مساعدة من فضلكم من الامهات قاطو بالحليب طفل 6 أشهر

أ

أم انس عبد الله

:: عضو مثابر ::
السلام عليكم ورحمة الله وبركاته
في 17 جويلية يقفل 6 اشهر
انا بديتلو الاكل لي سوب والفواكه مرحية والجي
وحبيت نبدالو القاطو بالحليب
حبيت نسقسبكم اما حليب نمدلو مع القاطو
وادا كاين حاجة اخرى نمدهالو قولولى
وجزاكم الله خيرا
 
آخر تعديل بواسطة المشرف:
السلام عليكم

أولا ربي يحفظلك وليدك

ثانيا لست أم ولكن عندي خبرة مش واسعة ولكن ربيت خويا ^__^

شوفي سلقيلو جزر وباطاطا وروسيهالو مليح خليها جارية بشويا نتاع الماء الي سلقتي فيه الخضر

بدون ملح أو سكر أو او خليها هاكك طبيعية

تفاح ولا الايجاص تاني طبخيه فلماء وروسيهالو

او بانان روسيهالو

خليه يشرب الحليب ودعميه بهاد الاكلات أهم شيء نضميلو وقتو فالأكل

بالتوفيق
​
 
بارك الله فيك حنونة
ايه نديرلو واش قلتى
بصح حبيت نعرف ادا نقدر نبدالو القاطو بالحليب
وواشمن حليب نستعملو ادا حليب كنديا ولا لحضة ولا حليب تاع شكارة
 
وفيكِ بآرك

أحنا كنآ نمدوآ لخويآ ولكن كمية قليلييييية وغي 3 مرات فالاسبوع

علاغاطر كان يقصحلو كرشو انتي دركا خليكي بالخضر والفواكه مرة على مرة خلعيه بلقاطو ولحليب

وكي يصير عندو 7 اشهر أو 8 أشكر يكون حكم روحو شويا

موفقه


​
 
اللهم آمين وياكي إن شاء الله

ولكن ليس كلامي هو النهائي

إنتظري الأخوات والأمهآت يزيدو يدعموك بشي معلومآت

قتلك برك لي نعرفو ^_^

دمتي وصحا فطورك
​
 
قال السلفية الصغيرة:
بارك الله فيك حنونة
ايه نديرلو واش قلتى
بصح حبيت نعرف ادا نقدر نبدالو القاطو بالحليب
وواشمن حليب نستعملو ادا حليب كنديا ولا لحضة ولا حليب تاع شكارة
إضغط للتوسيع...

أهلا بيك أختي السلفية ان شاءلله راكي بخير ماشاءلله راه كبر

خلعتيني كي قلتي تستعمليلو حليب كانديا ولا تاع الشكارة؟؟
لالا الطفل الصغير عمرك ماتمديلو حليب الشكار ولا حليب كنديا
اذا ماكنتيش ترضعي فيه اعطيه الحليب الي يناسب سنو راه عند الصيدليات

اما القاطو مازال شوية لما يصير عندو 8أشهر تقدري تبدايلو القاطو مع شوية ماء فقط
يعني قاطو بيمو+ دفي ماء شوية وتفتي القاطو وتعطيهلو وتقدري تعطيهلو في الحليب نتاعو

اضافة للعصائر تقدر الان تعطيهملو يلزم يكونو طبيعيين مش صناعيين يعني نتي تعصريهم في الدار

والاكل غالبا تبدايهلو من 8اشهر لكن بدون توابل تقدري تعطيه الكسكس والماكلة لي تاكليها شرط كما قتلك ماتكونش فيها التوابل الحارة وتكون مهرووسة جيدا
ابدايلو شوية شوي مش مرة وحدة
والاكل الان كما قاتل سوسو خضر مغلية بدون ملح مع قطرات زيت زيتون
او اشريلو *****اك عند الصيدليات راه مليح بالقمح والعسل والفواكه
 
و عليكم السلام
روز و سوسو راهم كفاو و وفاو
ننصحك ما تمديلوش حليب كنديا.. حتى يعمل عام
و اسلقيلو الخضر و الفواكه و اهرسيهم مليح و مديلو
وابداي نقسيلو شوية من الحليب في النهار و عوديه على الاكل
و القاطو استناي الشهر الجاي وابداي مديلو كيما قالت روز بيمو مهروس بشوية ماء او حليب
ربي يحفضهولك و يتربى في عزكم
 
السلام عليكم

ربي يباركلك فيه ان شاء الله
اختي الغالية في عمر 6 اشهر ما تمديلوش لحليب او القاطو ..درك تعطيلو برك بويون تاع الخضر ويكون خفيف ماشي ثقيل
اي ديري الخضر * بطاطا..جزر وقرعة * تغلى ف الماء وكي ترحيها ديريلها شوية زيت الزيتون
وكي يكبر شوية في عمر 9 اشهر او 10 باش تبدايلو اللي قلتي عليه
وماتنسايش اعطيلو الماء يشرب وتقدري ف هاد لعمر تعطيلو بتيسويس طبيعي تان...وماتخلطيلوش بزاف
وربي يحفظهولك ان شاء الله​
 
سلام اختي
ربي يحفظلك وليدك و يطول في عمرو
بالنسبة للاكل كيما قالو الاخوات بداي بالخضار و الفواكه و العصير الطبيعي و الشهر 7 مديلو السمك تاني مع الخضار و الشهر 8 مديلو صدر الدجاج و الخضار و تاني اعطيلو البيمو مع حليبو و الشهر 9 بدايلو المعجنات كيما لي بات مع الطماطم وارحيهم
و مرة قريت ان التمر و الحليب مليح للطفل بصح نسيت ممكن تحوسي في قوقل على الوصفة و الحليب قصدي لي يستعملو ماشي اي حليب .و ماتنسايش الما سيرتو راهي السخانة
و ربي يوفقك و هكذا اول مولود نحيرو واش نمدولهم .
سلامي .
 
