكملتهمش :s النت تقيلة ايقونة الاعجاب حلفت لا تظهر

​

 

[somo_81]

صح فطوركم كامل
روعة على سلامتك حنونة و بصحتك كلش
روز بصحتك الحم افيلي خرجلك مممممممممممم
هادو تاع الصفحة الاخيرة و الله نسيت واش شفت مي اسمحولي راني تقريبا مازالني صايمة و الله قلبي راح يخرج من بلاصتو رحمتك يا رب

 

[ام قصي]

راني اكليكيت فيها ازكارى يا حاملة المسك

 

[somo_81]

نحط فطوري تاع اليوم

 

[ام قصي]

صح فطوركم كامل
روعة على سلامتك حنونة و بصحتك كلش
روز بصحتك الحم افيلي خرجلك مممممممممممم
هادو تاع الصفحة الاخيرة و الله نسيت واش شفت مي اسمحولي راني تقريبا مازالني صايمة و الله قلبي راح يخرج من بلاصتو رحمتك يا رب

صحا افطورك كولي الفاكهة ذرك اتنحي اعليك او ربي ايكملك او تفرحي بمسعود وانيسة بقدور

 

[كوثر الوهرانية]

صح فطور اللماويات الفحلات اليوم راني الحمد اله احسن من امس بكتير
جبتلكم تشوفوا فطوي نتاع اليوم الله يقوي الخير على الجميع

​

 

[~lola.dz~]

صحآ فطوركم يآحرآير

تعرفوآ ملي سجلت هنآ لبراي فوطوآ مولآتش كآمل تخطيني ههه ..:d
صورتلكم والبورآك درت بزيادة لبآرح صافي كان يسخن ملحقش يتصور مسكين ههه
رآني نحط قيس مآتشوفوآ منبعد نكمل نزيد نحط طبآسآ
كون تشوفوني كيفآش نولي نجري تموتوا بالضحك ههه

بسم الله
سلآطة

شريبة

غرآتآن بذنجآ ن جآ روووعة

شطيطحةدجآج

طجين الحلو

هآدي فوتوآ اونسومبل هههه

هيآ انشآء الله يعجبوكم حبآبآتي
​

 

[imane27]

صح فطوركم لبنات ​

 

[ألاء الرحمـــن]

صحا فطوركم من شرق للغرب ومن الشمال للجنوب والمغتربين وربي يصبر الي مزالو
روز ممممممم شهيتيني بصحتكم
سرسورة ديما الاولى نجي نسن عندكم هههه بصحتك
روعة ديما روعة على سلامتك وكي العادة فنانة فأطباقك
اليوم خطفت شوية صور فالكواليس علبالكم نسكن وسط العائلة ونحشم نصور قدامهم
باركولي لبراي فطرت بعد صيام طويل هههههه
بسم الله بندا
خبز نص خمير

سلاطة صورتها قبل ما نكملها :d

بوراك

حميص

فريت

سكالوب

وشربة فريك ملحقت نصور

​

 

[روز]

كلش هايل انتاع ابنات ابلادي من شرقها الى غربها ومن جنوبها الى شمالها

ومن المحيط للخليج
او منساوش القارة العجوز واصحاب الماريكان

رور احتج لاغوسات

​

حسبت واحد مايدوموندي عليه بسكو شكلو ماجاش كما حابة رغم انو بنتو تهبل

شريت هبرة كبيرة نتاع لحم مالقيتش وش نعملها
امالا شَرَحتها بالموس حتى ولات رقيقة وطويلة امبعد درت درتو بالشرمولة
الشرمولة هي :
شوي كمون زريعة ورند و3حبات قرنفل gـليتهم فوق النار ودقيتهم وخلطت معاهم
البصل مرابي والثوم والفرماج رابي وشوي زبدة ودهنت بيها اللحم كامل

وطبخت الدجاج وفتتو وزدتلو ذيك التتبيلة ودرت حربوش نتاع دجاج في وسطو جبنة كيري
وحطيتو فوق اللحم ولويتو وشديتو بالخيط باش مايرجعش يتفتح
هذاماكان وامبعد زدت دهنت بلي تبقا من التتبيلة من فوق وخليتو ليلة كاملة في الثلاجة
واليوم طيبتو
غطيتو بالباي المينيوم وكي طاب نحيتو وخليتو يتحمر من فوق
جا هايل

 

[ألاء الرحمـــن]

الله يبارك راكم تطيرو طيران درت رد لقيت ردود هههههههههه
ام كوثر سهامو لولا رغودة وللجيمع بصحتكم واش طيبتو تحفتونا بأجمل واحلى الاطباق والي نسيتها تسمحلي

حالياً الأعضاء النشيطين الذين يشاهدون هذا الموضوع : 61 (31 عضو و 30 ضيف) ‏ألاء الرحمـــن, ‏ђĩหđǿĉħǻ, ‏AMMOUNA IMEN, ‏منتهى الجنة, ‏ام مراس, ‏ام خديجة1, ‏ام زهرة و خليل, ‏ام قصي, ‏اسال الله الفردوس, ‏dahbito, ‏djihad-17, ‏emili, ‏بنت الجسور المعلقة, ‏fatima_19, ‏High hopes, ‏ibtesem, ‏imane27, ‏حاملـة المسك, ‏mimi53, ‏miss-imane, ‏nada242008+, ‏روز, ‏روعة2005, ‏samora68, ‏sarah11, ‏shahrazad, ‏somo_81, ‏soussen, ‏s_luna, ‏كوثر الوهرانية, ‏ziassiaجمهور غفير:up:
​

 

[روز]

الله يبااارك موائد تشهي فعلا
ياسمين وسومو وروعة وكوثر ولولا ووو ماشاءلله سومو راكي تنحي في العين كل هذا وراكي مريضة وكي تكوني صحيحة وش تحطينا الله يبارك ربي يسهلك ويخفف عليك الوحم
هذي مدة مش نشوف في موائد
راني تكوديت وقيل

 

[روعة2005]

رغود قبل مانكمل التبعبيبر راحت السمعة ههههه جيت نراسلك لقيت خارج نطاق المراسلة المهم نحببببببببببببببببببك
صومو اهلا وغلا اولا ربي يقدرك اختي والله حاسة بيك انا الجوع والعطش مكانش بصح الدوخة والفشلة تدي وتجيب الله المستعان
وفطورك ممممممممم يهبل يهبل انا اليوم جبدت لكويس وقطعت الموشطو وليت جاب راجلي الكبدة وقالي ديرها زعمة كان فطوري اخو فطورك خخخخ مخلوفة غدوة
لولا فطور يشهي يالشطورة بصحتكم مممم سخفني الغرتان
ام قصي فطورك كامل مكمول الله يبارك عليك الفحلة
فريدو ممممممممم مايدتك عامرة تسخف يعطيك الف عافية وربي يشافيك
ياسو الفحلة الزينة كلش من دياتك عسل تبارك الله عليك والسلطة متزيديلها والو مممممممم واش نحبها هكاك تمسح القلب

 

[nada242008]

السلام عليكم وصحا فطوركم جميعا
اولا نرحب بالغاليتين فوفة ورغود نقولكم زدتو في الكوزينة النص :$
روعة اطباقك هاااااااااايلة يخي قتلك جاري تاعك وحدو يخطف الاضواء هههه والكبدة والمطلوع كلش يشهي بصحتكم
ام قصي هي اول واحدة تحط هههه قافزة وناشطة صايمة ولا فاطرة هههه طابلة متحوفة يعطيك الصحة
روز يعطيك الصحة على الرولي تاع اللحم شكلو امممممممممم
فوفتي فطنتي ولا نجيب الريحة هههههههه
لويزة وام زهرةوام خديجة وريمة وياسو وصومو ولي حطو طوابلهم روطار هههه يعطيكم الصحة وصومو ربي يعينك ويقدرك
هذا فطوري تاع ليوم
الصور خرجولي كبار مافهمتش واش بيه الميكرو ليوم

وللسهرة درت لي سيقار