آخر تعديل:
السلام عليكم ورحمة الله وبركاته
بارك الله فيكم
انا والله بديتلو الماكلة على 3 اشهر ونص كيما كانو يديرو نسا بكرى
ومن بعد رحت للطبية اع نساء قاتلى ادا ياكلك وكليه بصح شوية برك ولا قدرتى اقطعيلو الماكلة ومديلو حليبك باسكو حليبك احسن
وقطعتلو ومديتلو حليبي حتى ولات عندو 5 اشهر وليت نمدلو ياكل على 10 فاكهة مرحية ولا عصير وعلى 12 نمدلو ياكل ومن بعد 5 اشهرونص وليت نزيدلو ندوقو فرماج كيري ولا بين صباعتيا تمر
ومن بعد كي شفتو ياكلى ماشاء الله قلت نديلو خبز وحليب ومن بعد قالولى لالا ديريلو قاطو وحليب
واليوم سييتلو حيب وقاطو كلا ماشاء الله
والله غير خفت
وزدت خفت كي قريت ردودكم
بارك الله فيكم​
 
آخر تعديل:
لالا ماتخافيش اختي كاين لي مايوكلوش اولادهم حتى لستة اشهر
وفي الغالب هادوم يخرجو مايحبو الماكلة بزاف و يطولو مايوالفو الاكل

مي نتي قصبتيلو شوية 3اشهر بديتيلو الماكلة بزاف عليه نورمالمون ثلاث اشهر تبداي تذوقي فيه برك نص ملعقة ولا زوج نتاع بيتيسويس ولا نص حبة فرماج قد مايذوق برك ويوالف الطعم وامبعد على 4اشهر تبداي توكلي فيه الياوورت وتعمليلو خضر مغلية مطحونة خفيفة يعني قد فنجان يكفيه المرة اللولة وامبعد تبداي تزيدلو بالشوي

انا حذرتك من حليب الشكارة لي قلتي نخلطولو مع البيمو راه مش صحي ويمرضو بعيد الشر عليه مليح لي سقسيتي قبل لتعطيهلو

المهم ماتكثريلوش وكمية الاكل زيديها بالشوية بالشوي
معددتو ياعمري عليه مازالت صغيرة غير بالشوي بالشوي
ربي يحفظولك
 
بارك الله فيك حنونة
مامديتلوش تاع لشكارة
مديتلو لحضة نيسبراي
والله اعلم اا مليحة ولا لالا ؟ظ
 
قال السلفية الصغيرة:
بارك الله فيك حنونة
مامديتلوش تاع لشكارة
مديتلو لحضة نيسبراي
والله اعلم اا مليحة ولا لالا ؟ظ
إضغط للتوسيع...


لالالا اختي
نتي ابنك راكي ترضعي فيه رضاعة طبيعية ولا لالا؟

واذا لالا أي حليب راكي تمديلو فيه يشربو؟
 
ايه نرضعو صدري
وكي مديتلو مقبيل الحليب والقاطو كلالى قيس 5 مغارف صغار ماحبيتش نكثرلو
 
مليييح طمنتيني
شوفي اختي لا نسبراي لا لحظة لا شكاير كل أنواع الحليب خطر على الطفل الرضيع
اذا حبيتي تزيديلو حليب أو حسيتي انو حليبك ماعادش كافي روحي للصيدلية قلو ابني عمرو 6اشهر راه هو يعطيك الحليب المناسب ليه

كاين حليب الصحة مليح بزاف وكاين حليبcélia dévlope اذا مازلني متفكرة ،، مليح للغازات

المهم حذاري من الحليب لي يشربوه الكبار كي تحتاجي روحي للفرماسي وهو يعطيك حليب ومن تمة تبعيهلو حتى يكبر كاين من شهر لثلاث اشهر كاين من ثلاث لستة اشهر و..الخ
ونتي خيري الحليب على حساب السن نتاع ابنك

اما اذا كنتي باش تعمليهلو مع القاطو برك ديريلو الماء دافي مع القاطو حتى يصير قوامه مليح ووكليهلو
لكني نحذرك عمرك ماتمديلو حليب بدون استشارة الطبيب ولا الصيدلي على الاقل
 
اوكي طمنتينى حبيبتى
بارك الله فيك وربي يناولك مافي بالك ان شاء الله ويرزقك ماتتمناي

ان شاء الله ندير بواش قلتيلي
يعطيك الصحة حنونة
 
ممكن تمديلو الحليب العادي مع القاطو يسموه كاس كروت لانه خفيف و ما فيه كريمة و لا دهون و من الافضل ما تكثريلوش
ربي يشدهولك
تحياتي ​
 
توقيع ام أمينة
تمت الاجابة
يغلق​
 
توقيع ام أمينة
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom